<p><strong>ಸಿಂಗಪುರ: </strong>ಕಚ್ಚಾ ತೈಲ ಉತ್ಪಾದನೆಗೆ ಸಂಬಂಧಿಸಿದ ಬಿಕ್ಕಟ್ಟು ಶಮನಗೊಳಿಸುವ ನಿಟ್ಟಿನಲ್ಲಿ ನಡೆದ ಸಂಧಾನ ಮಾತುಕತೆ ಯಶಸ್ವಿಯಾಗಿದ್ದು, ಪ್ರತಿ ದಿನ 1 ಕೋಟಿ ಬ್ಯಾರಲ್ನಷ್ಟು ಉತ್ಪಾದನೆ ಕಡಿತ ಮಾಡಲು ಸಮ್ಮತಿಸಲಾಗಿದೆ.</p>.<p>ತೈಲ ರಫ್ತು ದೇಶಗಳ ಸಂಘಟನೆಯು (ಒಪೆಕ್) ಮತ್ತು ಅದರ ಮಿತ್ರ ದೇಶಗಳು ಮೇ, ಜೂನ್ ತಿಂಗಳಲ್ಲಿ ಉತ್ಪಾದನೆ ಕಡಿತಕ್ಕೆ ತಾತ್ವಿಕವಾಗಿ ಸಮ್ಮತಿಸಿವೆ. ಸೌದಿ ಅರೇಬಿಯಾ ಮತ್ತು ರಷ್ಯಾ ತಮ್ಮ ಉತ್ಪಾದನೆಯಲ್ಲಿ ಶೇ 23ರಷ್ಟು ಕಡಿತ ಮಾಡಲಿವೆ.</p>.<p>ಉತ್ಪಾದನೆ ಕಡಿತಗೊಳಿಸಲು ತಾನು ಸಿದ್ಧವಿರುವುದಾಗಿ ರಷ್ಯಾ ಈ ಮೊದಲೇ ಸುಳಿವು ನೀಡಿತ್ತು. ತೈಲ ಉತ್ಪಾದಿಸುವ ಪ್ರಮುಖ ದೇಶಗಳು ಉತ್ಪಾದನೆ ಕಡಿತಗೊಳಿಸುವ ಸಂಬಂಧ ಒಪ್ಪಂದಕ್ಕೆ ಬರುವ ಕುರಿತು ಗುರುವಾರ ವಿಡಿಯೊ ಕಾನ್ಫೆರನ್ಸ್ ಸಭೆ ನಿಗದಿಯಾಗಿತ್ತು.</p>.<p>ಕೊರೊನಾ ವೈರಸ್ ಬಾಧಿತ ಜಾಗತಿಕ ಇಂಧನ ಮಾರುಕಟ್ಟೆಯಲ್ಲಿ ಸೃಷ್ಟಿಯಾಗಿರುವ ಬೇಡಿಕೆ ಕುಸಿತ ಮತ್ತು ಪೂರೈಕೆ ಹೆಚ್ಚಳ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ತೈಲ ರಫ್ತು ದೇಶಗಳ ಸಂಘಟನೆ (ಒಪೆಕ್) ಮತ್ತು ರಷ್ಯಾ ಸಭೆ ನಡೆಸಲು ವಾರದ ಹಿಂದೆ ಒಮ್ಮತಕ್ಕೆ ಬಂದಿದ್ದವು.</p>.<p>ಪ್ರತಿ ದಿನ 16 ಲಕ್ಷ ಬ್ಯಾರಲ್ಗಳಷ್ಟು ಉತ್ಪಾದನೆ ಕಡಿತ ಮಾಡಲು ಸಿದ್ಧ ಇರುವುದಾಗಿ ರಷ್ಯಾ ಬುಧವಾರ ಪ್ರಕಟಿಸಿತ್ತು. ಈ ಪ್ರಕಟಣೆಯ ಬೆನ್ನಲ್ಲೇ ಡಾಲರ್ ಎದುರಿನ ರಷ್ಯಾದ ಕರೆನ್ಸಿ ರೂಬಲ್ ಬೆಲೆ ಏರಿಕೆಯಾಗಿತ್ತು.</p>.