<p><strong>ನವದೆಹಲಿ:</strong> ಸಮಾನ ಮೌಲ್ಯಗಳನ್ನು ಪ್ರತಿಪಾದಿಸುವ ದೇಶಗಳ ನಡುವೆ ವಾಣಿಜ್ಯ ವಹಿವಾಟು ಹಾಗೂ ಹೂಡಿಕೆಗಳು ಆಗಬೇಕು ಎಂಬ ಕಾರ್ಯತಂತ್ರವನ್ನು ಅಮೆರಿಕದ ಹಣಕಾಸು ಸಚಿವೆ ಜಾನೆಟ್ ಯೆಲನ್ ಅವರು ಪ್ರತಿಪಾದಿಸಿದ್ದಾರೆ.</p>.<p>ಯೆಲನ್ ಅವರು ಸಚಿವೆಯಾದ ನಂತರದಲ್ಲಿ ಮೊದಲ ಬಾರಿ ಭಾರತಕ್ಕೆ ಭೇಟಿ ನೀಡಿದ್ದಾರೆ. ಅವರು ಈ ಕಾರ್ಯತಂತ್ರವನ್ನು ಭಾರತದ ಮುಂದಿರಿಸಿರುವುದು ಚೀನಾದ ಮಹತ್ವವನ್ನು ತಗ್ಗಿಸುವ ಉದ್ದೇಶ ಹೊಂದಿದೆ ಎನ್ನಲಾಗಿದೆ.</p>.<p>ಕೋವಿಡ್ ಸಾಂಕ್ರಾಮಿಕದ ನಂತರದಲ್ಲಿ ವಿಶ್ವದ ವಾಣಿಜ್ಯ ವಹಿವಾಟು ಮತ್ತು ಆರ್ಥಿಕ ನಕ್ಷೆ ಬದಲಾಗಿದೆ. ಅಮೆರಿಕದ ಬೈಡನ್ ಆಡಳಿತವು, ಕಚ್ಚಾ ವಸ್ತುಗಳ ಕೊಡು–ಕೊಳ್ಳುವಿಕೆಯು ಸಮಾನ ಮನಸ್ಕ ದೇಶಗಳ ನಡುವೆ ಆಗಬೇಕು, ತಯಾರಿಕೆಯೂ ಈ ದೇಶಗಳ ನಡುವೆ ಇರಬೇಕು ಎಂಬ ನೀತಿಯನ್ನು ಮುಂದಕ್ಕೆ ತಂದಿದೆ. ಈ ನೀತಿಯನ್ನು ಅಮೆರಿಕವು ‘ಫ್ರೆಂಡ್ಶೋರಿಂಗ್’ ಎಂದು ಕರೆದಿದೆ.</p>.<p>ಮೈಕ್ರೊಸಾಫ್ಟ್ ಕಂಪನಿಯ ಘಟಕದಲ್ಲಿ ಮಾತನಾಡಿದ ಯೆಲನ್ ಅವರು, ‘ಅಮೆರಿಕ ಮತ್ತು ಭಾರತ ಸಹಜ ಸ್ನೇಹಿತರು. ಅಸ್ಥಿರತೆ ಹಾಗೂ ಯುದ್ಧದ ಸನ್ನಿವೇಶ ಇದ್ದರೂ ಪ್ರಜಾತಂತ್ರ ವ್ಯವಸ್ಥೆಗಳು ತಮ್ಮ ಪ್ರಜೆಗಳ ಅಗತ್ಯಕ್ಕೆ ಸ್ಪಂದಿಸಬಲ್ಲವು ಎಂಬುದನ್ನು ಅಮೆರಿಕ ಮತ್ತು ಭಾರತ ಜಗತ್ತಿಗೆ ತೋರಿಸಿಕೊಡಬಲ್ಲವು’ ಎಂದರು.</p>.<p>ಕೆಲವು ಸರ್ಕಾರಗಳು ವ್ಯಾಪಾರವನ್ನು ಜಾಗತಿಕ ರಾಜಕಾರಣದ ಅಸ್ತ್ರವನ್ನಾಗಿ ಬಳಸಿಕೊಳ್ಳುತ್ತಿವೆ. ಇಂತಹ ಸಂದರ್ಭದಲ್ಲಿ ಪೂರೈಕೆ ವ್ಯವಸ್ಥೆಯನ್ನು ಬಲಪಡಿಸಿಕೊಳ್ಳುವಲ್ಲಿ ಅಮೆರಿಕ ಮತ್ತು ಭಾರತದ ಹಿತಾಸಕ್ತಿಗಳು ಇವೆ ಎಂದೂ ಯೆಲನ್ ಹೇಳಿದರು.</p>.