ಮನಮೋಹಕ ಮುಂಗಾರು...

ನಾನು ಬಯಲುಸೀಮೆಯ ಚಿತ್ರದುರ್ಗದವನು. ಮೋಡಗಳನ್ನು ಕಂಡಷ್ಟೆ ಗೊತ್ತಿದ್ದವನಿಗೆ ಮಳೆಯ ಮೋಹಕತೆ ಅರಿವಿಗೆ ಬಂದಿದ್ದು ಮಂಗಳೂರಿಗೆ ‘ಪ್ರಜಾವಾಣಿ’ ಛಾಯಾಗ್ರಾಹಕನಾಗಿ ಬಂದಾಗಲೇ. ಅವಾಗಿನಿಂದ ಹಚ್ಚ ಹಸಿರು, ದಟ್ಟ ಕಾನನದ ನಡುವೆ ಧೋ ಎಂದು ಸುರಿಯುವ ಮಳೆಯನ್ನು, ಆಷಾಢದ ಗಾಳಿಗೆ ತೊಯ್ದಾಡುವ ಗಿಡಮರಗಳನ್ನು ಕಂಡಾಗಲೆಲ್ಲ ಮನಸ್ಸಿಗೇನೋ ಒಂದು ಥರ ಪುಳಕ.

. ಮುಂಗಾರು ಆಗಮನದ ಮುನ್ಸೂಚನೆ ಸಿಗುತ್ತಿದ್ದಂತೆಯೇ ನನ್ನ ಕ್ಯಾಮೆರಾದ ಕಣ್ಣುಗಳು ತೀಕ್ಷ್ಣಗೊಂಡವು. ಸುರಿಯುವ ಸೋನೆ ಮಳೆ, ತುಷಾರ ಮಳೆ, ಧೋ ಎನ್ನುವ ಧಾರಾಕಾರ ಮಳೆ ಹೀಗೆ ಹನಿಯನ್ನೇ ಕಾಣದವನಿಗೆ ಮಳೆಯ ಹಲವು ವೈವಿಧ್ಯಗಳು ಅರಿವಿಗೆ ಬಂತು. ಜತೆಗಾರ ಕ್ಯಾಮೆರಾವನ್ನು ಬೆನ್ನಿಗೆ ಹೇರಿಕೊಂಡು ಬೈಕ್ನಲ್ಲಿ ಮಳೆ ಬಿಡಿಸಬಹುದಾದ ಚಿತ್ತಾರಗಳನ್ನು ಕಣ್ತುಂಬಿಕೊಳ್ಳಲು ನಗರ, ಪಟ್ಟಣ, ಹಳ್ಳಿ, ಗಿರಿಧಾಮಗಳತ್ತ ಮುಖ ಮಾಡಿದೆ.

. ಉಡುಪಿ ಜಿಲ್ಲೆಯ ಹೆಬ್ರಿ ತಾಲ್ಲೂಕಿನ ವರಂಗ ಎಂಬ ಹಳ್ಳಿಯಲ್ಲಿ ಇಡೀ ದಿನ ಕಳೆದೆ. ಅದರ ಸೊಗಸನ್ನು ಪದಗಳಲ್ಲಿ ಹಿಡಿದಿಡುವುದು ತುಸು ಕಷ್ಟ. ಕೃಷಿಕ ಮಹಿಳೆಯರು ಪಾಡ್ದಾನ ಹಾಡುತ್ತಾ ನಾಟಿ ಮಾಡುವುದು, ತುಂಬಿದ ನೀರಿನಲ್ಲಿ ಆಡುತ್ತಾ ಆಡುತ್ತಾ ಮಕ್ಕಳಲ್ಲಿದ್ದ ಉತ್ಸಾಹ ಮಳೆಗೂ, ಮಳೆಯಲ್ಲಿದ್ದ ಉತ್ಸಾಹ ಮಕ್ಕಳಲ್ಲೂ ಕಂಡು ಬೆರಗಾದೆ. ಇಂಥ ಹಲವು ಚಿತ್ರಗಳಿಗೆ ಸಾಕ್ಷಿಯಾದೆ.

. ಚಿಕ್ಕಮಗಳೂರು ಜಿಲ್ಲೆಯ ಕ್ಯಾತನಮಕ್ಕಿ ಬೆಟ್ಟಕ್ಕೆ ಹೋಗುವ ಹಾದಿಯಲ್ಲಿ ನಿಜವಾದ ಮುಂಗಾರು ಮಳೆಯ ಅಬ್ಬರವನ್ನು ಅನುಭವಿಸಿ ಬೆಚ್ಚಿಬಿದ್ದೆ. ಬೈಕ್ನಲ್ಲಿ ಹೋಗುವಾಗ ಮುಂದೆ ಏನಿದೆ ಎನ್ನುವುದೇ ಕಾಣದಷ್ಟು ಮಳೆ ತೀವ್ರವಾಗಿತ್ತು. ಕುದುರೆಮುಖ, ಆಗುಂಬೆ ಘಾಟಿಯಲ್ಲೂ ಇದೇ ರೀತಿಯ ಮಳೆಯ ನರ್ತನ ಕಂಡೆ.

. ಮುಂಜಾನೆ ಸೋನೆ ಮಳೆಯಲ್ಲೇ ಮಂಗಳೂರಿನ ಬಂದರಿನಲ್ಲಿರುವ ಮೀನು ಮಾರುಕಟ್ಟೆಗೆ ಹೋದೆ. ಅಲ್ಲಿ ಕಲಾವಿದನೊಬ್ಬ ತುಂಬಾ ಆಸ್ಥೆ ವಹಿಸಿ, ಬಣ್ಣಗಳನ್ನು ಎರಚಿದಂಥ ನೋಟ. ಸೋನೆ ಮಳೆ, ಸುಯ್ಯನೆ ಬೀಸುವ ಗಾಳಿ ವ್ಯವಹಾರದ ಬದುಕಿಗೆ ಅದಮ್ಯ ಉತ್ಸಾಹವೊಂದನ್ನು ತಂದಿತ್ತು.

. ಕೆಲವು ಮೀನುಗಳ ಪರಿಚಯವಿದ್ದನಿಗೆ ಬಗೆ ಬಗೆಯ ನಾನಾ ಮೀನಿನ ರಾಶಿಗಳನ್ನು ಕಂಡೆ. ಹಳ್ಳಿಯ ಬಯಲು, ದಟ್ಟ ಕಾನನ, ಸೆಳೆಯುವ ದಿಗಂತ, ಕಡಲಿನ ಅನಂತತೆ, ಪಿಸುಗುಡುವ ಗಿರಿಶೃಂಗಗಳು.

. ಮುಂಗಾರು ಒಂದು, ನೋಟ ಹತ್ತಾರು...

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮನಮೋಹಕ ಮುಂಗಾರು...

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

Perth Test: ಬ್ಯಾಟರ್‌ಗಳ ವೈಫಲ್ಯ; ಭಾರತ 150ಕ್ಕೆ ಆಲೌಟ್

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ದುಡ್ಡಿನ ದಾರಿ