<p><strong>ಅಲ್ಮಾತಿ, ಕಜಕಸ್ತಾನ: </strong>ಭಾರತದ ಮಹಿಳಾ ಇಂಟರ್ನ್ಯಾಷನಲ್ ಮಾಸ್ಟರ್ ಬಿ.ಸವಿತಾ ಶ್ರೀ ಅವರು ಇಲ್ಲಿ ನಡೆದ ಫಿಡೆ ಮಹಿಳೆಯರ ವಿಶ್ವ ರ್ಯಾಪಿಡ್ ಚೆಸ್ ಚಾಂಪಿಯನ್ಷಿಪ್ನಲ್ಲಿ ಕಂಚಿನ ಪದಕ ಗೆದ್ದುಕೊಂಡರು.</p>.<p>15 ವರ್ಷದ ಸವಿತಾ ಅವರು 11 ಸುತ್ತುಗಳಲ್ಲಿ ಒಟ್ಟು ಎಂಟು ಪಾಯಿಂಟ್ಸ್ ಸಂಗ್ರಹಿಸಿ ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡರು. ಎಂಟು ಸುತ್ತುಗಳ ಬಳಿಕ ಸವಿತಾ 6.5 ಪಾಯಿಂಟ್ಸ್ಗಳನ್ನು ಹೊಂದಿದ್ದರು. ಕೊನೆಯ ಮೂರು ಸುತ್ತುಗಳಲ್ಲಿ 1.5 ಪಾಯಿಂಟ್ಸ್ ಸಂಗ್ರಹಿಸಿದರು.</p>.<p>ಒಂಬತ್ತನೇ ಸುತ್ತಿನಲ್ಲಿ ಕಜಕಸ್ತಾನದ ಜನ್ಸಯ ಅಬ್ದುಮಲಿಕ್ ಎದುರು ಸೋತದ್ದು ಸವಿತಾ ಅವರಿಗೆ ಮುಳುವಾಗಿ ಪರಿಣಮಿಸಿತು. ಇಲ್ಲದಿದ್ದರೆ ಚಿನ್ನ ಅಥವಾ ಬೆಳ್ಳಿ ಗೆಲ್ಲುವ ಅವಕಾಶವಿತ್ತು.</p>.<p>ಇಲ್ಲಿ 36ನೇ ಶ್ರೇಯಾಂಕ ಪಡೆದಿದ್ದ ಭಾರತದ ಆಟಗಾರ್ತಿ 10ನೇ ಸುತ್ತಿನಲ್ಲಿ ಸಿಂಗಪುರದ ಕ್ವಿಯಾನ್ಯುನ್ ಗಾಂಗ್ ಅವರನ್ನು ಮಣಿಸಿದರೆ, ಕೊನೆಯ ಸುತ್ತಿನಲ್ಲಿ ಕಜಕಸ್ತಾನದ ದಿನಾರಾ ಸದುವಕಸೊವಾ ವಿರುದ್ಧ ಗೆದ್ದರು.</p>.<p>ಏಷ್ಯನ್ ಕ್ರೀಡಾಕೂಟದ ಚಿನ್ನದ ಪದಕ ವಿಜೇತೆ ಕೊನೇರು ಹಂಪಿ ಅವರು ಆರನೇ ಸ್ಥಾನ ಗಳಿಸಿದರು.</p>.<p>ಸವಿತಾ, ಹಂಪಿ ಮತ್ತು ಇತರ ಇಬ್ಬರು ಸ್ಪರ್ಧಿಗಳು ತಲಾ ಎಂಟು ಪಾಯಿಂಟ್ಸ್ ಗಳಿಸಿದ್ದರು. ‘ಟೈಬ್ರೇಕ್’ ಸ್ಕೋರ್ ಅಳವಡಿಸಿದಾಗ ಸವಿತಾ ಅವರು ಇತರರನ್ನು ಹಿಂದಿಕ್ಕಿ ಕಂಚು ತಮ್ಮದಾಗಿಸಿಕೊಂಡರು.</p>.<p>ಮಂಗಳವಾರ ಅಮೋಘ ಪ್ರದರ್ಶನ ನೀಡಿದ್ದ ಅವರು ತಾವಾಡಿದ್ದ ನಾಲ್ಕೂ ಪಂದ್ಯಗಳನ್ನು ಗೆದ್ದಿದ್ದರು. ಚೀನಾದ ತಾನ್ ಜೊಂಗ್ಯಿ ಚಿನ್ನ ಜಯಿಸಿದರು. ಅವರು ‘ಪ್ಲೇ ಆಫ್’ ನಲ್ಲಿ ಸದುವಕಸೊವಾ ವಿರುದ್ದ ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಲ್ಮಾತಿ, ಕಜಕಸ್ತಾನ: </strong>ಭಾರತದ ಮಹಿಳಾ ಇಂಟರ್ನ್ಯಾಷನಲ್ ಮಾಸ್ಟರ್ ಬಿ.