ಉಕ್ರೇನ್‌ ಮೇಲೆ ಬಾಂಬ್‌ ಸುರಿಮಳೆ: ಮರಿಯುಪೊಲ್‌ಗಾಗಿ ರಷ್ಯಾ ಭೀಕರ ಕಾಳಗ

ಕೀವ್, ಲುವಿವ್, ಮರಿಯುಪೊಲ್ (ಎಎಫ್ಪಿ/ ರಾಯಿಟರ್ಸ್): ಉಕ್ರೇನ್ನ ಯುದ್ಧಪೀಡಿತ ನಗರಗಳ ಮೇಲೆ ರಷ್ಯಾ ನಿರಂತರ ನಡೆಸುತ್ತಿರುವ ವೈಮಾನಿಕ ಮತ್ತು ಕ್ಷಿಪಣಿ ದಾಳಿಯಲ್ಲಿ 9 ನಾಗರಿಕರು ಸಾವನ್ನಪ್ಪಿದ್ದು, 12ಕ್ಕೂ ಹೆಚ್ಚು ಜನರು ಗಾಯಗೊಂಡಿರುವುದಾಗಿ ಕೀವ್ನ ಅಧಿಕಾರಿಯೊಬ್ಬರು ಮಂಗಳವಾರ ತಿಳಿಸಿದರು.

. ಡೊನೆಟ್ಸ್ಕ್ಪ್ರದೇಶದ ಅವ್ಜೀವ್ಕ ನಗರದ ಮೇಲೆ ರಷ್ಯಾ ಪಡೆಗಳಿಂದ ಸೋಮವಾರ ತಡರಾತ್ರಿ ವೈಮಾನಿಕ ದಾಳಿ ನಡೆಯಿತು ಎಂದು ಉಕ್ರೇನ್ನ ಲೋಕ ಪಾಲರಾದಲ್ಯುಡ್ಮಿಲಾ ಡೆನಿಸೋವಾ ತಿಳಿಸಿದರು.

. ಅಲ್ಲದೇ, ಹಾರ್ಕಿವ್ನಲ್ಲಿ ರಷ್ಯಾ ಪಡೆಗಳು ನಾಗರಿಕರನ್ನು ಗುರಿಯಾಗಿಸಿ ನಡೆಸಿದ ಟ್ಯಾಂಕ್ ದಾಳಿಯಿಂದ ಒಂದು ಮಗು ಮತ್ತು ಮೂವರು ನಾಗರಿಕರು ಮೃತಪಟ್ಟರು ಎಂದುಡೆನಿಸೋವಾ ಟೆಲಿಗ್ರಾಂನಲ್ಲಿ ತಿಳಿಸಿದ್ದಾರೆ.

. ಕೆರ್ಸಾನ್ನಲ್ಲಿ ಉಕ್ರೇನ್ ಪರ ರ್ಯಾಲಿ ನಡೆಸುತ್ತಿದ್ದ ಪ್ರತಿಭಟನಕಾರರ ಮೇಲೆ ರಷ್ಯಾ ಪಡೆಗಳು ಮಂಗಳವಾರ ಗ್ರೆನೇಡ್ ಮತ್ತು ಗುಂಡಿನ ದಾಳಿ ನಡೆಸಿವೆ ಎಂದು ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ತಿಳಿಸಿದ್ದಾರೆ.

. ನಾಗರಿಕರ ಮೇಲಿನ ದಾಳಿಯನ್ನು ಅಲ್ಲಗಳೆದಿರುವ ರಷ್ಯಾ ಪಡೆಗಳು, ಉಕ್ರೇನ್ ಪಡೆಗಳು ನಾಗರಿಕರನ್ನು ಮಾನವ ಗುರಾಣಿಯಂತೆ ಬಳಸಿಕೊಳ್ಳುತ್ತಿವೆ ಎಂದು ಆರೋಪಿಸಿವೆ.

