ಬಾಕ್ಸಿಂಗ್‌: ವಿಜಯದ ಓಟ ಮುಂದುವರಿಸಿದ ವಿಜೇಂದರ್‌

ದುಬೈ : ಭಾರತದ ವಿಜೇಂದರ್ ಸಿಂಗ್ ಅವರು ವೃತ್ತಿಪರ ಬಾಕ್ಸಿಂಗ್ನಲ್ಲಿ ವಿಜಯದ ಓಟ ಮುಂದುವರಿಸಿದ್ದಾರೆ.

. ಶುಕ್ರವಾರ ರಾತ್ರಿ ನಡೆದ ಎಂಟು ಸುತ್ತುಗಳ ಹಣಾಹಣಿಯಲ್ಲಿ ವಿಜೇಂದರ್ ಅವರು ಘಾನಾದ ಚಾರ್ಲಸ್ ಅಡಮು ಅವರನ್ನು ಮಣಿಸಿದರು. ಇದರೊಂದಿಗೆ ವೃತ್ತಿಪರ ಬಾಕ್ಸಿಂಗ್ನಲ್ಲಿ ಆಡಿದ 12 ಪಂದ್ಯಗಳನ್ನೂ ಗೆದ್ದ ಸಾಧನೆ ಮಾಡಿದರು.

. ಒಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಜಯಿಸಿದ ಹೆಗ್ಗಳಿಕೆ ಹೊಂದಿರುವ 34 ವರ್ಷ ವಯಸ್ಸಿನ ವಿಜೇಂದರ್, ಈ ಹಿಂದೆ ಡಬ್ಲ್ಯುಬಿಒ ಏಷ್ಯಾ ಪೆಸಿಫಿಕ್ ಮತ್ತು ಓರಿಯೆಂಟಲ್ ಸೂಪರ್ ಮಿಡಲ್ವೇಟ್ ಕಿರೀಟಗಳನ್ನು ಮುಡಿಗೇರಿಸಿಕೊಂಡಿದ್ದರು.

. 42 ವರ್ಷ ವಯಸ್ಸಿನ ಅಡಮು ವಿರುದ್ಧದ ಹೋರಾಟದ ಶುರುವಿನಿಂದಲೇ ಭಾರತದ ಬಾಕ್ಸರ್ ಆಕ್ರಮಣಕಾರಿಯಾಗಿ ಆಡಿದರು. ವಿಜೇಂದರ್ ಅವರು ಬಲಗೈಯಿಂದ ಮಾಡುತ್ತಿದ್ದ ಬಿರುಸಿನ ಪಂಚ್ಗಳಿಗೆ ಅನುಭವಿ ಬಾಕ್ಸರ್ ಅಡಮು ನಿರುತ್ತರರಾದರು.

. ‘ಕಾಮನ್ವೆಲ್ತ್ ಚಾಂಪಿಯನ್ ಆಗಿದ್ದ ಅಡಮು ಅವರ ತಂತ್ರಗಳನ್ನು ಚೆನ್ನಾಗಿ ಅರಿತುಕೊಂಡಿದ್ದೆ. ಅವರ ಪಂಚ್ಗಳಿಂದ ತಪ್ಪಿಸಿಕೊಳ್ಳುವ ಕಲೆಯನ್ನೂ ಕರಗತ ಮಾಡಿಕೊಂಡಿದ್ದೆ. ದುಬೈಯಲ್ಲಿ ನಡೆದ ಈ ಪಂದ್ಯದಲ್ಲಿ ಗೆದ್ದಿದ್ದು ಖುಷಿ ನೀಡಿದೆ’ ಎಂದು ವಿಜೇಂದರ್ ತಿಳಿಸಿದ್ದಾರೆ.

. ‘ಮೂರು ಅಥವಾ ನಾಲ್ಕನೇ ಸುತ್ತಿನಲ್ಲೇ ಎದುರಾಳಿಯನ್ನು ಮಣಿಸಬೇಕೆಂಬುದು ನನ್ನ ಯೋಜನೆಯಾಗಿತ್ತು. ಅದು ಸಾಧ್ಯವಾಗಲಿಲ್ಲ. ಹಾಗಂತ ಬೇಸರವೇನೂ ಆಗಿಲ್ಲ’ ಎಂದಿದ್ದಾರೆ.

