<p><strong>ಸಂಡೂರು</strong>: ಮಳೆಯ ಕೊರತೆಯಿಂದಾಗಿ ಈ ವರ್ಷ ತಾಲ್ಲೂಕಿನ ರೈತರು ಅಕ್ಷರಶಃ ನಲುಗಿ ಹೋಗಿದ್ದು, ಕೃಷಿ ಹಾಗೂ ಕಂದಾಯ ಇಲಾಖೆ ಸರ್ಕಾರಕ್ಕೆ ಒದಗಿಸಿರುವ ಮಾಹಿತಿ ಪ್ರಕಾರ ಅಂದಾಜು 26 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿ ಬೆಳೆ ನಷ್ಟವಾಗಿದೆ.</p><p>ಮಳೆಯಾಶ್ರಿತ ಶೇ 90 ರಷ್ಟು ನಷ್ಟ: ತಾಲ್ಲೂಕಿನ ಮೂರು ಹೋಬಳಿಯ 85 ಕಂದಾಯ ಗ್ರಾಮಗಳಲ್ಲಿ ಬಹುತೇಕ ಮಳೆಯಾಶ್ರಿತ ಬೇಸಾಯವೇ ಹೆಚ್ಚು. ಆರಂಭದಿಂದಲೂ ಈ ಸಾಲಿನಲ್ಲಿ ಮಳೆಯ ಕೊರತೆ ಉಂಟಾಗಿದ್ದರಿಂದ ಬಹುಪಾಲು ಬೆಳೆ ಕುಂಠಿತಗೊಂಡಿದ್ದು, ಅನೇಕ ಕಡೆ ಒಣಗಿ ಹೋಗಿ ಕುರಿ ದನಗಳಿಗೆ ಮೇವಾಗುತ್ತಿದೆ.</p><p>‘ತಾಲ್ಲೂಕಿನಲ್ಲಿ ಈ ಸಲ 31,100 ಹೆಕ್ಟೇರ್ ಪ್ರದೇಶ ಬಿತ್ತನೆಯಾಗಿತ್ತು. ಇದರಲ್ಲಿ ಸುಮಾರು 26,600 ಹೆಕ್ಟೆರ್ ಪ್ರದೇಶ ಶೇ 50ಕ್ಕಿಂತ ಹೆಚ್ಚು ಪಟ್ಟು ಬೆಳೆ ನಷ್ಟಕ್ಕೆ ಒಳಗಾಗಿದೆ. ಬಿತ್ತನೆ ಶೇ 90 ರಷ್ಟಾಗಿತ್ತು’ ಎಂದು ಕೃಷಿ ಇಲಾಖೆ ಅಧಿಕಾರಿಗಳು ಜಿಲ್ಲಾಧಿಕಾರಿಗಳಿಗೆ ವರದಿ ಸಲ್ಲಿಸಿದ್ದಾರೆ.</p><p>ವಾಡಿಕೆಗಿಂತ ತುಂಬಾ ಕಡಿಮೆ ಮಳೆ: ಈ ಬಾರಿ ವಾಡಿಕೆಗಿಂತ ತುಂಬಾ ಕಡಿಮೆ ಮಳೆಬಿದ್ದಿದೆ. ವಾಡಿಕೆಯಂತೆ ತಾಲ್ಲೂಕಿನಲ್ಲಿ 44 ಸೆಂ.ಮೀ ಮಳೆಯಾಗಬೇಕಿತ್ತು.</p><p>ಆದರೆ ಕೇವಲ 168 .6 ಮಿಮೀ ಸೇರಿ ಶೇ 62 ರಷ್ಟು ಮಳೆ ಕೊರತೆ ಉಂಟಾಗಿದೆ. ಹೋಬಳಿವಾರು ಮಳೆ ನೋಡಿದಾಗ ಈ ಸಲ ತೋರಣಗಲ್ಲು ಹೋಬಳಿಯಲ್ಲಿ ಕಡಿಮೆ ಮಳೆ ದಾಖಲಾಗಿದೆ.