<p><strong>‘ಆಫ್ಶೋರಿಂಗ್’ನಿಂದ ‘ಫ್ರೆಂಡ್ಶೋರಿಂಗ್’ ಕಡೆಗೆ</strong><br />ಪಶ್ಚಿಮದ ಹಲವು ದೇಶಗಳು ವೆಚ್ಚ ತಗ್ಗಿಸಲು ತಯಾರಿಕೆ ಹಾಗೂ ಇತರ ಕೆಲವು ಕೆಲಸಗಳನ್ನು ಕಡಿಮೆ ವೆಚ್ಚಕ್ಕೆ ಕಾರ್ಮಿಕರು ಸಿಗುವ ಬೇರೆ ದೇಶಗಳಿಗೆ ವರ್ಗಾವಣೆ ಮಾಡಿದ್ದವು. ಇದನ್ನು ಅವು ‘ಆಫ್ಶೋರಿಂಗ್’ ಎಂದು ಕರೆದಿದ್ದವು.</p>.<p>ಆದರೆ, ಸಾಂಕ್ರಾಮಿಕದ ನಂತರದಲ್ಲಿ ಪೂರೈಕೆ ವ್ಯವಸ್ಥೆಯಲ್ಲಿ ಆದ ಅಡಚಣೆಗಳ ಕಾರಣದಿಂದಾಗಿ ಅವು ಉತ್ಪಾದನಾ ಚಟುವಟಿಕೆಗಳನ್ನು ಮತ್ತೆ ತಮ್ಮ ದೇಶಕ್ಕೆ ತರಲು ಉತ್ಸುಕವಾಗಿವೆ.</p>.<p>ಅಮೆರಿಕದಂತಹ ದೇಶಗಳು ಎಲ್ಲವನ್ನೂ ತಾವೇ ತಯಾರಿಸಿಕೊಳ್ಳುವ ಸ್ಥಿತಿಯಲ್ಲಿ ಇಲ್ಲ. ಹೀಗಾಗಿ ಅಮೆರಿಕವು ಈಗ ಪೂರೈಕೆ ವ್ಯವಸ್ಥೆಯನ್ನು ಕಟ್ಟಲು ಪಾಲುದಾರರನ್ನು ಹುಡುಕುತ್ತಿದೆ. ಇದನ್ನು ಅಮೆರಿಕವು ‘ಫ್ರೆಂಡ್ಶೋರಿಂಗ್’ ಎಂದು ಕರೆದಿದೆ.</p>.<p>‘ಫ್ರೆಂಡ್ಶೋರಿಂಗ್ ವ್ಯವಸ್ಥೆಯು ಕೆಲವು ದೇಶಗಳು ಮಾತ್ರ ಇರುವ ಗುಂಪಿಗೆ ಸೀಮಿತವಾಗುವುದಿಲ್ಲ. ನಾವು ಹಲವು ನಂಬಿಕಸ್ಥ ದೇಶಗಳನ್ನು ಜೊತೆಗೂಡಿಸಿಕೊಳ್ಳಬೇಕು. ಅಭಿವೃದ್ಧಿ ಹೊಂದುತ್ತಿರುವ ದೇಶಗಳು ಹಾಗೂ ಮುಂದುವರಿದ ದೇಶಗಳು ಇದರಲ್ಲಿ ಇರುತ್ತವೆ’ ಎಂದು ಯೆಲನ್ ಹೇಳಿದರು.</p>.<p>‘ಅಭಿವೃದ್ಧಿ ಹೊಂದುತ್ತಿರುವ ದೇಶಗಳ ಜೊತೆ ಪಾಲುದಾರಿಕೆ ಮಾಡಿಕೊಳ್ಳುವುದು, ಅಲ್ಲಿ ಸ್ಥಳೀಯ ಉದ್ಯಮಗಳನ್ನು ಬೆಳೆಸುವುದು ಮತ್ತು ಅವು ಜಾಗತಿಕ ಪೂರೈಕೆ ವ್ಯವಸ್ಥೆಯ ಭಾಗವಾಗುವಂತೆ ಮಾಡುವುದು ಫ್ರೆಂಡ್ಶೋರ್ ನೀತಿಯ ಭಾಗ’ ಎಂದು ಅವರು ತಿಳಿಸಿದರು.</p>.<p>ತಮಿಳುನಾಡಿನ ಸೌರಫಲಕ ತಯಾರಿಕಾ ಘಟಕವು, ಪೂರೈಕೆ ವ್ಯವಸ್ಥೆಯನ್ನು ಚೀನಾದ ಆಚೆಗೂ ವಿಸ್ತರಿಸಲು ನೆರವಾಗಲಿದೆ ಎಂದರು. ಈಗ ಜಾಗತಿಕ ಸೌರಫಲಕ ಉತ್ಪಾದನೆಯಲ್ಲಿ ಚೀನಾ ಶೇ 80ರಷ್ಟು ಪಾಲು ಹೊಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಸಮಾನ ಮೌಲ್ಯಗಳನ್ನು ಪ್ರತಿಪಾದಿಸುವ ದೇಶಗಳ ನಡುವೆ ವಾಣಿಜ್ಯ ವಹಿವಾಟು ಹಾಗೂ ಹೂಡಿಕೆಗಳು ಆಗಬೇಕು ಎಂಬ ಕಾರ್ಯತಂತ್ರವನ್ನು ಅಮೆರಿಕದ ಹಣಕಾಸು ಸಚಿವೆ ಜಾನೆಟ್ ಯೆಲನ್ ಅವರು ಪ್ರತಿಪಾದಿಸಿದ್ದಾರೆ.