<p>2023–24ನೇ ಸಾಲಿನ ಕೇಂದ್ರ ಬಜೆಟ್ಗೆ ದಿನಗಣನೆ ಆರಂಭವಾಗಿದೆ. ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ 2ನೇ ಅವಧಿಯ ಸರ್ಕಾರದ ಕೊನೆಯ ಪೂರ್ಣ ಪ್ರಮಾಣದ ಬಜೆಟ್ ಇದಾಗಿದ್ದು, ಜನ ಸಹಜವಾಗಿಯೇ ಹೆಚ್ಚಿನ ನಿರೀಕ್ಷೆಯೊಂದಿಗೆ ಈ ಆಯವ್ಯಯವನ್ನು ಎದುರು ನೋಡುತ್ತಿದ್ದಾರೆ. ಅದರಲ್ಲೂ ಮಧ್ಯಮ ವರ್ಗದ ಜನರಿಗೆ ಈ ಬಜೆಟ್ನಲ್ಲಿ ಹಲವಾರು ನಿರೀಕ್ಷೆಗಳಿವೆ.</p>.<p>ಕೋವಿಡ್ನಿಂದ ಉಂಟಾದ ಆರ್ಥಿಕ ಸಂಕಷ್ಟದ ಮುಂದುವರಿಕೆ, ಬೆಲೆ ಏರಿಕೆ, ಹಣದುಬ್ಬರ, ಉದ್ಯೋಗ ನಷ್ಟ, ನಿರೀಕ್ಷಿತ ಆರ್ಥಿಕ ಹಿಂಜರಿತ ಇವೆಲ್ಲವುಗಳ ಋಣಾತ್ಮಕ ಫಲವನ್ನು ಹೆಚ್ಚಾಗಿ ಉಂಡಿರುವ ಮಧ್ಯಮ ವರ್ಗ, ಸಹಜವಾಗಿಯೇ ಈ ಬಾರಿಯ ಬಜೆಟ್ನಲ್ಲಿ ಹಲವು ರಿಯಾಯತಿಗಳನ್ನು ಎದುರು ನೋಡುತ್ತಿದೆ. ಹಾಗಾದರೆ ಈ ಬಾರಿಯ ಬಜೆಟ್ನಲ್ಲಿ ಮಧ್ಯಮ ವರ್ಗಕ್ಕೆ ಸಿಗಬಹುದಾದ ರಿಯಾಯತಿಗಳೇನು? ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.</p>.<p><u><strong>ತೆರಿಗೆ ವಿನಾಯಿತಿ ಹೆಚ್ಚಳ</strong></u></p>.<p>ಕಳೆದ ಹಲವಾರು ವರ್ಷಗಳಿಂದ ಪರಿಷ್ಕರಣೆಯಾಗದೇ ಇರುವ ತೆರಿಗೆ ವಿನಾಯಿತಿ ಮಿತಿಯನ್ನು ಈ ಬಾರಿಯಾದರೂ ಹೆಚ್ಚಳ ಮಾಡಬಹುದು ಎನ್ನುವ ನಿರೀಕ್ಷೆ ದೇಶದ ಬಹುಪಾಲು ತೆರಿಗೆ ಪಾವತಿದಾರರದ್ದು. ಸದ್ಯ ₹2.5 ಲಕ್ಷದವರೆಗೆ ತೆರಿಗೆ ವಿನಾಯಿತಿ ಇದ್ದು, ಇದು ₹5 ಲಕ್ಷಕ್ಕೆ ಏರಿಕೆಯಾಗಬಹುದು ಎನ್ನುವ ನಿರೀಕ್ಷೆ ಇದೆ. ಒಂದು ವೇಳೆ ತೆರಿಗೆ ವಿನಾಯಿತಿ ಮಿತಿ ಹೆಚ್ಚಿದ್ದೇ ಆದಲ್ಲಿ, ಕೋಟ್ಯಾಂತರ ತೆರಿಗೆ ಪಾವತಿದಾರರಿಗೆ ರಿಲೀಫ್ ಸಿಗಲಿದೆ. ಐದು ಲಕ್ಷದ ವರೆಗೆ ಆದಾಯ ಇರುವವರು ಆದಾಯ ತೆರಿಗೆ ರಿಟರ್ನ್ಸ್ ಪಾವತಿ ಮಾಡುವ ಪ್ರಮೇಯವೂ ತಪ್ಪಲಿದೆ.