<p><strong>ನವದೆಹಲಿ: </strong>ಕಾಮನ್ವೆಲ್ತ್ ಕ್ರೀಡೆಗಳಿಂದ ಶೂಟಿಂಗ್ ಕ್ರೀಡೆಯನ್ನು ಕೈಬಿಟ್ಟಿರುವುದನ್ನು ಪ್ರತಿಭಟಿಸಿ 2022ರ ಬರ್ಮಿಂಗ್ಹ್ಯಾಮ್ ಕೂಟಕ್ಕೆ ಬಹಿಷ್ಕಾರದ ಬೆದರಿಕೆ ಹಾಕಿದ್ದ ಭಾರತ ಆ ನಿರ್ಧಾರದಿಂದ ಹಿಂದೆಸರಿದಿರುವುದಾಗಿ ಸೋಮವಾರ ತಿಳಿಸಿದೆ. ಜೊತೆಗೆ 2026 ಅಥವಾ 2030ರ ಕ್ರೀಡೆಗಳ ಆತಿಥ್ಯ ವಹಿಸಲು ಬಿಡ್ ಸಲ್ಲಿಸುವುದಾಗಿಯೂ ಹೇಳಿದೆ.</p>.<p>ಬರ್ಮಿಂಗ್ಹ್ಯಾಮ್ ಕ್ರೀಡೆಗಳ ಆರಂಭಕ್ಕೆ ಮೊದಲು ಕಾಮನ್ವೆಲ್ತ್ ಶೂಟಿಂಗ್ ಚಾಂಪಿಯನ್ಷಿಪ್ನ ಆತಿಥ್ಯಕ್ಕಾಗಿ ಪ್ರಸ್ತಾವ ಸಲ್ಲಿಸಲೂ ಐಒಎ ವಾರ್ಷಿಕ ಮಹಾಸಭೆಯಲ್ಲಿ ನಿರ್ಧರಿಸಲಾಯಿತು.ಕಾಮನ್ವೆಲ್ತ್ ಕ್ರೀಡೆಗಳ ಫೆಡರೇಷನ್ (ಸಿಜಿಎಫ್) ಭಾರತಕ್ಕೆ ಇಂಥ ಸಲಹೆ ನೀಡಿತ್ತು.</p>.<p>2022ರ ಕ್ರೀಡೆಗಳಿಂದ ಶೂಟಿಂಗ್ ಕೈಬಿಟ್ಟಿರುವುದರಿಂದ ಆಗಿರುವ ನಷ್ಟ ತುಂಬಿಸಲು ಈ ರೀತಿಯ ಪ್ರತ್ಯೇಕ ಸ್ಪರ್ಧೆ ಆಯೋಜಿಸುವಂತೆ ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಶೂಟಿಂಗ್ ಸಂಸ್ಥೆಗಳು ಸಲಹೆ ನೀಡಿದ್ದವು.</p>.<p>‘ಬರ್ಮಿಂಗ್ಹ್ಯಾಮ್ ಕಾಮನ್ವೆಲ್ತ್ ಕ್ರೀಡೆಗಳಿಂದ ಹಿಂದೆಸರಿಯುವ ನಮ್ಮ ನಿರ್ಧಾರವನ್ನು ಕೈಬಿಡಲು ಐಒಎ ಮಹಾಸಭೆಯಲ್ಲಿ ನಿರ್ಧರಿಸಲಾಯಿತು. 2022ರ ಕ್ರೀಡೆಗಳಿಂದ ಭಾರತ ತನ್ನ ತಂಡವನ್ನು ಕಳುಹಿಸಲಿದೆ’ ಎಂದು ಐಒಎ ಮಹಾ ಕಾರ್ಯದರ್ಶಿ ರಾಜೀವ್ ಮೆಹ್ತಾ ಅವರು ಸಭೆಯ ನಂತರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.</p>.<p>ಕಾಮನ್ವೆಲ್ತ್ ಕ್ರೀಡೆಗಳಲ್ಲಿ ಭಾಗವಹಿಸುವ ಭಾರತದ ನಿರ್ಧಾರವನ್ನು ಸಿಜಿಎಫ್ ಅಧ್ಯಕ್ಷ ಡೇಮ್ ಲೂಯಿಸ್ ಮಾರ್ಟಿನ್ ಸ್ವಾಗತಿಸಿದ್ದಾರೆ.