. ಕಾರ್ಯತಂತ್ರದ ಪ್ರಮುಖ ಬಂದರು ನಗರ ಮರಿಯುಪೋಲ್ ವಶಕ್ಕಾಗಿ ರಷ್ಯಾ ಭೀಕರ ದಾಳಿ ಮುಂದುವರಿಸಿದೆ. ಈ ನಗರದ ಮೇಲೆ ನಿರಂತರ ಬಾಂಬ್ ದಾಳಿ ಮತ್ತು ಬೀದಿ ಕಾಳಗ ನಡೆಸಿಯೂ ರಷ್ಯಾ ಪಡೆಗಳಿಗೆ ಯಶಸ್ಸು ಸಿಕ್ಕಿಲ್ಲ. ಉಕ್ರೇನ್ ತೀವ್ರ ಪ್ರತಿರೋಧ ತೋರಿ, ಮರಿಯುಪೊಲ್ರಕ್ಷಿಸಿಕೊಳ್ಳುತ್ತಿದೆ ಎಂದು ಬ್ರಿಟನ್ ರಕ್ಷಣಾ ಸಚಿವಾಲಯ ಹೇಳಿದೆ.

. ರಾಜಧಾನಿ ಕೀವ್ ನಗರ ಹೊರವಲಯದ ಉಪನಗರಗಳ ಮೇಲೂ ರಷ್ಯಾದಿಂದ ವೈಮಾನಿಕ ಮತ್ತು ರಾಕೆಟ್ ದಾಳಿ ಮುಂದುವರಿದಿದೆ. ಕೀವ್ನಲ್ಲಿ ಭಾರೀ ಸ್ಫೋಟದ ಸದ್ದು ಕೇಳಿಸಿತು ಎಂದು ಸ್ಥಳೀಯರು ಹೇಳಿದ್ದಾರೆ. ಹಾನಿಯ ಬಗ್ಗೆ ವಿವರ ಇನ್ನೂ ಸಿಕ್ಕಿಲ್ಲ.

. ‘ರಷ್ಯಾದಿಂದ ಜೈವಿಕ ಅಸ್ತ್ರ ಬಳಕೆ’: ನಾಲ್ಕು ವಾರ ಆದರೂ ಉಕ್ರೇನ್ನ ಯಾವುದೇ ಪ್ರಮುಖ ನಗರವನ್ನು ರಷ್ಯಾ ಪಡೆಗಳಿಗೆ ವಶಕ್ಕೆ ತೆಗೆದುಕೊಳ್ಳಲು ಆಗಿಲ್ಲ. ಇದರಿಂದ ಹತಾಶರಾಗಿರುವ ಪುಟಿನ್, ಉಕ್ರೇನ್ ಮೇಲೆ ರಾಸಾಯನಿಕ ಮತ್ತು ಜೈವಿಕ ಅಸ್ತ್ರ ಬಳಸುವ ಸಿದ್ಧತೆಯಲ್ಲಿದ್ದಾರೆ ಎಂದು ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಎಚ್ಚರಿಸಿದ್ದಾರೆ.

. ಯುರೋಪಿನಲ್ಲಿ ಮತ್ತು ಉಕ್ರೇನಿನಲ್ಲಿ ಅಮೆರಿಕ ಜೈವಿಕ ಅಸ್ತ್ರಗಳ ಪ್ರಯೋಗಾಲಯ ಹೊಂದಿದೆ ಎಂದು ಪುಟಿನ್ ಮಾಡಿರುವ ಆರೋಪದಲ್ಲಿ ಹುರುಳಿಲ್ಲ ಎಂದರು.

. ಅಲ್ಲದೇ, ರಷ್ಯಾದ ಹ್ಯಾಕರ್ಗಳಿಂದ ಅಮೆರಿಕದ ಪ್ರಮುಖ ಕಂಪನಿಗಳನ್ನು ಗುರಿಯಾಗಿಸಿಕೊಂಡು ಸೈಬರ್ ದಾಳಿ ನಡೆಯುವ ಸಾಧ್ಯತೆ ಇದೆ. ಕಂಪನಿಗಳು ಅಗತ್ಯ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಬೈಡನ್ ಸೂಚಿಸಿದ್ದಾರೆ.

. ಉಕ್ರೇನ್ ಅಧ್ಯಕ್ಷ ಝೆಲೆನ್ಸ್ಕಿ ಕೂಡ ಉಕ್ರೇನ್ ಮೇಲೆ ರಷ್ಯಾ ಸೈಬರ್ ದಾಳಿ ನಡೆಸುವ ಸಂಭವ ಇದೆ ಎಂದಿದ್ದಾರೆ. ಸೈಬರ್ ದಾಳಿಯ ಯೋಜನೆಯನ್ನು ರಷ್ಯಾದ ವಿದೇಶಾಂಗ ಸಚಿವ ಸರ್ಗೈ ಲಾವ್ರೊವ್ ಅಲ್ಲಗಳೆದಿದ್ದಾರೆ.

