<p>ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯು (ಇಸ್ರೊ) ಒಂಬತ್ತು ಉಪಗ್ರಹಗಳ ಗುಚ್ಛವನ್ನು ಶನಿವಾರ ನಭಕ್ಕೆ ಕಳುಹಿಸಿದೆ. ಭೂ ಪರಿವೀಕ್ಷಣಾ ಉಪಗ್ರಹವಾದ ‘ಓಷನ್ಸ್ಯಾಟ್–3’ ಜೊತೆಗೆ ಎಂಟು ಚಿಕ್ಕ ಉಪಗ್ರಹಗಳನ್ನು ರಾಕೆಟ್ ಹೊತ್ತೊಯ್ಯಿತು.</p>.<p>ಬೆಂಗಳೂರಿನ ‘ಪಿಕ್ಸೆಲ್’ ಎಂಬ ಖಾಸಗಿ ಸಂಸ್ಥೆ ನಿರ್ಮಿಸಿರುವ ‘ಆನಂದ್’ ಉಪಗ್ರಹವೂ ಇದರಲ್ಲಿದೆ. ಇದು ಇಸ್ರೊ ಕೈಗೊಂಡ ದೀರ್ಘ ಅವಧಿಯ (2 ಗಂಟೆ) ಉಡ್ಡಯನ ಯೋಜನೆ. ಸಂಸ್ಥೆಯ ಅತ್ಯಂತ ಯಶಸ್ವಿ ಪಿಎಸ್ಎಲ್ವಿ ರಾಕೆಟ್ನ 56ನೇ ಬಾಹ್ಯಾಕಾಶ ಪಯಣವಿದು. ಈ ಮೂಲಕ ವರ್ಷದ ಐದನೇ ದೊಡ್ಡ ಹಾಗೂ ಕೊನೆಯ ಕಾರ್ಯಾಚರಣೆಯನ್ನು ಇಸ್ರೊ ಪೂರ್ಣಗೊಳಿಸಿದೆ.</p>.<p><strong>ಭಿನ್ನ ಕಕ್ಷೆಗಳಿಗೆ ಸೇರ್ಪಡೆ ಪ್ರಕ್ರಿಯೆ</strong></p>.<p>*ಭೂ ಪರಿವೀಕ್ಷಣಾ ಉಪಗ್ರಹವಾದ (ಇಒಎಸ್–06) ‘ಓಷನ್ಸ್ಯಾಟ್–3’ ಅನ್ನು ಉಡ್ಡಯನವಾದ 17 ನಿಮಿಷಗಳಲ್ಲಿ, 742 ಕಿಲೋಮೀಟರ್ ಎತ್ತರದ ಕಕ್ಷೆಗೆ ಸೇರಿಸಲಾಯಿತು</p>.<p>*ನಂತರ ರಾಕೆಟ್ ಅನ್ನು ಕೆಳಗಿನ ಕಕ್ಷೆಗೆ ಇಳಿಸಿ, ಉಳಿದ ಎಂಟು ಚಿಕ್ಕ ಉಪಗ್ರಹಗಳನ್ನು 528 ಕಿಲೋಮೀಟರ್ ಎತ್ತರದ ಕಕ್ಷೆಗೆ ಸೇರಿಸಲಾಯಿತು</p>.<p>*ಈ ಎಲ್ಲ ಪ್ರಕ್ರಿಯೆ ಮುಗಿಯಲು ವಿಜ್ಞಾನಿಗಳಿಗೆ 2 ಗಂಟೆಯಷ್ಟು ಸುದೀರ್ಘ ಸಮಯ ಹಿಡಿಯಿತು</p>.<p><strong>ಏನಿದು ಓಷನ್ಸ್ಯಾಟ್–3</strong></p>.<p>*ಓಷನ್ಸ್ಯಾಟ್ ಸರಣಿಯಭೂ ಪರಿವೀಕ್ಷಣಾ ಉಪಗ್ರಹಗಳಲ್ಲಿ ಇದು ಮೂರನೆಯದ್ದು</p>.<p>*ಈ ಸರಣಿಯ ಮೊದಲ ಉಪಗ್ರಹವನ್ನು 1999ರಲ್ಲಿ ಉಡಾವಣೆ ಮಾಡಲಾಗಿತ್ತು, ಅದು ಈಗ ನಿವೃತ್ತವಾಗಿದೆ</p>.