<p><strong>ಪ್ಯಾರಿಸ್:</strong> ಭಾರತದ ಅನುಭವಿ ಬಿಲ್ಗಾರ್ತಿ ದೀಪಿಕಾ ಕುಮಾರಿ ಅವರು ಬುಧವಾರ ಒಲಿಂಪಿಕ್ಸ್ನ ಮಹಿಳೆಯರ ವೈಯಕ್ತಿಕ ವಿಭಾಗದಲ್ಲಿ ಪ್ರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.</p>.<p>ನಾಲ್ಕನೇ ಬಾರಿ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸುತ್ತಿರುವ ದೀಪಿಕಾ ಅವರು ತಂಡ ವಿಭಾಗದ ಸ್ಪರ್ಧೆಯಲ್ಲಿ ನಿರಾಸೆ ಮೂಡಿಸಿದ್ದರು. ಆದರೆ, ವೈಯಕ್ತಿಕ ವಿಭಾಗದಲ್ಲಿ ಉತ್ತಮ ಪ್ರದರ್ಶನ ನೀಡಿ, ಸತತ ಎರಡು ಪಂದ್ಯಗಳನ್ನು ಗೆದ್ದುಕೊಂಡರು.</p>.<p>ವಿಶ್ವದ ಮಾಜಿ ಅಗ್ರಮಾನ್ಯ ಬಿಲ್ಗಾರ್ತಿಯಾಗಿರುವ ದೀಪಿಕಾ 6-5ರಿಂದ ಎಸ್ಟೋನಿಯಾದ ರೀನಾ ಪರ್ನಾಟ್ ವಿರುದ್ಧ ಶುಭಾರಂಭ ಮಾಡಿದರು. ಎರಡನೇ ಪಂದ್ಯದಲ್ಲಿ ಅವರು 6–2ರಿಂದ ನೆದರ್ಲೆಂಡ್ಸ್ನ ಕ್ವಿಂಟಿ ರೋಫೆನ್ ಅವರನ್ನು ಮಣಿಸಿದರು.</p>.<p>ಶನಿವಾರ ನಡೆಯಲಿರುವ ಪ್ರಿ ಕ್ವಾರ್ಟರ್ ಫೈನಲ್ನಲ್ಲಿ ದೀಪಿಕಾ ಅವರು ಜರ್ಮನಿಯ ಮಿಚೆಲ್ ಕ್ರೊಪ್ಪೆನ್ ಅವರನ್ನು ಎದುರಿಸಲಿದ್ದಾರೆ.</p>.<p>ಮೊದಲ ಪಂದ್ಯದ ಶೂಟ್ ಆಫ್ನಲ್ಲಿ ಫಲಿತಾಂಶವನ್ನು ನಿರ್ಧರಿಸುವ ಉಭಯ ಬಿಲ್ಗಾರ್ತಿಯರ ನಡುವೆ ನಿಕಟ ಪೈಪೋಟಿ ಏರ್ಪಟ್ಟಿತ್ತು. ದೀಪಿಕಾ ಮೊದಲ ಸೆಟ್ ಗೆದ್ದರೂ ನಂತರ 3–5ರಿಂದ ಹಿನ್ನಡೆಗೆ ಜಾರಿದ್ದರು. ಬಳಿಕ ಚೇತರಿಸಿಕೊಂಡ ಅವರು, ನಿಖರ ಗುರಿಯೊಂದಿಗೆ ಬಾಣಗಳನ್ನು ಪ್ರಯೋಗಿಸಿ ಗೆಲುವು ಸಾಧಿಸಿದರು.</p>.<p>ಎರಡನೇ ಪಂದ್ಯವನ್ನು ದೀಪಿಕಾ ನಿರಾಯಾಸವಾಗಿ ಗೆದ್ದುಕೊಂಡರು. ಎದುರಾಳಿಯು ಬಾಣ ಪ್ರಯೋಗಿಸುವಲ್ಲಿ ಆಗಾಗ ಎಡವಿದ್ದು, ಭಾರತದ ಆಟಗಾರ್ತಿಯ ಗೆಲುವಿಗೆ ನೆರವಾಯಿತು.