<p><strong>ನವದೆಹಲಿ:</strong> ಟಾಟಾ ಟ್ರಸ್ಟ್ಗಳ ನೂತನ ಅಧ್ಯಕ್ಷರಾಗಿ ರತನ್ ಟಾಟಾ ಅವರ ಮಲಸಹೋದರ ನೋಯಲ್ ಟಾಟಾ ಅವರು ನೇಮಕವಾಗಿದ್ದಾರೆ.</p>.<p>ಶುಕ್ರವಾರ ನಡೆದ ಆಡಳಿತ ಮಂಡಳಿಯ ಸಭೆಯಲ್ಲಿ ಈ ನೇಮಕಕ್ಕೆ ಸರ್ವಾನುಮತದಿಂದ ಒಪ್ಪಿಗೆ ನೀಡಲಾಗಿದೆ. </p>.<p>67 ವರ್ಷದ ನೋಯಲ್ ಅವರು ಐರಿಷ್ ಪೌರತ್ವ ಹೊಂದಿದ್ದಾರೆ. ವಿಶ್ವದ 100 ದೇಶಗಳಲ್ಲಿ ವಿಸ್ತಾರಗೊಂಡಿರುವ ಟಾಟಾ ಸಮೂಹದ ₹14 ಲಕ್ಷ ಕೋಟಿ ಮೌಲ್ಯದ ಸಂಪತ್ತಿನ ಮೇಲೆ ಈ ಟ್ರಸ್ಟ್ಗಳು ಪರೋಕ್ಷವಾಗಿ ಹಿಡಿತ ಹೊಂದಿವೆ. ಹಾಗಾಗಿ, ಇನ್ನು ಮುಂದೆ ಟಾಟಾ ಸಮೂಹವನ್ನು ನೋಯಲ್ ಮುನ್ನಡೆಸಲಿದ್ದಾರೆ.</p>.<p>ಭಾರತ ಹಾಗೂ ಜಾಗತಿಕ ಮಟ್ಟದಲ್ಲಿ ಟಾಟಾ ಸಮೂಹವು ಬೆಳವಣಿಗೆ ಸಾಧಿಸುವಲ್ಲಿ ರತನ್ ಟಾಟಾ ಅವರ ಕೊಡುಗೆ ದೊಡ್ಡದು. ಅವರು ಟಾಟಾ ಟ್ರಸ್ಟ್ಗಳ ಅಧ್ಯಕ್ಷರಾಗಿದ್ದರು. ಟಾಟಾ ಸಮೂಹದ ಮಾತೃಸಂಸ್ಥೆಯಾದ ಟಾಟಾ ಸನ್ಸ್ ಪ್ರೈವೆಟ್ ಲಿಮಿಟೆಡ್ನ ಶೇ 65.9ರಷ್ಟು ಪಾಲುದಾರಿಕೆ ಮೇಲೆ ಈ ಟ್ರಸ್ಟ್ಗಳು ಒಡೆತನ ಹೊಂದಿವೆ. </p>.<p>ಗ್ರಾಹಕರ ಸರಕು, ಹೋಟೆಲ್, ಆಟೊಮೊಬೈಲ್, ವಿಮಾನಯಾನ ಸೇರಿ 30ಕ್ಕೂ ಹೆಚ್ಚು ಕಂಪನಿಗಳು ಟಾಟಾ ಸನ್ಸ್ನಡಿ ಕಾರ್ಯ ನಿರ್ವಹಿಸುತ್ತವೆ. </p>.<p>ಟಾಟಾ ಸಮೂಹದ ಈ ಹಿಂದಿನ ವಾರಸುದಾರರಿಗೆ ಹೋಲಿಸಿದರೆ ನೋಯಲ್ ಅವರ ವ್ಯಕ್ತಿತ್ವವು ಸಂಪೂರ್ಣ ಭಿನ್ನವಾಗಿದೆ. ಅವರು ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದು ಕಡಿಮೆ. ಆದರೆ, ಸಮೂಹದ ಹಲವು ಕಂಪನಿಗಳ ಆಡಳಿತ ಮಂಡಳಿಯ ಭಾಗವಾಗಿ ಕೆಲಸ ನಿರ್ವಹಿಸಿದ ಅನುಭವ ಹೊಂದಿದ್ದಾರೆ. </p>.