<p>*ಸರಣಿಯ ಎರಡನೇ ಉಪಗ್ರಹವು 2009ರಲ್ಲಿ ಕಕ್ಷೆ ಸೇರಿತ್ತು. ಇದು ಕಾರ್ಯಾಚರಣೆಯಲ್ಲಿದೆ</p>.<p>*ಓಷನ್ಸ್ಯಾಟ್ ಸರಣಿಯ ಮೂರನೇ ಉಪಗ್ರಹ ಶನಿವಾರ ಯಶಸ್ವಿಯಾಗಿ ಕಕ್ಷೆ ಸೇರಿದೆ</p>.<p>*ಓಷನ್ಸ್ಯಾಟ್ ಸರಣಿಯ ಎರಡನೇ ಉಪಗ್ರಹದ ಕೆಲಸವನ್ನು ಮೂರನೇ ಉಪಗ್ರಹ ಮುಂದುವರಿಸಲಿದೆ</p>.<p><strong>ಓಷನ್ಸ್ಯಾಟ್–3 ಕೆಲಸ?</strong></p>.<p>ಓಷನ್ಸ್ಯಾಟ್–3 ಉಪಗ್ರಹದಲ್ಲಿ ಸುಧಾರಿತಉಪಕರಣಗಳನ್ನು ಬಳಸಲಾಗಿದೆ. ಸಾಗರ ಹವಾಮಾನದ ಮೇಲೆ ನಿಗಾ ಇರಿಸುವುದು ಇದರ ಪ್ರಮುಖ ಕೆಲಸಗಳಲ್ಲಿ ಒಂದು. ಜೊತೆಗೆ ಏರೋಸಾಲ್ (ಅನಿಲಗಳಲ್ಲಿರುವ ದ್ರವಕಣಗಳು) ಮಾರುತಗಳನ್ನೂ ಗಮನಿಸಿ, ದತ್ತಾಂಶಗಳನ್ನು ರವಾನಿಸುತ್ತದೆ. ಈಗಾಗಲೇ ಓಷನ್ಸ್ಯಾಟ್–2 ಮಾಡುತ್ತಿರುವ ಈ ಕೆಲಸಗಳನ್ನು ಹೊಸ ಉಪಗ್ರಹ ಮುಂದುವರಿಸಲಿದೆ</p>.<p><strong>ಉಡ್ಡಯನ ಮಾಡಲಾದ ಉಪಗ್ರಹಗಳು</strong></p>.<p>*ಓಷನ್ಸ್ಯಾಟ್–3</p>.<p>ಇಸ್ರೊ ನಿರ್ಮಿಸಿರುವ ಈ ಉಪಗ್ರಹವು ಓಷನ್ ಕಲರ್ ಮಾನಿಟರ್, ಸೀ ಸರ್ಫೇಸ್ ಟೆಂಪರೇಚರ್ ಮಾನಿಟರ್, ಕು ಬ್ಯಾಂಡ್ ಸ್ಕ್ಯಾಟರೋಮೀಟರ್, ಎಆರ್ಜಿಒಎಸ್ ಉಪಕರಣಗಳನ್ನು ಒಳಗೊಂಡಿದೆ</p>.<p><strong>*ಐಎನ್ಎಸ್–2ಬಿ</strong></p>.<p>*ಇದು ಭೂತಾನ್ಗಾಗಿ ಇಸ್ರೊ ತಯಾರಿಸಿರುವ ನ್ಯಾನೊ ಸ್ಯಾಟಲೈಟ್–2 (ಐಎನ್ಎಸ್–2ಬಿ). ಇದರಲ್ಲಿ ಎರಡು ಪೇಲೋಡ್ಗಳಿವೆ. ನ್ಯಾನೊ ಎಂಎಕ್ಸ್ ಮತ್ತು ಎಪಿಎಸ್ಆರ್ ಡಿಜಿಪೀಟರ್</p>.<p>*ಇಸ್ರೊದ ಯುಆರ್ ರಾವ್ ಸ್ಯಾಟಲೈಟ್ ಸೆಂಟರ್ ಮತ್ತು ಭೂತಾನ್ನ ಇನ್ಫರ್ಮೇಷನ್ ಟೆಕ್ನಾಲಜಿ ಅಂಡ್ ಟೆಲಿಕಾಮ್ ಇಲಾಖೆ ಜಂಟಿಯಾಗಿ ಅಭಿವೃದ್ಧಿಪಡಿಸಿವೆ</p>.<p><strong>ಆನಂದ್</strong></p>.