<p><strong>ನವದೆಹಲಿ</strong>: ಇ–ಕಾಮರ್ಸ್ನ ಪ್ರಮುಖ ಸಂಸ್ಥೆ ಫ್ಲಿಪ್ಕಾರ್ಟ್ನ ಸಹ ಸಂಸ್ಥಾಪಕ ಬಿನ್ನಿ ಬನ್ಸಲ್ ಅವರು ಕಂಪನಿಯ ಮಂಡಳಿಗೆ ರಾಜಿನಾಮೆ ನೀಡಿದ್ದಾರೆ ಎಂದು ಕಂಪನಿ ತಿಳಿಸಿದೆ.</p>.<p>ಫ್ಲಿಪ್ಕಾರ್ಟ್ನಲ್ಲಿನ ಎಲ್ಲ ಷೇರುಗಳ ಮಾರಾಟ ಮಾಡಿದ ಆರು ತಿಂಗಳ ನಂತರ ಈ ಬೆಳವಣಿಗೆ ನಡೆದಿದೆ.</p>.<p>‘ಫ್ಲಿಪ್ಕಾರ್ಟ್ ಸಮೂಹದ 16 ವರ್ಷದ ಸಾಧನೆಗಳ ಬಗ್ಗೆ ನನಗೆ ಹೆಮ್ಮೆಯಿದ್ದು, ಕಂಪನಿಯು ಪ್ರಬಲವಾಗಿದೆ. ಗಟ್ಟಿ ನಾಯಕತ್ವದ ತಂಡ ಮತ್ತು ಸ್ಪಷ್ಟವಾದ ಹಾದಿಯಲ್ಲಿ ಕಂಪನಿ ಮುನ್ನಡೆಯುತ್ತಿದೆ. ಈ ವಿಶ್ವಾಸದಿಂದಾಗಿ ನಾನು ಕಂಪನಿಯಿಂದ ಹಿಂದೆ ಸರಿಯಲು ನಿರ್ಧರಿಸಿದ್ದೇನೆ. ಕಂಪನಿಯು ಸಮರ್ಥರ ಕೈಯಲ್ಲಿದ್ದು, ಗ್ರಾಹಕರಿಗೆ ಉತ್ತಮ ಸೇವೆ ನೀಡಲಿದೆ. ಕಂಪನಿಯ ವ್ಯವಹಾರಕ್ಕೆ ಬೆಂಬಲಿಗನಾಗಿರುವೆ’ ಎಂದು ಬಿನ್ನಿ ಬನ್ಸಲ್ ಹೇಳಿದ್ದಾರೆ.</p>.<p>ಸಚಿನ್ ಬನ್ಸಲ್ ಜೊತೆ ಸೇರಿ 2007ರಲ್ಲಿ ಫ್ಲಿಪ್ಕಾರ್ಟ್ನ್ನು ಬಿನ್ನಿ ಬನ್ಸಲ್ ಸ್ಥಾಪಿಸಿದ್ದರು. 2018ರಲ್ಲಿ ವಾಲ್ಮಾರ್ಟ್, ಕಂಪನಿಯ ಶೇ 77ರಷ್ಟು ಷೇರುಗಳನ್ನು ₹1.74 ಲಕ್ಷ ಕೋಟಿಗೆ ಖರೀದಿಸಿತ್ತು. ಆಗ ಸಚಿನ್ ಬನ್ಸಲ್ ಕಂಪನಿಯನ್ನು ತೊರೆದಿದ್ದರು.</p>.<p>ಬಿನ್ನಿ ಬನ್ಸಲ್ ಅವರು ಇ–ಕಾಮರ್ಸ್ ವೇದಿಕೆಯಲ್ಲಿ ಮಾರಾಟಗಾರರಿಗೆ ಮಾರುಕಟ್ಟೆ ಬೆಂಬಲ ನೀಡಲು ತಮ್ಮದೇ ಆದ ಸ್ವಂತ ಕಂಪನಿಯನ್ನು ಆರಂಭಿಸಿದ್ದಾರೆ.</p>.<p>ಫ್ಲಿಪ್ಕಾರ್ಟ್ ಮೌಲ್ಯವು ಅಂದಾಜು ₹3.15 ಲಕ್ಷ ಕೋಟಿಗೆ ಏರಿಕೆಯಾಗಿದೆ. ಆದರೂ, ಕಂಪನಿ ಇನ್ನೂ ನಷ್ಟದಲ್ಲಿ ನಡೆಯುತ್ತಿದೆ. ಕಂಪನಿಯು ಒಟ್ಟು ವರಮಾನವು 2023–24ರ ಹಣಕಾಸು ವರ್ಷದಲ್ಲಿ ಶೇ 9.4ರಷ್ಟು ಏರಿಕೆಯಾಗಿ ₹56,012 ಕೋಟಿ ಆಗಿದೆ. 