ಪ್ಲೇ ಸ್ಟೋರ್‌ನಿಂದ ಆ್ಯಪ್ ಇನ್‌ಸ್ಟಾಲ್ ಮಾಡುವ ಮುನ್ನ ಇಲ್ಲಿ ಓದಿ!

ನವದೆಹಲಿ: ಗೂಗಲ್ ಪ್ಲೇ ಸ್ಟೋರ್ನಲ್ಲಿರುವ ಎಲ್ಲ ಆ್ಯಪ್ಗಳು ಸುರಕ್ಷಿತವಲ್ಲ ಎಂಬುದಕ್ಕೆ ಮತ್ತೊಂದು ನಿದರ್ಶನ ದೊರೆತಿದ್ದು, ನಮ್ಮ ಮೊಬೈಲ್ ಫೋನ್ಗಳಿಗೆ ಆ್ಯಪ್ ಅಳವಡಿಸಿಕೊಳ್ಳುವಾಗ ಕಟ್ಟೆಚ್ಚರ ವಹಿಸಬೇಕು ಎಂಬುದನ್ನು ಮತ್ತೆ ನೆನಪಿಸಿದೆ.

. ಈಗ ಇರುವವುಗಳಲ್ಲಿ ಕನಿಷ್ಠ 15 ಆ್ಯಪ್ಗಳು ಪದೇ ಪದೇ ಪಾಪ್-ಅಪ್ ಆಗುತ್ತಾ, ಬಳಕೆದಾರರಿಗೆ ತಿಳಿಯದಂತಾಗಲು, ಲಾಂಚರ್ನಲ್ಲಿ ತಮ್ಮ ಐಕಾನ್ಗಳನ್ನು ಮರೆ ಮಾಚಿ ದೊಡ್ಡ ಪ್ರಮಾಣದಲ್ಲಿ ಮಾಹಿತಿ ಸಂಗ್ರಹಣೆಯಲ್ಲಿ ತೊಡಗಿವೆ ಎಂದು ಸೋಫೋಸ್ ಎಂಬ ಜಾಗತಿಕ ಸೈಬರ್ ಭದ್ರತಾ ಏಜೆನ್ಸಿಯ ಸಂಶೋಧಕರು ಎಚ್ಚರಿಕೆ ನೀಡಿದ್ದಾರೆ.

. ಅವುಗಳಲ್ಲಿ ಕೆಲವು ಆ್ಯಪ್ಗಳಂತೂ ಫೋನ್ನ ಆ್ಯಪ್ ಸೆಟ್ಟಿಂಗ್ಸ್ ಪೇಜ್ನಲ್ಲಿ ಗುರುತು ಮರೆ ಮಾಚಿಕೊಂಡು ಸದ್ದಿಲ್ಲದೆ ಕೆಲಸ ಮಾಡುತ್ತಿವೆ ಎಂದೂ ಏಜೆನ್ಸಿ ಎಚ್ಚರಿಸಿದೆ.

. ಗೂಗಲ್ ಪ್ಲೇ ಮಾರ್ಕೆಟ್ನಲ್ಲಿರುವ ಪುಟಗಳಲ್ಲಿರುವ ಮಾಹಿತಿಯಂತೆ, ವಿಶ್ವಾದ್ಯಂತ ಸುಮಾರು 13 ಲಕ್ಷ ಸ್ಮಾರ್ಟ್ ಸಾಧನಗಳಲ್ಲಿ ಕನಿಷ್ಠ ಒಂದಾದರೂ ಇಂಥಹಾ ಆ್ಯಪ್ಗಳು ಇನ್ಸ್ಟಾಲ್ ಆಗಿವೆ.

