<p><strong>ಮೆಲ್ಬರ್ನ್: </strong>ನೊವಾಕ್ ಜೊಕೊವಿಚ್ ಅವರ ಅನುಪಸ್ಥಿತಿಯಲ್ಲಿ ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿಯ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ಆಟಗಾರರಲ್ಲಿ ಒಬ್ಬರೆಂದು ಬಿಂಬಿತವಾಗಿದ್ದಾರೆ, ರಷ್ಯಾದ ಡ್ಯಾನಿಲ್ ಮೆಡ್ವೆಡೆವ್. ಇದಕ್ಕೆ ತಕ್ಕಂತೆ ಆಡುತ್ತಿರುವ ಅವರು ಶನಿವಾರವೂ ಭರ್ಜರಿ ಪ್ರದರ್ಶನ ನೀಡಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.</p>.<p>ನೆದರ್ಲೆಂಡ್ಸ್ನ ಬಾಟಿಕ್ ವ್ಯಾನ್ ಡಿ ಜ್ಯಾಂಡ್ಶುಲ್ಪ್ ಎದುರು ಮಾರ್ಗರೆಟ್ ಕೋರ್ಟ್ ಅರೆನಾದಲ್ಲಿ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ ಮೆಡ್ವೆಡೆವ್ 6-4, 6-4, 6-2ರಲ್ಲಿ ಜಯ ಗಳಿಸಿದರು. ಎರಡು ದಿನಗಳ ಹಿಂದೆ ರಾಡ್ ಲಾವೆರ್ ಅಂಗಣದಲ್ಲಿ ನಡೆದ ಪಂದ್ಯದಲ್ಲಿ ಸ್ಥಳೀಯ ಆಟಗಾರ ನಿಕ್ ಕಿರ್ಗಿಯೋಸ್ ವಿರುದ್ಧ ಭರ್ಜರಿ ಆಟವಾಡಿ ಪ್ರೇಕ್ಷಕರ ಮನಗೆದ್ದಿರುವ ಮೆಡ್ವೆಡೆವ್ ಶನಿವಾರ ಮತ್ತೊಮ್ಮೆ ಮಿಂಚಿನ ಸಂಚಾರ ಮೂಡಿಸಿದರು.</p>.<p>ನಾಲ್ಕನೇ ಸುತ್ತಿನಲ್ಲೂ ಮೆಡ್ವೆಡೆವ್, ಆಸ್ಟ್ರೇಲಿಯಾದ ಮತ್ತೊಬ್ಬ ಆಟಗಾರ, ವೈಲ್ಡ್ ಕಾರ್ಡ್ ಮೂಲಕ ಪ್ರವೇಶಿಸಿದ್ದ ಕ್ರಿಸ್ ಒಕಾನೆಲ್ ಎದುರು ಸೆಣಸುವ ಸಾಧ್ಯತೆ ಇತ್ತು. ಆದರೆ ಅಮೆರಿಕದ ಮ್ಯಾಕ್ಸಿಮ್ ಕ್ರಿಸಿಗೆ ಮಣಿದು ಒಕಾನೆಲ್ ಹೊರಬಿದ್ದರು. ಮೂರನೇ ಅಂಗಣದಲ್ಲಿ ನಡೆದ ಹಣಾಹಣಿಯಲ್ಲಿ ಮ್ಯಾಕ್ಸಿಮ್ 6-2, 6-7 (6), 6-3, 6-2ರಲ್ಲಿ ಗೆಲುವು ದಾಖಲಿಸಿದರು. ಈ ಮೂಲಕ ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ಇದೇ ಮೊದಲ ಬಾರಿ ನಾಲ್ವರು ಅಮೆರಿಕದ ಆಟಗಾರರು ನಾಲ್ಕನೇ ಸುತ್ತು ಪ್ರವೇಶಿಸಿದಂತಾಯಿತು. ವಿಶ್ವ ಕ್ರಮಾಂಕದಲ್ಲಿ 70ನೇ ಸ್ಥಾನದಲ್ಲಿರುವ ಕ್ರಿಸಿಗೆ ಇದು ನಾಲ್ಕನೇ ಗ್ರ್ಯಾನ್ಸ್ಲಾಂ ಟೂರ್ನಿ.