<p><strong>ನವದೆಹಲಿ</strong>: ಏಕದಿನ ಕ್ರಿಕೆಟ್ನಲ್ಲಿ ಸಚಿನ್ ತೆಂಡೂಲ್ಕರ್ ಅವರು ನಿರ್ಮಿಸಿರುವ ಅತಿ ಹೆಚ್ಚು ಶತಕ ಗಳಿಕೆ ದಾಖಲೆಯನ್ನು ವಿರಾಟ್ ಕೊಹ್ಲಿ ಈ ಬಾರಿಯ ವಿಶ್ವಕಪ್ ಕ್ರಿಕೆಟ್ ಟೂರ್ನಿ ವೇಳೆಯೇ ಸರಿಗಟ್ಟಲಿದ್ದಾರೆ ಎಂದು ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ರಿಕಿ ಪಾಂಟಿಂಗ್ ಹೇಳಿದ್ದಾರೆ.</p><p>ದಿಗ್ಗಜ ಕ್ರಿಕೆಟಿಗ ತೆಂಡೂಲ್ಕರ್ ಅವರು ಏಕದಿನ ಕ್ರಿಕೆಟ್ನಲ್ಲಿ 463 ಪಂದ್ಯಗಳಿಂದ 49 ಶತಕಗಳನ್ನು ಸಿಡಿಸಿದ್ದಾರೆ. ಕೊಹ್ಲಿಗೆ ಈ ದಾಖಲೆಯನ್ನು ಸರಿಗಟ್ಟಲು 2 ಶತಕ ಅಥವಾ ಮುರಿಯಲು 3 ಶತಕಗಳ ಅಗತ್ಯವಿದೆ. ಈವರೆಗೆ 282 ಪಂದ್ಯಗಳಲ್ಲಿ ಆಡಿರುವ ಕೊಹ್ಲಿ ಖಾತೆಯಲ್ಲಿ ಸದ್ಯ 47 ಶತಕಗಳಿವೆ.</p><p>ಪ್ರಸ್ತುತ ನಡೆಯುತ್ತಿರುವ ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ಗುಂಪು ಹಂತದಲ್ಲೇ ಇನ್ನೂ 8 ಪಂದ್ಯಗಳನ್ನು ಆಡಲಿದೆ. ಈ ವೇಳೆ ಸಚಿನ್ ದಾಖಲೆ ಮೀರುವ ಅವಕಾಶ ಕೊಹ್ಲಿಗೆ ಇದೆ.</p><p>ಐಸಿಸಿ ರಿವ್ಯೂವ್ ಪಾಡ್ಕಾಸ್ಟ್ ಎಪಿಸೋಡ್ನಲ್ಲಿ ಇದರ ಬಗ್ಗೆ ಮಾತನಾಡಿರುವ ಪಾಂಟಿಂಗ್, 'ನನ್ನ ಪ್ರಕಾರ ಕೊಹ್ಲಿ ಈ ಸಾಧನೆ ಮಾಡುತ್ತಾರೆ. ಕೊಹ್ಲಿ ಮೂರು ಶತಕ ಗಳಿಸುವರೇ ಎಂಬುದು ಬೇರೆ ವಿಷಯ. ಆದರೆ, ಖಂಡಿತವಾಗಿಯೂ ಎರಡು ಶತಕ ಗಳಿಸುತ್ತಾರೆ' ಎಂದು ಅಭಿಪ್ರಾಪಟ್ಟಿದ್ದಾರೆ.