<p><strong>ಬೆಂಗಳೂರು</strong>: ಆರಂಭಿಕ ಹಿನ್ನಡೆಯಿಂದ ಚೇತರಿಸಿಕೊಂಡ ಭಾರತದ ತನಿಶಾ ಕಶ್ಯಪ್ ಅವರು ಭಾನುವಾರ ಮುಕ್ತಾಯಗೊಂಡ ಎಸ್ಕೆಎಂಇ ಐಟಿಎಫ್ ಓಪನ್ ಮಹಿಳೆಯರ ಟೆನಿಸ್ ಟೂರ್ನಿಯಲ್ಲಿ ಸಿಂಗಲ್ಸ್ ಪ್ರಶಸ್ತಿ ಮುಡಿಗೇರಿಸಿಕೊಂಡರು.</p>.<p>ಇಲ್ಲಿನ ಕೆಎಸ್ಎಲ್ಟಿಎ ಟೆನಿಸ್ ಅಂಗಣದಲ್ಲಿ ಭಾರತದ ಆಟಗಾರ್ತಿಯರ ವ್ಯವಹಾರವಾಗಿದ್ದ ಫೈನಲ್ನಲ್ಲಿ 22 ವರ್ಷ ವಯಸ್ಸಿನ ಎಂಟನೇ ಶ್ರೇಯಾಂಕದ ತನಿಶಾ 6-7 (5-7), 6-1, 6-1ರಿಂದ ಏಳನೇ ಶ್ರೇಯಾಂಕದ ಆಕಾಂಕ್ಷಾ ನಿಟ್ಟುರೆ ಅವರನ್ನು ಸೋಲಿಸಿ, ಸೀನಿಯರ್ ವಿಭಾಗದ ಪ್ರಶಸ್ತಿಯ ಬರವನ್ನು ನೀಗಿಸಿಕೊಂಡರು.</p>.<p>ಆರಂಭಿಕ ಸೆಟ್ನಲ್ಲಿ ಹಿನ್ನಡೆ ಅನುಭವಿಸಿದ ತನಿಶಾ, ಎರಡನೇ ಸೆಟ್ನಲ್ಲಿ ತಿರುಗೇಟು ನೀಡಿ ಸಮಬಲ ಸಾಧಿಸಿದರು. ನಿರ್ಣಾಯಕ ಸೆಟ್ನಲ್ಲೂ ಚುರುಕಿನ ಆಟ ಪ್ರದರ್ಶಿಸಿದ ಅವರು ಚಾಂಪಿಯನ್ ಕಿರೀಟದೊಂದಿಗೆ ಟ್ರೋಫಿ ಮತ್ತು ₹1.98 ಲಕ್ಷ ಬಹುಮಾನ ತಮ್ಮದಾಗಿಸಿಕೊಂಡರು.</p>.<p>‘ವೃತ್ತಿಜೀವನದಲ್ಲಿ ಮೊದಲ ಪ್ರಶಸ್ತಿ ಯಾವಾಗಲೂ ಅದ್ಭುತವಾದುದು. ಇನ್ನಷ್ಟು ಸಾಧನೆಗೆ ಇದು ಪ್ರೇರಣೆಯಾಗಲಿದೆ’ ಎಂದು ತನಿಶಾ ಪ್ರತಿಕ್ರಿಯಿಸಿದರು.</p>.<p>ಒಂದೇ ದಿನ ಮೂರು ಪಂದ್ಯ ಆಡಿ ದಣಿದ ಆಕಾಂಕ್ಷಾ ಅವರಿಗೆ ಡಬಲ್ಸ್ನಲ್ಲೂ ನಿರಾಸೆಯಾಯಿತು. ಭಾರತದ ಹುಮೇರಾ ಬಹರ್ಮಸ್ ಮತ್ತು ಪೂಜಾ ಇಂಗಳೆ ಜೋಡಿಯು ಡಬಲ್ಸ್ ಪ್ರಶಸ್ತಿ ಗೆದ್ದುಕೊಂಡಿತು.</p>.<p>ಅಗ್ರ ಶ್ರೇಯಾಂಕದ ಹುಮೇರಾ– ಪೂಜಾ ಜೋಡಿಯು 3-6, 6-0, 10-6ರ ಮೂರು ಸೆಟ್ಗಳ ಹೋರಾಟದಲ್ಲಿ ಆಕಾಂಕ್ಷಾ ಮತ್ತು ಹಾಲಿ ರಾಷ್ಟ್ರೀಯ ಚಾಂಪಿಯನ್ ಸೋಹಾ ಸಾದಿಕ್ ಅವರನ್ನು ಸೋಲಿಸಿದರು. ಮೊದಲ ಸೆಟ್ನಲ್ಲಿ ಮೇಲುಗೈ ಸಾಧಿಸಿದ್ದ ಎರಡನೇ ಶ್ರೇಯಾಂಕದ ಆಕಾಂಕ್ಷಾ– ಸ್ಥಳೀಯ ಪ್ರತಿಭೆ ಸೋಹಾ ಜೋಡಿಯು ನಂತರ ಹಿನ್ನಡೆ ಅನುಭವಿಸಿತು.</p>.<p>ಇದಕ್ಕೂ ಮೊದಲು ಈ ಜೋಡಿ ಸೆಮಿಫೈನಲ್ನಲ್ಲಿ 6-7 (6-8), 6-3, 10-6ರಿಂದ ರಷ್ಯಾದ ಅರಿನಾ ಅರಿಫುಲ್ಲಿನಾ ಮತ್ತು ಮಲೇಷ್ಯಾದ ಜೋ ಲೀನ್ ಸಾ ಅವರನ್ನು ಹಿಮ್ಮೆಟ್ಟಿಸಿತ್ತು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಆರಂಭಿಕ ಹಿನ್ನಡೆಯಿಂದ ಚೇತರಿಸಿಕೊಂಡ ಭಾರತದ ತನಿಶಾ ಕಶ್ಯಪ್ ಅವರು ಭಾನುವಾರ ಮುಕ್ತಾಯಗೊಂಡ ಎಸ್ಕೆಎಂಇ ಐಟಿಎಫ್ ಓಪನ್ ಮಹಿಳೆಯರ ಟೆನಿಸ್ ಟೂರ್ನಿಯಲ್ಲಿ ಸಿಂಗಲ್ಸ್ ಪ್ರಶಸ್ತಿ ಮುಡಿಗೇರಿಸಿಕೊಂಡರು.