ಅತ್ಯಾಕರ್ಷಕ ಸೇವೆಗಳ ಜಿಯೊ ಫೈಬರ್

ಮುಂಬೈ: ಸಿನಿಮಾಗಳ ಮೊದಲ ದಿನದ ಮೊದಲ ಪ್ರದರ್ಶನವನ್ನು ಮನೆಯ ಟೀವಿನಲ್ಲಿಯೇ ವೀಕ್ಷಿಸುವ, ಅಗ್ಗದ ದರದ ಗರಿಷ್ಠ ವೇಗದ ಬ್ರಾಡ್ಬ್ಯಾಂಡ್, ಉಚಿತ ಕರೆಗಳ ಸ್ಥಿರ ದೂರವಾಣಿ ಸೇವೆಯಂತಹ ಹತ್ತಾರು ಆಕರ್ಷಕ ಕೊಡುಗೆಗಳ ರಿಲಯನ್ಸ್ ಜಿಯೊ ಫೈಬರ್ ಸೇವೆಯು ಸೆಪ್ಟೆಂಬರ್ 5ರಿಂದ ದೇಶದಾದ್ಯಂತ ಜಾರಿಗೆ ಬರಲಿದೆ.

. ‘ಫೈಬರ್ ಟು ದ ಹೋಂ’ (ಎಫ್ಟಿಟಿಎಚ್) ಸೇವೆಯಡಿ ಕನಿಷ್ಠ 100 ಎಂಬಿಪಿಎಸ್ ಮತ್ತು ಗರಿಷ್ಠ 1,000 ಎಂಬಿಪಿಎಸ್ (1 ಜಿಬಿಪಿಎಸ್) ಬ್ರಾಡ್ಬ್ಯಾಂಡ್ ಸೌಲಭ್ಯ. ಮಾಸಿಕ ಶುಲ್ಕ ಕನಿಷ್ಠ 700 ರಿಂದ ಗರಿಷ್ಠ ₹ 10 ಸಾವಿರವರೆಗಿನ ಆಕರ್ಷಕ ಸೌಲಭ್ಯ. ಡಿಜಿಟಲ್ ಸಾಧನಗಳು ಪರಸ್ಪರ ಸಂಪರ್ಕ ಸಾಧಿಸುವ ಇಂಟರ್ನೆಟ್ ಆಫ್ ಥಿಂಗ್ಸ್ (ಐಒಟಿ) ಮತ್ತು ಜಿಯೊ ಹೋಂ ಟಿವಿ ಸೇವೆ ಪರಿಚಯಿಸಲಾಗುತ್ತಿದೆ.

. ಎಚ್ಡಿ ಟಿವಿಯಲ್ಲಿ ವಿಶಿಷ್ಟ ಅನುಭವ ನೀಡುವ ಮನರಂಜನೆ ಕಾರ್ಯಕ್ರಮ, ಧ್ವನಿ ಆಧಾರಿತ ಸೇವೆಗಳು, ಗೇಮಿಂಗ್, ಡಿಜಿಟಲ್ ಶಾಪಿಂಗ್ ಮತ್ತು ಸ್ಮಾರ್ಟ್ ಹೋಂ ಸೌಲಭ್ಯಗಳನ್ನು ಇದು ಒಳಗೊಂಡಿರಲಿದೆ.

. ಉಚಿತ ಕರೆ ಸೌಲಭ್ಯ: ಜಿಯೊಫೈಬರ್ ಸಂಪರ್ಕದ ಜೊತೆಗೆ ಲ್ಯಾಂಡ್ಲೈನ್ ಫೋನ್ ಸಂಪರ್ಕ ಒದಗಿಸಲಾಗುವುದು. ಇದರಿಂದ ಮಾಡುವ ಸ್ಥಳೀಯ ಹಾಗೂ ದೇಶೀಯ ಕರೆಗಳು ಉಚಿತವಾಗಿರುತ್ತವೆ. ಮಾಸಿಕ ₹ 500ಕ್ಕೆ ಅಮೆರಿಕ ಮತ್ತು ಕೆನಡಾಕ್ಕೆ ಮಿತಿರಹಿತ ಅಂತರರಾಷ್ಟ್ರೀಯ ಕರೆಗಳನ್ನು ಮಾಡಬಹುದು.