<p>‘ಪ್ರತಿ ದಿನ 1 ಕೋಟಿಯಿಂದ 1.5 ಕೋಟಿ ಬ್ಯಾರೆಲ್ನಷ್ಟು ಉತ್ಪಾದನೆ ಕಡಿತಗೊಳಿಸಲು ತೈಲ ಉತ್ಪಾದಿಸುವ ಪ್ರಮುಖ ದೇಶಗಳು ಒಪ್ಪಂದಕ್ಕೆ ಬರುವ ಸಾಧ್ಯತೆ ಇದೆ’ ಎಂದು ಕುವೈತ್ನ ಇಂಧನ ಸಚಿವ ಖಲೇದ್ ಅಲ್ ಫಧೇಲ್ ಹೇಳಿದ್ದರು.</p>.<p>ಟೆಲಿ ಕಾನ್ಫೆರನ್ಸ್ನಲ್ಲಿ ಪ್ರತಿ ದಿನ 1.20 ಕೋಟಿ ಬ್ಯಾರಲ್ಗಳಷ್ಟು ಉತ್ಪಾದನೆ ಕಡಿತಗೊಳಿಸುವ ಸಂಬಂಧ ಚರ್ಚೆ ನಡೆದಿತ್ತು. ಅಂತಿಮವಾಗಿ ಪ್ರತಿ ದಿನ 1 ಕೋಟಿ ಬ್ಯಾರಲ್ನಷ್ಟು ಉತ್ಪಾದನೆ ಕಡಿತ ಮಾಡಲು ಒಪೆಕ್ ಸಂಘಟನೆ ಸಮ್ಮತಿಸಿದೆ. ಇತರ ದೇಶಗಳು 50 ಲಕ್ಷ ಬ್ಯಾರಲ್ ಕಡಿತ ಮಾಡಬೇಕೆಂದು ಸಭೆಯಲ್ಲಿ ತೀರ್ಮಾನಿಸಲಾಗಿದೆ.</p>.<p>ಈ ಮಾತುಕತೆ ಯಶಸ್ವಿಯಾಗುವ ಬಗ್ಗೆ ಪೂರ್ವಭಾವಿ ಸೂಚನೆಗಳು ಸಿಕ್ಕಿದ್ದರಿಂದ ತೈಲ ಬೆಲೆಯು ಏರಿಕೆ ದಾಖಲಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಿಂಗಪುರ: </strong>ಕಚ್ಚಾ ತೈಲ ಉತ್ಪಾದನೆಗೆ ಸಂಬಂಧಿಸಿದ ಬಿಕ್ಕಟ್ಟು ಶಮನಗೊಳಿಸುವ ನಿಟ್ಟಿನಲ್ಲಿ ನಡೆದ ಸಂಧಾನ ಮಾತುಕತೆ ಯಶಸ್ವಿಯಾಗಿದ್ದು, ಪ್ರತಿ ದಿನ 1 ಕೋಟಿ ಬ್ಯಾರಲ್ನಷ್ಟು ಉತ್ಪಾದನೆ ಕಡಿತ ಮಾಡಲು ಸಮ್ಮತಿಸಲಾಗಿದೆ.</p>.<p>ತೈಲ ರಫ್ತು ದೇಶಗಳ ಸಂಘಟನೆಯು (ಒಪೆಕ್) ಮತ್ತು ಅದರ ಮಿತ್ರ ದೇಶಗಳು ಮೇ, ಜೂನ್ ತಿಂಗಳಲ್ಲಿ ಉತ್ಪಾದನೆ ಕಡಿತಕ್ಕೆ ತಾತ್ವಿಕವಾಗಿ ಸಮ್ಮತಿಸಿವೆ. ಸೌದಿ ಅರೇಬಿಯಾ ಮತ್ತು ರಷ್ಯಾ ತಮ್ಮ ಉತ್ಪಾದನೆಯಲ್ಲಿ ಶೇ 23ರಷ್ಟು ಕಡಿತ ಮಾಡಲಿವೆ.</p>.<p>ಉತ್ಪಾದನೆ ಕಡಿತಗೊಳಿಸಲು ತಾನು ಸಿದ್ಧವಿರುವುದಾಗಿ ರಷ್ಯಾ ಈ ಮೊದಲೇ ಸುಳಿವು ನೀಡಿತ್ತು. ತೈಲ ಉತ್ಪಾದಿಸುವ ಪ್ರಮುಖ ದೇಶಗಳು ಉತ್ಪಾದನೆ ಕಡಿತಗೊಳಿಸುವ ಸಂಬಂಧ ಒಪ್ಪಂದಕ್ಕೆ ಬರುವ ಕುರಿತು ಗುರುವಾರ ವಿಡಿಯೊ ಕಾನ್ಫೆರನ್ಸ್ ಸಭೆ ನಿಗದಿಯಾಗಿತ್ತು.