<p><strong>ವಾಷಿಂಗ್ಟನ್</strong>: ಸೂರ್ಯನ ಮೇಲ್ಮೈ ಅಧ್ಯಯನಕ್ಕಾಗಿ ಉಡಾವಣೆ ಮಾಡಿರುವ ಪಾರ್ಕರ್ ಬಾಹ್ಯಾಕಾಶ ನೌಕೆಯು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ನಾಸಾ ಹೇಳಿದೆ.</p>.<p>ಸೂರ್ಯನ ಮೇಲ್ಮೈನಿಂದ ಕೇವಲ 15 ದಶಲಕ್ಷ ಮೈಲುಗಳ ದೂರ ತಲುಪಿದ ಪಾರ್ಕರ್, ಈ ಮೊದಲು 1976ರಲ್ಲಿ ಹೀಲಿಯಸ್ ಬಿ ಬಾಹ್ಯಾಕಾಶ ನೌಕೆ ಮಾಡಿದ್ದ ದಾಖಲೆಯನ್ನು ಅಳಿಸಿ ಹಾಕಿದೆ ಎಂದು ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ಹೇಳಿದೆ.</p>.<p>ಸೂರ್ಯನ ತಾಪಮಾನ ಮತ್ತು ಅದರ ವಿಕಿರಣ ತಡೆದುಕೊಂಡು ಕಾರ್ಯನಿರ್ವಹಿಸುವಲ್ಲಿ ಇದು ಯಶಸ್ವಿಯಾಗಿದೆ. ಈ ಸಂದರ್ಭದಲ್ಲಿ ತಾಪಮಾನವು 1,371 ಡಿಗ್ರಿ ಸೆಲ್ಸಿಯಸ್ನಷ್ಟಿತ್ತು ಎಂದು ನಾಸಾ ತಿಳಿಸಿದೆ.</p>.<p>‘ತನ್ನ ನಿರ್ವಹಣೆಯನ್ನು ತಾನೇ ನೋಡಿಕೊಳ್ಳುವಂತೆ ಪಾರ್ಕರ್ ಅನ್ನು ವಿನ್ಯಾಸಗೊಳಿಸಲಾಗಿದೆ. ಭೂಮಿಯಿಂದ ಅದನ್ನು ನಾವು ನಿಯಂತ್ರಿಸುತ್ತಿಲ್ಲ. ಆರು ದಶಕಗಳ ವೈಜ್ಞಾನಿಕ ಪ್ರಗತಿಯ ದ್ಯೋತಕವಾಗಿ ಪಾರ್ಕರ್ ಕಾರ್ಯನಿರ್ವಹಿಸುತ್ತಿದೆ. ಆ ಮೂಲಕ, ಮನುಕುಲವು ಸೂರ್ಯನನ್ನು ಮೊದಲ ಬಾರಿಗೆ ಅತಿ ಹತ್ತಿರದಲ್ಲಿ ಭೇಟಿಯಾದಂತಾಗಿದೆ’ ಎಂದು ನಾಸಾದ ವಿಜ್ಞಾನಿ ಥಾಮಸ್ ಝುರ್ಬುಚೆನ್ ಹೇಳಿದ್ದಾರೆ.</p>.<p>‘ಸೂರ್ಯನಿಂದ ಭೂಮಿಯ ಮೇಲಾಗುವ ಪರಿಣಾಮ ಮಾತ್ರವಲ್ಲ, ಇಡೀ ಬ್ರಹ್ಮಾಂಡದ ಮೇಲೆ ಈ ನಕ್ಷತ್ರ ಬೀರುವ ಪರಿಣಾಮ ಎಂಥದು ಎಂಬುದರ ಆಳ ಅಧ್ಯಯನ ಪಾರ್ಕರ್ನಿಂದ ಸಾಧ್ಯವಾಗಲಿದೆ’ ಎಂದು ಅವರು ತಿಳಿಸಿದ್ದಾರೆ.</p>.<p>ಪಾರ್ಕರ್ ಬಾಹ್ಯಾಕಾಶ ನೌಕೆಯು ತಾನು ವ್ಯವಸ್ಥಿತವಾಗಿ ಕಾರ್ಯನಿರ್ವಹಿಸುತ್ತಿರುವುದಾಗಿ ಜಾನ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯದಲ್ಲಿರುವ ಭೌತವಿಜ್ಞಾನ ಪ್ರಯೋಗಾಲಯಕ್ಕೆ ನವೆಂಬರ್ 7ರಂದು ಸಂದೇಶ ರವಾನಿಸಿದೆ ಎಂದು ಕಾರ್ಯಾಚರಣೆಯ ತಜ್ಞರು ಹೇಳಿದ್ದಾರೆ.</p>.<p>ಪಾರ್ಕರ್ ನೌಕೆಯು ನವೆಂಬರ್ 5ರಂದು ಗಂಟೆಗೆ 2.13 ಲಕ್ಷ ಮೈಲುಗಳ ವೇಗದಲ್ಲಿ ಸೂರ್ಯನ ಮೇಲ್ಮೈನ ಅತಿ ಹತ್ತಿರಕ್ಕೆ ಹೋಗಿದೆ ಎಂದು ಅವರು ತಿಳಿಸಿದ್ದಾರೆ. ಬಾಹ್ಯಾಕಾಶ ನೌಕೆಯೊಂದು ಇಷ್ಟು ವೇಗದಲ್ಲಿ ಸಾಗಿರುವುದೂ ದಾಖಲೆ.</p>.