</p>.<p><u><strong>80C ಅಡಿ ವಿನಾಯಿತಿ ಹೆಚ್ಚಳ</strong></u></p>.<p>ವಿವಿಧ ಖರ್ಚು ಹಾಗೂ ಹೂಡಿಕೆಗಳ ಮೇಲೆ ಆದಾಯ ತೆರಿಗೆಯ 80C ಅಡಿಯಲ್ಲಿರುವ ವಿನಾಯಿತಿ ಮೊತ್ತ ಈ ಬಜೆಟ್ನಲ್ಲಿ ಏರಿಕೆಯಾಗಲಿದೆ ಎನ್ನುವ ನಿರೀಕ್ಷೆ ಇದೆ. ಸದ್ಯ ಈ ಸೆಕ್ಷನ್ನಡಿ ₹1.5 ಲಕ್ಷ ವಿನಾಯಿತಿ ಇದೆ. ಇದು ಪರಿಷ್ಕರಣೆಯಾಗದೇ ದಶಕಗಳೇ ಸಂದಿದೆ. ಹೀಗಾಗಿ ಈ ಸೆಕ್ಷನ್ನಡಿ ವಿನಾಯಿತಿ ಮಿತಿ ಹೆಚ್ಚಳವಾಗಬಹುದು ಎನ್ನುವ ನಿರೀಕ್ಷೆ ಹಲವರದ್ದು. </p>.<p><u><strong>80DDಯಲ್ಲಿ ಹಲವು ವಿನಾಯಿತಿ</strong></u></p>.<p>ಕೋವಿಡ್ ಬಳಿಕ ಆರೋಗ್ಯ ಸಂಬಂಧ ಖರ್ಚುಗಳು ಹೆಚ್ಚಾಗಿವೆ. ಹೀಗಾಗಿ 80DD ಸೆಕ್ಷನ್ನಡಿ ಈ ಬಾರಿ ಹಲವು ವಿನಾಯಿತಿಗಳು ಸಿಗಬಹುದು ಎನ್ನುವ ನಿರೀಕ್ಷೆ ಇದೆ. ಮಧ್ಯಮ ವರ್ಗದ ಮೇಲಿನ ಹೊರೆ ಕಡಿಮೆ ಮಾಡಲು ಸರ್ಕಾರ ಈ ಬಗ್ಗೆ ಚಿಂತನೆ ಕೂಡ ಮಾಡಬಹುದು ಎನ್ನುವ ಊಹೆ ತಜ್ಞರದ್ದು. ವೈದ್ಯರ ಭೇಟಿ ಶುಲ್ಕ, ಪ್ರಯೋಗಾಲಯ ಪರೀಕ್ಷೆ ಶುಲ್ಕ ಮುಂತಾದವುಗಳಿಗೂ ಈ ಸೆಕ್ಷನ್ನಡಿ ವಿನಾಯಿತಿ ಲಭಿಸುವ ಸಾಧ್ಯತೆ ಇದೆ ಎನ್ನುವುದು ಬಜೆಟ್ ತಜ್ಞರ ಅಭಿಪ್ರಾಯ.</p>.<p><u><strong>ಮನೆ ಖರೀದಿದಾರಿಗೆ ನೆಮ್ಮದಿ ಸಿಗಬಹುದೇ?</strong></u></p>.<p>ರೆಪೋ ದರ ಹಾಗೂ ಬಡ್ಡಿ ದರ ಏರಿಕೆಯ ಪರಿಣಾಮ ಗೃಹಸಾಲದ ಪಡೆದವರ ‘ಇಎಂಐ‘ ಹೊರೆ ಹೆಚ್ಚಳವಾಗಿದೆ. ಇದು ಮಧ್ಯಮ ವರ್ಗದ ತೆರೆಗೆ ಪಾವತಿದಾರರ ಜೇಬಿಗೆ ಕತ್ತರಿ ಹಾಕಿದೆ. ಸದ್ಯ ಗೃಹ ಸಾಲದ ಬಡ್ಡಿ ಮೇಲೆ ₹2 ಲಕ್ಷದಷ್ಟು ವಿನಾಯಿತಿ ಇದೆ. ಇದನ್ನು ಏರಿಕೆ ಮಾಡಬೇಕು ಎನ್ನುವ ಆಗ್ರಹ ಕೂಡ ಇದ್ದು, ಇದನ್ನು ಸರ್ಕಾರ ಈಡೇರಿಸುವುದೇ ಎನ್ನುವುದನ್ನು ಕಾದು ನೋಡಬೇಕಿದೆ. </p>.