. ಸೆ. 5ಕ್ಕೆ ಚಾಲನೆ: ಬಹುನಿರೀಕ್ಷಿತ ಜಿಯೊಫೈಬರ್ನ ವಾಣಿಜ್ಯ ಸೇವೆಗೆ ಸೆ. 5ರಂದು ಚಾಲನೆ ನೀಡಲಾಗುವುದು ಎಂದು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ನ (ಆರ್ಐಎಲ್) ಅಧ್ಯಕ್ಷ ಮುಕೇಶ್ ಅಂಬಾನಿ ತಿಳಿಸಿದ್ದಾರೆ.

. ಇಲ್ಲಿ ಸೋಮವಾರ ನಡೆದ ಸಂಸ್ಥೆಯ 42ನೇ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಅವರು ಈ ಘೋಷಣೆ ಮಾಡಿದರು. ಲಭ್ಯ ಇರುವ ಸೇವೆಗಳ ಸಂಪೂರ್ಣ ದರ ವಿವರವು ಅಂದೇ ಪ್ರಕಟಗೊಳ್ಳಲಿದೆ.

. ಈ ಸೇವೆಯ ಬಳಕೆದಾರರಿಗೆ ಹೆಚ್ಚುವರಿ ಸೌಲಭ್ಯಗಳ ‘ಜಿಯೊ ಪೋಸ್ಟ್ ಪೇಡ್ ಪ್ಲಸ್’ ಮೊಬೈಲ್ ಸೇವೆ ಪರಿಚಯಿಸಲಾಗುತ್ತಿದೆ. ಆರಂಭಿಕ ಕೊಡುಗೆಯಡಿ ಜಿಯೊ-ಫಾರೆವರ್ ವಾರ್ಷಿಕ ಪ್ಲ್ಯಾನ್ ಆಯ್ಕೆ ಮಾಡಿಕೊಂಡ ಗ್ರಾಹಕರಿಗೆ ಎಚ್ಡಿ ಅಥವಾ 4ಕೆ ಎಲ್ಇಡಿ ಟಿವಿ ಹಾಗೂ ಸೆಟ್ ಟಾಪ್ ಬಾಕ್ಸ್ ಅನ್ನು ಉಚಿತವಾಗಿ ವಿತರಿಸಲಾಗುವುದು.

. ಡಿಜಿಟಲ್ ಬದಲಾವಣೆ ತ್ವರಿತಗೊಳಿಸಲು ಮೈಕ್ರೊಸಾಫ್ಟ್ ಜತೆ ದೀರ್ಘಾವಧಿ ಒಪ್ಪಂದ ಮಾಡಿಕೊಳ್ಳಲಿದೆ. ಸಣ್ಣ ಮತ್ತು ಮಧ್ಯಮ (ಎಸ್ಎಂಬಿ) ಮತ್ತು ದೊಡ್ಡ ಕೈಗಾರಿಕಾ ಗ್ರಾಹಕರಿಗೂ ಸೇವೆ ವಿಸ್ತರಿಸಲು ಜಿಯೊ ಉದ್ದೇಶಿಸಿದೆ. ದೇಶದಲ್ಲಿನ 1,600 ನಗರ – ಪಟ್ಟಣಗಳಲ್ಲಿನ 2 ಕೋಟಿ ಮನೆಗಳು ಮತ್ತು 1.5 ಕೋಟಿ ಸಂಸ್ಥೆಗಳಿಗೆ ಈ ಸೇವೆ ಒದಗಿಸಲಾಗುವುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅತ್ಯಾಕರ್ಷಕ ಸೇವೆಗಳ ಜಿಯೊ ಫೈಬರ್

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

Perth Test: ಸಂಕಷ್ಟದಲ್ಲಿ ಭಾರತ; ಊಟದ ವಿರಾಮಕ್ಕೆ 51/4

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಳಿಗಾಲದ ಅಧಿವೇಶದಲ್ಲಿ 5 ಹೊಸ ಮಸೂದೆಗಳು: ವಕ್ಫ್ ತಿದ್ದುಪಡಿ ಬಿಲ್ ಕೂಡ ಮಂಡನೆ