</p>.<p>20ನೇ ಕ್ರಮಾಂಕದ ಅಮೆರಿಕ ಆಟಗಾರ ಟೇಲರ್ ಫ್ರಿಟ್ಜ್ 6-0, 3-6, 3-6, 6-4, 6-3ರಲ್ಲಿ ಗೆದ್ದು ಸ್ಪೇನ್ನ ರಾಬರ್ಟೊ ಬೌಟಿಸ್ಟ್ ಅಗೂಟ್ ಅವರನ್ನು ಹೊರದಬ್ಬಿದರು. ಮುಂದಿನ ಸುತ್ತಿನಲ್ಲಿ ಅವರು ಗ್ರೀಸ್ನ ಸ್ಟೆಫನೋಸ್ ಸಿಟ್ಸಿಪಾಸ್ ಅವರನ್ನು ಎದುರಿಸುವರು. ಸಿಟ್ಸಿಪಾಸ್ 6-3, 7-5, 6-7 (2), 6-4ರಲ್ಲಿ ಫ್ರಾನ್ಸ್ನ ಬೆನಾಯ್ಟ್ ಪೇರ್ ವಿರುದ್ಧ ಗೆದ್ದರು. ಕೆನಡಾದ ಫೆಲಿಕ್ಸ್ ಆಗರ್ ಅಲಿಯಾಸಿಮ್6-4, 6-1, 6-1ರಲ್ಲಿ ಅಮೆರಿಕದ ಡ್ಯಾನ್ ಇವಾನ್ಸ್ ಅವರನ್ನು ಮಣಿಸಿದರು.</p>.<p><strong>ಸಿಮೋನಾ, ಸಬಲೆಂಕಾ ಜಯಭೇರಿ</strong></p>.<p>ಮಹಿಳೆಯರ ವಿಭಾಗದಲ್ಲಿ ಎರಡು ಬಾರಿಯ ಗ್ರ್ಯಾಂ ಸ್ಲಾಂ ವಿಜೇತೆ ರೊಮೇನಿಯಾದ ಸಿಮೋನಾ ಹಲೆಪ್ ಮತ್ತು ಎರಡನೇ ಶ್ರೇಯಾಂಕಿತೆ ಬೆಲಾರಸ್ನ ಅರಿನಾ ಸಬಲೆಂಕಾ ನಾಲ್ಕನೇ ಸುತ್ತು ಪ್ರವೇಶಿಸಿದರು.6-2, 6-1ರಲ್ಲಿ ಮಾಂಟೆನೆಗ್ರೊದ ಡಂಕಾ ಕೊವಿನಿಚ್ ಅವರನ್ನು ಮಣಿಸಿ ಸಿಮೋನಾ ಸತತ ಐದನೇ ಬಾರಿ ಆಸ್ಟ್ರೇಲಿಯನ್ ಓಪನ್ನ ಎರಡನೇ ವಾರದ ಹಣಾಹಣಿಗೆ ಸಜ್ಜಾದರು. ಸಬಲೆಂಕಾ4-6, 6-3, 6-1ರಲ್ಲಿ ಜೇಕಿಯಾದ ಮರ್ಕೆಟಾ ವಂಡ್ರೋಸ್ವಾ ಎದುರು ಗೆದ್ದರು. 2020ರ ಫ್ರೆಂಚ್ ಓಪನ್ ಚಾಂಪಿಯನ್ ಇಗಾ ಸ್ವಾಟೆಕ್ 6-2, 6-3ರಲ್ಲಿ ದಾರಿಯಾ ಕಸಾತ್ಕಿನಾ ಎದುರು ಜಯ ಗಳಿಸಿದರು.</p>.<p><strong>ಜನ್ಮದಿನದ ಸಂಭ್ರಮಕ್ಕೆ ಗೆಲುವಿನ ಉಡುಗೊರೆ</strong></p>.<p>ಮಾರ್ಗರೆಟ್ ಕೋರ್ಟ್ ಅರೆನಾದ ಮಧ್ಯದಲ್ಲಿ ನಿಂತು ಗೆಲುವಿನ ಸಂಭ್ರಮವನ್ನು ಅನುಭವಿಸಿದ ಫ್ರಾನ್ಸ್ನ ಅಲಿಜ್ ಕಾರ್ನೆಟ್ ಪ್ರೇಕ್ಷಕರತ್ತ ಕೈ ಬೀಸಿ ಜನ್ಮದಿನದ ಶುಭಕಾಮನೆಗಳಿಗೆ ಕೃತಜ್ಞತೆ ಸಲ್ಲಿಸಿದರು. 