<p><strong>ನವದೆಹಲಿ:</strong> ಅಲ್ಪಾವಧಿ ಬಡ್ಡಿ ದರ ಕಡಿತ ಮಾಡಿರುವ ಆರ್ಬಿಐನ ನಿರ್ಧಾರವು, ಗೃಹ ನಿರ್ಮಾಣ ಮಾರುಕಟ್ಟೆಯಲ್ಲಿ ಬೇಡಿಕೆ ಹೆಚ್ಚಿಸಲಿದೆ ಎಂದು ರಿಯಲ್ ಎಸ್ಟೇಟ್ ವಲಯದ ಸಂಸ್ಥೆಗಳು ಮತ್ತು ಸಲಹಾ ಸಂಸ್ಥೆಗಳು ಅಂದಾಜಿಸಿವೆ.</p>.<p>ಬ್ಯಾಂಕೇತರ ಹಣಕಾಸು ಸಂಸ್ಥೆಗಳ (ಎನ್ಬಿಎಫ್ಸಿ) ಮತ್ತು ಗೃಹ ಹಣಕಾಸು ಸಂಸ್ಥೆಗಳ ನಗದು ಪರಿಸ್ಥಿತಿ ಸುಧಾರಿಸಲು ಇನ್ನಷ್ಟು ಕ್ರಮಗಳನ್ನು ಕೈಗೊಳ್ಳುವ ಅಗತ್ಯ ಇದೆ ಎನ್ನುವ ಆಗ್ರಹವೂ ಈ ವಲಯದಿಂದ ವ್ಯಕ್ತವಾಗಿದೆ.</p>.<p>‘ಬಡ್ಡಿ ದರ ಕಡಿತದ ಫಲವಾಗಿ ಸಾಲದ ಮಾಸಿಕ ಸಮಾನ ಕಂತುಗಳ (ಇಎಂಐ) ಹೊರೆ ಇಳಿಯುವುದರಿಂದ ಜನರು ಮನೆಗಳ ಖರೀದಿಗೆ ಒಲವು ತೋರಲಿದ್ದಾರೆ’ ಎಂದು ಭಾರತೀಯ ರಿಯಲ್ ಎಸ್ಟೇಟ್ ನಿರ್ಮಾಣಗಾರರ ಸಂಘಗಳ ಒಕ್ಕೂಟದ (ಕ್ರೆಡಾಯ್) ರಾಷ್ಟ್ರೀಯ ಅಧ್ಯಕ್ಷ ಜಕ್ಸಯ್ ಶಾ ಹೇಳಿದ್ದಾರೆ.</p>.<p>‘ಚೇತರಿಕೆ ಹಾದಿಯಲ್ಲಿ ಇರುವ ಗೃಹ ನಿರ್ಮಾಣ ಮಾರುಕಟ್ಟೆಗೆ ಆರ್ಬಿಐ ನಿರ್ಧಾರವು ಇನ್ನಷ್ಟು ಉತ್ತೇಜನ ನೀಡಲಿದೆ’ ಎಂದು ಜೆಎಲ್ಎಲ್ ಇಂಡಿಯಾದ ಸಿಇಒ ರಮೇಶ್ ನಾಯರ್ ಅಭಿಪ್ರಾಯಪಟ್ಟಿದ್ದಾರೆ.</p>.<p class="Subhead">ಉದ್ದಿಮೆಯ ಸ್ವಾಗತ: ಆರ್ಬಿಐನ ನಿರ್ಧಾರವು ಬ್ಯಾಂಕ್ಗಳು ವಿವಿಧ ಸಾಲಗಳ ಮೇಲಿನ ಬಡ್ಡಿ ದರ ತಗ್ಗಿಸಲು ಉತ್ತೇಜನ ನೀಡಲಿದೆ. ಇದರಿಂದ ಸರಕು ಮತ್ತು ಸೇವೆಗಳಿಗೆ ಬೇಡಿಕೆ ಹೆಚ್ಚಲಿದ್ದು ಆರ್ಥಿಕತೆಗೆ ಚೇತರಿಕೆ ಸಿಗಲಿದೆ ಎಂದು ದೇಶಿ ಉದ್ದಿಮೆ ವಲಯ ನಿರೀಕ್ಷಿಸಿದೆ.</p>.<p>‘ಬಡ್ಡಿ ದರ ಕಡಿತ ನಿರ್ಧಾರವು ಸರಿಯಾದ ದಿಕ್ಕಿನಲ್ಲಿ ಸಾಗುವ ನಿರ್ಧಾರವಾಗಿದೆ. ಕೈಗಾರಿಕೋದ್ಯಮಿ ಮತ್ತು ಉದ್ದಿಮೆದಾರರ ಉತ್ಸಾಹ ಹೆಚ್ಚಿಸಲಿದೆ’ ಎಂದು ಭಾರತೀಯ ಕೈಗಾರಿಕಾ ಒಕ್ಕೂಟದ (ಸಿಐಐ) ಅಧ್ಯಕ್ಷ ರಾಕೇಶ್ ಭಾರ್ತಿ ಮಿತ್ತಲ್<br />ಪ್ರತಿಕ್ರಿಯಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಅಲ್ಪಾವಧಿ ಬಡ್ಡಿ ದರ ಕಡಿತ ಮಾಡಿರುವ ಆರ್ಬಿಐನ ನಿರ್ಧಾರವು, ಗೃಹ ನಿರ್ಮಾಣ ಮಾರುಕಟ್ಟೆಯಲ್ಲಿ ಬೇಡಿಕೆ ಹೆಚ್ಚಿಸಲಿದೆ ಎಂದು ರಿಯಲ್ ಎಸ್ಟೇಟ್ ವಲಯದ ಸಂಸ್ಥೆಗಳು ಮತ್ತು ಸಲಹಾ ಸಂಸ್ಥೆಗಳು ಅಂದಾಜಿಸಿವೆ.