<p>2019ರಿಂದ ನೋಯಲ್ ಅವರು ಸರ್ ರತನ್ ಟಾಟಾ ಟ್ರಸ್ಟ್ ಹಾಗೂ ಸರ್ ದೊರಾಬ್ಜಿ ಟ್ರಸ್ಟ್ನ ಟ್ರಸ್ಟಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅವರ ಮಕ್ಕಳಾದ ಮಾಯಾ, ನೆವಿಲ್ಲೆ ಮತ್ತು ಲೇಹ್ ಅವರು ಕೂಡ ಟ್ರಸ್ಟಿಗಳಾಗಿದ್ದಾರೆ.</p>.<p>ನೋಯಲ್ ಅವರು ಬ್ರಿಟನ್ ಮತ್ತು ಫ್ರಾನ್ಸ್ನಲ್ಲಿ ಉನ್ನತ ವ್ಯಾಸಂಗ ಮಾಡಿದ್ದಾರೆ. ಸಮೂಹದ ಜೊತೆಗೆ ಅವರು ನಾಲ್ಕು ದಶಕದಿಂದ ಕೆಲಸ ನಿರ್ವಹಿಸುತ್ತಿದ್ದಾರೆ.</p>.<p>ಟಾಟಾ ಇಂಟರ್ನ್ಯಾಷನಲ್ ಕಂಪನಿ ಮೂಲಕ ಅವರು ವೃತ್ತಿ ಬದುಕು ಆರಂಭಿಸಿದರು. ಆ ಮೂಲಕ ಟಾಟಾ ಸಮೂಹದ ವ್ಯವಹಾರವನ್ನು ಕರಗತ ಮಾಡಿಕೊಂಡರು. 2003ರಲ್ಲಿ ಅವರನ್ನು ವೋಲ್ಟಾಸ್ ಮತ್ತು ಟೈಟನ್ ಕಂಪನಿಯ ನಿರ್ದೇಶಕರನ್ನಾಗಿ ನೇಮಿಸಲಾಯಿತು. </p>.<p>ಪ್ರಸ್ತುತ ಅವರು ಟ್ರೆಂಟ್, ಟಾಟಾ ಇಂಟರ್ನ್ಯಾಷನಲ್ ಲಿಮಿಟೆಡ್, ವೋಲ್ಟಾಸ್ ಮತ್ತು ಟಾಟಾ ಇನ್ವೆಸ್ಟ್ಮೆಂಟ್ ಕಾರ್ಪೊರೇಷನ್ನ ಅಧ್ಯಕ್ಷರಾಗಿದ್ದಾರೆ. ಟಾಟಾ ಸ್ಟೀಲ್ ಮತ್ತು ಟೈಟನ್ ಕಂಪನಿಯ ಉಪಾಧ್ಯಕ್ಷರಾಗಿಯೂ ಸೇವೆ ಸಲ್ಲಿಸುತ್ತಿದ್ದಾರೆ.</p>.<p>ನವಲ್ ಟಾಟಾ ಅವರಿಗೆ ಇಬ್ಬರು ಪತ್ನಿಯರು. ರತನ್ ಮತ್ತು ಜಿಮ್ಮಿ ಅವರು ಮೊದಲ ಪತ್ನಿಯ ಮಕ್ಕಳಾಗಿದ್ದಾರೆ. ಈ ಇಬ್ಬರು ಮದುವೆಯಾಗಿಲ್ಲ. ನೋಯಲ್ ಅವರ ಎರಡನೇ ಪತ್ನಿಯ ಪುತ್ರರಾಗಿದ್ದಾರೆ. ಇವರಿಗೆ ಮೂವರು ಮಕ್ಕಳಿದ್ದಾರೆ. </p>.<p>ನೋಯಲ್ ಅವರು ಪಲ್ಲೊಂಜಿ ಮಿಸ್ತ್ರಿ ಅವರ ಪುತ್ರಿಯಾದ ಆಲೂ ಮಿಸ್ತ್ರಿ ಅವರನ್ನು ವಿವಾಹವಾಗಿದ್ದಾರೆ. ಈಕೆ ಸೈರಸ್ ಮಿಸ್ತ್ರಿ ಅವರ ತಂಗಿ. ಟಾಟಾ ಸನ್ಸ್ನಲ್ಲಿ ಶಾಪೂರ್ಜಿ ಪಲ್ಲೊಂಜಿ ಕುಟುಂಬವು ಶೇ 18.4ರಷ್ಟು ಷೇರುಗಳ ಮೇಲೆ ಒಡೆತನ ಹೊಂದಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಟಾಟಾ ಟ್ರಸ್ಟ್ಗಳ ನೂತನ ಅಧ್ಯಕ್ಷರಾಗಿ ರತನ್ ಟಾಟಾ ಅವರ ಮಲಸಹೋದರ ನೋಯಲ್ ಟಾಟಾ ಅವರು ನೇಮಕವಾಗಿದ್ದಾರೆ.