ಔಷಧಿ ಸಿಂಪಡಣೆಗೆ ರೈತಸ್ನೇಹಿ ಡ್ರೋನ್

ಧಾರವಾಡ : ಕ್ಯಾಮೆರಾ ಹೊತ್ತುಕೊಂಡು ಆಕಾಶದಲ್ಲಿ ಹಾರುತ್ತ ವಿಡಿಯೊ ಚಿತ್ರೀಕರಿಸುವ ಡ್ರೋನ್, ಔಷಧಿ ಹೊತ್ತುಕೊಂಡು ಹೊಲದ ಮೇಲೆ ಹಾರಲು ಹೊರಟಿರುವುದು ಹೊಸತಲ್ಲ. ₹7 ಲಕ್ಷ ಬೆಲೆಯ ಡ್ರೋನ್ ಯಂತ್ರ ಕೊಳ್ಳುವ ಸಾಮರ್ಥ್ಯ ಇಲ್ಲದ ರೈತರಿಗೆ ಬೆಂಗಳೂರಿನ ‘ಎಂ-ಡ್ರೋನ್’ ಹೆಸರಿನ ಸಂಸ್ಥೆಯೊಂದು ಬೆಳೆಗಳಿಗೆ ಔಷಧಿ ಸಿಂಪಡಣೆಗೆ ಕಡಿಮೆ ವೆಚ್ಚದಲ್ಲಿ ಡ್ರೋನ್ ಸೇವೆ ಒದಗಿಸಲು ಮುಂದಾಗಿದೆ.

. ಧಾರವಾಡದ ಕೃಷಿ ಮೇಳದ ಮಳಿಗೆಯೊಂದರಲ್ಲಿ ಎಲ್ಇಡಿ ಬೆಳಕು ಚೆಲ್ಲುತ್ತ ನಿಂತಿದ್ದ ಡ್ರೋನ್ ಯಂತ್ರ ಯುವ ರೈತರನ್ನು ಆಕರ್ಷಿಸಿತು.

. ರಿಮೋಟ್ ನಿಯಂತ್ರಣದಲ್ಲಿ ಒಂದು ಸಲಕ್ಕೆ 15 ನಿಮಿಷ ಹಾರಬಲ್ಲ ಡ್ರೋನ್ನ ಟ್ಯಾಂಕ್ನಲ್ಲಿ 10 ಲೀಟರ್ ಔಷಧಿ ತುಂಬಿಸಬಹುದು. ಎಂಟು ನಿಮಿಷಗಳಲ್ಲಿ ಎಕರೆಯಷ್ಟು ಪ್ರದೇಶಕ್ಕೆ ಔಷಧಿ ಸಿಂಪಡಿಸಬಹುದು. ಒಂದು ಎಕರೆಗೆ ಬೇಕಾಗುವ ಔಷಧಿಯ ಶೇ 70ರಷ್ಟನ್ನು ತುಂಬಿಸಿಕೊಂಡು ಸಿಂಪಡಿಸಲಾಗುತ್ತದೆ. ಅಂದಾಜು 5 ಕಿ.ಮೀ ದೂರ ಹಾಗೂ 100ಅಡಿ ಎತ್ತರದಲ್ಲಿ ಹಾರುತ್ತದೆ ಎಂದು ಸಂಸ್ಥೆಯ ಮಾರುಕಟ್ಟೆ ವ್ಯವಸ್ಥಾಪಕ ಮನೀಷ್ ಹೇಳುತ್ತಾರೆ.

. ಔಷಧಿ ಸಿಂಪಡಣೆಗೆ ಕಾರ್ಮಿಕರು ಸಿಗುತ್ತಿಲ್ಲ. ಕಾರ್ಮಿಕರ ಕೊರತೆ ನಿವಾರಿಸಲು ಡ್ರೋನ್ ಸಹಕಾರಿಯಾಗಿದ್ದು, ರೈತರಿಗೆ ಅನುಕೂಲ ಆಗಬೇಕೆಂಬ ಉದ್ದೇಶದಿಂದ ಸೇವೆ ಒದಗಿಸುತ್ತಿದ್ದೇವೆ ಎನ್ನುತ್ತಾರೆ ಅವರು.