. ಇಂದು ಸಭೆ: ಉಕ್ರೇನ್ ಬಗ್ಗೆ ಚರ್ಚಿಸಲು ಫ್ರಾನ್ಸ್, ಅಮೆರಿಕ, ಬ್ರಿಟನ್ ಸೇರಿ 22 ರಾಷ್ಟ್ರಗಳ ಕೋರಿಕೆಯಂತೆ ಬುಧವಾರ ವಿಶ್ವಸಂಸ್ಥೆಯಲ್ಲಿತುರ್ತುವಿಶೇಷ ಅಧಿವೇಶನ ನಡೆಯಲಿದೆ.

. ಭಾರತ ಟೀಕಿಸಿದ ಜೋ ಬೈಡನ್ ಉಕ್ರೇನ್ ಮೇಲಿನ ರಷ್ಯಾದ ಆಕ್ರಮಣವನ್ನು ಖಂಡಿಸದ ಭಾರತದ ‘ತಟಸ್ಥ’ ನಿಲುವನ್ನು ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಟೀಕಿಸಿದ್ದಾರೆ.

. ರಷ್ಯಾ ಆಕ್ರಮಣ ಖಂಡಿಸುವ ವಿಚಾರದಲ್ಲಿ ಭಾರತದ ನಿಲುವು ಅಸ್ಥಿರವಾಗಿದೆ ಎಂದು ಹೇಳಿದ್ದಾರೆ. ಬೈಡನ್ ಟೀಕೆಗೆ ಭಾರತ ಪ್ರತಿಕ್ರಿಯಿಸಿಲ್ಲ.

. ‘ಪುಟಿನ್ ಅವರ ಆಕ್ರಮಣಶೀಲತೆಗೆ ಪ್ರತಿಕ್ರಿಯೆಯಾಗಿ ನಾವು ನ್ಯಾಟೊ ಮತ್ತು ಪೆಸಿಫಿಕ್ ಪ್ರದೇಶದಲ್ಲಿ ಒಗ್ಗಟ್ಟು ಪ್ರದರ್ಶಿಸಿದ್ದೇವೆ. ಕ್ವಾಡ್ ದೇಶಗಳ ಪೈಕಿ ಭಾರತ ಹೊರತುಪಡಿಸಿ ಜಪಾನ್ ಮತ್ತು ಆಸ್ಟ್ರೇಲಿಯಾ ಕೂಡ ಪ್ರಬಲವಾಗಿ ಪುಟಿನ್ ವಿರುದ್ಧ ನಿಂತಿವೆ’ಎಂದರು.

. 27ನೇ ದಿನದ ಬೆಳವಣಿಗೆಗಳು

. *ರಷ್ಯಾ-ಉಕ್ರೇನ್ ಸಂಘರ್ಷದ ಬಗ್ಗೆ ಭಾರತ ಮತ್ತು ಆಸ್ಟ್ರೇಲಿಯಾ ಕಳವಳ ವ್ಯಕ್ತಪಡಿಸಿವೆ. ತಕ್ಷಣವೇ ಯುದ್ಧ ನಿಲ್ಲಿಸುವಂತೆ ಒತ್ತಾಯಿಸಿವೆ.

. *ಉಕ್ರೇನ್ ನಿರಾಶ್ರಿತರಲ್ಲಿ 5 ಲಕ್ಷ ಮಂದಿಗೆ ಮಾನಸಿಕ ಸಮಸ್ಯೆ, ಇದರಲ್ಲಿ 30 ಸಾವಿರ ಮಂದಿಗೆ ಗಂಭೀರ ಮಾನಸಿಕ ಕಾಯಿಲೆ ಇದೆ – ವಿಶ್ವ ಆರೋಗ್ಯ ಸಂಸ್ಥೆ

. *ರಷ್ಯಾ ಪಡೆಗಳ ನಿಯಂತ್ರಣದಲ್ಲಿರುವ ಚೆರ್ನೊಬಿಲ್ ಅಣು ಸ್ಥಾವರದ (ಇದು ಸದ್ಯ ಕಾರ್ಯನಿರ್ವಹಿಸುತ್ತಿಲ್ಲ) ಬಳಿ ಕಾಳ್ಗಿಚ್ಚು ಹರಡಿದೆ.