</p>.<p>ಶುಕ್ರವಾರ ನಡೆದ ಆಡಳಿತ ಮಂಡಳಿಯ ಸಭೆಯಲ್ಲಿ ಈ ನೇಮಕಕ್ಕೆ ಸರ್ವಾನುಮತದಿಂದ ಒಪ್ಪಿಗೆ ನೀಡಲಾಗಿದೆ. </p>.<p>67 ವರ್ಷದ ನೋಯಲ್ ಅವರು ಐರಿಷ್ ಪೌರತ್ವ ಹೊಂದಿದ್ದಾರೆ. ವಿಶ್ವದ 100 ದೇಶಗಳಲ್ಲಿ ವಿಸ್ತಾರಗೊಂಡಿರುವ ಟಾಟಾ ಸಮೂಹದ ₹14 ಲಕ್ಷ ಕೋಟಿ ಮೌಲ್ಯದ ಸಂಪತ್ತಿನ ಮೇಲೆ ಈ ಟ್ರಸ್ಟ್ಗಳು ಪರೋಕ್ಷವಾಗಿ ಹಿಡಿತ ಹೊಂದಿವೆ. ಹಾಗಾಗಿ, ಇನ್ನು ಮುಂದೆ ಟಾಟಾ ಸಮೂಹವನ್ನು ನೋಯಲ್ ಮುನ್ನಡೆಸಲಿದ್ದಾರೆ.</p>.<p>ಭಾರತ ಹಾಗೂ ಜಾಗತಿಕ ಮಟ್ಟದಲ್ಲಿ ಟಾಟಾ ಸಮೂಹವು ಬೆಳವಣಿಗೆ ಸಾಧಿಸುವಲ್ಲಿ ರತನ್ ಟಾಟಾ ಅವರ ಕೊಡುಗೆ ದೊಡ್ಡದು. ಅವರು ಟಾಟಾ ಟ್ರಸ್ಟ್ಗಳ ಅಧ್ಯಕ್ಷರಾಗಿದ್ದರು. ಟಾಟಾ ಸಮೂಹದ ಮಾತೃಸಂಸ್ಥೆಯಾದ ಟಾಟಾ ಸನ್ಸ್ ಪ್ರೈವೆಟ್ ಲಿಮಿಟೆಡ್ನ ಶೇ 65.9ರಷ್ಟು ಪಾಲುದಾರಿಕೆ ಮೇಲೆ ಈ ಟ್ರಸ್ಟ್ಗಳು ಒಡೆತನ ಹೊಂದಿವೆ. </p>.<p>ಗ್ರಾಹಕರ ಸರಕು, ಹೋಟೆಲ್, ಆಟೊಮೊಬೈಲ್, ವಿಮಾನಯಾನ ಸೇರಿ 30ಕ್ಕೂ ಹೆಚ್ಚು ಕಂಪನಿಗಳು ಟಾಟಾ ಸನ್ಸ್ನಡಿ ಕಾರ್ಯ ನಿರ್ವಹಿಸುತ್ತವೆ. </p>.<p>ಟಾಟಾ ಸಮೂಹದ ಈ ಹಿಂದಿನ ವಾರಸುದಾರರಿಗೆ ಹೋಲಿಸಿದರೆ ನೋಯಲ್ ಅವರ ವ್ಯಕ್ತಿತ್ವವು ಸಂಪೂರ್ಣ ಭಿನ್ನವಾಗಿದೆ. ಅವರು ಸಾರ್ವಜನಿಕವಾಗಿ ಕಾಣಿಸಿಕೊಂಡಿದ್ದು ಕಡಿಮೆ. ಆದರೆ, ಸಮೂಹದ ಹಲವು ಕಂಪನಿಗಳ ಆಡಳಿತ ಮಂಡಳಿಯ ಭಾಗವಾಗಿ ಕೆಲಸ ನಿರ್ವಹಿಸಿದ ಅನುಭವ ಹೊಂದಿದ್ದಾರೆ. </p>.