</p><p>ಭಾರತದ ಪಿಚ್ಗಳು ರನ್ಗಳಿಸಲು ಅನುಕೂಲಕರವಾಗಿವೆ. ವಿರಾಟ್ ಉತ್ತಮ ಲಯದಲ್ಲಿರುವಂತೆ ಕಾಣುತ್ತಿದೆ. ಅವರು ರನ್ ಗಳಿಸಲು ಎದುರು ನೋಡುತ್ತಿರುತ್ತಾರೆ ಎಂಬುದು ನಮಗೆಲ್ಲ ಗೊತ್ತೇ ಇದೆ. ಕೊಹ್ಲಿ ತಮ್ಮ ಮತ್ತು ತಂಡದ ಯಶಸ್ಸನ್ನು ಸದಾ ಬಯಸುತ್ತಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.</p><p>ಯಾರಿಗೆ ಗೊತ್ತು ಇದು ಕೊಹ್ಲಿ ಪಾಲಿಗೆ ಕೊನೆಯ ವಿಶ್ವಕಪ್ ಟೂರ್ನಿ ಆದರೂ ಆಗಬಹುದು ಎಂದಿರುವ ಪಾಂಟಿಂಗ್, ಟೂರ್ನಿ ಮುಕ್ತಾಯದ ವೇಳೆಗೆ ಸಚಿನ್ ದಾಖಲೆಯನ್ನು ಮುರಿಯಲು ಸಾಧ್ಯವಾಗದಿದ್ದರೆ, ದಾಖಲೆ ಸರಿಗಟ್ಟಲಿದ್ದಾರೆ. ಇದೂ ಗಮನಾರ್ಹ ಸಾಧನೆಯಾಗಲಿದೆ ಎಂದು ಉಲ್ಲೇಖಿಸಿದ್ದಾರೆ.</p><p>2019ರ ಆಗಸ್ಟ್ನಿಂದ 2022ರ ಡಿಸೆಂಬರ್ವರೆಗೆ ಶತಕದ ಬರ ಅನುಭವಿಸಿದ್ದ ವಿರಾಟ್, ಅಲ್ಲಿಂದ ಈಚೆಗೆ ಆಡಿರುವ 15 ಇನಿಂಗ್ಸ್ಗಳಲ್ಲಿ 4 ಶತಕ ಸಿಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಏಕದಿನ ಕ್ರಿಕೆಟ್ನಲ್ಲಿ ಸಚಿನ್ ತೆಂಡೂಲ್ಕರ್ ಅವರು ನಿರ್ಮಿಸಿರುವ ಅತಿ ಹೆಚ್ಚು ಶತಕ ಗಳಿಕೆ ದಾಖಲೆಯನ್ನು ವಿರಾಟ್ ಕೊಹ್ಲಿ ಈ ಬಾರಿಯ ವಿಶ್ವಕಪ್ ಕ್ರಿಕೆಟ್ ಟೂರ್ನಿ ವೇಳೆಯೇ ಸರಿಗಟ್ಟಲಿದ್ದಾರೆ ಎಂದು ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ರಿಕಿ ಪಾಂಟಿಂಗ್ ಹೇಳಿದ್ದಾರೆ.</p><p>ದಿಗ್ಗಜ ಕ್ರಿಕೆಟಿಗ ತೆಂಡೂಲ್ಕರ್ ಅವರು ಏಕದಿನ ಕ್ರಿಕೆಟ್ನಲ್ಲಿ 463 ಪಂದ್ಯಗಳಿಂದ 49 ಶತಕಗಳನ್ನು ಸಿಡಿಸಿದ್ದಾರೆ. ಕೊಹ್ಲಿಗೆ ಈ ದಾಖಲೆಯನ್ನು ಸರಿಗಟ್ಟಲು 2 ಶತಕ ಅಥವಾ ಮುರಿಯಲು 3 ಶತಕಗಳ ಅಗತ್ಯವಿದೆ. ಈವರೆಗೆ 282 ಪಂದ್ಯಗಳಲ್ಲಿ ಆಡಿರುವ ಕೊಹ್ಲಿ ಖಾತೆಯಲ್ಲಿ ಸದ್ಯ 47 ಶತಕಗಳಿವೆ.