</p>.<p>ಕೊರೊನಾ ವೈರಸ್ ಬಾಧಿತ ಜಾಗತಿಕ ಇಂಧನ ಮಾರುಕಟ್ಟೆಯಲ್ಲಿ ಸೃಷ್ಟಿಯಾಗಿರುವ ಬೇಡಿಕೆ ಕುಸಿತ ಮತ್ತು ಪೂರೈಕೆ ಹೆಚ್ಚಳ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ತೈಲ ರಫ್ತು ದೇಶಗಳ ಸಂಘಟನೆ (ಒಪೆಕ್) ಮತ್ತು ರಷ್ಯಾ ಸಭೆ ನಡೆಸಲು ವಾರದ ಹಿಂದೆ ಒಮ್ಮತಕ್ಕೆ ಬಂದಿದ್ದವು.</p>.<p>ಪ್ರತಿ ದಿನ 16 ಲಕ್ಷ ಬ್ಯಾರಲ್ಗಳಷ್ಟು ಉತ್ಪಾದನೆ ಕಡಿತ ಮಾಡಲು ಸಿದ್ಧ ಇರುವುದಾಗಿ ರಷ್ಯಾ ಬುಧವಾರ ಪ್ರಕಟಿಸಿತ್ತು. ಈ ಪ್ರಕಟಣೆಯ ಬೆನ್ನಲ್ಲೇ ಡಾಲರ್ ಎದುರಿನ ರಷ್ಯಾದ ಕರೆನ್ಸಿ ರೂಬಲ್ ಬೆಲೆ ಏರಿಕೆಯಾಗಿತ್ತು.</p>.<p>‘ಪ್ರತಿ ದಿನ 1 ಕೋಟಿಯಿಂದ 1.5 ಕೋಟಿ ಬ್ಯಾರೆಲ್ನಷ್ಟು ಉತ್ಪಾದನೆ ಕಡಿತಗೊಳಿಸಲು ತೈಲ ಉತ್ಪಾದಿಸುವ ಪ್ರಮುಖ ದೇಶಗಳು ಒಪ್ಪಂದಕ್ಕೆ ಬರುವ ಸಾಧ್ಯತೆ ಇದೆ’ ಎಂದು ಕುವೈತ್ನ ಇಂಧನ ಸಚಿವ ಖಲೇದ್ ಅಲ್ ಫಧೇಲ್ ಹೇಳಿದ್ದರು.</p>.<p>ಟೆಲಿ ಕಾನ್ಫೆರನ್ಸ್ನಲ್ಲಿ ಪ್ರತಿ ದಿನ 1.20 ಕೋಟಿ ಬ್ಯಾರಲ್ಗಳಷ್ಟು ಉತ್ಪಾದನೆ ಕಡಿತಗೊಳಿಸುವ ಸಂಬಂಧ ಚರ್ಚೆ ನಡೆದಿತ್ತು. ಅಂತಿಮವಾಗಿ ಪ್ರತಿ ದಿನ 1 ಕೋಟಿ ಬ್ಯಾರಲ್ನಷ್ಟು ಉತ್ಪಾದನೆ ಕಡಿತ ಮಾಡಲು ಒಪೆಕ್ ಸಂಘಟನೆ ಸಮ್ಮತಿಸಿದೆ. ಇತರ ದೇಶಗಳು 50 ಲಕ್ಷ ಬ್ಯಾರಲ್ ಕಡಿತ ಮಾಡಬೇಕೆಂದು ಸಭೆಯಲ್ಲಿ ತೀರ್ಮಾನಿಸಲಾಗಿದೆ.</p>.<p>ಈ ಮಾತುಕತೆ ಯಶಸ್ವಿಯಾಗುವ ಬಗ್ಗೆ ಪೂರ್ವಭಾವಿ ಸೂಚನೆಗಳು ಸಿಕ್ಕಿದ್ದರಿಂದ ತೈಲ ಬೆಲೆಯು ಏರಿಕೆ ದಾಖಲಿಸಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
