<p>ಒಂದು ಸುಂದರ ಮುಂಜಾವು<br />ಮರದ ಮರೆಯಲ್ಲಿ ಕೂಗುತ್ತಿತ್ತು ಹಕ್ಕಿ<br />ಪುಟ್ಟ ಹುಡುಗಿ ಅಮ್ಮನ ಸೆರಗೆಳೆದು ಕೇಳಿದಳು<br />‘ಹಕ್ಕಿ ಏನಂತಿದೆ ಅಮ್ಮಾ?’<br />ಮಗಳ ತಲೆನೇವರಿಸಿ ಅಮ್ಮ ಕಥೆ ಹೇಳಿದಳು<br />ಆ ಹಕ್ಕಿಯೂ ಒಮ್ಮೆ ನಿನ್ನಂತೆಯೇ ಪುಟ್ಟಮ್ಮ<br />ಮನೆಗೆ ಬಂದ ಅಕ್ಕ-ಬಾವನೊಂದಿಗೆ<br />ಜಿಗಿಯುತ್ತಲೇ ನಡೆದಳು ಹೊಲದ ಕಡೆ<br />ಹಸಿರುಕ್ಕುವ ಭತ್ತದ ಎಲೆಯ ಎಳೆಯೊಂದನ್ನು<br />ಬೆರಳ ನಡುವಿಟ್ಟು ಎಳೆದಳು, ಪೀಂ……..<br />ಅಪಾನವಾಯು ಮುಕ್ತವಾದಂತೆ ಶಬ್ದ<br />ತಿರುಗಿ ನೋಡಿ ನಕ್ಕ ಬಾವನ ನೋಟಕೆ<br />ನಾಚಿ ಹಕ್ಕಿಯಾಗಿ ಹಾರಿಹೋದಳು<br />ಈಗಲೂ ನಾಚುತ್ತಾಳೆ ನೋಡು<br />‘ಬಾವ ಕೇಳ್ದ, ಬಾವ ಕೇಳ್ದ…’</p>.<p>ಅರೆ! ಹಾಗೆಯೇ ಕೂಗುತಿದೆ ಹಕ್ಕಿ!</p>.<p>ನಡುಮಧ್ಯಾಹ್ನದಲಿ ಮತ್ತೆ ಕೂಗಿತು ಹಕ್ಕಿ<br />ಸುತ್ತಲಿದ್ದರು ಅವಳ ಹಿರಿಯ ಗೆಳತಿಯರು<br />ಅಮ್ಮ ಹೇಳಿದ ಕತೆಯ ಬಣ್ಣಿಸಿ ಹೇಳಿದರೆ<br />ಕಣ್ಸನ್ನೆ ಮಾಡಿ ಕಿಲಕಿಲನೆ ನಕ್ಕರು<br />ಹುಚ್ಚು ಹುಡುಗಿ, ಗಂಡಿನಾಟ ತಿಳಿಯದವಳು<br />ಅಂದು ಅವರೊಂದಿಗೆ ಅಕ್ಕನೂ ಇರಲಿಲ್ಲ<br />ಹಸಿರ ಮರೆಯಲ್ಲವಳ ಬಿಗಿದಪ್ಪಿ, ಎದೆಸವರಿ<br />ಕೇಳಿಯೇಬಿಟ್ಟಿದ್ದ ಬಾವ ಕೇಳಬಾರದ್ದನ್ನು<br />ಪಾಪದ ಹುಡುಗಿ! ಆಡಲಾರಳು, ಅನುಭವಿಸಲಾರಳು<br />ಹಕ್ಕಿಯಾಗಿ ಹಾರಿಹೋದಳು<br />ಸತ್ಯವನ್ನೀಗ ಸಾರಿ ಹೇಳುತ್ತಾಳೆ<br />ಬಾವ್ ಕೇಳ್ದ, ಬಾವ್ ಕೇಳ್ದ….<br />ಅಮ್ಮಂದಿರಿಗದು ಅರ್ಥವೇ ಆಗದು ಕಣೇ</p>.<p>ಕಿಶೋರಿಯ ಕಣ್ಣೆದುರು ನಿಗೂಢ ಲೋಕ!</p>.<p>ಮುಸ್ಸಂಜೆಯಲಿ ಹಕ್ಕಿ ಮತ್ತೆ ಕೂಗುತ್ತಿದೆ<br />ಅಮ್ಮನಾಗಿರುವ ಅದೇ ಹುಡುಗಿ<br />ಹೊಸಿಲಲ್ಲಿ ನಿಂತು ಕಾಯುತ್ತಾಳೆ ಮಗಳ ದಾರಿ<br />ನಿನ್ನೆಯಷ್ಟೇ ದೂರದೂರಿನಲ್ಲಿ<br />ಪುಟ್ಟ ಹುಡುಗಿಯೊಬ್ಬಳು ಛಿದ್ರವಾಗಿದ್ದಾಳೆ<br />ನಶೆಯೇರಿದ ರಕ್ಕಸರ ಅಟ್ಟಹಾಸಕ್ಕೆ ಸಿಲುಕಿ<br />ಓ ದೇವರೇ, ಕೇಳಬಾರದ ಜಾಗದಲ್ಲಿ<br />ಕೇಳಬಾರದವರು, ಕೇಳಬಾರದ್ದನ್ನು ಕೇಳುವಾಗ<br />ಹಕ್ಕಿಯಾಗಿ ಹಾರುವಂತಾದರೂ ಮಾಡಬಾರದೆ?</p>.<p>ಜಿಗಿಯುತ್ತ ಬಂದ ಮಗಳ ಪ್ರಶ್ನೆ, ‘ಅಮ್ಮಾ, ಹಕ್ಕಿ ಏನೆನ್ನುತಿದೆ?’