</p>.<p>ಬ್ಯಾಂಕೇತರ ಹಣಕಾಸು ಸಂಸ್ಥೆಗಳ (ಎನ್ಬಿಎಫ್ಸಿ) ಮತ್ತು ಗೃಹ ಹಣಕಾಸು ಸಂಸ್ಥೆಗಳ ನಗದು ಪರಿಸ್ಥಿತಿ ಸುಧಾರಿಸಲು ಇನ್ನಷ್ಟು ಕ್ರಮಗಳನ್ನು ಕೈಗೊಳ್ಳುವ ಅಗತ್ಯ ಇದೆ ಎನ್ನುವ ಆಗ್ರಹವೂ ಈ ವಲಯದಿಂದ ವ್ಯಕ್ತವಾಗಿದೆ.</p>.<p>‘ಬಡ್ಡಿ ದರ ಕಡಿತದ ಫಲವಾಗಿ ಸಾಲದ ಮಾಸಿಕ ಸಮಾನ ಕಂತುಗಳ (ಇಎಂಐ) ಹೊರೆ ಇಳಿಯುವುದರಿಂದ ಜನರು ಮನೆಗಳ ಖರೀದಿಗೆ ಒಲವು ತೋರಲಿದ್ದಾರೆ’ ಎಂದು ಭಾರತೀಯ ರಿಯಲ್ ಎಸ್ಟೇಟ್ ನಿರ್ಮಾಣಗಾರರ ಸಂಘಗಳ ಒಕ್ಕೂಟದ (ಕ್ರೆಡಾಯ್) ರಾಷ್ಟ್ರೀಯ ಅಧ್ಯಕ್ಷ ಜಕ್ಸಯ್ ಶಾ ಹೇಳಿದ್ದಾರೆ.</p>.<p>‘ಚೇತರಿಕೆ ಹಾದಿಯಲ್ಲಿ ಇರುವ ಗೃಹ ನಿರ್ಮಾಣ ಮಾರುಕಟ್ಟೆಗೆ ಆರ್ಬಿಐ ನಿರ್ಧಾರವು ಇನ್ನಷ್ಟು ಉತ್ತೇಜನ ನೀಡಲಿದೆ’ ಎಂದು ಜೆಎಲ್ಎಲ್ ಇಂಡಿಯಾದ ಸಿಇಒ ರಮೇಶ್ ನಾಯರ್ ಅಭಿಪ್ರಾಯಪಟ್ಟಿದ್ದಾರೆ.</p>.<p class="Subhead">ಉದ್ದಿಮೆಯ ಸ್ವಾಗತ: ಆರ್ಬಿಐನ ನಿರ್ಧಾರವು ಬ್ಯಾಂಕ್ಗಳು ವಿವಿಧ ಸಾಲಗಳ ಮೇಲಿನ ಬಡ್ಡಿ ದರ ತಗ್ಗಿಸಲು ಉತ್ತೇಜನ ನೀಡಲಿದೆ. ಇದರಿಂದ ಸರಕು ಮತ್ತು ಸೇವೆಗಳಿಗೆ ಬೇಡಿಕೆ ಹೆಚ್ಚಲಿದ್ದು ಆರ್ಥಿಕತೆಗೆ ಚೇತರಿಕೆ ಸಿಗಲಿದೆ ಎಂದು ದೇಶಿ ಉದ್ದಿಮೆ ವಲಯ ನಿರೀಕ್ಷಿಸಿದೆ.</p>.<p>‘ಬಡ್ಡಿ ದರ ಕಡಿತ ನಿರ್ಧಾರವು ಸರಿಯಾದ ದಿಕ್ಕಿನಲ್ಲಿ ಸಾಗುವ ನಿರ್ಧಾರವಾಗಿದೆ. ಕೈಗಾರಿಕೋದ್ಯಮಿ ಮತ್ತು ಉದ್ದಿಮೆದಾರರ ಉತ್ಸಾಹ ಹೆಚ್ಚಿಸಲಿದೆ’ ಎಂದು ಭಾರತೀಯ ಕೈಗಾರಿಕಾ ಒಕ್ಕೂಟದ (ಸಿಐಐ) ಅಧ್ಯಕ್ಷ ರಾಕೇಶ್ ಭಾರ್ತಿ ಮಿತ್ತಲ್<br />ಪ್ರತಿಕ್ರಿಯಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