</p><p>ವಾಡಿಕೆಯಂತೆ 31 ಸೆಂ.ಮೀ ಮಳೆಯಾಗಬೇಕಿತ್ತು ಆದರೆ ಈ ಸಾಲಿನಲ್ಲಿ ಬಿದ್ದಿರೋದು ಕೇವಲ 12 ಸೆಂ.ಮೀ ಮಳೆ ಆಗಿದೆ, ಶೇ 64 ರಷ್ಟು ಮಳೆ ಕೊರತೆ ಇದೆ. ಅದೇ ರೀತಿ ಸಂಡೂರು ಹೋಬಳಿಯಲ್ಲಿ ವಾಡಿಕೆ ಮಳೆ 44 ಸೆಂ.ಮೀ ಆದರೆ 15 ಸೆಂ.ಮೀ ಬಿದ್ದಿದೆ ಶೇ 64 ಮಳೆ ಕೊರತೆ ಆಗಿದೆ.</p><p>ಚೋರನೂರು ಹೋಬಳಿಯಲ್ಲಿ 33 ಸೆಂ.ಮೀ ವಾಡಿಕೆ ಇದ್ದರೆ 22 ಸೆಂ.ಮೀ ಮಳೆಯಾಗಿದೆ. ಇಲ್ಲಿಯೂ ಶೇ 31ರಷ್ಟು ಮಳೆ ಕೊರತೆ ಇದೆ. ತಾಲ್ಲೂಕಿನಲ್ಲಿ ಶೇ 62 ರಷ್ಟು ಮಳೆ ಕೊರತೆ ಆಗಿದೆ.</p><p>‘ಬೆಳೆ ಉತ್ತಮ ಹಂತದಲ್ಲಿ ಇರುವಾಗ ನಿರಂತರ 4 ವಾರ ಮಳೆ ಬಂದಿಲ್ಲ. ಹಾಗಾಗಿ ಇಡೀ ತಾಲ್ಲೂಕನ್ನು ಸಮೀಕ್ಷೆ ನಡೆಸಿ ಸರ್ಕಾರ ಹಾಗೂ ಜಿಲ್ಲಾಧಿಕಾರಿಗೆ ಸರದಿ ಸಲ್ಲಿಸಿದ್ದೇವೆ’ ಎನ್ನುತ್ತಾರೆ ಕೃಷಿ ಇಲಾಖೆ ಸಹಾಯಕ ನಿರ್ದೇಶಕ ಮಂಜುನಾಥ ರೆಡ್ಡಿ.</p><p>‘ಇದೀಗ ಬರ ಘೋಷಣೆ ಆಗಿದೆ. ಸ್ಥಳೀಯವಾಗಿ ಬೆಳೆ ಸಮೀಕ್ಷೆ ಆರಂಭಗೊಂಡಿದ್ದು ಅದರ ಪ್ರಕಾರ ತಮ್ಮ ಮಾಹಿತಿ ತಪ್ಪಾಗಿದ್ದರೆ ರೈತರು ಬೆಳೆ ದರ್ಶಕ ಆ್ಯಪ್ನಲ್ಲಿಯೇ ಆಕ್ಷೇಪಣೆ ಸಲ್ಲಿಸಬಹುದು’ ಎಂದು ಮಾಹಿತಿ ನೀಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಂಡೂರು</strong>: ಮಳೆಯ ಕೊರತೆಯಿಂದಾಗಿ ಈ ವರ್ಷ ತಾಲ್ಲೂಕಿನ ರೈತರು ಅಕ್ಷರಶಃ ನಲುಗಿ ಹೋಗಿದ್ದು, ಕೃಷಿ ಹಾಗೂ ಕಂದಾಯ ಇಲಾಖೆ ಸರ್ಕಾರಕ್ಕೆ ಒದಗಿಸಿರುವ ಮಾಹಿತಿ ಪ್ರಕಾರ ಅಂದಾಜು 26 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿ ಬೆಳೆ ನಷ್ಟವಾಗಿದೆ.