</p>.<p>ಯೆಲನ್ ಅವರು ಸಚಿವೆಯಾದ ನಂತರದಲ್ಲಿ ಮೊದಲ ಬಾರಿ ಭಾರತಕ್ಕೆ ಭೇಟಿ ನೀಡಿದ್ದಾರೆ. ಅವರು ಈ ಕಾರ್ಯತಂತ್ರವನ್ನು ಭಾರತದ ಮುಂದಿರಿಸಿರುವುದು ಚೀನಾದ ಮಹತ್ವವನ್ನು ತಗ್ಗಿಸುವ ಉದ್ದೇಶ ಹೊಂದಿದೆ ಎನ್ನಲಾಗಿದೆ.</p>.<p>ಕೋವಿಡ್ ಸಾಂಕ್ರಾಮಿಕದ ನಂತರದಲ್ಲಿ ವಿಶ್ವದ ವಾಣಿಜ್ಯ ವಹಿವಾಟು ಮತ್ತು ಆರ್ಥಿಕ ನಕ್ಷೆ ಬದಲಾಗಿದೆ. ಅಮೆರಿಕದ ಬೈಡನ್ ಆಡಳಿತವು, ಕಚ್ಚಾ ವಸ್ತುಗಳ ಕೊಡು–ಕೊಳ್ಳುವಿಕೆಯು ಸಮಾನ ಮನಸ್ಕ ದೇಶಗಳ ನಡುವೆ ಆಗಬೇಕು, ತಯಾರಿಕೆಯೂ ಈ ದೇಶಗಳ ನಡುವೆ ಇರಬೇಕು ಎಂಬ ನೀತಿಯನ್ನು ಮುಂದಕ್ಕೆ ತಂದಿದೆ. ಈ ನೀತಿಯನ್ನು ಅಮೆರಿಕವು ‘ಫ್ರೆಂಡ್ಶೋರಿಂಗ್’ ಎಂದು ಕರೆದಿದೆ.</p>.<p>ಮೈಕ್ರೊಸಾಫ್ಟ್ ಕಂಪನಿಯ ಘಟಕದಲ್ಲಿ ಮಾತನಾಡಿದ ಯೆಲನ್ ಅವರು, ‘ಅಮೆರಿಕ ಮತ್ತು ಭಾರತ ಸಹಜ ಸ್ನೇಹಿತರು. ಅಸ್ಥಿರತೆ ಹಾಗೂ ಯುದ್ಧದ ಸನ್ನಿವೇಶ ಇದ್ದರೂ ಪ್ರಜಾತಂತ್ರ ವ್ಯವಸ್ಥೆಗಳು ತಮ್ಮ ಪ್ರಜೆಗಳ ಅಗತ್ಯಕ್ಕೆ ಸ್ಪಂದಿಸಬಲ್ಲವು ಎಂಬುದನ್ನು ಅಮೆರಿಕ ಮತ್ತು ಭಾರತ ಜಗತ್ತಿಗೆ ತೋರಿಸಿಕೊಡಬಲ್ಲವು’ ಎಂದರು.</p>.<p>ಕೆಲವು ಸರ್ಕಾರಗಳು ವ್ಯಾಪಾರವನ್ನು ಜಾಗತಿಕ ರಾಜಕಾರಣದ ಅಸ್ತ್ರವನ್ನಾಗಿ ಬಳಸಿಕೊಳ್ಳುತ್ತಿವೆ. ಇಂತಹ ಸಂದರ್ಭದಲ್ಲಿ ಪೂರೈಕೆ ವ್ಯವಸ್ಥೆಯನ್ನು ಬಲಪಡಿಸಿಕೊಳ್ಳುವಲ್ಲಿ ಅಮೆರಿಕ ಮತ್ತು ಭಾರತದ ಹಿತಾಸಕ್ತಿಗಳು ಇವೆ ಎಂದೂ ಯೆಲನ್ ಹೇಳಿದರು.</p>.