<p><strong>ನವದೆಹಲಿ:</strong> ಗ್ರಾಹಕರಿಗೆ ಅಗತ್ಯದ ಆಹಾರ ಪದಾರ್ಥಗಳನ್ನು ಮನೆಬಾಗಿಲಿಗೆ ತಲುಪಿಸುವ ಝೊಮ್ಯಾಟೊ (Zomato) ಸಿಇಒ ದೀಪಿಂದರ್ ಗೋಯಲ್ ಒಂದು ದಿನದ ಮಟ್ಟಿಗೆ ಡೆಲಿವರಿ ಬಾಯ್ ಆಗಿ ದೆಹಲಿಯ ಸೈಬರ್ ಸಿಟಿ ಪ್ರದೇಶಗಳಲ್ಲಿ ಓಡಾಡಿದ್ದಾರೆ.</p><p>ಹವಾನಿಯಂತ್ರಿತ ಕೊಠಡಿಯನ್ನು ತೊರೆದು ತಮ್ಮ ಪತ್ನಿ ಗಿಯಾ ಗೋಯಲ್ (ಗ್ರೇಸಿಯಾ ಮುನೋಜ್) ಅವರೊಂದಿಗೆ ಬೈಕ್ ಏರಿದ ಗೋಯಲ್, ಮೊಬೈಲ್ ಮೂಲಕ ಗ್ರಾಹಕರ ಮನೆಬಾಗಿಲು ಹುಡುಕಿಕೊಂಡು ಹೋಗುವ ದೃಶ್ಯಗಳನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.</p><p>‘ನಮ್ಮ ಗ್ರಾಹಕರಿಗೆ ಆಹಾರ ವಿತರಿಸುವುದನ್ನು ಸಂಭ್ರಮಿಸುತ್ತಿದ್ದೇನೆ. ಜತೆಗೆ ಬೈಕ್ ಚಾಲನೆಯೂ ಮಜವಾಗಿದೆ’ ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟ್ಗೆ 33 ಸಾವಿರ ಲೈಕ್ಗಳು ಸಿಕ್ಕಿವೆ. </p><p>ಗೋಯಲ್ ಅವರ ಈ ಪ್ರಯತ್ನಕ್ಕೆ ಕೆಲವರು ಮೆಚ್ಚುಗೆಯನ್ನು, ಇನ್ನೂ ಕೆಲವರು ಟೀಕೆಗಳನ್ನೂ ವ್ಯಕ್ತಪಡಿಸಿದ್ದಾರೆ. ಗೋಯಲ್ ಅವರನ್ನು ‘ಅತ್ಯಂತ ಸರಳ’ ಎಂದು ಕೆಲ ಫಾಲೋವರ್ಗಳು ಹೇಳಿದ್ದಾರೆ.</p><p>‘ಶ್ರೀಮಂತರು, ಹೈ ಪ್ರೊಫೈಲ್ ಮಂದಿ ಇರುವ ಸೈಬರ್ ಸಿಟಿಯನ್ನು ಆಯ್ಕೆ ಮಾಡಿಕೊಳ್ಳುವ ಬದಲು, ಜನಸಾಮಾನ್ಯರು ಇರುವ ಗುರುಗ್ರಾಮ ಪ್ರದೇಶವನ್ನು ಆಯ್ಕೆ ಮಾಡಿಕೊಂಡಿದ್ದರೆ ಚೆನ್ನಾಗಿರುತ್ತಿತ್ತು’ ಎಂದಿದ್ದಾರೆ.</p><p>‘ನಿಮ್ಮ ಈ ಪ್ರಯತ್ನದ ಬಗ್ಗೆ ಗೊತ್ತಿಲ್ಲ. ಆದರೆ ಆಹಾರ ಡೆಲಿವರಿ ಮಾಡಲು ಜೊಮಾಟೊ, ಗ್ರಾಹಕರಿಂದ ಪಡೆಯುವ ಶುಲ್ಕವನ್ನು ನೀವು ಹೆಚ್ಚು ಇಷ್ಟಪಡುತ್ತೀರಿ ಎಂದಷ್ಟೇ ಬಲ್ಲೆ. ಒಳ್ಳೆಯ ಪ್ರಚಾರದ ಸ್ಟಂಟ್ ಇದು’ ಎಂದು ಟೀಕಿಸಿದ್ದಾರೆ.</p><p>2008ರಲ್ಲಿ ಕಾರ್ಯಾರಂಭ ಮಾಡಿದ ಜೊಮಾಟೊದ ಸಹ ಸಂಸ್ಥಾಪಕರಲ್ಲಿ ದೀಪಿಂದರ್ ಗೋಯಲ್ ಅವರೂ ಒಬ್ಬರು. 2021ರಲ್ಲಿ ಜೊಮಾಟೊ ಐಪಿಒ ಆರಂಭಿಸುವ ಮೂಲಕ ಷೇರು ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಿತ್ತು. ಸದ್ಯ ಕಂಪನಿಯು ₹1 ಲಕ್ಷ ಕೋಟಿ ಮೌಲ್ಯ ಹೊಂದಿದೆ. ಗೋಯಲ್ ಅವರ ಒಟ್ಟು ಆಸ್ತಿ ₹1,400 ಕೋಟಿಯಷ್ಟಿದೆ ಎಂದು ವರದಿಯಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಗ್ರಾಹಕರಿಗೆ ಅಗತ್ಯದ ಆಹಾರ ಪದಾರ್ಥಗಳನ್ನು ಮನೆಬಾಗಿಲಿಗೆ ತಲುಪಿಸುವ ಝೊಮ್ಯಾಟೊ (Zomato) ಸಿಇಒ ದೀಪಿಂದರ್ ಗೋಯಲ್ ಒಂದು ದಿನದ ಮಟ್ಟಿಗೆ ಡೆಲಿವರಿ ಬಾಯ್ ಆಗಿ ದೆಹಲಿಯ ಸೈಬರ್ ಸಿಟಿ ಪ್ರದೇಶಗಳಲ್ಲಿ ಓಡಾಡಿದ್ದಾರೆ.