ಚೀನಾ ತಂಡ ಇನ್ನೊಂದು ಸೆಮಿಫೈನಲ್‌ನಲ್ಲಿ ಪ್ರಬಲ ಪಾಕಿಸ್ತಾನ ತಂಡವನ್ನು ಪೆನಾಲ್ಟಿ ಶೂಟೌಟ್‌ನಲ್ಲಿ 2–0 ಗೋಲುಗಳಿಂದ ಪಾಕಿಸ್ತಾನ ತಂಡವನ್ನು ಸೋಲಿಸಿ ಮೊದಲ ಬಾರಿ ಈ ಟೂರ್ನಿಯ ಫೈನಲ್‌ಗೆ ಲಗ್ಗೆಯಿಟ್ಟಿತು. ನಿಗದಿ ವೇಳೆಯ ಆಟದ ಕೊನೆಗೆ ಸ್ಕೋರ್‌ 1–1 ಸಮನಾಗಿತ್ತು. ಪಂದ್ಯದ 18ನೇ ನಿಮಿಷ ಲು ಯುವಾನ್‌ಲಿನ್ ಚೀನಾಕ್ಕೆ ಮುನ್ನಡೆ ಒದಗಿಸಿದರು. ಅಹ್ಮದ್ ನದೀಮ್‌ ಮೂರನೇ ಕ್ವಾರ್ಟರ್‌ನಲ್ಲಿ (37ನೇ ನಿಮಿಷ) ಗೋಲು ಗಳಿಸಿ ಸಮ ಮಾಡಿದರು. ನಂತರ ಚೀನಾ ಎದುರಾಳಿ ಫಾರ್ವರ್ಡ್‌ ಆಟಗಾರರಿಗೆ ಸರ್ಪಗಾಲು ಹಾಕಿ ಮತ್ತಷ್ಟು ಗೋಲು ಗಳಿಸದಂತೆ ನೋಡಿಕೊಳ್ಳುವಲ್ಲಿ ಯಶಸ್ವಿಯಾಯಿತು.