</p><p><strong>ತರುಣ್ದೀಪ್ಗೆ ನಿರಾಸೆ</strong></p><p>ಭಾರತದ ಆರ್ಚರಿಪಟು ತರುಣದೀಪ್ ರಾಯ್ ಅವರು ಪುರುಷರ ವೈಯಕ್ತಿಕ ರಿಕರ್ವ್ ವಿಭಾಗದ 32ರ ಸುತ್ತಿನಲ್ಲಿ ಸೋತರು. ಬುಧವಾರ ನಡೆದ ಸ್ಪರ್ಧೆಯಲ್ಲಿ ತರುಣದೀಪ್ 4–6ರಿಂದ ಬ್ರಿಟನ್ನ ಟಾಮ್ ಹಾಲ್ ಅವರ ಎದುರು ಮಣಿದರು.</p><p>ನಿಕಟ ಪೈಪೋಟಿ ಇದ್ದ ಸ್ಪರ್ಧೆಯಲ್ಲಿ ಮೊದಲ ಸೆಟ್ 27 ಪಾಯಿಂಟ್ಗಳಿಂದ ಟೈ ಆಯಿತು. ಎರಡನೇ ಸೆಟ್ನಲ್ಲಿ ಟಾಮ್ ಹಾಲ್ ಅವರು ಒಂದು ಪಾಯಿಂಟ್ ಅಂತರದಿಂದ ಗೆಲುವು ಒಲಿಸಿಕೊಂಡರು.</p><p>ಮೂರನೇ ಸೆಟ್ನಲ್ಲಿ ಪುಟಿದೆದ್ದ ತರುಣದೀಪ್ 28–25ರ ಮುನ್ನಡೆ ಸಾಧಿ ಸಿದರು. ನಂತರದ ಸೆಟ್ನಲ್ಲಿ ಟಾಮ್ ಹಾಲ್ 29–28ರಿಂದ ಗೆದ್ದರು. ಐದನೇ ಮತ್ತು ನಿರ್ಣಾಯಕ ಸೆಟ್ನಲ್ಲಿ ಉಭಯ ಆರ್ಚರ್ಗಳು 29 ಅಂಕ ಗಳಿಸಿದರು. ಇದರೊಂದಿಗೆ ಹಾಲ್ ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್:</strong> ಭಾರತದ ಅನುಭವಿ ಬಿಲ್ಗಾರ್ತಿ ದೀಪಿಕಾ ಕುಮಾರಿ ಅವರು ಬುಧವಾರ ಒಲಿಂಪಿಕ್ಸ್ನ ಮಹಿಳೆಯರ ವೈಯಕ್ತಿಕ ವಿಭಾಗದಲ್ಲಿ ಪ್ರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.</p>.<p>ನಾಲ್ಕನೇ ಬಾರಿ ಒಲಿಂಪಿಕ್ಸ್ನಲ್ಲಿ ಸ್ಪರ್ಧಿಸುತ್ತಿರುವ ದೀಪಿಕಾ ಅವರು ತಂಡ ವಿಭಾಗದ ಸ್ಪರ್ಧೆಯಲ್ಲಿ ನಿರಾಸೆ ಮೂಡಿಸಿದ್ದರು. ಆದರೆ, ವೈಯಕ್ತಿಕ ವಿಭಾಗದಲ್ಲಿ ಉತ್ತಮ ಪ್ರದರ್ಶನ ನೀಡಿ, ಸತತ ಎರಡು ಪಂದ್ಯಗಳನ್ನು ಗೆದ್ದುಕೊಂಡರು.</p>.<p>ವಿಶ್ವದ ಮಾಜಿ ಅಗ್ರಮಾನ್ಯ ಬಿಲ್ಗಾರ್ತಿಯಾಗಿರುವ ದೀಪಿಕಾ 6-5ರಿಂದ ಎಸ್ಟೋನಿಯಾದ ರೀನಾ ಪರ್ನಾಟ್ ವಿರುದ್ಧ ಶುಭಾರಂಭ ಮಾಡಿದರು. ಎರಡನೇ ಪಂದ್ಯದಲ್ಲಿ ಅವರು 6–2ರಿಂದ ನೆದರ್ಲೆಂಡ್ಸ್ನ ಕ್ವಿಂಟಿ ರೋಫೆನ್ ಅವರನ್ನು ಮಣಿಸಿದರು.