<p><strong>ನವದೆಹಲಿ</strong>: ಟೊಯೊಟ, ಹುಂಡೈ ಮೋಟರ್, ಮಹೀಂದ್ರ ಆ್ಯಂಡ್ ಮಹೀಂದ್ರ, ಟಾಟಾ ಮೋಟರ್ಸ್, ಮಾರುತಿ ಸುಜುಕಿ ಸೇರಿದಂತೆ ದೇಶದ ಪ್ರಮುಖ ಕಂಪನಿಗಳ ಪ್ರಯಾಣಿಕ ವಾಹನಗಳ ಮಾರಾಟವು ಮಾರ್ಚ್ನಲ್ಲಿ ಏರಿಕೆ ಕಂಡಿದೆ.</p><p>ದೇಶೀಯ ವಾಹನಗಳ ಮಾರಾಟದಲ್ಲಿ ಪ್ರಗತಿ ದಾಖಲಿಸಿದ್ದು, ರಫ್ತು ಉತ್ತಮವಾಗಿದೆ. ಗ್ರಾಹಕರಿಂದ ಹೆಚ್ಚಿದ ಬೇಡಿಕೆ ಮತ್ತು ಮಾರುಕಟ್ಟೆಗೆ ಹೊಸ ವಾಹನಗಳ ಬಿಡುಗಡೆಯಿಂದ ಮಾರಾಟದಲ್ಲಿ ಏರಿಕೆ ಆಗಿದೆ. </p>.<p><strong>ಟೊಯೊಟ ವಾಹನ ಮಾರಾಟ ಹೆಚ್ಚಳ: </strong>ಟೊಯೊಟ ಕಿರ್ಲೋಸ್ಕರ್ ಮೋಟರ್ನ 27,180 ವಾಹನಗಳು ಮಾರ್ಚ್ನಲ್ಲಿ ಮಾರಾಟವಾಗಿವೆ. 2023–24ರ ಹಣಕಾಸು ವರ್ಷದಲ್ಲಿ 2.63 ಲಕ್ಷ ವಾಹನಗಳು ಮಾರಾಟವಾಗಿದ್ದರೆ, ಹಿಂದಿನ ಇದೇ ಅವಧಿಯಲ್ಲಿ 1.77 ಲಕ್ಷ ವಾಹನಗಳು ಮಾರಾಟವಾಗಿದ್ದವು. ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಶೇ 48ರಷ್ಟು ಏರಿಕೆ ಆಗಿದೆ.</p>.<p><strong>ಹುಂಡೈ ಮಾರಾಟ ಶೇ 7ರಷ್ಟು ಏರಿಕೆ: </strong>ಹುಂಡೈ ಮೋಟರ್ ಇಂಡಿಯಾದ ಒಟ್ಟು 65,601 ವಾಹನಗಳು ಮಾರಾಟವಾಗಿದ್ದು, ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 61,500 ವಾಹನಗಳು ಮಾರಾಟವಾಗಿವೆ. ಇದಕ್ಕೆ ಹೋಲಿಸಿದರೆ ಶೇ 7ರಷ್ಟು ಏರಿಕೆ ಆಗಿದೆ. ದೇಶೀಯ ವಾಹನ ಮಾರಾಟ ಶೇ 5 ಮತ್ತು ರಫ್ತು ಶೇ 16ರಷ್ಟು ಹೆಚ್ಚಳ ಆಗಿದೆ. 2023–24ರ ಹಣಕಾಸು ವರ್ಷದಲ್ಲಿ 7.77 ಲಕ್ಷ ವಾಹನಗಳು ಮಾರಾಟವಾಗಿದ್ದರೆ, ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 7.20 ಲಕ್ಷ ವಾಹನಗಳು ಮಾರಾಟವಾಗಿವೆ.</p>.<p><strong>ಮಹೀಂದ್ರ ಮಾರಾಟ ಶೇ 4ರಷ್ಟು ಹೆಚ್ಚಳ: </strong>ಮಹೀಂದ್ರ ಆ್ಯಂಡ್ ಮಹೀಂದ್ರ ಕಂಪನಿಯ 68,413 ವಾಹನಗಳು ಮಾರಾಟವಾಗಿವೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 66,041 ವಾಹನಗಳು ಮಾರಾಟವಾಗಿದ್ದವು. ಕಳೆದ ವರ್ಷಕ್ಕೆ ಹೋಲಿಸಿದರೆ ಮಾರಾಟದಲ್ಲಿ ಶೇ 4ರಷ್ಟು ಏರಿಕೆ ಆಗಿದೆ.