<p>2019ರಿಂದ ನೋಯಲ್ ಅವರು ಸರ್ ರತನ್ ಟಾಟಾ ಟ್ರಸ್ಟ್ ಹಾಗೂ ಸರ್ ದೊರಾಬ್ಜಿ ಟ್ರಸ್ಟ್ನ ಟ್ರಸ್ಟಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅವರ ಮಕ್ಕಳಾದ ಮಾಯಾ, ನೆವಿಲ್ಲೆ ಮತ್ತು ಲೇಹ್ ಅವರು ಕೂಡ ಟ್ರಸ್ಟಿಗಳಾಗಿದ್ದಾರೆ.</p>.<p>ನೋಯಲ್ ಅವರು ಬ್ರಿಟನ್ ಮತ್ತು ಫ್ರಾನ್ಸ್ನಲ್ಲಿ ಉನ್ನತ ವ್ಯಾಸಂಗ ಮಾಡಿದ್ದಾರೆ. ಸಮೂಹದ ಜೊತೆಗೆ ಅವರು ನಾಲ್ಕು ದಶಕದಿಂದ ಕೆಲಸ ನಿರ್ವಹಿಸುತ್ತಿದ್ದಾರೆ.</p>.<p>ಟಾಟಾ ಇಂಟರ್ನ್ಯಾಷನಲ್ ಕಂಪನಿ ಮೂಲಕ ಅವರು ವೃತ್ತಿ ಬದುಕು ಆರಂಭಿಸಿದರು. ಆ ಮೂಲಕ ಟಾಟಾ ಸಮೂಹದ ವ್ಯವಹಾರವನ್ನು ಕರಗತ ಮಾಡಿಕೊಂಡರು. 2003ರಲ್ಲಿ ಅವರನ್ನು ವೋಲ್ಟಾಸ್ ಮತ್ತು ಟೈಟನ್ ಕಂಪನಿಯ ನಿರ್ದೇಶಕರನ್ನಾಗಿ ನೇಮಿಸಲಾಯಿತು. </p>.<p>ಪ್ರಸ್ತುತ ಅವರು ಟ್ರೆಂಟ್, ಟಾಟಾ ಇಂಟರ್ನ್ಯಾಷನಲ್ ಲಿಮಿಟೆಡ್, ವೋಲ್ಟಾಸ್ ಮತ್ತು ಟಾಟಾ ಇನ್ವೆಸ್ಟ್ಮೆಂಟ್ ಕಾರ್ಪೊರೇಷನ್ನ ಅಧ್ಯಕ್ಷರಾಗಿದ್ದಾರೆ. ಟಾಟಾ ಸ್ಟೀಲ್ ಮತ್ತು ಟೈಟನ್ ಕಂಪನಿಯ ಉಪಾಧ್ಯಕ್ಷರಾಗಿಯೂ ಸೇವೆ ಸಲ್ಲಿಸುತ್ತಿದ್ದಾರೆ.</p>.<p>ನವಲ್ ಟಾಟಾ ಅವರಿಗೆ ಇಬ್ಬರು ಪತ್ನಿಯರು. ರತನ್ ಮತ್ತು ಜಿಮ್ಮಿ ಅವರು ಮೊದಲ ಪತ್ನಿಯ ಮಕ್ಕಳಾಗಿದ್ದಾರೆ. ಈ ಇಬ್ಬರು ಮದುವೆಯಾಗಿಲ್ಲ. ನೋಯಲ್ ಅವರ ಎರಡನೇ ಪತ್ನಿಯ ಪುತ್ರರಾಗಿದ್ದಾರೆ. ಇವರಿಗೆ ಮೂವರು ಮಕ್ಕಳಿದ್ದಾರೆ. </p>.<p>ನೋಯಲ್ ಅವರು ಪಲ್ಲೊಂಜಿ ಮಿಸ್ತ್ರಿ ಅವರ ಪುತ್ರಿಯಾದ ಆಲೂ ಮಿಸ್ತ್ರಿ ಅವರನ್ನು ವಿವಾಹವಾಗಿದ್ದಾರೆ. ಈಕೆ ಸೈರಸ್ ಮಿಸ್ತ್ರಿ ಅವರ ತಂಗಿ. ಟಾಟಾ ಸನ್ಸ್ನಲ್ಲಿ ಶಾಪೂರ್ಜಿ ಪಲ್ಲೊಂಜಿ ಕುಟುಂಬವು ಶೇ 18.4ರಷ್ಟು ಷೇರುಗಳ ಮೇಲೆ ಒಡೆತನ ಹೊಂದಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