</p>.<p>ಶನಿವಾರ ನಡೆಯಲಿರುವ ಪ್ರಿ ಕ್ವಾರ್ಟರ್ ಫೈನಲ್ನಲ್ಲಿ ದೀಪಿಕಾ ಅವರು ಜರ್ಮನಿಯ ಮಿಚೆಲ್ ಕ್ರೊಪ್ಪೆನ್ ಅವರನ್ನು ಎದುರಿಸಲಿದ್ದಾರೆ.</p>.<p>ಮೊದಲ ಪಂದ್ಯದ ಶೂಟ್ ಆಫ್ನಲ್ಲಿ ಫಲಿತಾಂಶವನ್ನು ನಿರ್ಧರಿಸುವ ಉಭಯ ಬಿಲ್ಗಾರ್ತಿಯರ ನಡುವೆ ನಿಕಟ ಪೈಪೋಟಿ ಏರ್ಪಟ್ಟಿತ್ತು. ದೀಪಿಕಾ ಮೊದಲ ಸೆಟ್ ಗೆದ್ದರೂ ನಂತರ 3–5ರಿಂದ ಹಿನ್ನಡೆಗೆ ಜಾರಿದ್ದರು. ಬಳಿಕ ಚೇತರಿಸಿಕೊಂಡ ಅವರು, ನಿಖರ ಗುರಿಯೊಂದಿಗೆ ಬಾಣಗಳನ್ನು ಪ್ರಯೋಗಿಸಿ ಗೆಲುವು ಸಾಧಿಸಿದರು.</p>.<p>ಎರಡನೇ ಪಂದ್ಯವನ್ನು ದೀಪಿಕಾ ನಿರಾಯಾಸವಾಗಿ ಗೆದ್ದುಕೊಂಡರು. ಎದುರಾಳಿಯು ಬಾಣ ಪ್ರಯೋಗಿಸುವಲ್ಲಿ ಆಗಾಗ ಎಡವಿದ್ದು, ಭಾರತದ ಆಟಗಾರ್ತಿಯ ಗೆಲುವಿಗೆ ನೆರವಾಯಿತು.</p><p><strong>ತರುಣ್ದೀಪ್ಗೆ ನಿರಾಸೆ</strong></p><p>ಭಾರತದ ಆರ್ಚರಿಪಟು ತರುಣದೀಪ್ ರಾಯ್ ಅವರು ಪುರುಷರ ವೈಯಕ್ತಿಕ ರಿಕರ್ವ್ ವಿಭಾಗದ 32ರ ಸುತ್ತಿನಲ್ಲಿ ಸೋತರು. ಬುಧವಾರ ನಡೆದ ಸ್ಪರ್ಧೆಯಲ್ಲಿ ತರುಣದೀಪ್ 4–6ರಿಂದ ಬ್ರಿಟನ್ನ ಟಾಮ್ ಹಾಲ್ ಅವರ ಎದುರು ಮಣಿದರು.</p><p>ನಿಕಟ ಪೈಪೋಟಿ ಇದ್ದ ಸ್ಪರ್ಧೆಯಲ್ಲಿ ಮೊದಲ ಸೆಟ್ 27 ಪಾಯಿಂಟ್ಗಳಿಂದ ಟೈ ಆಯಿತು. ಎರಡನೇ ಸೆಟ್ನಲ್ಲಿ ಟಾಮ್ ಹಾಲ್ ಅವರು ಒಂದು ಪಾಯಿಂಟ್ ಅಂತರದಿಂದ ಗೆಲುವು ಒಲಿಸಿಕೊಂಡರು.</p><p>ಮೂರನೇ ಸೆಟ್ನಲ್ಲಿ ಪುಟಿದೆದ್ದ ತರುಣದೀಪ್ 28–25ರ ಮುನ್ನಡೆ ಸಾಧಿ ಸಿದರು. ನಂತರದ ಸೆಟ್ನಲ್ಲಿ ಟಾಮ್ ಹಾಲ್ 29–28ರಿಂದ ಗೆದ್ದರು. ಐದನೇ ಮತ್ತು ನಿರ್ಣಾಯಕ ಸೆಟ್ನಲ್ಲಿ ಉಭಯ ಆರ್ಚರ್ಗಳು 29 ಅಂಕ ಗಳಿಸಿದರು. ಇದರೊಂದಿಗೆ ಹಾಲ್ ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