</p><p>ಹವಾನಿಯಂತ್ರಿತ ಕೊಠಡಿಯನ್ನು ತೊರೆದು ತಮ್ಮ ಪತ್ನಿ ಗಿಯಾ ಗೋಯಲ್ (ಗ್ರೇಸಿಯಾ ಮುನೋಜ್) ಅವರೊಂದಿಗೆ ಬೈಕ್ ಏರಿದ ಗೋಯಲ್, ಮೊಬೈಲ್ ಮೂಲಕ ಗ್ರಾಹಕರ ಮನೆಬಾಗಿಲು ಹುಡುಕಿಕೊಂಡು ಹೋಗುವ ದೃಶ್ಯಗಳನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.</p><p>‘ನಮ್ಮ ಗ್ರಾಹಕರಿಗೆ ಆಹಾರ ವಿತರಿಸುವುದನ್ನು ಸಂಭ್ರಮಿಸುತ್ತಿದ್ದೇನೆ. ಜತೆಗೆ ಬೈಕ್ ಚಾಲನೆಯೂ ಮಜವಾಗಿದೆ’ ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟ್ಗೆ 33 ಸಾವಿರ ಲೈಕ್ಗಳು ಸಿಕ್ಕಿವೆ. </p><p>ಗೋಯಲ್ ಅವರ ಈ ಪ್ರಯತ್ನಕ್ಕೆ ಕೆಲವರು ಮೆಚ್ಚುಗೆಯನ್ನು, ಇನ್ನೂ ಕೆಲವರು ಟೀಕೆಗಳನ್ನೂ ವ್ಯಕ್ತಪಡಿಸಿದ್ದಾರೆ. ಗೋಯಲ್ ಅವರನ್ನು ‘ಅತ್ಯಂತ ಸರಳ’ ಎಂದು ಕೆಲ ಫಾಲೋವರ್ಗಳು ಹೇಳಿದ್ದಾರೆ.</p><p>‘ಶ್ರೀಮಂತರು, ಹೈ ಪ್ರೊಫೈಲ್ ಮಂದಿ ಇರುವ ಸೈಬರ್ ಸಿಟಿಯನ್ನು ಆಯ್ಕೆ ಮಾಡಿಕೊಳ್ಳುವ ಬದಲು, ಜನಸಾಮಾನ್ಯರು ಇರುವ ಗುರುಗ್ರಾಮ ಪ್ರದೇಶವನ್ನು ಆಯ್ಕೆ ಮಾಡಿಕೊಂಡಿದ್ದರೆ ಚೆನ್ನಾಗಿರುತ್ತಿತ್ತು’ ಎಂದಿದ್ದಾರೆ.</p><p>‘ನಿಮ್ಮ ಈ ಪ್ರಯತ್ನದ ಬಗ್ಗೆ ಗೊತ್ತಿಲ್ಲ. ಆದರೆ ಆಹಾರ ಡೆಲಿವರಿ ಮಾಡಲು ಜೊಮಾಟೊ, ಗ್ರಾಹಕರಿಂದ ಪಡೆಯುವ ಶುಲ್ಕವನ್ನು ನೀವು ಹೆಚ್ಚು ಇಷ್ಟಪಡುತ್ತೀರಿ ಎಂದಷ್ಟೇ ಬಲ್ಲೆ. ಒಳ್ಳೆಯ ಪ್ರಚಾರದ ಸ್ಟಂಟ್ ಇದು’ ಎಂದು ಟೀಕಿಸಿದ್ದಾರೆ.</p><p>2008ರಲ್ಲಿ ಕಾರ್ಯಾರಂಭ ಮಾಡಿದ ಜೊಮಾಟೊದ ಸಹ ಸಂಸ್ಥಾಪಕರಲ್ಲಿ ದೀಪಿಂದರ್ ಗೋಯಲ್ ಅವರೂ ಒಬ್ಬರು. 2021ರಲ್ಲಿ ಜೊಮಾಟೊ ಐಪಿಒ ಆರಂಭಿಸುವ ಮೂಲಕ ಷೇರು ಮಾರುಕಟ್ಟೆಯಲ್ಲಿ ಸಂಚಲನ ಮೂಡಿಸಿತ್ತು. ಸದ್ಯ ಕಂಪನಿಯು ₹1 ಲಕ್ಷ ಕೋಟಿ ಮೌಲ್ಯ ಹೊಂದಿದೆ. ಗೋಯಲ್ ಅವರ ಒಟ್ಟು ಆಸ್ತಿ ₹1,400 ಕೋಟಿಯಷ್ಟಿದೆ ಎಂದು ವರದಿಯಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