. ಈ ಆ್ಯಪ್ ಅನ್ನು ಮೊದಲು ಪ್ರಾರಂಭ ಮಾಡಿದಾಗ, 'ನಿಮ್ಮ ಸಾಧನಕ್ಕೆ ಈ ಆ್ಯಪ್ ಹೊಂದಾಣಿಕೆಯಾಗುವುದಿಲ್ಲ' ಎಂಬ ಮಾಹಿತಿ ಕಾಣಿಸುತ್ತದೆ. ಈ ಆ್ಯಪ್ನಲ್ಲಿ ಏನೋ ದೋಷವಿರಬೇಕು, ಇದರಿಂದಾಗಿ ಕ್ರ್ಯಾಶ್ ಆಗಿರಬಹುದು ಅಂತ ನೀವಂದುಕೊಳ್ಳುತ್ತೀರಿ. ಈ ಸಂದೇಶ ಕಾಣಿಸಿಕೊಂಡ ತಕ್ಷಣ ಈ ಆ್ಯಪ್, ಗೂಗಲ್ ಪ್ಲೇಸ್ಟೋರ್ಗೆ ನಿಮ್ಮನ್ನು ಕರೆದೊಯ್ದು, ಆ ಪುಟವು ಗೂಗಲ್ ಮ್ಯಾಪ್ಸ್ ಆ್ಯಪ್ನ ಪುಟಕ್ಕೆ ನ್ಯಾವಿಗೇಟ್ ಆಗುತ್ತದೆ. ಗೂಗಲ್ ಮ್ಯಾಪ್ಸ್ನಲ್ಲೇ ಏನೋ ಸಮಸ್ಯೆಯಿರಬಹುದು ಅಂತ ನೀವಂದುಕೊಳ್ಳುವಂತೆ ಮಾಡುವುದು ಇದರ ಉದ್ದೇಶ.

. ಆ ಬಳಿಕ ಆ್ಯಪ್ಗಳು ತಮ್ಮ ಐಕಾನ್ ಅನ್ನು ಮರೆ ಮಾಚಿ, ಆ್ಯಪ್ ಲಾಂಚರ್ನ ಆ್ಯಪ್ ಟ್ರೇಯಲ್ಲಿ ಕಾಣಿಸಿಕೊಳ್ಳುವುದೂ ಇಲ್ಲ. ಅಂದರೆ, ಮರೆಯಾಗಿಯೇ ಕೆಲಸ ಮಾಡುತ್ತಿರುತ್ತವೆ ಎಂದು ಸೋಫೋಲ್ಯಾಬ್ಸ್ ಪ್ರಧಾನ ಸಂಶೋಧಕರಾದ ಆಂಡ್ರ್ಯೂ ಬ್ರ್ಯಾಂಟ್ ಹೇಳಿದ್ದಾರೆ.

. ಈ 15ರಲ್ಲಿ 9 ಆ್ಯಪ್ಗಳು ನಕಲಿ ಹೆಸರು ಮತ್ತು ಐಕಾನ್ಗಳ ಮೂಲಕ ಬಳಕೆದಾರರ ದಾರಿತಪ್ಪಿಸಿ, ಇನ್ಸ್ಟಾಲ್ ಮಾಡಿಕೊಳ್ಳಲು ಪ್ರೇರೇಪಿಸುತ್ತವೆ. ಹೀಗಾಗಿ, ಗೂಗಲ್ ಪ್ಲೇ ಸ್ಟೋರ್ನಿಂದ ಯಾವುದೇ ಆ್ಯಪ್ ಇನ್ಸ್ಟಾಲ್ ಮಾಡಿಕೊಳ್ಳುವ ಮೊದಲು ಅದರ ಪೂರ್ವಾಪರ ವಿವರಣೆಯನ್ನು ನೋಡಿಯೇ ಮುಂದುವರಿಯುವುದು ಸೂಕ್ತ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ಲೇ ಸ್ಟೋರ್‌ನಿಂದ ಆ್ಯಪ್ ಇನ್‌ಸ್ಟಾಲ್ ಮಾಡುವ ಮುನ್ನ ಇಲ್ಲಿ ಓದಿ!

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ನಿಶ್ಶಕ್ತಿ ಯೋಜನೆ!

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

‘ತೊಗರಿ ಕಣಜ’ದಲ್ಲಿ ಟೆನಿಸ್‌ ಹಬ್ಬ ಇಂದಿನಿಂದ

ರಾಜ್ಯಮಟ್ಟದ ಅಥ್ಲೆಟಿಕ್ಸ್‌: ದಕ್ಷಿಣ ಕನ್ನಡ ಜಿಲ್ಲೆಗೆ ಸಮಗ್ರ ಪ್ರಶಸ್ತಿ

ಪುರುಷರ ರಾಷ್ಟ್ರೀಯ ಹಾಕಿ ಟೂರ್ನಿ: ಒಡಿಶಾ ತಂಡಕ್ಕೆ ಕಿರೀಟ

ಮಿನಿ ಒಲಿಂಪಿಕ್ಸ್ | ಸೈಕ್ಲಿಂಗ್: ಸಂಗಮೇಶ್, ನಂದಿನಿ ಮಿಂಚು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ನಿಶ್ಶಕ್ತಿ ಯೋಜನೆ!

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