</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಒಂದು ಸುಂದರ ಮುಂಜಾವು<br />ಮರದ ಮರೆಯಲ್ಲಿ ಕೂಗುತ್ತಿತ್ತು ಹಕ್ಕಿ<br />ಪುಟ್ಟ ಹುಡುಗಿ ಅಮ್ಮನ ಸೆರಗೆಳೆದು ಕೇಳಿದಳು<br />‘ಹಕ್ಕಿ ಏನಂತಿದೆ ಅಮ್ಮಾ?’<br />ಮಗಳ ತಲೆನೇವರಿಸಿ ಅಮ್ಮ ಕಥೆ ಹೇಳಿದಳು<br />ಆ ಹಕ್ಕಿಯೂ ಒಮ್ಮೆ ನಿನ್ನಂತೆಯೇ ಪುಟ್ಟಮ್ಮ<br />ಮನೆಗೆ ಬಂದ ಅಕ್ಕ-ಬಾವನೊಂದಿಗೆ<br />ಜಿಗಿಯುತ್ತಲೇ ನಡೆದಳು ಹೊಲದ ಕಡೆ<br />ಹಸಿರುಕ್ಕುವ ಭತ್ತದ ಎಲೆಯ ಎಳೆಯೊಂದನ್ನು<br />ಬೆರಳ ನಡುವಿಟ್ಟು ಎಳೆದಳು, ಪೀಂ……..<br />ಅಪಾನವಾಯು ಮುಕ್ತವಾದಂತೆ ಶಬ್ದ<br />ತಿರುಗಿ ನೋಡಿ ನಕ್ಕ ಬಾವನ ನೋಟಕೆ<br />ನಾಚಿ ಹಕ್ಕಿಯಾಗಿ ಹಾರಿಹೋದಳು<br />ಈಗಲೂ ನಾಚುತ್ತಾಳೆ ನೋಡು<br />‘ಬಾವ ಕೇಳ್ದ, ಬಾವ ಕೇಳ್ದ…’</p>.<p>ಅರೆ! ಹಾಗೆಯೇ ಕೂಗುತಿದೆ ಹಕ್ಕಿ!</p>.<p>ನಡುಮಧ್ಯಾಹ್ನದಲಿ ಮತ್ತೆ ಕೂಗಿತು ಹಕ್ಕಿ<br />ಸುತ್ತಲಿದ್ದರು ಅವಳ ಹಿರಿಯ ಗೆಳತಿಯರು<br />ಅಮ್ಮ ಹೇಳಿದ ಕತೆಯ ಬಣ್ಣಿಸಿ ಹೇಳಿದರೆ<br />ಕಣ್ಸನ್ನೆ ಮಾಡಿ ಕಿಲಕಿಲನೆ ನಕ್ಕರು<br />ಹುಚ್ಚು ಹುಡುಗಿ, ಗಂಡಿನಾಟ ತಿಳಿಯದವಳು<br />ಅಂದು ಅವರೊಂದಿಗೆ ಅಕ್ಕನೂ ಇರಲಿಲ್ಲ<br />ಹಸಿರ ಮರೆಯಲ್ಲವಳ ಬಿಗಿದಪ್ಪಿ, ಎದೆಸವರಿ<br />ಕೇಳಿಯೇಬಿಟ್ಟಿದ್ದ ಬಾವ ಕೇಳಬಾರದ್ದನ್ನು<br />ಪಾಪದ ಹುಡುಗಿ! ಆಡಲಾರಳು, ಅನುಭವಿಸಲಾರಳು<br />ಹಕ್ಕಿಯಾಗಿ ಹಾರಿಹೋದಳು<br />ಸತ್ಯವನ್ನೀಗ ಸಾರಿ ಹೇಳುತ್ತಾಳೆ<br />ಬಾವ್ ಕೇಳ್ದ, ಬಾವ್ ಕೇಳ್ದ….<br />ಅಮ್ಮಂದಿರಿಗದು ಅರ್ಥವೇ ಆಗದು ಕಣೇ</p>.<p>ಕಿಶೋರಿಯ ಕಣ್ಣೆದುರು ನಿಗೂಢ ಲೋಕ!</p>.<p>ಮುಸ್ಸಂಜೆಯಲಿ ಹಕ್ಕಿ ಮತ್ತೆ ಕೂಗುತ್ತಿದೆ<br />ಅಮ್ಮನಾಗಿರುವ ಅದೇ ಹುಡುಗಿ<br />ಹೊಸಿಲಲ್ಲಿ ನಿಂತು ಕಾಯುತ್ತಾಳೆ ಮಗಳ ದಾರಿ<br />ನಿನ್ನೆಯಷ್ಟೇ ದೂರದೂರಿನಲ್ಲಿ<br />ಪುಟ್ಟ ಹುಡುಗಿಯೊಬ್ಬಳು ಛಿದ್ರವಾಗಿದ್ದಾಳೆ<br />ನಶೆಯೇರಿದ ರಕ್ಕಸರ ಅಟ್ಟಹಾಸಕ್ಕೆ ಸಿಲುಕಿ<br />ಓ ದೇವರೇ, ಕೇಳಬಾರದ ಜಾಗದಲ್ಲಿ<br />ಕೇಳಬಾರದವರು, ಕೇಳಬಾರದ್ದನ್ನು ಕೇಳುವಾಗ<br />ಹಕ್ಕಿಯಾಗಿ ಹಾರುವಂತಾದರೂ ಮಾಡಬಾರದೆ?</p>.<p>ಜಿಗಿಯುತ್ತ ಬಂದ ಮಗಳ ಪ್ರಶ್ನೆ, ‘ಅಮ್ಮಾ, ಹಕ್ಕಿ ಏನೆನ್ನುತಿದೆ?’</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