<p>ಬೆಂಗಳೂರು ಮೂಲಕ ಬಾಹ್ಯಾಕಾಶ ನವೋದ್ಯಮ ‘ಪಿಕ್ಸೆಲ್’ ಅಭಿವೃದ್ಧಿಪಡಿಸಿರುವ ಈ ಖಾಸಗಿ ಉಪಗ್ರಹವು ಕೃಷಿ, ಹವಾಮಾನ ಬದಲಾವಣೆ ಮತ್ತು ನಗರ ಯೋಜನೆಗೆ ಸಂಬಂಧಿಸಿದ ದತ್ತಾಂಶ ಹಾಗೂ ಉತ್ಕೃಷ್ಟ ದರ್ಜೆಯ ಚಿತ್ರಗಳನ್ನು ಒದಗಿಸುತ್ತದೆ. ಭೂಮಿಯ ಮೇಲೆ ನಿರಂತರವಾಗಿ ನಿಗಾ ಇಡುತ್ತದೆ</p>.<p><strong>ಥೈಬೋಲ್ಟ್ (ಎರಡು ಉಪಗ್ರಹ)</strong></p>.<p>ಧ್ರುವ್ ಸ್ಪೇಸ್ ಬಾಹ್ಯಾಕಾಶ ನವೋದ್ಯಮವು ಎರಡು ಸಂಹವನ ಉಪಗ್ರಹಗಳನ್ನುಅಭಿವೃದ್ಧಿಪಡಿಸಿದೆ</p>.<p><strong>ಆಸ್ಟ್ರೋಕ್ಯಾಸ್ಟ್ (4 ಉಪಗ್ರಹ)</strong></p>.<p>ಇಂಟರ್ನೆಟ್ ಆಫ್ ಥಿಂಗ್ಸ್ಗೆ (ಐಒಟಿ) ಸಂಬಂಧಿಸಿದನಾಲ್ಕು ಉಪಗ್ರಹಗಳನ್ನುಅಮೆರಿಕದ ಸ್ಪೇಸ್ಫ್ಲೈಟ್ ಅಭಿವೃದ್ಧಿಪಡಿಸಿದೆ</p>.<p><strong>ಆಧಾರ: ಪಿಟಿಐ, ಇಸ್ರೊ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯು (ಇಸ್ರೊ) ಒಂಬತ್ತು ಉಪಗ್ರಹಗಳ ಗುಚ್ಛವನ್ನು ಶನಿವಾರ ನಭಕ್ಕೆ ಕಳುಹಿಸಿದೆ. ಭೂ ಪರಿವೀಕ್ಷಣಾ ಉಪಗ್ರಹವಾದ ‘ಓಷನ್ಸ್ಯಾಟ್–3’ ಜೊತೆಗೆ ಎಂಟು ಚಿಕ್ಕ ಉಪಗ್ರಹಗಳನ್ನು ರಾಕೆಟ್ ಹೊತ್ತೊಯ್ಯಿತು.</p>.<p>ಬೆಂಗಳೂರಿನ ‘ಪಿಕ್ಸೆಲ್’ ಎಂಬ ಖಾಸಗಿ ಸಂಸ್ಥೆ ನಿರ್ಮಿಸಿರುವ ‘ಆನಂದ್’ ಉಪಗ್ರಹವೂ ಇದರಲ್ಲಿದೆ. ಇದು ಇಸ್ರೊ ಕೈಗೊಂಡ ದೀರ್ಘ ಅವಧಿಯ (2 ಗಂಟೆ) ಉಡ್ಡಯನ ಯೋಜನೆ. ಸಂಸ್ಥೆಯ ಅತ್ಯಂತ ಯಶಸ್ವಿ ಪಿಎಸ್ಎಲ್ವಿ ರಾಕೆಟ್ನ 56ನೇ ಬಾಹ್ಯಾಕಾಶ ಪಯಣವಿದು. ಈ ಮೂಲಕ ವರ್ಷದ ಐದನೇ ದೊಡ್ಡ ಹಾಗೂ ಕೊನೆಯ ಕಾರ್ಯಾಚರಣೆಯನ್ನು ಇಸ್ರೊ ಪೂರ್ಣಗೊಳಿಸಿದೆ.</p>.<p><strong>ಭಿನ್ನ ಕಕ್ಷೆಗಳಿಗೆ ಸೇರ್ಪಡೆ ಪ್ರಕ್ರಿಯೆ</strong></p>.