ಸವಿತಾ ಶ್ರೀ ಅವರು ಇಲ್ಲಿ ನಡೆದ ಫಿಡೆ ಮಹಿಳೆಯರ ವಿಶ್ವ ರ್ಯಾಪಿಡ್ ಚೆಸ್ ಚಾಂಪಿಯನ್ಷಿಪ್ನಲ್ಲಿ ಕಂಚಿನ ಪದಕ ಗೆದ್ದುಕೊಂಡರು.</p>.<p>15 ವರ್ಷದ ಸವಿತಾ ಅವರು 11 ಸುತ್ತುಗಳಲ್ಲಿ ಒಟ್ಟು ಎಂಟು ಪಾಯಿಂಟ್ಸ್ ಸಂಗ್ರಹಿಸಿ ಮೂರನೇ ಸ್ಥಾನ ತಮ್ಮದಾಗಿಸಿಕೊಂಡರು. ಎಂಟು ಸುತ್ತುಗಳ ಬಳಿಕ ಸವಿತಾ 6.5 ಪಾಯಿಂಟ್ಸ್ಗಳನ್ನು ಹೊಂದಿದ್ದರು. ಕೊನೆಯ ಮೂರು ಸುತ್ತುಗಳಲ್ಲಿ 1.5 ಪಾಯಿಂಟ್ಸ್ ಸಂಗ್ರಹಿಸಿದರು.</p>.<p>ಒಂಬತ್ತನೇ ಸುತ್ತಿನಲ್ಲಿ ಕಜಕಸ್ತಾನದ ಜನ್ಸಯ ಅಬ್ದುಮಲಿಕ್ ಎದುರು ಸೋತದ್ದು ಸವಿತಾ ಅವರಿಗೆ ಮುಳುವಾಗಿ ಪರಿಣಮಿಸಿತು. ಇಲ್ಲದಿದ್ದರೆ ಚಿನ್ನ ಅಥವಾ ಬೆಳ್ಳಿ ಗೆಲ್ಲುವ ಅವಕಾಶವಿತ್ತು.</p>.<p>ಇಲ್ಲಿ 36ನೇ ಶ್ರೇಯಾಂಕ ಪಡೆದಿದ್ದ ಭಾರತದ ಆಟಗಾರ್ತಿ 10ನೇ ಸುತ್ತಿನಲ್ಲಿ ಸಿಂಗಪುರದ ಕ್ವಿಯಾನ್ಯುನ್ ಗಾಂಗ್ ಅವರನ್ನು ಮಣಿಸಿದರೆ, ಕೊನೆಯ ಸುತ್ತಿನಲ್ಲಿ ಕಜಕಸ್ತಾನದ ದಿನಾರಾ ಸದುವಕಸೊವಾ ವಿರುದ್ಧ ಗೆದ್ದರು.</p>.<p>ಏಷ್ಯನ್ ಕ್ರೀಡಾಕೂಟದ ಚಿನ್ನದ ಪದಕ ವಿಜೇತೆ ಕೊನೇರು ಹಂಪಿ ಅವರು ಆರನೇ ಸ್ಥಾನ ಗಳಿಸಿದರು.</p>.<p>ಸವಿತಾ, ಹಂಪಿ ಮತ್ತು ಇತರ ಇಬ್ಬರು ಸ್ಪರ್ಧಿಗಳು ತಲಾ ಎಂಟು ಪಾಯಿಂಟ್ಸ್ ಗಳಿಸಿದ್ದರು. ‘ಟೈಬ್ರೇಕ್’ ಸ್ಕೋರ್ ಅಳವಡಿಸಿದಾಗ ಸವಿತಾ ಅವರು ಇತರರನ್ನು ಹಿಂದಿಕ್ಕಿ ಕಂಚು ತಮ್ಮದಾಗಿಸಿಕೊಂಡರು.</p>.<p>ಮಂಗಳವಾರ ಅಮೋಘ ಪ್ರದರ್ಶನ ನೀಡಿದ್ದ ಅವರು ತಾವಾಡಿದ್ದ ನಾಲ್ಕೂ ಪಂದ್ಯಗಳನ್ನು ಗೆದ್ದಿದ್ದರು. ಚೀನಾದ ತಾನ್ ಜೊಂಗ್ಯಿ ಚಿನ್ನ ಜಯಿಸಿದರು. ಅವರು ‘ಪ್ಲೇ ಆಫ್’ ನಲ್ಲಿ ಸದುವಕಸೊವಾ ವಿರುದ್ದ ಗೆದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