</p>.<p>‘ಭಾರತದ ನಿರ್ಧಾರದಿಂದ ಸಿಜಿಎಫ್ ಮತ್ತು ಕಾಮನ್ವೆಲ್ತ್ ಕ್ರೀಡಾ ಆಂದೋಲನಕ್ಕೆ ಸಂತಸವಾಗಿದೆ’ ಎಂದು ಅವರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.</p>.<p>‘2026 ಅಥವಾ 2030ರ ಕ್ರೀಡೆಗಳ ಆತಿಥ್ಯಕ್ಕೆ ಭಾರತ ಪ್ರಯತ್ನಿಸಲಿದೆ. ಇದಕ್ಕೆ ಅನುಮತಿ ನೀಡಲು ಸರ್ಕಾರಕ್ಕೆ ಮನವಿ ಮಾಡುತ್ತೇವೆ’ ಎಂದು ಮೆಹ್ತಾ ಹೇಳಿದರು. ಈ ಸಂದರ್ಭದಲ್ಲಿ ಐಒಎ ಮುಖ್ಯಸ್ಥ ನರೀಂದರ್ ಬಾತ್ರಾ ಅವರೂ ಇದ್ದರು.</p>.<p>ಭಾರತ 2010ರಲ್ಲಿ ಕೊನೆಯ ಬಾರಿ ಕ್ರೀಡೆಗಳ ಆತಿಥ್ಯ ವಹಿಸಿತ್ತು. ಆದರೆ ಕಾಮಗಾರಿ, ಗುತ್ತಿಗೆ ಹಗರಣಗಳು ಇದಕ್ಕೆ ಕಪ್ಪುಚುಕ್ಕೆಯಾಗಿದ್ದವು. ನವದೆಹಲಿಯಲ್ಲಿ ಕ್ರೀಡೆಗಳು ನಡೆದಿದ್ದವು.</p>.<p>ಗೋಲ್ಡ್ ಕೋಸ್ಟ್ (ಆಸ್ಟ್ರೇಲಿಯಾ)ನಲ್ಲಿ ನಡೆದ 2018ರ ಕ್ರೀಡೆಗಳಲ್ಲಿ ಭಾರತ ಗೆದ್ದ 66 ಪದಕಗಳಲ್ಲಿ ಹೆಚ್ಚಿನ ಪಾಲು ಶೂಟಿಂಗ್ ವಿಭಾಗವೊಂದರಿಂದಲೇ (16 ಪದಕ) ಬಂದಿತ್ತು. ಶೂಟಿಂಗ್ ಕೈಬಿಟ್ಟಿದ್ದು ಸಹಜವಾಗಿ ಐಒಎ ಅಸಮಾಧಾನಕ್ಕೆ ಕಾರಣವಾಗಿತ್ತು.</p>.<p>ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ 2023ರ ಮಹಾಧಿವೇಶನವನ್ನು ಮುಂಬೈನಲ್ಲಿ ನಡೆಸಲು ಐಒಎ ಆಸಕ್ತಿ ವಹಿಸಿದ್ದು, ಇದಕ್ಕಾಗಿ ಅಂತಿಮ ಬಿಡ್ ಸಲ್ಲಿಸಲಿದೆ ಎಂದು ಅವರು ಹೇಳಿದರು.</p>.<p>2020ರ ರಾಷ್ಟ್ರೀಯ ಕ್ರೀಡೆಗಳನ್ನು ಅಕ್ಟೋಬರ್ 20ರಿಂದ ನವೆಂಬರ್ 4ರವರೆಗೆ ಗೋವಾದಲ್ಲಿ ನಡೆಸಲು ಭಾರತ ಒಲಿಂಪಿಕ್ ಸಂಸ್ಥೆಯ ಸಭೆಯಲ್ಲಿ ಒಪ್ಪಿಗೆ ನೀಡಲಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ಕಾಮನ್ವೆಲ್ತ್ ಕ್ರೀಡೆಗಳಿಂದ ಶೂಟಿಂಗ್ ಕ್ರೀಡೆಯನ್ನು ಕೈಬಿಟ್ಟಿರುವುದನ್ನು ಪ್ರತಿಭಟಿಸಿ 2022ರ ಬರ್ಮಿಂಗ್ಹ್ಯಾಮ್ ಕೂಟಕ್ಕೆ ಬಹಿಷ್ಕಾರದ ಬೆದರಿಕೆ ಹಾಕಿದ್ದ ಭಾರತ ಆ ನಿರ್ಧಾರದಿಂದ ಹಿಂದೆಸರಿದಿರುವುದಾಗಿ ಸೋಮವಾರ ತಿಳಿಸಿದೆ. ಜೊತೆಗೆ 2026 ಅಥವಾ 2030ರ ಕ್ರೀಡೆಗಳ ಆತಿಥ್ಯ ವಹಿಸಲು ಬಿಡ್ ಸಲ್ಲಿಸುವುದಾಗಿಯೂ ಹೇಳಿದೆ.</p>.<p>ಬರ್ಮಿಂಗ್ಹ್ಯಾಮ್ ಕ್ರೀಡೆಗಳ ಆರಂಭಕ್ಕೆ ಮೊದಲು ಕಾಮನ್ವೆಲ್ತ್ ಶೂಟಿಂಗ್ ಚಾಂಪಿಯನ್ಷಿಪ್ನ ಆತಿಥ್ಯಕ್ಕಾಗಿ ಪ್ರಸ್ತಾವ ಸಲ್ಲಿಸಲೂ ಐಒಎ ವಾರ್ಷಿಕ ಮಹಾಸಭೆಯಲ್ಲಿ ನಿರ್ಧರಿಸಲಾಯಿತು.ಕಾಮನ್ವೆಲ್ತ್ ಕ್ರೀಡೆಗಳ ಫೆಡರೇಷನ್ (ಸಿಜಿಎಫ್) ಭಾರತಕ್ಕೆ ಇಂಥ ಸಲಹೆ ನೀಡಿತ್ತು.</p>.<p>2022ರ ಕ್ರೀಡೆಗಳಿಂದ ಶೂಟಿಂಗ್ ಕೈಬಿಟ್ಟಿರುವುದರಿಂದ ಆಗಿರುವ ನಷ್ಟ ತುಂಬಿಸಲು ಈ ರೀತಿಯ ಪ್ರತ್ಯೇಕ ಸ್ಪರ್ಧೆ ಆಯೋಜಿಸುವಂತೆ ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಶೂಟಿಂಗ್ ಸಂಸ್ಥೆಗಳು ಸಲಹೆ ನೀಡಿದ್ದವು.</p>.<p>‘ಬರ್ಮಿಂಗ್ಹ್ಯಾಮ್ ಕಾಮನ್ವೆಲ್ತ್ ಕ್ರೀಡೆಗಳಿಂದ ಹಿಂದೆಸರಿಯುವ ನಮ್ಮ ನಿರ್ಧಾರವನ್ನು ಕೈಬಿಡಲು ಐಒಎ ಮಹಾಸಭೆಯಲ್ಲಿ ನಿರ್ಧರಿಸಲಾಯಿತು. 2022ರ ಕ್ರೀಡೆಗಳಿಂದ ಭಾರತ ತನ್ನ ತಂಡವನ್ನು ಕಳುಹಿಸಲಿದೆ’ ಎಂದು ಐಒಎ ಮಹಾ ಕಾರ್ಯದರ್ಶಿ ರಾಜೀವ್ ಮೆಹ್ತಾ ಅವರು ಸಭೆಯ ನಂತರ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದರು.</p>.<p>ಕಾಮನ್ವೆಲ್ತ್ ಕ್ರೀಡೆಗಳಲ್ಲಿ ಭಾಗವಹಿಸುವ ಭಾರತದ ನಿರ್ಧಾರವನ್ನು ಸಿಜಿಎಫ್ ಅಧ್ಯಕ್ಷ ಡೇಮ್ ಲೂಯಿಸ್ ಮಾರ್ಟಿನ್ ಸ್ವಾಗತಿಸಿದ್ದಾರೆ.