</p><p>ಪ್ರಸ್ತುತ ನಡೆಯುತ್ತಿರುವ ವಿಶ್ವಕಪ್ ಟೂರ್ನಿಯಲ್ಲಿ ಭಾರತ ಗುಂಪು ಹಂತದಲ್ಲೇ ಇನ್ನೂ 8 ಪಂದ್ಯಗಳನ್ನು ಆಡಲಿದೆ. ಈ ವೇಳೆ ಸಚಿನ್ ದಾಖಲೆ ಮೀರುವ ಅವಕಾಶ ಕೊಹ್ಲಿಗೆ ಇದೆ.</p><p>ಐಸಿಸಿ ರಿವ್ಯೂವ್ ಪಾಡ್ಕಾಸ್ಟ್ ಎಪಿಸೋಡ್ನಲ್ಲಿ ಇದರ ಬಗ್ಗೆ ಮಾತನಾಡಿರುವ ಪಾಂಟಿಂಗ್, 'ನನ್ನ ಪ್ರಕಾರ ಕೊಹ್ಲಿ ಈ ಸಾಧನೆ ಮಾಡುತ್ತಾರೆ. ಕೊಹ್ಲಿ ಮೂರು ಶತಕ ಗಳಿಸುವರೇ ಎಂಬುದು ಬೇರೆ ವಿಷಯ. ಆದರೆ, ಖಂಡಿತವಾಗಿಯೂ ಎರಡು ಶತಕ ಗಳಿಸುತ್ತಾರೆ' ಎಂದು ಅಭಿಪ್ರಾಪಟ್ಟಿದ್ದಾರೆ.</p><p>ಭಾರತದ ಪಿಚ್ಗಳು ರನ್ಗಳಿಸಲು ಅನುಕೂಲಕರವಾಗಿವೆ. ವಿರಾಟ್ ಉತ್ತಮ ಲಯದಲ್ಲಿರುವಂತೆ ಕಾಣುತ್ತಿದೆ. ಅವರು ರನ್ ಗಳಿಸಲು ಎದುರು ನೋಡುತ್ತಿರುತ್ತಾರೆ ಎಂಬುದು ನಮಗೆಲ್ಲ ಗೊತ್ತೇ ಇದೆ. ಕೊಹ್ಲಿ ತಮ್ಮ ಮತ್ತು ತಂಡದ ಯಶಸ್ಸನ್ನು ಸದಾ ಬಯಸುತ್ತಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.</p><p>ಯಾರಿಗೆ ಗೊತ್ತು ಇದು ಕೊಹ್ಲಿ ಪಾಲಿಗೆ ಕೊನೆಯ ವಿಶ್ವಕಪ್ ಟೂರ್ನಿ ಆದರೂ ಆಗಬಹುದು ಎಂದಿರುವ ಪಾಂಟಿಂಗ್, ಟೂರ್ನಿ ಮುಕ್ತಾಯದ ವೇಳೆಗೆ ಸಚಿನ್ ದಾಖಲೆಯನ್ನು ಮುರಿಯಲು ಸಾಧ್ಯವಾಗದಿದ್ದರೆ, ದಾಖಲೆ ಸರಿಗಟ್ಟಲಿದ್ದಾರೆ. ಇದೂ ಗಮನಾರ್ಹ ಸಾಧನೆಯಾಗಲಿದೆ ಎಂದು ಉಲ್ಲೇಖಿಸಿದ್ದಾರೆ.</p><p>2019ರ ಆಗಸ್ಟ್ನಿಂದ 2022ರ ಡಿಸೆಂಬರ್ವರೆಗೆ ಶತಕದ ಬರ ಅನುಭವಿಸಿದ್ದ ವಿರಾಟ್, ಅಲ್ಲಿಂದ ಈಚೆಗೆ ಆಡಿರುವ 15 ಇನಿಂಗ್ಸ್ಗಳಲ್ಲಿ 4 ಶತಕ ಸಿಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