</p>.<p>ಇಲ್ಲಿನ ಕೆಎಸ್ಎಲ್ಟಿಎ ಟೆನಿಸ್ ಅಂಗಣದಲ್ಲಿ ಭಾರತದ ಆಟಗಾರ್ತಿಯರ ವ್ಯವಹಾರವಾಗಿದ್ದ ಫೈನಲ್ನಲ್ಲಿ 22 ವರ್ಷ ವಯಸ್ಸಿನ ಎಂಟನೇ ಶ್ರೇಯಾಂಕದ ತನಿಶಾ 6-7 (5-7), 6-1, 6-1ರಿಂದ ಏಳನೇ ಶ್ರೇಯಾಂಕದ ಆಕಾಂಕ್ಷಾ ನಿಟ್ಟುರೆ ಅವರನ್ನು ಸೋಲಿಸಿ, ಸೀನಿಯರ್ ವಿಭಾಗದ ಪ್ರಶಸ್ತಿಯ ಬರವನ್ನು ನೀಗಿಸಿಕೊಂಡರು.</p>.<p>ಆರಂಭಿಕ ಸೆಟ್ನಲ್ಲಿ ಹಿನ್ನಡೆ ಅನುಭವಿಸಿದ ತನಿಶಾ, ಎರಡನೇ ಸೆಟ್ನಲ್ಲಿ ತಿರುಗೇಟು ನೀಡಿ ಸಮಬಲ ಸಾಧಿಸಿದರು. ನಿರ್ಣಾಯಕ ಸೆಟ್ನಲ್ಲೂ ಚುರುಕಿನ ಆಟ ಪ್ರದರ್ಶಿಸಿದ ಅವರು ಚಾಂಪಿಯನ್ ಕಿರೀಟದೊಂದಿಗೆ ಟ್ರೋಫಿ ಮತ್ತು ₹1.98 ಲಕ್ಷ ಬಹುಮಾನ ತಮ್ಮದಾಗಿಸಿಕೊಂಡರು.</p>.<p>‘ವೃತ್ತಿಜೀವನದಲ್ಲಿ ಮೊದಲ ಪ್ರಶಸ್ತಿ ಯಾವಾಗಲೂ ಅದ್ಭುತವಾದುದು. ಇನ್ನಷ್ಟು ಸಾಧನೆಗೆ ಇದು ಪ್ರೇರಣೆಯಾಗಲಿದೆ’ ಎಂದು ತನಿಶಾ ಪ್ರತಿಕ್ರಿಯಿಸಿದರು.</p>.<p>ಒಂದೇ ದಿನ ಮೂರು ಪಂದ್ಯ ಆಡಿ ದಣಿದ ಆಕಾಂಕ್ಷಾ ಅವರಿಗೆ ಡಬಲ್ಸ್ನಲ್ಲೂ ನಿರಾಸೆಯಾಯಿತು. ಭಾರತದ ಹುಮೇರಾ ಬಹರ್ಮಸ್ ಮತ್ತು ಪೂಜಾ ಇಂಗಳೆ ಜೋಡಿಯು ಡಬಲ್ಸ್ ಪ್ರಶಸ್ತಿ ಗೆದ್ದುಕೊಂಡಿತು.</p>.<p>ಅಗ್ರ ಶ್ರೇಯಾಂಕದ ಹುಮೇರಾ– ಪೂಜಾ ಜೋಡಿಯು 3-6, 6-0, 10-6ರ ಮೂರು ಸೆಟ್ಗಳ ಹೋರಾಟದಲ್ಲಿ ಆಕಾಂಕ್ಷಾ ಮತ್ತು ಹಾಲಿ ರಾಷ್ಟ್ರೀಯ ಚಾಂಪಿಯನ್ ಸೋಹಾ ಸಾದಿಕ್ ಅವರನ್ನು ಸೋಲಿಸಿದರು. ಮೊದಲ ಸೆಟ್ನಲ್ಲಿ ಮೇಲುಗೈ ಸಾಧಿಸಿದ್ದ ಎರಡನೇ ಶ್ರೇಯಾಂಕದ ಆಕಾಂಕ್ಷಾ– ಸ್ಥಳೀಯ ಪ್ರತಿಭೆ ಸೋಹಾ ಜೋಡಿಯು ನಂತರ ಹಿನ್ನಡೆ ಅನುಭವಿಸಿತು.</p>.<p>ಇದಕ್ಕೂ ಮೊದಲು ಈ ಜೋಡಿ ಸೆಮಿಫೈನಲ್ನಲ್ಲಿ 6-7 (6-8), 6-3, 10-6ರಿಂದ ರಷ್ಯಾದ ಅರಿನಾ ಅರಿಫುಲ್ಲಿನಾ ಮತ್ತು ಮಲೇಷ್ಯಾದ ಜೋ ಲೀನ್ ಸಾ ಅವರನ್ನು ಹಿಮ್ಮೆಟ್ಟಿಸಿತ್ತು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
