ಕೊರೊನಾಗೆ ಮಲೇರಿಯಾ ಔಷಧ ಉತ್ತಮ ಎಂದ ಟ್ರಂಪ್ ಹೇಳಿಕೆ ಹಿಂದೆ ಲಾಭದ ಆಸೆ?

ವಾಷಿಂಗ್ಟನ್: ಕೊರೊನಾ ವೈರಸ್ ಸೋಂಕಿನ ಚಿಕಿತ್ಸೆಗೆ ಮಲೇರಿಯಾ ನಿರೋಧಕ ಔಷಧ ಹೈಡ್ರಾಕ್ಸಿಕ್ಲೋರೋಕ್ವಿನ್ ಉತ್ತಮ ಎಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇತ್ತೀಚೆಗೆ ಹೇಳಿದ್ದರು. ಬಳಿಕ ವಿಶ್ವದಾದ್ಯಂತ ಆ ಔಷಧದ ಬೇಡಿಕೆಯೂ ಗಣನೀಯವಾಗಿ ಹೆಚ್ಚಾಗಿತ್ತು. ಟ್ರಂಪ್ ಹೀಗೆ ಹೇಳುವುದರ ಹಿಂದೆ ವಾಣಿಜ್ಯ ಉದ್ದೇಶ ಅಡಗಿದೆಯೇ? ಇಂಥದ್ದೊಂದು ಚರ್ಚೆ ಈಗ ಮುನ್ನೆಲೆಗೆ ಬಂದಿದೆ.

. ಒಂದು ವೇಳೆ, ಕೊರೊನಾ ಚಿಕಿತ್ಸೆಯಲ್ಲಿ ಹೈಡ್ರಾಕ್ಸಿಕ್ಲೋರೋಕ್ವಿನ್ ಪರಿಣಾಮಕಾರಿ ಎಂಬುದು ವೈಜ್ಞಾನಿಕವಾಗಿ ಸಾಬೀತಾಗಿದ್ದೇ ಆದಲ್ಲಿ ಅನೇಕ ಔಷಧ ತಯಾರಿಕಾ ಕಂಪೆನಿಗಳಿಗೆ ಲಾಭವಾಗಲಿದೆ. ಅಂತಹ ಕಂಪೆನಿಗಳಲ್ಲಿ ಡೊನಾಲ್ಡ್ ಟ್ರಂಪ್ ಅವರ ಜತೆ ಸಹಭಾಗಿತ್ವ ಹೊಂದಿರುವ ಷೇರುದಾರರ ಕಂಪೆನಿಗಳೂ ಇವೆ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ.

. ಪ್ಲ್ಯಾಕ್ನಿಲ್ ಬ್ರ್ಯಾಂಡ್ನಲ್ಲಿ ಹೈಡ್ರಾಕ್ಸಿಕ್ಲೋರೋಕ್ವಿನ್ ತಯಾರಿಸುವ ಫ್ರಾನ್ಸ್ನ ಔಷಧ ತಯಾರಿಕಾ ಕಂಪೆನಿ ಸನೊಫಿ ಜತೆಗೂ ಟ್ರಂಪ್ ಅವರಿಗೆ ನಂಟಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

. ಆದರೆ, ಬ್ರೂಕ್ಲಿನ್ ಆಸ್ಪತ್ರೆ ಕೇಂದ್ರದ ವೈದ್ಯ ಡಾ. ಜೋಶುವಾ ರೋಸೆನ್ಬರ್ಗ್ ಹೇಳುವುದೇ ಬೇರೆ. ‘ಯಾಕೆ ಟ್ರಂಪ್ ಅವರು ಆ ಔಷಧ ನಿಡುವಿಕೆ ಉತ್ತೇಜಿಸುತ್ತಾರೆ ಎಂಬುದು ತಿಳಿದಿದೆ. ‘ಅವರು (ಟ್ರಂಪ್) ಅಮೆರಿಕದ ಅಧ್ಯಕ್ಷ. ಅವರಿಗೆ ಜನರಲ್ಲಿ ಆಶಾವಾದ ಮೂಡಿಸುವುದು ಬೇಕಿದೆ. ನಮ್ಮಲ್ಲಿ ಆಶಾವಾದವೇ ಇಲ್ಲದಿದ್ದಾಗ ಪರಿಸ್ಥಿತಿ ಮತ್ತಷ್ಟು ಕೈ ಮೀರಿ ಹೋಗುತ್ತದೆ. ಹೀಗಾಗಿ ಟ್ರಂಪ್ ಅವರು ಆ ಔಷಧವನ್ನು ಸೂಚಿಸಿದ್ದನ್ನು ತಪ್ಪೆಂದು ಹೇಳಲಾರೆ. ಸದ್ಯದ ಪರಿಸ್ಥಿತಿಯಲ್ಲಿ ನಮ್ಮೆದುರು ಇರುವ ಆಯ್ಕೆ ಅದೊಂದೇ’ ಎನ್ನುತ್ತಾರೆ ಅವರು.