<p>ಇದರ ಜತೆಗೆ 2019ರ ಏಪ್ರಿಲ್ 1ರಿಂದ 2022ರ ಮಾರ್ಚ್ 31ರ ನಡುವೆ ಪಡೆಯಲಾದ ಗೃಹ ಸಾಲದ ಮೇಲಿನ ಬಡ್ಡಿಗೆ 80EEA ಅಡಿ ವಿನಾಯಿತಿ ಪಡೆಯುವ ಅವಕಾಶ ಇದೆ. ಈ ಕಾಲಮಿತಿಯನ್ನು ಹೆಚ್ಚಳ ಮಾಡಿ ಎನ್ನುವ ಬೇಡಿಕೆ ಇದ್ದು, ಸರ್ಕಾರ ಸಕಾರಾತ್ಮಕವಾಗಿ ಸ್ಪಂದಿಸಲಿದೆಯೇ ಇಲ್ಲವೇ ಎನ್ನುವುದನ್ನು ಕಾದು ನೋಡಬೇಕಿದೆ.</p>.<p><u><strong>ಸ್ಟಾಂಡರ್ಡ್ ಡಿಡಕ್ಷನ್ ಹೆಚ್ಚಳ</strong></u></p>.<p>2018–19ನೇ ಸಾಲಿನ ಬಳಿಕ ಸ್ಟಾಂಡರ್ಡ್ ಡಿಡಕ್ಷನ್ ಮಿತಿ ಹೆಚ್ಚಳವಾಗಿಲ್ಲ. ಆರ್ಥಿಕ ಸಂಕಷ್ಟಗಳಿಂದ ಬಳಲುತ್ತಿರುವ ಜನ, ಸದ್ಯ ಇರುವ ₹50,000 ಮಿತಿಯನ್ನು ಕನಿಷ್ಠ ₹1 ಲಕ್ಷಕ್ಕೆ ಏರಿಸಿ ಎಂದು ಆಗ್ರಹಿಸುತ್ತಿದ್ದಾರೆ. ಈ ಬೇಡಿಕೆ ಸಾಕಾರಗೊಂಡರೆ ಹೆಚ್ಚಿನ ಹೊರೆ ತಪ್ಪಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>2023–24ನೇ ಸಾಲಿನ ಕೇಂದ್ರ ಬಜೆಟ್ಗೆ ದಿನಗಣನೆ ಆರಂಭವಾಗಿದೆ. ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ 2ನೇ ಅವಧಿಯ ಸರ್ಕಾರದ ಕೊನೆಯ ಪೂರ್ಣ ಪ್ರಮಾಣದ ಬಜೆಟ್ ಇದಾಗಿದ್ದು, ಜನ ಸಹಜವಾಗಿಯೇ ಹೆಚ್ಚಿನ ನಿರೀಕ್ಷೆಯೊಂದಿಗೆ ಈ ಆಯವ್ಯಯವನ್ನು ಎದುರು ನೋಡುತ್ತಿದ್ದಾರೆ. ಅದರಲ್ಲೂ ಮಧ್ಯಮ ವರ್ಗದ ಜನರಿಗೆ ಈ ಬಜೆಟ್ನಲ್ಲಿ ಹಲವಾರು ನಿರೀಕ್ಷೆಗಳಿವೆ.</p>.<p>ಕೋವಿಡ್ನಿಂದ ಉಂಟಾದ ಆರ್ಥಿಕ ಸಂಕಷ್ಟದ ಮುಂದುವರಿಕೆ, ಬೆಲೆ ಏರಿಕೆ, ಹಣದುಬ್ಬರ, ಉದ್ಯೋಗ ನಷ್ಟ, ನಿರೀಕ್ಷಿತ ಆರ್ಥಿಕ ಹಿಂಜರಿತ ಇವೆಲ್ಲವುಗಳ ಋಣಾತ್ಮಕ ಫಲವನ್ನು ಹೆಚ್ಚಾಗಿ ಉಂಡಿರುವ ಮಧ್ಯಮ ವರ್ಗ, ಸಹಜವಾಗಿಯೇ ಈ ಬಾರಿಯ ಬಜೆಟ್ನಲ್ಲಿ ಹಲವು ರಿಯಾಯತಿಗಳನ್ನು ಎದುರು ನೋಡುತ್ತಿದೆ. ಹಾಗಾದರೆ ಈ ಬಾರಿಯ ಬಜೆಟ್ನಲ್ಲಿ ಮಧ್ಯಮ ವರ್ಗಕ್ಕೆ ಸಿಗಬಹುದಾದ ರಿಯಾಯತಿಗಳೇನು? ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.</p>.<p><u><strong>ತೆರಿಗೆ ವಿನಾಯಿತಿ ಹೆಚ್ಚಳ</strong></u></p>.<p>ಕಳೆದ ಹಲವಾರು ವರ್ಷಗಳಿಂದ ಪರಿಷ್ಕರಣೆಯಾಗದೇ ಇರುವ ತೆರಿಗೆ ವಿನಾಯಿತಿ ಮಿತಿಯನ್ನು ಈ ಬಾರಿಯಾದರೂ ಹೆಚ್ಚಳ ಮಾಡಬಹುದು ಎನ್ನುವ ನಿರೀಕ್ಷೆ ದೇಶದ ಬಹುಪಾಲು ತೆರಿಗೆ ಪಾವತಿದಾರರದ್ದು. ಸದ್ಯ ₹2.5 ಲಕ್ಷದವರೆಗೆ ತೆರಿಗೆ ವಿನಾಯಿತಿ ಇದ್ದು, ಇದು ₹5 ಲಕ್ಷಕ್ಕೆ ಏರಿಕೆಯಾಗಬಹುದು ಎನ್ನುವ ನಿರೀಕ್ಷೆ ಇದೆ. ಒಂದು ವೇಳೆ ತೆರಿಗೆ ವಿನಾಯಿತಿ ಮಿತಿ ಹೆಚ್ಚಿದ್ದೇ ಆದಲ್ಲಿ, ಕೋಟ್ಯಾಂತರ ತೆರಿಗೆ ಪಾವತಿದಾರರಿಗೆ ರಿಲೀಫ್ ಸಿಗಲಿದೆ. ಐದು ಲಕ್ಷದ ವರೆಗೆ ಆದಾಯ ಇರುವವರು ಆದಾಯ ತೆರಿಗೆ ರಿಟರ್ನ್ಸ್ ಪಾವತಿ ಮಾಡುವ ಪ್ರಮೇಯವೂ ತಪ್ಪಲಿದೆ.</p>.<p><u><strong>80C ಅಡಿ ವಿನಾಯಿತಿ ಹೆಚ್ಚಳ</strong></u></p>.<p>ವಿವಿಧ ಖರ್ಚು ಹಾಗೂ ಹೂಡಿಕೆಗಳ ಮೇಲೆ ಆದಾಯ ತೆರಿಗೆಯ 80C ಅಡಿಯಲ್ಲಿರುವ ವಿನಾಯಿತಿ ಮೊತ್ತ ಈ ಬಜೆಟ್ನಲ್ಲಿ ಏರಿಕೆಯಾಗಲಿದೆ ಎನ್ನುವ ನಿರೀಕ್ಷೆ ಇದೆ. ಸದ್ಯ ಈ ಸೆಕ್ಷನ್ನಡಿ ₹1.5 ಲಕ್ಷ ವಿನಾಯಿತಿ ಇದೆ. ಇದು ಪರಿಷ್ಕರಣೆಯಾಗದೇ ದಶಕಗಳೇ ಸಂದಿದೆ. ಹೀಗಾಗಿ ಈ ಸೆಕ್ಷನ್ನಡಿ ವಿನಾಯಿತಿ ಮಿತಿ ಹೆಚ್ಚಳವಾಗಬಹುದು ಎನ್ನುವ ನಿರೀಕ್ಷೆ ಹಲವರದ್ದು. </p>.<p><u><strong>80DDಯಲ್ಲಿ ಹಲವು ವಿನಾಯಿತಿ</strong></u></p>.