32ನೇ ಜನ್ಮದಿನವಾದ ಶನಿವಾರ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ ಅಲಿಜ್ 4-6, 6-4, 6-2ರಲ್ಲಿ 29ನೇ ಶ್ರೇಯಾಂಕಿತೆ ತಮಾರ ಜಿಡಾನ್ಜೆಕ್ ಅವರನ್ನು ಮಣಿಸಿದರು. ಸ್ಲೊವೇನಿಯಾ ಆಟಗಾರ್ತಿ ಎರಡು ತಾಸು 43 ನಿಮಿಷಗಳ ಹೋರಾಟದ ನಂತರ ಮಣಿದರು.</p>.<p>13 ವರ್ಷಗಳ ನಂತರ ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ಅಲಿಜ್ ನಾಲ್ಕನೇ ಸುತ್ತು ಪ್ರವೇಶಿಸಿದ್ದಾರೆ. 2009ರಲ್ಲಿ ರಷ್ಯಾದ ದಿನಾರ ಸಫಿನಾ ಎದುರು ಅವರು ಸೋತಿದ್ದರು. ವಿಶ್ವ ಕ್ರಮಾಂಕದಲ್ಲಿ 61ನೇ ಸ್ಥಾನದಲ್ಲಿರುವ ಅಲಿಜ್ಗೆ ಮುಂದಿನ ಸುತ್ತಿನಲ್ಲಿ ಸಿಮೋನಾ ಹಲೆಪ್ ಎದುರಾಳಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೆಲ್ಬರ್ನ್: </strong>ನೊವಾಕ್ ಜೊಕೊವಿಚ್ ಅವರ ಅನುಪಸ್ಥಿತಿಯಲ್ಲಿ ಆಸ್ಟ್ರೇಲಿಯನ್ ಓಪನ್ ಟೆನಿಸ್ ಟೂರ್ನಿಯ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ಆಟಗಾರರಲ್ಲಿ ಒಬ್ಬರೆಂದು ಬಿಂಬಿತವಾಗಿದ್ದಾರೆ, ರಷ್ಯಾದ ಡ್ಯಾನಿಲ್ ಮೆಡ್ವೆಡೆವ್. ಇದಕ್ಕೆ ತಕ್ಕಂತೆ ಆಡುತ್ತಿರುವ ಅವರು ಶನಿವಾರವೂ ಭರ್ಜರಿ ಪ್ರದರ್ಶನ ನೀಡಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.</p>.<p>ನೆದರ್ಲೆಂಡ್ಸ್ನ ಬಾಟಿಕ್ ವ್ಯಾನ್ ಡಿ ಜ್ಯಾಂಡ್ಶುಲ್ಪ್ ಎದುರು ಮಾರ್ಗರೆಟ್ ಕೋರ್ಟ್ ಅರೆನಾದಲ್ಲಿ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ ಮೆಡ್ವೆಡೆವ್ 6-4, 6-4, 6-2ರಲ್ಲಿ ಜಯ ಗಳಿಸಿದರು. ಎರಡು ದಿನಗಳ ಹಿಂದೆ ರಾಡ್ ಲಾವೆರ್ ಅಂಗಣದಲ್ಲಿ ನಡೆದ ಪಂದ್ಯದಲ್ಲಿ ಸ್ಥಳೀಯ ಆಟಗಾರ ನಿಕ್ ಕಿರ್ಗಿಯೋಸ್ ವಿರುದ್ಧ ಭರ್ಜರಿ ಆಟವಾಡಿ ಪ್ರೇಕ್ಷಕರ ಮನಗೆದ್ದಿರುವ ಮೆಡ್ವೆಡೆವ್ ಶನಿವಾರ ಮತ್ತೊಮ್ಮೆ ಮಿಂಚಿನ ಸಂಚಾರ ಮೂಡಿಸಿದರು.