. ಎತ್ತರದ ಬೆಳೆಗಳಾದ ಅಡಿಕೆ, ತೆಂಗುಗಳಿಗೆ ರೈತರು ಕೆಳಗೆ ನಿಂತು ಔಷಧಿ ಸಿಂಪಡಣೆ ಮಾಡಲಾಗದು. ಅಂತಹ ಸಂದರ್ಭಗಳಲ್ಲಿ ಡ್ರೋನ್ ಸಹಕಾರಿ. ಬೆಳೆಗಳನ್ನು ಆಧರಿಸಿ ದರವೂ ನಿಗದಿ ಆಗುತ್ತದೆ. ಇತರ ಬೆಳೆಗಳಿಗೂ ರೈತರು ಔಷಧಿ ಸಿಂಪಡಣೆ ಮಾಡಿದರೆ ಬೆಳೆಗಳು ಕಾಲಿನಡಿಗೆ ಸಿಲುಕಿ ಹಾಳಾಗುತ್ತವೆ. ಡ್ರೋನ್ ಮೂಲಕ ಸಿಂಪಡಿಸುವುದರಿಂದ ಈ ಹಾನಿ ತಪ್ಪುತ್ತದೆ. ದ್ರಾಕ್ಷಿ ಹೊರತುಪಡಿಸಿ ಎಲ್ಲ ಬೆಳೆಗಳಿಗೂ ಡ್ರೋನ್ನಲ್ಲಿ ಔಷಧಿ ಸಿಂಪಡಿಸಬಹುದು ಎಂದು ಮನೀಷ್ ವಿವರಿಸಿದರು.

. ಡ್ರೋನ್ ಬಳಕೆಯಿಂದ ಲಾಭದಾಯಕ ಕೃಷಿ ನಡೆಸಲು ಸಾಧ್ಯ. ಕಡಿಮೆ ನೀರಿನ ಬಳಕೆ ಹಾಗೂ ಅಧಿಕ ಔಷಧಿ ಇದರ ವಿಶೇಷತೆ. ದಿನದ ಬಳಕೆಗಾಗಿ ಅರ್ಧ ತಾಸು ಬ್ಯಾಟರಿ ಚಾರ್ಜ್ ಮಾಡಬೇಕು. ದಿನಕ್ಕೆ 40 ಎಕರೆ ಬೆಳೆಗೆ ಔಷಧಿ ಸಿಂಪಡಿಸಬಹುದು. ಅಧಿಕ ಖರ್ಚಾಗುವುದನ್ನು ತಪ್ಪಿಸಲು ಡ್ರೋನ್ ಬಳಸಬಹುದು ಎನ್ನುತ್ತಾರೆ ಅವರು.

. ಹುಬ್ಬಳ್ಳಿಯಲ್ಲಿಯೂ ಎಂ-ಡ್ರೋನ್ ಸಂಸ್ಥೆಯ ಶಾಖೆ ಇದೆ. ಮಾಹಿತಿಗೆ: 99455 47601.

. ಸದ್ಯ ನಾವು ಮೋಟಾರಿಗೂ, ಔಷಧಿ ಸಿಂಪಡಿಸುವವರಿಗೂ ಹಣ ನೀಡಬೇಕಾಗುತ್ತದೆ. ಡ್ರೋನ್ ಸೇವೆ ರೈತರಿಗೆ ಕೈಗೆಟಕುವ ದರದಲ್ಲಿ ಸಿಗುವುದಾದರೆ ಅನುಕೂಲ

. - ಶರಣ ಬಸಪ್ಪ, ರೈತ, ಕುಕನೂರು, ಕೊಪ್ಪಳ ಜಿಲ್ಲೆ.

. ಎಕರೆಗೆ ₹600ರಂತೆ ಸಿಂಪಡಣೆ ದರ ನಿಗದಿಗೊಳಿಸಿದ್ದೇವೆ. ಕನಿಷ್ಠ ಹತ್ತು ಎಕರೆ ಇದ್ದಲ್ಲಿ ರಾಜ್ಯದ ಯಾವುದೇ ಜಿಲ್ಲೆಗಾದರೂ ಹೋಗಿ ಸೇವೆ ಒದಗಿಸುತ್ತೇವೆ.

. – ಮನೀಷ್, ಮಾರುಕಟ್ಟೆ ವ್ಯವಸ್ಥಾಪಕ, ಎಂ–ಡ್ರೋನ್ ಸಂಸ್ಥೆ, ಬೆಂಗಳೂರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಔಷಧಿ ಸಿಂಪಡಣೆಗೆ ರೈತಸ್ನೇಹಿ ಡ್ರೋನ್

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