<p>ಅಕ್ಟೋಬರ್ 31ರಂದು ಈ ನೌಕೆಯು ಕಾರ್ಯಾಚರಣೆ ಆರಂಭಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್</strong>: ಸೂರ್ಯನ ಮೇಲ್ಮೈ ಅಧ್ಯಯನಕ್ಕಾಗಿ ಉಡಾವಣೆ ಮಾಡಿರುವ ಪಾರ್ಕರ್ ಬಾಹ್ಯಾಕಾಶ ನೌಕೆಯು ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ನಾಸಾ ಹೇಳಿದೆ.</p>.<p>ಸೂರ್ಯನ ಮೇಲ್ಮೈನಿಂದ ಕೇವಲ 15 ದಶಲಕ್ಷ ಮೈಲುಗಳ ದೂರ ತಲುಪಿದ ಪಾರ್ಕರ್, ಈ ಮೊದಲು 1976ರಲ್ಲಿ ಹೀಲಿಯಸ್ ಬಿ ಬಾಹ್ಯಾಕಾಶ ನೌಕೆ ಮಾಡಿದ್ದ ದಾಖಲೆಯನ್ನು ಅಳಿಸಿ ಹಾಕಿದೆ ಎಂದು ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ಹೇಳಿದೆ.</p>.<p>ಸೂರ್ಯನ ತಾಪಮಾನ ಮತ್ತು ಅದರ ವಿಕಿರಣ ತಡೆದುಕೊಂಡು ಕಾರ್ಯನಿರ್ವಹಿಸುವಲ್ಲಿ ಇದು ಯಶಸ್ವಿಯಾಗಿದೆ. ಈ ಸಂದರ್ಭದಲ್ಲಿ ತಾಪಮಾನವು 1,371 ಡಿಗ್ರಿ ಸೆಲ್ಸಿಯಸ್ನಷ್ಟಿತ್ತು ಎಂದು ನಾಸಾ ತಿಳಿಸಿದೆ.</p>.<p>‘ತನ್ನ ನಿರ್ವಹಣೆಯನ್ನು ತಾನೇ ನೋಡಿಕೊಳ್ಳುವಂತೆ ಪಾರ್ಕರ್ ಅನ್ನು ವಿನ್ಯಾಸಗೊಳಿಸಲಾಗಿದೆ. ಭೂಮಿಯಿಂದ ಅದನ್ನು ನಾವು ನಿಯಂತ್ರಿಸುತ್ತಿಲ್ಲ. ಆರು ದಶಕಗಳ ವೈಜ್ಞಾನಿಕ ಪ್ರಗತಿಯ ದ್ಯೋತಕವಾಗಿ ಪಾರ್ಕರ್ ಕಾರ್ಯನಿರ್ವಹಿಸುತ್ತಿದೆ. ಆ ಮೂಲಕ, ಮನುಕುಲವು ಸೂರ್ಯನನ್ನು ಮೊದಲ ಬಾರಿಗೆ ಅತಿ ಹತ್ತಿರದಲ್ಲಿ ಭೇಟಿಯಾದಂತಾಗಿದೆ’ ಎಂದು ನಾಸಾದ ವಿಜ್ಞಾನಿ ಥಾಮಸ್ ಝುರ್ಬುಚೆನ್ ಹೇಳಿದ್ದಾರೆ.</p>.<p>‘ಸೂರ್ಯನಿಂದ ಭೂಮಿಯ ಮೇಲಾಗುವ ಪರಿಣಾಮ ಮಾತ್ರವಲ್ಲ, ಇಡೀ ಬ್ರಹ್ಮಾಂಡದ ಮೇಲೆ ಈ ನಕ್ಷತ್ರ ಬೀರುವ ಪರಿಣಾಮ ಎಂಥದು ಎಂಬುದರ ಆಳ ಅಧ್ಯಯನ ಪಾರ್ಕರ್ನಿಂದ ಸಾಧ್ಯವಾಗಲಿದೆ’ ಎಂದು ಅವರು ತಿಳಿಸಿದ್ದಾರೆ.</p>.<p>ಪಾರ್ಕರ್ ಬಾಹ್ಯಾಕಾಶ ನೌಕೆಯು ತಾನು ವ್ಯವಸ್ಥಿತವಾಗಿ ಕಾರ್ಯನಿರ್ವಹಿಸುತ್ತಿರುವುದಾಗಿ ಜಾನ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯದಲ್ಲಿರುವ ಭೌತವಿಜ್ಞಾನ ಪ್ರಯೋಗಾಲಯಕ್ಕೆ ನವೆಂಬರ್ 7ರಂದು ಸಂದೇಶ ರವಾನಿಸಿದೆ ಎಂದು ಕಾರ್ಯಾಚರಣೆಯ ತಜ್ಞರು ಹೇಳಿದ್ದಾರೆ.</p>.<p>ಪಾರ್ಕರ್ ನೌಕೆಯು ನವೆಂಬರ್ 5ರಂದು ಗಂಟೆಗೆ 2.13 ಲಕ್ಷ ಮೈಲುಗಳ ವೇಗದಲ್ಲಿ ಸೂರ್ಯನ ಮೇಲ್ಮೈನ ಅತಿ ಹತ್ತಿರಕ್ಕೆ ಹೋಗಿದೆ ಎಂದು ಅವರು ತಿಳಿಸಿದ್ದಾರೆ. ಬಾಹ್ಯಾಕಾಶ ನೌಕೆಯೊಂದು ಇಷ್ಟು ವೇಗದಲ್ಲಿ ಸಾಗಿರುವುದೂ ದಾಖಲೆ.</p>.<p>ಅಕ್ಟೋಬರ್ 31ರಂದು ಈ ನೌಕೆಯು ಕಾರ್ಯಾಚರಣೆ ಆರಂಭಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