. ‘ವಿಜೇಂದರ್ ಅವರು ಈ ಹಿಂದೆ ಆಡಿದ್ದ ಪಂದ್ಯಗಳ ವಿಡಿಯೊ ತುಣುಕುಗಳನ್ನು ವೀಕ್ಷಿಸಿ ಸೂಕ್ತ ರಣನೀತಿ ಹೆಣೆದಿದ್ದೆ. ಅವರು ನನ್ನೆಲ್ಲಾ ತಂತ್ರಗಳನ್ನು ವಿಫಲಗೊಳಿಸಿದರು. ವಿಜೇಂದರ್, ಇಷ್ಟು ಚೆನ್ನಾಗಿ ಆಡುತ್ತಾರೆ ಎಂದು ಖಂಡಿತವಾಗಿಯೂ ಭಾವಿಸಿರಲಿಲ್ಲ. ಅವರಿಗೆ ಒಳ್ಳೆಯದಾಗಲಿ’ ಎಂದು ಅಡಮು ನುಡಿದಿದ್ದಾರೆ.

. ಅಡಮು ಅವರು ವೃತ್ತಿಪರ ಬಾಕ್ಸಿಂಗ್ನಲ್ಲಿ ಇದುವರೆಗೂ 47 ಪಂದ್ಯಗಳನ್ನು ಆಡಿದ್ದಾರೆ. ಈ ಪೈಕಿ 33ರಲ್ಲಿ ಗೆದ್ದಿದ್ದಾರೆ.

. ಅಮೆರಿಕದ ಬಾಬ್ ಆರಮ್ ಅವರ ಟಾಪ್ ರ್ಯಾಂಕ್ ಪ್ರೊಮೋಷನ್ಸ್ ಹಾಗೂ ಭಾರತದ ಐಒಎಸ್ ಬಾಕ್ಸಿಂಗ್ ಕ್ಲಬ್ಗಳನ್ನು ಪ್ರತಿನಿಧಿಸುವ ವಿಜೇಂದರ್ ಅವರು ಮುಂದಿನ ವರ್ಷ ವಿಶ್ವ ಕಿರೀಟಕ್ಕಾಗಿ ಸೆಣಸುವ ಸಾಧ್ಯತೆ ಇದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಾಕ್ಸಿಂಗ್‌: ವಿಜಯದ ಓಟ ಮುಂದುವರಿಸಿದ ವಿಜೇಂದರ್‌

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಸರ್ಕಾರಿ ನೇಮಕಾತಿ: ಅಧಿಸೂಚನೆಯಲ್ಲಿ ತಿಳಿಸದೇ ನಡುವೆ ನಿಯಮ ಬದಲಿಸುವಂತಿಲ್ಲ ಎಂದ SC

ಇಂಡಿಯನ್‌ ಸೂಪರ್‌ ಲೀಗ್‌: ಬಿಎಫ್‌ಸಿಗೆ ನಾರ್ತ್ ಈಸ್ಟ್‌ ಸವಾಲು ಇಂದು

WPL: ಆರ್‌ಸಿಬಿಯಲ್ಲಿ ಉಳಿದ ಸ್ಮೃತಿ, ಶ್ರೇಯಾಂಕಾ

ಬ್ಯಾಡ್ಮಿಂಟನ್ ಟೂರ್ನಿ: ಎಂಟರ ಘಟ್ಟಕ್ಕೆ ಕಿರಣ್ ಜಾರ್ಜ್

ದಕ್ಷಿಣ ಆಫ್ರಿಕಾ ವಿರುದ್ಧ ಟಿ20: 2ನೇ ಸಾಲಿನ ಆಟಗಾರರಿಗೆ ಮಿಂಚಲು ಅವಕಾಶ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ರಾಹುಲ್ ವೈಫಲ್ಯ; ಭಾರತ 'ಎ' ತಂಡ 161ಕ್ಕೆ ಆಲೌಟ್

ಸರ್ಕಾರಿ ನೇಮಕಾತಿ: ಅಧಿಸೂಚನೆಯಲ್ಲಿ ತಿಳಿಸದೇ ನಡುವೆ ನಿಯಮ ಬದಲಿಸುವಂತಿಲ್ಲ ಎಂದ SC