</p><p>ದೇಶೀಯ ಮಾರಾಟದಲ್ಲಿ ಶೇ 13ರಷ್ಟು ಏರಿಕೆಯಾಗಿದ್ದರೆ, ರಫ್ತು ಶೇ 26ರಷ್ಟು ಇಳಿಕೆ ಆಗಿದೆ. 2023–24ರ ಹಣಕಾಸು ವರ್ಷದಲ್ಲಿ 4.59 ಲಕ್ಷ ವಾಹನಗಳು ಮಾರಾಟವಾಗಿದ್ದರೆ, ಹಿಂದಿನ ಇದೇ ಅವಧಿಯಲ್ಲಿ 3.59 ಲಕ್ಷ ವಾಹನಗಳು ಮಾರಾಟವಾಗಿವೆ. ಶೇ 28ರಷ್ಟು ಏರಿಕೆ ಆಗಿದೆ.</p>.<p><strong>ಟಾಟಾ ಮೋಟರ್ಸ್ ಏರಿಕೆ: </strong>ಟಾಟಾ ಮೋಟರ್ಸ್ ದೇಶೀಯ ವಾಹನ ಮಾರಾಟ ಶೇ 2ರಷ್ಟು ಹೆಚ್ಚಳವಾಗಿದೆ. ಹಿಂದಿನ ಇದೇ ಅವಧಿಯಲ್ಲಿ 89,351 ವಾಹನಗಳು ಮಾರಾಟವಾಗಿದ್ದರೆ, ಪ್ರಸಕ್ತ ಅವಧಿಯಲ್ಲಿ 90,822 ಮಾರಾಟವಾಗಿವೆ.</p><p>ದೇಶೀಯ ವಾಣಿಜ್ಯ ವಾಹನ ಮಾರಾಟ ಶೇ 10ರಷ್ಟು ಇಳಿಕೆಯಾಗಿ, 40,712 ವಾಹನಗಳು ಮಾರಾಟವಾಗಿವೆ. 2023–24ರಲ್ಲಿ 9.49 ಲಕ್ಷ ವಾಹನಗಳು ಮಾರಾಟವಾಗಿದ್ದರೆ, ಹಿಂದಿನ ಇದೇ ಅವಧಿಯಲ್ಲಿ 9.31 ಲಕ್ಷ ಮಾರಾಟವಾಗಿದ್ದವು.</p>.<p><strong>ಮಾರುತಿ ಸುಜುಕಿ ಮಾರಾಟ ಏರಿಕೆ: </strong>ಮಾರುತಿ ಸುಜುಕಿ ಇಂಡಿಯಾ ವಾಹನ ಮಾರಾಟವು ಶೇ 10ರಷ್ಟು ಏರಿಕೆ ಆಗಿದ್ದು 1.87 ಲಕ್ಷ ವಾಹನ ಮಾರಾಟವಾಗಿವೆ. ಹಿಂದಿನ ಇದೇ ಅವಧಿಯಲ್ಲಿ 1.70 ಲಕ್ಷ ಮಾರಾಟವಾಗಿದ್ದವು.</p><p>2023–24ರಲ್ಲಿ ದೇಶೀಯ ಪ್ರಯಾಣಿಕ ವಾಹನದ ಒಟ್ಟು ಮಾರಾಟವು 17.93 ಲಕ್ಷವಿದ್ದರೆ ಮತ್ತು ರಫ್ತು 2.83 ಲಕ್ಷವಿದೆ. ಕಳೆದ ಅವಧಿಗೆ ಹೋಲಿಸಿದರೆ ಪ್ರಸಕ್ತ ಅವಧಿಯಲ್ಲಿ ವಾಹನ ಮಾರಾಟ ಶೇ 9ರಷ್ಟು ಹೆಚ್ಚಳ ಕಂಡಿದೆ ಎಂದು ಕಂಪನಿ ತಿಳಿಸಿದೆ.</p><p><strong>ಎಂ.ಜಿ ಮೋಟರ್ ಮಾರಾಟ ಇಳಿಕೆ: </strong>ಎಂ.ಜಿ ಮೋಟರ್ ಇಂಡಿಯಾದ ವಾಹನ ಮಾರಾಟವು ಶೇ 23ರಷ್ಟು ಇಳಿಕೆ ಆಗಿದೆ. ಕಳೆದ ವರ್ಷದ ಮಾರ್ಚ್ನಲ್ಲಿ 6,051 ವಾಹನಗಳು ಮಾರಾಟವಾಗಿದ್ದರೆ, ಈ ಮಾರ್ಚ್ನಲ್ಲಿ 4,648 ಮಾರಾಟವಾಗಿವೆ.