<p>*ಭೂ ಪರಿವೀಕ್ಷಣಾ ಉಪಗ್ರಹವಾದ (ಇಒಎಸ್–06) ‘ಓಷನ್ಸ್ಯಾಟ್–3’ ಅನ್ನು ಉಡ್ಡಯನವಾದ 17 ನಿಮಿಷಗಳಲ್ಲಿ, 742 ಕಿಲೋಮೀಟರ್ ಎತ್ತರದ ಕಕ್ಷೆಗೆ ಸೇರಿಸಲಾಯಿತು</p>.<p>*ನಂತರ ರಾಕೆಟ್ ಅನ್ನು ಕೆಳಗಿನ ಕಕ್ಷೆಗೆ ಇಳಿಸಿ, ಉಳಿದ ಎಂಟು ಚಿಕ್ಕ ಉಪಗ್ರಹಗಳನ್ನು 528 ಕಿಲೋಮೀಟರ್ ಎತ್ತರದ ಕಕ್ಷೆಗೆ ಸೇರಿಸಲಾಯಿತು</p>.<p>*ಈ ಎಲ್ಲ ಪ್ರಕ್ರಿಯೆ ಮುಗಿಯಲು ವಿಜ್ಞಾನಿಗಳಿಗೆ 2 ಗಂಟೆಯಷ್ಟು ಸುದೀರ್ಘ ಸಮಯ ಹಿಡಿಯಿತು</p>.<p><strong>ಏನಿದು ಓಷನ್ಸ್ಯಾಟ್–3</strong></p>.<p>*ಓಷನ್ಸ್ಯಾಟ್ ಸರಣಿಯಭೂ ಪರಿವೀಕ್ಷಣಾ ಉಪಗ್ರಹಗಳಲ್ಲಿ ಇದು ಮೂರನೆಯದ್ದು</p>.<p>*ಈ ಸರಣಿಯ ಮೊದಲ ಉಪಗ್ರಹವನ್ನು 1999ರಲ್ಲಿ ಉಡಾವಣೆ ಮಾಡಲಾಗಿತ್ತು, ಅದು ಈಗ ನಿವೃತ್ತವಾಗಿದೆ</p>.<p>*ಸರಣಿಯ ಎರಡನೇ ಉಪಗ್ರಹವು 2009ರಲ್ಲಿ ಕಕ್ಷೆ ಸೇರಿತ್ತು. ಇದು ಕಾರ್ಯಾಚರಣೆಯಲ್ಲಿದೆ</p>.<p>*ಓಷನ್ಸ್ಯಾಟ್ ಸರಣಿಯ ಮೂರನೇ ಉಪಗ್ರಹ ಶನಿವಾರ ಯಶಸ್ವಿಯಾಗಿ ಕಕ್ಷೆ ಸೇರಿದೆ</p>.<p>*ಓಷನ್ಸ್ಯಾಟ್ ಸರಣಿಯ ಎರಡನೇ ಉಪಗ್ರಹದ ಕೆಲಸವನ್ನು ಮೂರನೇ ಉಪಗ್ರಹ ಮುಂದುವರಿಸಲಿದೆ</p>.<p><strong>ಓಷನ್ಸ್ಯಾಟ್–3 ಕೆಲಸ?</strong></p>.<p>ಓಷನ್ಸ್ಯಾಟ್–3 ಉಪಗ್ರಹದಲ್ಲಿ ಸುಧಾರಿತಉಪಕರಣಗಳನ್ನು ಬಳಸಲಾಗಿದೆ. ಸಾಗರ ಹವಾಮಾನದ ಮೇಲೆ ನಿಗಾ ಇರಿಸುವುದು ಇದರ ಪ್ರಮುಖ ಕೆಲಸಗಳಲ್ಲಿ ಒಂದು. ಜೊತೆಗೆ ಏರೋಸಾಲ್ (ಅನಿಲಗಳಲ್ಲಿರುವ ದ್ರವಕಣಗಳು) ಮಾರುತಗಳನ್ನೂ ಗಮನಿಸಿ, ದತ್ತಾಂಶಗಳನ್ನು ರವಾನಿಸುತ್ತದೆ. ಈಗಾಗಲೇ ಓಷನ್ಸ್ಯಾಟ್–2 ಮಾಡುತ್ತಿರುವ ಈ ಕೆಲಸಗಳನ್ನು ಹೊಸ ಉಪಗ್ರಹ ಮುಂದುವರಿಸಲಿದೆ</p>.<p><strong>ಉಡ್ಡಯನ ಮಾಡಲಾದ ಉಪಗ್ರಹಗಳು</strong></p>.