</p>.<p>ನಾಲ್ಕನೇ ಸುತ್ತಿನಲ್ಲೂ ಮೆಡ್ವೆಡೆವ್, ಆಸ್ಟ್ರೇಲಿಯಾದ ಮತ್ತೊಬ್ಬ ಆಟಗಾರ, ವೈಲ್ಡ್ ಕಾರ್ಡ್ ಮೂಲಕ ಪ್ರವೇಶಿಸಿದ್ದ ಕ್ರಿಸ್ ಒಕಾನೆಲ್ ಎದುರು ಸೆಣಸುವ ಸಾಧ್ಯತೆ ಇತ್ತು. ಆದರೆ ಅಮೆರಿಕದ ಮ್ಯಾಕ್ಸಿಮ್ ಕ್ರಿಸಿಗೆ ಮಣಿದು ಒಕಾನೆಲ್ ಹೊರಬಿದ್ದರು. ಮೂರನೇ ಅಂಗಣದಲ್ಲಿ ನಡೆದ ಹಣಾಹಣಿಯಲ್ಲಿ ಮ್ಯಾಕ್ಸಿಮ್ 6-2, 6-7 (6), 6-3, 6-2ರಲ್ಲಿ ಗೆಲುವು ದಾಖಲಿಸಿದರು. ಈ ಮೂಲಕ ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ಇದೇ ಮೊದಲ ಬಾರಿ ನಾಲ್ವರು ಅಮೆರಿಕದ ಆಟಗಾರರು ನಾಲ್ಕನೇ ಸುತ್ತು ಪ್ರವೇಶಿಸಿದಂತಾಯಿತು. ವಿಶ್ವ ಕ್ರಮಾಂಕದಲ್ಲಿ 70ನೇ ಸ್ಥಾನದಲ್ಲಿರುವ ಕ್ರಿಸಿಗೆ ಇದು ನಾಲ್ಕನೇ ಗ್ರ್ಯಾನ್ಸ್ಲಾಂ ಟೂರ್ನಿ.</p>.<p>20ನೇ ಕ್ರಮಾಂಕದ ಅಮೆರಿಕ ಆಟಗಾರ ಟೇಲರ್ ಫ್ರಿಟ್ಜ್ 6-0, 3-6, 3-6, 6-4, 6-3ರಲ್ಲಿ ಗೆದ್ದು ಸ್ಪೇನ್ನ ರಾಬರ್ಟೊ ಬೌಟಿಸ್ಟ್ ಅಗೂಟ್ ಅವರನ್ನು ಹೊರದಬ್ಬಿದರು. ಮುಂದಿನ ಸುತ್ತಿನಲ್ಲಿ ಅವರು ಗ್ರೀಸ್ನ ಸ್ಟೆಫನೋಸ್ ಸಿಟ್ಸಿಪಾಸ್ ಅವರನ್ನು ಎದುರಿಸುವರು. ಸಿಟ್ಸಿಪಾಸ್ 6-3, 7-5, 6-7 (2), 6-4ರಲ್ಲಿ ಫ್ರಾನ್ಸ್ನ ಬೆನಾಯ್ಟ್ ಪೇರ್ ವಿರುದ್ಧ ಗೆದ್ದರು. ಕೆನಡಾದ ಫೆಲಿಕ್ಸ್ ಆಗರ್ ಅಲಿಯಾಸಿಮ್6-4, 6-1, 6-1ರಲ್ಲಿ ಅಮೆರಿಕದ ಡ್ಯಾನ್ ಇವಾನ್ಸ್ ಅವರನ್ನು ಮಣಿಸಿದರು.</p>.<p><strong>ಸಿಮೋನಾ, ಸಬಲೆಂಕಾ ಜಯಭೇರಿ</strong></p>.