ಬಳ್ಳಾರಿ: ‘ವಿಐಎಸ್‌ಎಲ್‌’ಗಾಗಿ 29,400 ಮರ ಹನನ?

ಸಂಡೂರಿನಲ್ಲಿ ನಡೆದಿರುವ ಗಣಿಗಾರಿಕೆಯಿಂದ ಹಾಳಾದ ಅರಣ್ಯ ಪ್ರದೇಶದ ಪುನಶ್ಚೇತನಕ್ಕೆ ಕರ್ನಾಟಕ ಗಣಿ ಪ್ರದೇಶ ಪುನಶ್ಚೇತನ ನಿಗಮ (ಕೆಎಂಇಆರ್‌ಸಿ) ನೂರಾರು ಕೋಟಿ ರೂಪಾಯಿ ಹಣ ವ್ಯಯಿಸಿದೆ. ಸಂಡೂರು ಅರಣ್ಯದ ತುಂಬರಗುಡ್ಡಿ ಬ್ಲಾಕ್‌ ಈಶಾನ್ಯ ಬ್ಲಾಕ್‌ನ ಜೋಗ - ‘ಬಿ’ ಮತ್ತು ಜೋಗ -‘ಸಿ’ ಬ್ಲಾಕ್ ರಾಮನಮಲೈ ಬ್ಲಾಕ್‌ನಲ್ಲಿ ಲಕ್ಷಾಂತರ ಗಿಡಗಳನ್ನು ನೆಡೆಲಾಗುತ್ತಿದೆ.  ‘ಒಂದೆಡೆ ಹೊಸ ಗಣಿಗಾರಿಕೆಗೆ ಅನುಮತಿ ನೀಡಿ ಸರ್ಕಾರಗಳೇ ಅರಣ್ಯನಾಶ ಮಾಡುತ್ತಿದ್ದರೆ ಮತ್ತೊಂದೆಡೆ ಅರಣ್ಯೀಕರಣಕ್ಕೆ ಸರ್ಕಾರವೇ ಕೋಟ್ಯಂತರ ಹಣ ಸುರಿಯುತ್ತಿದೆ. ಇದು ಸರ್ಕಾರಗಳ ಧ್ವಂದ್ವಕ್ಕೆ ಸಾಕ್ಷಿ’ ಎಂದು ಪರಿಸರ ಹೋರಾಟಗಾರ ಶ್ರೀಶೈಲ ಆಲದಹಳ್ಳಿ ಆರೋಪಿಸಿದರು.