<p>*ಓಷನ್ಸ್ಯಾಟ್–3</p>.<p>ಇಸ್ರೊ ನಿರ್ಮಿಸಿರುವ ಈ ಉಪಗ್ರಹವು ಓಷನ್ ಕಲರ್ ಮಾನಿಟರ್, ಸೀ ಸರ್ಫೇಸ್ ಟೆಂಪರೇಚರ್ ಮಾನಿಟರ್, ಕು ಬ್ಯಾಂಡ್ ಸ್ಕ್ಯಾಟರೋಮೀಟರ್, ಎಆರ್ಜಿಒಎಸ್ ಉಪಕರಣಗಳನ್ನು ಒಳಗೊಂಡಿದೆ</p>.<p><strong>*ಐಎನ್ಎಸ್–2ಬಿ</strong></p>.<p>*ಇದು ಭೂತಾನ್ಗಾಗಿ ಇಸ್ರೊ ತಯಾರಿಸಿರುವ ನ್ಯಾನೊ ಸ್ಯಾಟಲೈಟ್–2 (ಐಎನ್ಎಸ್–2ಬಿ). ಇದರಲ್ಲಿ ಎರಡು ಪೇಲೋಡ್ಗಳಿವೆ. ನ್ಯಾನೊ ಎಂಎಕ್ಸ್ ಮತ್ತು ಎಪಿಎಸ್ಆರ್ ಡಿಜಿಪೀಟರ್</p>.<p>*ಇಸ್ರೊದ ಯುಆರ್ ರಾವ್ ಸ್ಯಾಟಲೈಟ್ ಸೆಂಟರ್ ಮತ್ತು ಭೂತಾನ್ನ ಇನ್ಫರ್ಮೇಷನ್ ಟೆಕ್ನಾಲಜಿ ಅಂಡ್ ಟೆಲಿಕಾಮ್ ಇಲಾಖೆ ಜಂಟಿಯಾಗಿ ಅಭಿವೃದ್ಧಿಪಡಿಸಿವೆ</p>.<p><strong>ಆನಂದ್</strong></p>.<p>ಬೆಂಗಳೂರು ಮೂಲಕ ಬಾಹ್ಯಾಕಾಶ ನವೋದ್ಯಮ ‘ಪಿಕ್ಸೆಲ್’ ಅಭಿವೃದ್ಧಿಪಡಿಸಿರುವ ಈ ಖಾಸಗಿ ಉಪಗ್ರಹವು ಕೃಷಿ, ಹವಾಮಾನ ಬದಲಾವಣೆ ಮತ್ತು ನಗರ ಯೋಜನೆಗೆ ಸಂಬಂಧಿಸಿದ ದತ್ತಾಂಶ ಹಾಗೂ ಉತ್ಕೃಷ್ಟ ದರ್ಜೆಯ ಚಿತ್ರಗಳನ್ನು ಒದಗಿಸುತ್ತದೆ. ಭೂಮಿಯ ಮೇಲೆ ನಿರಂತರವಾಗಿ ನಿಗಾ ಇಡುತ್ತದೆ</p>.<p><strong>ಥೈಬೋಲ್ಟ್ (ಎರಡು ಉಪಗ್ರಹ)</strong></p>.<p>ಧ್ರುವ್ ಸ್ಪೇಸ್ ಬಾಹ್ಯಾಕಾಶ ನವೋದ್ಯಮವು ಎರಡು ಸಂಹವನ ಉಪಗ್ರಹಗಳನ್ನುಅಭಿವೃದ್ಧಿಪಡಿಸಿದೆ</p>.<p><strong>ಆಸ್ಟ್ರೋಕ್ಯಾಸ್ಟ್ (4 ಉಪಗ್ರಹ)</strong></p>.<p>ಇಂಟರ್ನೆಟ್ ಆಫ್ ಥಿಂಗ್ಸ್ಗೆ (ಐಒಟಿ) ಸಂಬಂಧಿಸಿದನಾಲ್ಕು ಉಪಗ್ರಹಗಳನ್ನುಅಮೆರಿಕದ ಸ್ಪೇಸ್ಫ್ಲೈಟ್ ಅಭಿವೃದ್ಧಿಪಡಿಸಿದೆ</p>.<p><strong>ಆಧಾರ: ಪಿಟಿಐ, ಇಸ್ರೊ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