2022–23ರಲ್ಲಿ ಇದು ₹51,176 ಕೋಟಿ ಆಗಿತ್ತು. ಸಂಚಿತ ನಷ್ಟವು ₹3,371 ಕೋಟಿಯಿಂದ ₹4,890 ಕೋಟಿಗೆ ಏರಿಕೆಯಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಇ–ಕಾಮರ್ಸ್ನ ಪ್ರಮುಖ ಸಂಸ್ಥೆ ಫ್ಲಿಪ್ಕಾರ್ಟ್ನ ಸಹ ಸಂಸ್ಥಾಪಕ ಬಿನ್ನಿ ಬನ್ಸಲ್ ಅವರು ಕಂಪನಿಯ ಮಂಡಳಿಗೆ ರಾಜಿನಾಮೆ ನೀಡಿದ್ದಾರೆ ಎಂದು ಕಂಪನಿ ತಿಳಿಸಿದೆ.</p>.<p>ಫ್ಲಿಪ್ಕಾರ್ಟ್ನಲ್ಲಿನ ಎಲ್ಲ ಷೇರುಗಳ ಮಾರಾಟ ಮಾಡಿದ ಆರು ತಿಂಗಳ ನಂತರ ಈ ಬೆಳವಣಿಗೆ ನಡೆದಿದೆ.</p>.<p>‘ಫ್ಲಿಪ್ಕಾರ್ಟ್ ಸಮೂಹದ 16 ವರ್ಷದ ಸಾಧನೆಗಳ ಬಗ್ಗೆ ನನಗೆ ಹೆಮ್ಮೆಯಿದ್ದು, ಕಂಪನಿಯು ಪ್ರಬಲವಾಗಿದೆ. ಗಟ್ಟಿ ನಾಯಕತ್ವದ ತಂಡ ಮತ್ತು ಸ್ಪಷ್ಟವಾದ ಹಾದಿಯಲ್ಲಿ ಕಂಪನಿ ಮುನ್ನಡೆಯುತ್ತಿದೆ. ಈ ವಿಶ್ವಾಸದಿಂದಾಗಿ ನಾನು ಕಂಪನಿಯಿಂದ ಹಿಂದೆ ಸರಿಯಲು ನಿರ್ಧರಿಸಿದ್ದೇನೆ. ಕಂಪನಿಯು ಸಮರ್ಥರ ಕೈಯಲ್ಲಿದ್ದು, ಗ್ರಾಹಕರಿಗೆ ಉತ್ತಮ ಸೇವೆ ನೀಡಲಿದೆ. ಕಂಪನಿಯ ವ್ಯವಹಾರಕ್ಕೆ ಬೆಂಬಲಿಗನಾಗಿರುವೆ’ ಎಂದು ಬಿನ್ನಿ ಬನ್ಸಲ್ ಹೇಳಿದ್ದಾರೆ.</p>.<p>ಸಚಿನ್ ಬನ್ಸಲ್ ಜೊತೆ ಸೇರಿ 2007ರಲ್ಲಿ ಫ್ಲಿಪ್ಕಾರ್ಟ್ನ್ನು ಬಿನ್ನಿ ಬನ್ಸಲ್ ಸ್ಥಾಪಿಸಿದ್ದರು. 2018ರಲ್ಲಿ ವಾಲ್ಮಾರ್ಟ್, ಕಂಪನಿಯ ಶೇ 77ರಷ್ಟು ಷೇರುಗಳನ್ನು ₹1.74 ಲಕ್ಷ ಕೋಟಿಗೆ ಖರೀದಿಸಿತ್ತು. ಆಗ ಸಚಿನ್ ಬನ್ಸಲ್ ಕಂಪನಿಯನ್ನು ತೊರೆದಿದ್ದರು.</p>.<p>ಬಿನ್ನಿ ಬನ್ಸಲ್ ಅವರು ಇ–ಕಾಮರ್ಸ್ ವೇದಿಕೆಯಲ್ಲಿ ಮಾರಾಟಗಾರರಿಗೆ ಮಾರುಕಟ್ಟೆ ಬೆಂಬಲ ನೀಡಲು ತಮ್ಮದೇ ಆದ ಸ್ವಂತ ಕಂಪನಿಯನ್ನು ಆರಂಭಿಸಿದ್ದಾರೆ.</p>.<p>ಫ್ಲಿಪ್ಕಾರ್ಟ್ ಮೌಲ್ಯವು ಅಂದಾಜು ₹3.15 ಲಕ್ಷ ಕೋಟಿಗೆ ಏರಿಕೆಯಾಗಿದೆ. ಆದರೂ, ಕಂಪನಿ ಇನ್ನೂ ನಷ್ಟದಲ್ಲಿ ನಡೆಯುತ್ತಿದೆ. ಕಂಪನಿಯು ಒಟ್ಟು ವರಮಾನವು 2023–24ರ ಹಣಕಾಸು ವರ್ಷದಲ್ಲಿ ಶೇ 9.4ರಷ್ಟು ಏರಿಕೆಯಾಗಿ ₹56,012 ಕೋಟಿ ಆಗಿದೆ. 2022–23ರಲ್ಲಿ ಇದು ₹51,176 ಕೋಟಿ ಆಗಿತ್ತು. ಸಂಚಿತ ನಷ್ಟವು ₹3,371 ಕೋಟಿಯಿಂದ ₹4,890 ಕೋಟಿಗೆ ಏರಿಕೆಯಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
