<p><strong>ನವದೆಹಲಿ: </strong>ದೇಶದ ಮೂರನೇ ಅತಿ ದೊಡ್ಡ ದೂರಸಂಪರ್ಕ ಸೇವಾಧಾರ ಸಂಸ್ಥೆ ವೊಡಾಫೋನ್ ಐಡಿಯಾ ಕಳೆದ ಹಣಕಾಸು ವರ್ಷದಲ್ಲಿ ಒಟ್ಟು ₹73,878 ಕೋಟಿ ನಷ್ಟ ಅನುಭವಿಸಿದೆ. ಭಾರತದ ಯಾವುದೇ ಕಂಪನಿ ದಾಖಲಿಸಿರುವುದಕ್ಕಿಂತ ಅತಿ ಹೆಚ್ಚು ನಷ್ಟದ ಪ್ರಮಾಣವನ್ನು ವರದಿ ಮಾಡಿದೆ.</p>.<p>ಸುಪ್ರೀಂ ಕೋರ್ಟ್ ಆದೇಶದ ಅನ್ವಯ ವೊಡಾಫೋನ್ ಐಡಿಯಾ ಸರ್ಕಾರಕ್ಕೆ ₹51,400 ಕೋಟಿ ಬಾಕಿ ಪಾವತಿಸಬೇಕಿದೆ. ಮಾರ್ಚ್ ತ್ರೈಮಾಸಿಕದಲ್ಲಿ ಕಂಪನಿಗೆ ಒಟ್ಟು ₹11,643.5 ಕೋಟಿ ನಷ್ಟ ಆಗಿರುವುದಾಗಿ ಸರ್ಕಾರಕ್ಕೆ ಸಲ್ಲಿಸಿರುವ ವರದಿಯಲ್ಲಿ ತಿಳಿಸಿದೆ. ಕಳೆದ ವರ್ಷ ಮಾರ್ಚ್ನಲ್ಲಿ ₹4,881.9 ಕೋಟಿ ನಷ್ಟ ವರದಿಯಾಗಿತ್ತು. 2019ರ ಅಕ್ಟೋಬರ್–ಡಿಸಂಬರ್ ತ್ರೈಮಾಸಿಕದಲ್ಲಿ ನಷ್ಟದ ಪ್ರಮಾಣ ₹6,438.8 ಕೋಟಿ ಇತ್ತು.</p>.<p>2016-17ನೇ ಹಣಕಾಸು ವರ್ಷದ ವರೆಗೂ ಕಂಪನಿಯ ಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್) ಬಾಕಿ ₹58,254 ಕೋಟಿ ಎಂದು ದೂರಸಂಪರ್ಕ ಇಲಾಖೆ ಅಂದಾಜಿಸಿದೆ. ಆದರೆ, ವೊಡಾಫೋನ್ ಐಡಿಯಾ ₹46,000 ಬಾಕಿ ಇರುವುದಾಗಿ ಲೆಕ್ಕ ನೀಡಿದೆ. ಒಟ್ಟು ಬಾಕಿ ಪೈಕಿ ಕಂಪನಿ ₹6,854.4 ಕೋಟಿ ಪಾವತಿಸಿದೆ.</p>.<p>ದೂರಸಂಪರ್ಕ ಸೇವೆ ಕಾರ್ಯಾಚರಣೆಗಳ ಮೂಲಕ ಜೂನ್ ತ್ರೈಮಾಸಿಕದಲ್ಲಿ ₹11,754.2 ಕೋಟಿ ವರಮಾನ ದಾಖಲಾಗಿದೆ. 2018–19ನೇ ಹಣಕಾಸು ವರ್ಷದಲ್ಲಿ ವೊಡಾಫೋನ್ ಐಡಿಯಾದ ನಷ್ಟ ₹14,603.9 ಕೋಟಿ ಇತ್ತು. 20190–20ರಲ್ಲಿ ಒಟ್ಟು ನಷ್ಟ ₹73,878.1 ಕೋಟಿಗೆ ಏರಿಕೆಯಾಗಿದೆ. ಇದೇ ಅವಧಿಯಲ್ಲಿ ಕಾರ್ಯಾಚರಣೆಗಳಿಂದ ಗಳಿಸಿದ ವರಮಾನ ₹44,957.5 ಕೋಟಿ.</p>.