. ಆದರೆ ವೈಜ್ಞಾನಿಕವಾಗಿ ಸಾಬೀತಾಗದ ಔಷಧವನ್ನು ಸೂಚಿಸಿದ್ದಕ್ಕೆ ಬ್ರಾಂಕ್ಸ್ನಲ್ಲಿರುವ ಬಾರ್ನಬಾಸ್ ಆಸ್ಪತ್ರೆಯ ವೈದ್ಯರೊಬ್ಬರು ಸೇರಿದದಂತೆ ಅನೇಕ ವೈದ್ಯರು ಟ್ರಂಪ್ ಅವರನ್ನು ಟೀಕಿಸಿದ್ದಾರೆ. ಸುಳ್ಳು ಭರವಸೆ ಕೂಡ ಕೆಟ್ಟದ್ದಾಗಿರಬಹುದು ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

. ಹೈಡ್ರಾಕ್ಸಿಕ್ಲೋರೋಕ್ವಿನ್ ಉತ್ತಮ ಎನ್ನಲು ಟ್ರಂಪ್ ಉಲ್ಲೇಖಿಸಿರುವ ಫ್ರಾನ್ಸ್ನ ಅಧ್ಯಯನ ವರದಿಯ ಬಗ್ಗೆಯೇ ಈಗ ತಕರಾರು ವ್ಯಕ್ತವಾಗಿದೆ ಎನ್ನಲಾಗಿದೆ.

. ಈ ಮಧ್ಯೆ, ಕೊರೊನಾಗೆ ಹೈಡ್ರಾಕ್ಸಿಕ್ಲೋರೋಕ್ವಿನ್ ಪರಿಣಾಮಕಾರಿ ಔಷಧ ಎಂಬುದು ವೈಜ್ಞಾನಿಕವಾಗಿ ಇನ್ನೂ ದೃಢಪಟ್ಟಿಲ್ಲ. ಇದರ ಅತಿಯಾದ ಮಾರಾಟ, ಸೇವನೆ ಸಲ್ಲ ಎಂದು ತಜ್ಞರು ಎಚ್ಚರಿಕೆ ನೀಡಿದ್ದಾರೆ. ಹೈಡ್ರಾಕ್ಸಿಕ್ಲೋರೋಕ್ವಿನ್ ಅತಿಯಾದ ಸೇವನೆ ಹೃದ್ರೋಗಿಗಳಿಗಂತೂ ಖಂಡಿತಾ ಒಳ್ಳೆಯದಲ್ಲ ಎಂದಿದ್ದಾರೆ. ಈ ವಿಚಾರವನ್ನು ಟ್ರಂಪ್ ಸಹ ಸಮ್ಮತಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊರೊನಾಗೆ ಮಲೇರಿಯಾ ಔಷಧ ಉತ್ತಮ ಎಂದ ಟ್ರಂಪ್ ಹೇಳಿಕೆ ಹಿಂದೆ ಲಾಭದ ಆಸೆ?

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ದಿನ ಭವಿಷ್ಯ: ಈ ರಾಶಿಯವರು ಆಧ್ಯಾತ್ಮಿಕ ವಿಚಾರಗಳತ್ತ ಗಮನ ಹರಿಸುವಿರಿ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024

ಪುರುಷರ ಐಟಿಎಫ್‌ ಟೆನಿಸ್‌: ಸಿದ್ಧಾಂತ್, ಕಬೀರ್ ಮುಖ್ಯಸುತ್ತಿಗೆ ಲಗ್ಗೆ

ಮಿನಿ ಒಲಿಂಪಿಕ್ಸ್‌: ಹರ್ಡಲ್ಸ್‌; ಅಥರ್ವ, ಶಾಶ್ವತಿ ಚಾಂಪಿಯನ್‌

ವಿಕಲಾಂಗರ ಚೆಸ್‌: ಸಮರ್ಥ್‌ಗೆ ಬೆಳ್ಳಿ

ಮಹಿಳೆಯರ ಏಷ್ಯನ್ ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಸೆಮಿಫೈನಲ್: ಗೆಲ್ಲುವ ನೆಚ್ಚಿನ ತಂಡ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಸೋಮವಾರ, 18 ನವೆಂಬರ್ 2024

ಚುರುಮುರಿ: ಕೋಟಿ ಕಿಮ್ಮತ್ತಿನ ಕೋಣ

ದಿನ ಭವಿಷ್ಯ: ಈ ರಾಶಿಯವರು ಆಧ್ಯಾತ್ಮಿಕ ವಿಚಾರಗಳತ್ತ ಗಮನ ಹರಿಸುವಿರಿ

ಚಿನಕುರುಳಿ | ಭಾನುವಾರ, 17 ನವೆಂಬರ್ 2024