</p><p>ಕಳೆದ ಹಣಕಾಸು ವರ್ಷಕ್ಕೆ ಹೋಲಿಸಿದರೆ 2023–24ರ ವಾಹನ ಮಾರಾಟದಲ್ಲಿ ಶೇ 14ರಷ್ಟು ಬೆಳವಣಿಗೆ ಆಗಿದೆ ಎಂದು ಕಂಪನಿ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಟೊಯೊಟ, ಹುಂಡೈ ಮೋಟರ್, ಮಹೀಂದ್ರ ಆ್ಯಂಡ್ ಮಹೀಂದ್ರ, ಟಾಟಾ ಮೋಟರ್ಸ್, ಮಾರುತಿ ಸುಜುಕಿ ಸೇರಿದಂತೆ ದೇಶದ ಪ್ರಮುಖ ಕಂಪನಿಗಳ ಪ್ರಯಾಣಿಕ ವಾಹನಗಳ ಮಾರಾಟವು ಮಾರ್ಚ್ನಲ್ಲಿ ಏರಿಕೆ ಕಂಡಿದೆ.</p><p>ದೇಶೀಯ ವಾಹನಗಳ ಮಾರಾಟದಲ್ಲಿ ಪ್ರಗತಿ ದಾಖಲಿಸಿದ್ದು, ರಫ್ತು ಉತ್ತಮವಾಗಿದೆ. ಗ್ರಾಹಕರಿಂದ ಹೆಚ್ಚಿದ ಬೇಡಿಕೆ ಮತ್ತು ಮಾರುಕಟ್ಟೆಗೆ ಹೊಸ ವಾಹನಗಳ ಬಿಡುಗಡೆಯಿಂದ ಮಾರಾಟದಲ್ಲಿ ಏರಿಕೆ ಆಗಿದೆ. </p>.<p><strong>ಟೊಯೊಟ ವಾಹನ ಮಾರಾಟ ಹೆಚ್ಚಳ: </strong>ಟೊಯೊಟ ಕಿರ್ಲೋಸ್ಕರ್ ಮೋಟರ್ನ 27,180 ವಾಹನಗಳು ಮಾರ್ಚ್ನಲ್ಲಿ ಮಾರಾಟವಾಗಿವೆ. 2023–24ರ ಹಣಕಾಸು ವರ್ಷದಲ್ಲಿ 2.63 ಲಕ್ಷ ವಾಹನಗಳು ಮಾರಾಟವಾಗಿದ್ದರೆ, ಹಿಂದಿನ ಇದೇ ಅವಧಿಯಲ್ಲಿ 1.77 ಲಕ್ಷ ವಾಹನಗಳು ಮಾರಾಟವಾಗಿದ್ದವು. ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಶೇ 48ರಷ್ಟು ಏರಿಕೆ ಆಗಿದೆ.</p>.<p><strong>ಹುಂಡೈ ಮಾರಾಟ ಶೇ 7ರಷ್ಟು ಏರಿಕೆ: </strong>ಹುಂಡೈ ಮೋಟರ್ ಇಂಡಿಯಾದ ಒಟ್ಟು 65,601 ವಾಹನಗಳು ಮಾರಾಟವಾಗಿದ್ದು, ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 61,500 ವಾಹನಗಳು ಮಾರಾಟವಾಗಿವೆ. ಇದಕ್ಕೆ ಹೋಲಿಸಿದರೆ ಶೇ 7ರಷ್ಟು ಏರಿಕೆ ಆಗಿದೆ. ದೇಶೀಯ ವಾಹನ ಮಾರಾಟ ಶೇ 5 ಮತ್ತು ರಫ್ತು ಶೇ 16ರಷ್ಟು ಹೆಚ್ಚಳ ಆಗಿದೆ. 2023–24ರ ಹಣಕಾಸು ವರ್ಷದಲ್ಲಿ 7.77 ಲಕ್ಷ ವಾಹನಗಳು ಮಾರಾಟವಾಗಿದ್ದರೆ, ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 7.20 ಲಕ್ಷ ವಾಹನಗಳು ಮಾರಾಟವಾಗಿವೆ.</p>.<p><strong>ಮಹೀಂದ್ರ ಮಾರಾಟ ಶೇ 4ರಷ್ಟು ಹೆಚ್ಚಳ: </strong>ಮಹೀಂದ್ರ ಆ್ಯಂಡ್ ಮಹೀಂದ್ರ ಕಂಪನಿಯ 68,413 ವಾಹನಗಳು ಮಾರಾಟವಾಗಿವೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ 66,041 ವಾಹನಗಳು ಮಾರಾಟವಾಗಿದ್ದವು. ಕಳೆದ ವರ್ಷಕ್ಕೆ ಹೋಲಿಸಿದರೆ ಮಾರಾಟದಲ್ಲಿ ಶೇ 4ರಷ್ಟು ಏರಿಕೆ ಆಗಿದೆ.