<p><strong>‘ಆಫ್ಶೋರಿಂಗ್’ನಿಂದ ‘ಫ್ರೆಂಡ್ಶೋರಿಂಗ್’ ಕಡೆಗೆ</strong><br />ಪಶ್ಚಿಮದ ಹಲವು ದೇಶಗಳು ವೆಚ್ಚ ತಗ್ಗಿಸಲು ತಯಾರಿಕೆ ಹಾಗೂ ಇತರ ಕೆಲವು ಕೆಲಸಗಳನ್ನು ಕಡಿಮೆ ವೆಚ್ಚಕ್ಕೆ ಕಾರ್ಮಿಕರು ಸಿಗುವ ಬೇರೆ ದೇಶಗಳಿಗೆ ವರ್ಗಾವಣೆ ಮಾಡಿದ್ದವು. ಇದನ್ನು ಅವು ‘ಆಫ್ಶೋರಿಂಗ್’ ಎಂದು ಕರೆದಿದ್ದವು.</p>.<p>ಆದರೆ, ಸಾಂಕ್ರಾಮಿಕದ ನಂತರದಲ್ಲಿ ಪೂರೈಕೆ ವ್ಯವಸ್ಥೆಯಲ್ಲಿ ಆದ ಅಡಚಣೆಗಳ ಕಾರಣದಿಂದಾಗಿ ಅವು ಉತ್ಪಾದನಾ ಚಟುವಟಿಕೆಗಳನ್ನು ಮತ್ತೆ ತಮ್ಮ ದೇಶಕ್ಕೆ ತರಲು ಉತ್ಸುಕವಾಗಿವೆ.</p>.<p>ಅಮೆರಿಕದಂತಹ ದೇಶಗಳು ಎಲ್ಲವನ್ನೂ ತಾವೇ ತಯಾರಿಸಿಕೊಳ್ಳುವ ಸ್ಥಿತಿಯಲ್ಲಿ ಇಲ್ಲ. ಹೀಗಾಗಿ ಅಮೆರಿಕವು ಈಗ ಪೂರೈಕೆ ವ್ಯವಸ್ಥೆಯನ್ನು ಕಟ್ಟಲು ಪಾಲುದಾರರನ್ನು ಹುಡುಕುತ್ತಿದೆ. ಇದನ್ನು ಅಮೆರಿಕವು ‘ಫ್ರೆಂಡ್ಶೋರಿಂಗ್’ ಎಂದು ಕರೆದಿದೆ.</p>.<p>‘ಫ್ರೆಂಡ್ಶೋರಿಂಗ್ ವ್ಯವಸ್ಥೆಯು ಕೆಲವು ದೇಶಗಳು ಮಾತ್ರ ಇರುವ ಗುಂಪಿಗೆ ಸೀಮಿತವಾಗುವುದಿಲ್ಲ. ನಾವು ಹಲವು ನಂಬಿಕಸ್ಥ ದೇಶಗಳನ್ನು ಜೊತೆಗೂಡಿಸಿಕೊಳ್ಳಬೇಕು. ಅಭಿವೃದ್ಧಿ ಹೊಂದುತ್ತಿರುವ ದೇಶಗಳು ಹಾಗೂ ಮುಂದುವರಿದ ದೇಶಗಳು ಇದರಲ್ಲಿ ಇರುತ್ತವೆ’ ಎಂದು ಯೆಲನ್ ಹೇಳಿದರು.</p>.<p>‘ಅಭಿವೃದ್ಧಿ ಹೊಂದುತ್ತಿರುವ ದೇಶಗಳ ಜೊತೆ ಪಾಲುದಾರಿಕೆ ಮಾಡಿಕೊಳ್ಳುವುದು, ಅಲ್ಲಿ ಸ್ಥಳೀಯ ಉದ್ಯಮಗಳನ್ನು ಬೆಳೆಸುವುದು ಮತ್ತು ಅವು ಜಾಗತಿಕ ಪೂರೈಕೆ ವ್ಯವಸ್ಥೆಯ ಭಾಗವಾಗುವಂತೆ ಮಾಡುವುದು ಫ್ರೆಂಡ್ಶೋರ್ ನೀತಿಯ ಭಾಗ’ ಎಂದು ಅವರು ತಿಳಿಸಿದರು.</p>.<p>ತಮಿಳುನಾಡಿನ ಸೌರಫಲಕ ತಯಾರಿಕಾ ಘಟಕವು, ಪೂರೈಕೆ ವ್ಯವಸ್ಥೆಯನ್ನು ಚೀನಾದ ಆಚೆಗೂ ವಿಸ್ತರಿಸಲು ನೆರವಾಗಲಿದೆ ಎಂದರು. ಈಗ ಜಾಗತಿಕ ಸೌರಫಲಕ ಉತ್ಪಾದನೆಯಲ್ಲಿ ಚೀನಾ ಶೇ 80ರಷ್ಟು ಪಾಲು ಹೊಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>