<p>ಮಹಿಳೆಯರ ವಿಭಾಗದಲ್ಲಿ ಎರಡು ಬಾರಿಯ ಗ್ರ್ಯಾಂ ಸ್ಲಾಂ ವಿಜೇತೆ ರೊಮೇನಿಯಾದ ಸಿಮೋನಾ ಹಲೆಪ್ ಮತ್ತು ಎರಡನೇ ಶ್ರೇಯಾಂಕಿತೆ ಬೆಲಾರಸ್ನ ಅರಿನಾ ಸಬಲೆಂಕಾ ನಾಲ್ಕನೇ ಸುತ್ತು ಪ್ರವೇಶಿಸಿದರು.6-2, 6-1ರಲ್ಲಿ ಮಾಂಟೆನೆಗ್ರೊದ ಡಂಕಾ ಕೊವಿನಿಚ್ ಅವರನ್ನು ಮಣಿಸಿ ಸಿಮೋನಾ ಸತತ ಐದನೇ ಬಾರಿ ಆಸ್ಟ್ರೇಲಿಯನ್ ಓಪನ್ನ ಎರಡನೇ ವಾರದ ಹಣಾಹಣಿಗೆ ಸಜ್ಜಾದರು. ಸಬಲೆಂಕಾ4-6, 6-3, 6-1ರಲ್ಲಿ ಜೇಕಿಯಾದ ಮರ್ಕೆಟಾ ವಂಡ್ರೋಸ್ವಾ ಎದುರು ಗೆದ್ದರು. 2020ರ ಫ್ರೆಂಚ್ ಓಪನ್ ಚಾಂಪಿಯನ್ ಇಗಾ ಸ್ವಾಟೆಕ್ 6-2, 6-3ರಲ್ಲಿ ದಾರಿಯಾ ಕಸಾತ್ಕಿನಾ ಎದುರು ಜಯ ಗಳಿಸಿದರು.</p>.<p><strong>ಜನ್ಮದಿನದ ಸಂಭ್ರಮಕ್ಕೆ ಗೆಲುವಿನ ಉಡುಗೊರೆ</strong></p>.<p>ಮಾರ್ಗರೆಟ್ ಕೋರ್ಟ್ ಅರೆನಾದ ಮಧ್ಯದಲ್ಲಿ ನಿಂತು ಗೆಲುವಿನ ಸಂಭ್ರಮವನ್ನು ಅನುಭವಿಸಿದ ಫ್ರಾನ್ಸ್ನ ಅಲಿಜ್ ಕಾರ್ನೆಟ್ ಪ್ರೇಕ್ಷಕರತ್ತ ಕೈ ಬೀಸಿ ಜನ್ಮದಿನದ ಶುಭಕಾಮನೆಗಳಿಗೆ ಕೃತಜ್ಞತೆ ಸಲ್ಲಿಸಿದರು. 32ನೇ ಜನ್ಮದಿನವಾದ ಶನಿವಾರ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ ಅಲಿಜ್ 4-6, 6-4, 6-2ರಲ್ಲಿ 29ನೇ ಶ್ರೇಯಾಂಕಿತೆ ತಮಾರ ಜಿಡಾನ್ಜೆಕ್ ಅವರನ್ನು ಮಣಿಸಿದರು. ಸ್ಲೊವೇನಿಯಾ ಆಟಗಾರ್ತಿ ಎರಡು ತಾಸು 43 ನಿಮಿಷಗಳ ಹೋರಾಟದ ನಂತರ ಮಣಿದರು.</p>.<p>13 ವರ್ಷಗಳ ನಂತರ ಆಸ್ಟ್ರೇಲಿಯನ್ ಓಪನ್ ಟೂರ್ನಿಯಲ್ಲಿ ಅಲಿಜ್ ನಾಲ್ಕನೇ ಸುತ್ತು ಪ್ರವೇಶಿಸಿದ್ದಾರೆ. 2009ರಲ್ಲಿ ರಷ್ಯಾದ ದಿನಾರ ಸಫಿನಾ ಎದುರು ಅವರು ಸೋತಿದ್ದರು. ವಿಶ್ವ ಕ್ರಮಾಂಕದಲ್ಲಿ 61ನೇ ಸ್ಥಾನದಲ್ಲಿರುವ ಅಲಿಜ್ಗೆ ಮುಂದಿನ ಸುತ್ತಿನಲ್ಲಿ ಸಿಮೋನಾ ಹಲೆಪ್ ಎದುರಾಳಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