</p><p>ದೇಶೀಯ ಮಾರಾಟದಲ್ಲಿ ಶೇ 13ರಷ್ಟು ಏರಿಕೆಯಾಗಿದ್ದರೆ, ರಫ್ತು ಶೇ 26ರಷ್ಟು ಇಳಿಕೆ ಆಗಿದೆ. 2023–24ರ ಹಣಕಾಸು ವರ್ಷದಲ್ಲಿ 4.59 ಲಕ್ಷ ವಾಹನಗಳು ಮಾರಾಟವಾಗಿದ್ದರೆ, ಹಿಂದಿನ ಇದೇ ಅವಧಿಯಲ್ಲಿ 3.59 ಲಕ್ಷ ವಾಹನಗಳು ಮಾರಾಟವಾಗಿವೆ. ಶೇ 28ರಷ್ಟು ಏರಿಕೆ ಆಗಿದೆ.</p>.<p><strong>ಟಾಟಾ ಮೋಟರ್ಸ್ ಏರಿಕೆ: </strong>ಟಾಟಾ ಮೋಟರ್ಸ್ ದೇಶೀಯ ವಾಹನ ಮಾರಾಟ ಶೇ 2ರಷ್ಟು ಹೆಚ್ಚಳವಾಗಿದೆ. ಹಿಂದಿನ ಇದೇ ಅವಧಿಯಲ್ಲಿ 89,351 ವಾಹನಗಳು ಮಾರಾಟವಾಗಿದ್ದರೆ, ಪ್ರಸಕ್ತ ಅವಧಿಯಲ್ಲಿ 90,822 ಮಾರಾಟವಾಗಿವೆ.</p><p>ದೇಶೀಯ ವಾಣಿಜ್ಯ ವಾಹನ ಮಾರಾಟ ಶೇ 10ರಷ್ಟು ಇಳಿಕೆಯಾಗಿ, 40,712 ವಾಹನಗಳು ಮಾರಾಟವಾಗಿವೆ. 2023–24ರಲ್ಲಿ 9.49 ಲಕ್ಷ ವಾಹನಗಳು ಮಾರಾಟವಾಗಿದ್ದರೆ, ಹಿಂದಿನ ಇದೇ ಅವಧಿಯಲ್ಲಿ 9.31 ಲಕ್ಷ ಮಾರಾಟವಾಗಿದ್ದವು.</p>.<p><strong>ಮಾರುತಿ ಸುಜುಕಿ ಮಾರಾಟ ಏರಿಕೆ: </strong>ಮಾರುತಿ ಸುಜುಕಿ ಇಂಡಿಯಾ ವಾಹನ ಮಾರಾಟವು ಶೇ 10ರಷ್ಟು ಏರಿಕೆ ಆಗಿದ್ದು 1.87 ಲಕ್ಷ ವಾಹನ ಮಾರಾಟವಾಗಿವೆ. ಹಿಂದಿನ ಇದೇ ಅವಧಿಯಲ್ಲಿ 1.70 ಲಕ್ಷ ಮಾರಾಟವಾಗಿದ್ದವು.</p><p>2023–24ರಲ್ಲಿ ದೇಶೀಯ ಪ್ರಯಾಣಿಕ ವಾಹನದ ಒಟ್ಟು ಮಾರಾಟವು 17.93 ಲಕ್ಷವಿದ್ದರೆ ಮತ್ತು ರಫ್ತು 2.83 ಲಕ್ಷವಿದೆ. ಕಳೆದ ಅವಧಿಗೆ ಹೋಲಿಸಿದರೆ ಪ್ರಸಕ್ತ ಅವಧಿಯಲ್ಲಿ ವಾಹನ ಮಾರಾಟ ಶೇ 9ರಷ್ಟು ಹೆಚ್ಚಳ ಕಂಡಿದೆ ಎಂದು ಕಂಪನಿ ತಿಳಿಸಿದೆ.</p><p><strong>ಎಂ.ಜಿ ಮೋಟರ್ ಮಾರಾಟ ಇಳಿಕೆ: </strong>ಎಂ.ಜಿ ಮೋಟರ್ ಇಂಡಿಯಾದ ವಾಹನ ಮಾರಾಟವು ಶೇ 23ರಷ್ಟು ಇಳಿಕೆ ಆಗಿದೆ. ಕಳೆದ ವರ್ಷದ ಮಾರ್ಚ್ನಲ್ಲಿ 6,051 ವಾಹನಗಳು ಮಾರಾಟವಾಗಿದ್ದರೆ, ಈ ಮಾರ್ಚ್ನಲ್ಲಿ 4,648 ಮಾರಾಟವಾಗಿವೆ.</p><p>ಕಳೆದ ಹಣಕಾಸು ವರ್ಷಕ್ಕೆ ಹೋಲಿಸಿದರೆ 2023–24ರ ವಾಹನ ಮಾರಾಟದಲ್ಲಿ ಶೇ 14ರಷ್ಟು ಬೆಳವಣಿಗೆ ಆಗಿದೆ ಎಂದು ಕಂಪನಿ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