<p>2019ರ ಡಿಸೆಂಬರ್ನಿಂದ ಪ್ರೀಪೇಯ್ಡ್ ಬಳಕೆ ವೆಚ್ಚ ಹೆಚ್ಚಿಸಿರುವುದರಿಂದ ವರಮಾನದಲ್ಲಿ ತ್ರೈಮಾಸಿಕ ಶೇ 6ರಷ್ಟು ಏರಿಕೆಯಾಗಿರುವುದಾಗಿ ಕಂಪನಿ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ದೇಶದ ಮೂರನೇ ಅತಿ ದೊಡ್ಡ ದೂರಸಂಪರ್ಕ ಸೇವಾಧಾರ ಸಂಸ್ಥೆ ವೊಡಾಫೋನ್ ಐಡಿಯಾ ಕಳೆದ ಹಣಕಾಸು ವರ್ಷದಲ್ಲಿ ಒಟ್ಟು ₹73,878 ಕೋಟಿ ನಷ್ಟ ಅನುಭವಿಸಿದೆ. ಭಾರತದ ಯಾವುದೇ ಕಂಪನಿ ದಾಖಲಿಸಿರುವುದಕ್ಕಿಂತ ಅತಿ ಹೆಚ್ಚು ನಷ್ಟದ ಪ್ರಮಾಣವನ್ನು ವರದಿ ಮಾಡಿದೆ.</p>.<p>ಸುಪ್ರೀಂ ಕೋರ್ಟ್ ಆದೇಶದ ಅನ್ವಯ ವೊಡಾಫೋನ್ ಐಡಿಯಾ ಸರ್ಕಾರಕ್ಕೆ ₹51,400 ಕೋಟಿ ಬಾಕಿ ಪಾವತಿಸಬೇಕಿದೆ. ಮಾರ್ಚ್ ತ್ರೈಮಾಸಿಕದಲ್ಲಿ ಕಂಪನಿಗೆ ಒಟ್ಟು ₹11,643.5 ಕೋಟಿ ನಷ್ಟ ಆಗಿರುವುದಾಗಿ ಸರ್ಕಾರಕ್ಕೆ ಸಲ್ಲಿಸಿರುವ ವರದಿಯಲ್ಲಿ ತಿಳಿಸಿದೆ. ಕಳೆದ ವರ್ಷ ಮಾರ್ಚ್ನಲ್ಲಿ ₹4,881.9 ಕೋಟಿ ನಷ್ಟ ವರದಿಯಾಗಿತ್ತು. 2019ರ ಅಕ್ಟೋಬರ್–ಡಿಸಂಬರ್ ತ್ರೈಮಾಸಿಕದಲ್ಲಿ ನಷ್ಟದ ಪ್ರಮಾಣ ₹6,438.8 ಕೋಟಿ ಇತ್ತು.</p>.<p>2016-17ನೇ ಹಣಕಾಸು ವರ್ಷದ ವರೆಗೂ ಕಂಪನಿಯ ಹೊಂದಾಣಿಕೆ ಮಾಡಿದ ಒಟ್ಟು ವರಮಾನದ (ಎಜಿಆರ್) ಬಾಕಿ ₹58,254 ಕೋಟಿ ಎಂದು ದೂರಸಂಪರ್ಕ ಇಲಾಖೆ ಅಂದಾಜಿಸಿದೆ. ಆದರೆ, ವೊಡಾಫೋನ್ ಐಡಿಯಾ ₹46,000 ಬಾಕಿ ಇರುವುದಾಗಿ ಲೆಕ್ಕ ನೀಡಿದೆ. ಒಟ್ಟು ಬಾಕಿ ಪೈಕಿ ಕಂಪನಿ ₹6,854.4 ಕೋಟಿ ಪಾವತಿಸಿದೆ.</p>.<p>ದೂರಸಂಪರ್ಕ ಸೇವೆ ಕಾರ್ಯಾಚರಣೆಗಳ ಮೂಲಕ ಜೂನ್ ತ್ರೈಮಾಸಿಕದಲ್ಲಿ ₹11,754.2 ಕೋಟಿ ವರಮಾನ ದಾಖಲಾಗಿದೆ. 2018–19ನೇ ಹಣಕಾಸು ವರ್ಷದಲ್ಲಿ ವೊಡಾಫೋನ್ ಐಡಿಯಾದ ನಷ್ಟ ₹14,603.9 ಕೋಟಿ ಇತ್ತು. 20190–20ರಲ್ಲಿ ಒಟ್ಟು ನಷ್ಟ ₹73,878.1 ಕೋಟಿಗೆ ಏರಿಕೆಯಾಗಿದೆ. ಇದೇ ಅವಧಿಯಲ್ಲಿ ಕಾರ್ಯಾಚರಣೆಗಳಿಂದ ಗಳಿಸಿದ ವರಮಾನ ₹44,957.5 ಕೋಟಿ.</p>.<p>2019ರ ಡಿಸೆಂಬರ್ನಿಂದ ಪ್ರೀಪೇಯ್ಡ್ ಬಳಕೆ ವೆಚ್ಚ ಹೆಚ್ಚಿಸಿರುವುದರಿಂದ ವರಮಾನದಲ್ಲಿ ತ್ರೈಮಾಸಿಕ ಶೇ 6ರಷ್ಟು ಏರಿಕೆಯಾಗಿರುವುದಾಗಿ ಕಂಪನಿ ತಿಳಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