. *ಉಕ್ರೇನ್ – ರಷ್ಯಾ ಸಂಘರ್ಷ ಶಮನಗೊಳಿಸಲು ಪೋಪ್ ಫ್ರಾನ್ಸಿಸ್ ಮಧ್ಯಸ್ಥಿಕೆ ವಹಿಸುವಂತೆ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಒತ್ತಾಯ

. *ಕೀವ್ ಹೊರ ವಲಯದ ಮಕರೀವ್ ಅನ್ನು ರಷ್ಯಾ ಪಡೆಗಳ ನಿಯಂತ್ರಣದಿಂದ ಮರಳಿ ಪಡೆದಿರುವುದಾಗಿ ಉಕ್ರೇನ್ ರಕ್ಷಣಾ ಸಚಿವಾಲಯ ಹೇಳಿಕೆ

. *ರಷ್ಯಾದ ನಗರಗಳಲ್ಲಿ ನಾಗರಿಕರು ಮಾಲ್ಗಳಲ್ಲಿ ಗೋಧಿ ಮತ್ತು ಸಕ್ಕರೆಯನ್ನು ಮುಗಿಬಿದ್ದು ಖರೀದಿಸಿದರು

. *ಉಕ್ರೇನ್ನಮಕೆವೆಕಾ ನಗರದ ವಸತಿ ಕಟ್ಟಡಕ್ಕೆ ರಷ್ಯಾ ಕ್ಷಿಪಣಿ ದಾಳಿ ನಡೆಸಿದೆ.

. *ಜಪಾನ್ ಜತೆಗಿನ ಕುರ್ಲಿ ದ್ವೀಪ ಸಂಬಂಧದ ಶಾಂತಿ ಮಾತುಕತೆ ಮತ್ತು ಆರ್ಥಿಕ ಪಾಲುದಾರಿಕೆಯನ್ನು ರಷ್ಯಾ ಕಡಿದುಕೊಂಡಿದೆ

. *ಉಕ್ರೇನ್ನ ನಟರು, ರಂಗಭೂಮಿ ಕಲಾವಿದರು, ಸಿನಿಮಾ ನಿರ್ಮಾಪಕರಲ್ಲಿ ಹಲವು ಮಂದಿ ರಷ್ಯಾ ವಿರುದ್ಧ ಹೋರಾಡಲು ಉಕ್ರೇನ್ ಸೇನೆ ಸೇರಿದ್ದಾರೆ

. *ರಷ್ಯಾ– ಉಕ್ರೇನ್ ಯುದ್ಧದ ಪರಿಣಾಮ ಭಾರತ ಮತ್ತು ಆಸ್ಟ್ರೇಲಿಯಾದಿಂದ ಗೋಧಿ ಹಾಗೂ ಇನ್ನಿತರ ಧಾನ್ಯಗಳ ರಫ್ತು ಹೆಚ್ಚಾಗಿದೆ

. *ಕಳೆದ ವರ್ಷದ ನೊಬೆಲ್ ಶಾಂತಿ ಪ್ರಶಸ್ತಿಯ ಸಹ ವಿಜೇತರಾದ ರಷ್ಯಾದ ಪತ್ರಕರ್ತ ಡಿಮಿಟ್ರಿ ಮುರಾಟೊವ್ ಉಕ್ರೇನ್ ನಿರಾಶ್ರಿತರಿಗೆ ನಿಧಿ ಸಂಗ್ರಹಕ್ಕೆತಮ್ಮ ನೊಬೆಲ್ ಪದಕ ಹರಾಜಿಗೆ ಇಡುವುದಾಗಿ ಘೋಷಿಸಿದ್ದಾರೆ

. * ಪೋಲೆಂಡ್ನ ಹೋಮ್ಗ್ರೋನ್ ಹಾಸ್ಪಿಟಾಲಿಟಿ ತಂತ್ರಜ್ಞಾನ ಕಂಪನಿ ಓಯೊಯಿಂದ ಉಕ್ರೇನ್ ನಿರಾಶ್ರಿತರಿಗೆ ಉಚಿತ ವಸತಿ ಸೌಕರ್ಯ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಉಕ್ರೇನ್‌ ಮೇಲೆ ಬಾಂಬ್‌ ಸುರಿಮಳೆ: ಮರಿಯುಪೊಲ್‌ಗಾಗಿ ರಷ್ಯಾ ಭೀಕರ ಕಾಳಗ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