<p>ಕೋವಿಡ್ ಬಳಿಕ ಆರೋಗ್ಯ ಸಂಬಂಧ ಖರ್ಚುಗಳು ಹೆಚ್ಚಾಗಿವೆ. ಹೀಗಾಗಿ 80DD ಸೆಕ್ಷನ್ನಡಿ ಈ ಬಾರಿ ಹಲವು ವಿನಾಯಿತಿಗಳು ಸಿಗಬಹುದು ಎನ್ನುವ ನಿರೀಕ್ಷೆ ಇದೆ. ಮಧ್ಯಮ ವರ್ಗದ ಮೇಲಿನ ಹೊರೆ ಕಡಿಮೆ ಮಾಡಲು ಸರ್ಕಾರ ಈ ಬಗ್ಗೆ ಚಿಂತನೆ ಕೂಡ ಮಾಡಬಹುದು ಎನ್ನುವ ಊಹೆ ತಜ್ಞರದ್ದು. ವೈದ್ಯರ ಭೇಟಿ ಶುಲ್ಕ, ಪ್ರಯೋಗಾಲಯ ಪರೀಕ್ಷೆ ಶುಲ್ಕ ಮುಂತಾದವುಗಳಿಗೂ ಈ ಸೆಕ್ಷನ್ನಡಿ ವಿನಾಯಿತಿ ಲಭಿಸುವ ಸಾಧ್ಯತೆ ಇದೆ ಎನ್ನುವುದು ಬಜೆಟ್ ತಜ್ಞರ ಅಭಿಪ್ರಾಯ.</p>.<p><u><strong>ಮನೆ ಖರೀದಿದಾರಿಗೆ ನೆಮ್ಮದಿ ಸಿಗಬಹುದೇ?</strong></u></p>.<p>ರೆಪೋ ದರ ಹಾಗೂ ಬಡ್ಡಿ ದರ ಏರಿಕೆಯ ಪರಿಣಾಮ ಗೃಹಸಾಲದ ಪಡೆದವರ ‘ಇಎಂಐ‘ ಹೊರೆ ಹೆಚ್ಚಳವಾಗಿದೆ. ಇದು ಮಧ್ಯಮ ವರ್ಗದ ತೆರೆಗೆ ಪಾವತಿದಾರರ ಜೇಬಿಗೆ ಕತ್ತರಿ ಹಾಕಿದೆ. ಸದ್ಯ ಗೃಹ ಸಾಲದ ಬಡ್ಡಿ ಮೇಲೆ ₹2 ಲಕ್ಷದಷ್ಟು ವಿನಾಯಿತಿ ಇದೆ. ಇದನ್ನು ಏರಿಕೆ ಮಾಡಬೇಕು ಎನ್ನುವ ಆಗ್ರಹ ಕೂಡ ಇದ್ದು, ಇದನ್ನು ಸರ್ಕಾರ ಈಡೇರಿಸುವುದೇ ಎನ್ನುವುದನ್ನು ಕಾದು ನೋಡಬೇಕಿದೆ. </p>.<p>ಇದರ ಜತೆಗೆ 2019ರ ಏಪ್ರಿಲ್ 1ರಿಂದ 2022ರ ಮಾರ್ಚ್ 31ರ ನಡುವೆ ಪಡೆಯಲಾದ ಗೃಹ ಸಾಲದ ಮೇಲಿನ ಬಡ್ಡಿಗೆ 80EEA ಅಡಿ ವಿನಾಯಿತಿ ಪಡೆಯುವ ಅವಕಾಶ ಇದೆ. ಈ ಕಾಲಮಿತಿಯನ್ನು ಹೆಚ್ಚಳ ಮಾಡಿ ಎನ್ನುವ ಬೇಡಿಕೆ ಇದ್ದು, ಸರ್ಕಾರ ಸಕಾರಾತ್ಮಕವಾಗಿ ಸ್ಪಂದಿಸಲಿದೆಯೇ ಇಲ್ಲವೇ ಎನ್ನುವುದನ್ನು ಕಾದು ನೋಡಬೇಕಿದೆ.</p>.<p><u><strong>ಸ್ಟಾಂಡರ್ಡ್ ಡಿಡಕ್ಷನ್ ಹೆಚ್ಚಳ</strong></u></p>.<p>2018–19ನೇ ಸಾಲಿನ ಬಳಿಕ ಸ್ಟಾಂಡರ್ಡ್ ಡಿಡಕ್ಷನ್ ಮಿತಿ ಹೆಚ್ಚಳವಾಗಿಲ್ಲ. ಆರ್ಥಿಕ ಸಂಕಷ್ಟಗಳಿಂದ ಬಳಲುತ್ತಿರುವ ಜನ, ಸದ್ಯ ಇರುವ ₹50,000 ಮಿತಿಯನ್ನು ಕನಿಷ್ಠ ₹1 ಲಕ್ಷಕ್ಕೆ ಏರಿಸಿ ಎಂದು ಆಗ್ರಹಿಸುತ್ತಿದ್ದಾರೆ. ಈ ಬೇಡಿಕೆ ಸಾಕಾರಗೊಂಡರೆ ಹೆಚ್ಚಿನ ಹೊರೆ ತಪ್ಪಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