</p>.<p>‘ಭಾರತದ ನಿರ್ಧಾರದಿಂದ ಸಿಜಿಎಫ್ ಮತ್ತು ಕಾಮನ್ವೆಲ್ತ್ ಕ್ರೀಡಾ ಆಂದೋಲನಕ್ಕೆ ಸಂತಸವಾಗಿದೆ’ ಎಂದು ಅವರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.</p>.<p>‘2026 ಅಥವಾ 2030ರ ಕ್ರೀಡೆಗಳ ಆತಿಥ್ಯಕ್ಕೆ ಭಾರತ ಪ್ರಯತ್ನಿಸಲಿದೆ. ಇದಕ್ಕೆ ಅನುಮತಿ ನೀಡಲು ಸರ್ಕಾರಕ್ಕೆ ಮನವಿ ಮಾಡುತ್ತೇವೆ’ ಎಂದು ಮೆಹ್ತಾ ಹೇಳಿದರು. ಈ ಸಂದರ್ಭದಲ್ಲಿ ಐಒಎ ಮುಖ್ಯಸ್ಥ ನರೀಂದರ್ ಬಾತ್ರಾ ಅವರೂ ಇದ್ದರು.</p>.<p>ಭಾರತ 2010ರಲ್ಲಿ ಕೊನೆಯ ಬಾರಿ ಕ್ರೀಡೆಗಳ ಆತಿಥ್ಯ ವಹಿಸಿತ್ತು. ಆದರೆ ಕಾಮಗಾರಿ, ಗುತ್ತಿಗೆ ಹಗರಣಗಳು ಇದಕ್ಕೆ ಕಪ್ಪುಚುಕ್ಕೆಯಾಗಿದ್ದವು. ನವದೆಹಲಿಯಲ್ಲಿ ಕ್ರೀಡೆಗಳು ನಡೆದಿದ್ದವು.</p>.<p>ಗೋಲ್ಡ್ ಕೋಸ್ಟ್ (ಆಸ್ಟ್ರೇಲಿಯಾ)ನಲ್ಲಿ ನಡೆದ 2018ರ ಕ್ರೀಡೆಗಳಲ್ಲಿ ಭಾರತ ಗೆದ್ದ 66 ಪದಕಗಳಲ್ಲಿ ಹೆಚ್ಚಿನ ಪಾಲು ಶೂಟಿಂಗ್ ವಿಭಾಗವೊಂದರಿಂದಲೇ (16 ಪದಕ) ಬಂದಿತ್ತು. ಶೂಟಿಂಗ್ ಕೈಬಿಟ್ಟಿದ್ದು ಸಹಜವಾಗಿ ಐಒಎ ಅಸಮಾಧಾನಕ್ಕೆ ಕಾರಣವಾಗಿತ್ತು.</p>.<p>ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ 2023ರ ಮಹಾಧಿವೇಶನವನ್ನು ಮುಂಬೈನಲ್ಲಿ ನಡೆಸಲು ಐಒಎ ಆಸಕ್ತಿ ವಹಿಸಿದ್ದು, ಇದಕ್ಕಾಗಿ ಅಂತಿಮ ಬಿಡ್ ಸಲ್ಲಿಸಲಿದೆ ಎಂದು ಅವರು ಹೇಳಿದರು.</p>.<p>2020ರ ರಾಷ್ಟ್ರೀಯ ಕ್ರೀಡೆಗಳನ್ನು ಅಕ್ಟೋಬರ್ 20ರಿಂದ ನವೆಂಬರ್ 4ರವರೆಗೆ ಗೋವಾದಲ್ಲಿ ನಡೆಸಲು ಭಾರತ ಒಲಿಂಪಿಕ್ ಸಂಸ್ಥೆಯ ಸಭೆಯಲ್ಲಿ ಒಪ್ಪಿಗೆ ನೀಡಲಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