</p><p>ಮಳೆಯಾಶ್ರಿತ ಶೇ 90 ರಷ್ಟು ನಷ್ಟ: ತಾಲ್ಲೂಕಿನ ಮೂರು ಹೋಬಳಿಯ 85 ಕಂದಾಯ ಗ್ರಾಮಗಳಲ್ಲಿ ಬಹುತೇಕ ಮಳೆಯಾಶ್ರಿತ ಬೇಸಾಯವೇ ಹೆಚ್ಚು. ಆರಂಭದಿಂದಲೂ ಈ ಸಾಲಿನಲ್ಲಿ ಮಳೆಯ ಕೊರತೆ ಉಂಟಾಗಿದ್ದರಿಂದ ಬಹುಪಾಲು ಬೆಳೆ ಕುಂಠಿತಗೊಂಡಿದ್ದು, ಅನೇಕ ಕಡೆ ಒಣಗಿ ಹೋಗಿ ಕುರಿ ದನಗಳಿಗೆ ಮೇವಾಗುತ್ತಿದೆ.</p><p>‘ತಾಲ್ಲೂಕಿನಲ್ಲಿ ಈ ಸಲ 31,100 ಹೆಕ್ಟೇರ್ ಪ್ರದೇಶ ಬಿತ್ತನೆಯಾಗಿತ್ತು. ಇದರಲ್ಲಿ ಸುಮಾರು 26,600 ಹೆಕ್ಟೆರ್ ಪ್ರದೇಶ ಶೇ 50ಕ್ಕಿಂತ ಹೆಚ್ಚು ಪಟ್ಟು ಬೆಳೆ ನಷ್ಟಕ್ಕೆ ಒಳಗಾಗಿದೆ. ಬಿತ್ತನೆ ಶೇ 90 ರಷ್ಟಾಗಿತ್ತು’ ಎಂದು ಕೃಷಿ ಇಲಾಖೆ ಅಧಿಕಾರಿಗಳು ಜಿಲ್ಲಾಧಿಕಾರಿಗಳಿಗೆ ವರದಿ ಸಲ್ಲಿಸಿದ್ದಾರೆ.</p><p>ವಾಡಿಕೆಗಿಂತ ತುಂಬಾ ಕಡಿಮೆ ಮಳೆ: ಈ ಬಾರಿ ವಾಡಿಕೆಗಿಂತ ತುಂಬಾ ಕಡಿಮೆ ಮಳೆಬಿದ್ದಿದೆ. ವಾಡಿಕೆಯಂತೆ ತಾಲ್ಲೂಕಿನಲ್ಲಿ 44 ಸೆಂ.ಮೀ ಮಳೆಯಾಗಬೇಕಿತ್ತು.</p><p>ಆದರೆ ಕೇವಲ 168 .6 ಮಿಮೀ ಸೇರಿ ಶೇ 62 ರಷ್ಟು ಮಳೆ ಕೊರತೆ ಉಂಟಾಗಿದೆ. ಹೋಬಳಿವಾರು ಮಳೆ ನೋಡಿದಾಗ ಈ ಸಲ ತೋರಣಗಲ್ಲು ಹೋಬಳಿಯಲ್ಲಿ ಕಡಿಮೆ ಮಳೆ ದಾಖಲಾಗಿದೆ.</p><p>ವಾಡಿಕೆಯಂತೆ 31 ಸೆಂ.ಮೀ ಮಳೆಯಾಗಬೇಕಿತ್ತು ಆದರೆ ಈ ಸಾಲಿನಲ್ಲಿ ಬಿದ್ದಿರೋದು ಕೇವಲ 12 ಸೆಂ.ಮೀ ಮಳೆ ಆಗಿದೆ, ಶೇ 64 ರಷ್ಟು ಮಳೆ ಕೊರತೆ ಇದೆ. ಅದೇ ರೀತಿ ಸಂಡೂರು ಹೋಬಳಿಯಲ್ಲಿ ವಾಡಿಕೆ ಮಳೆ 44 ಸೆಂ.ಮೀ ಆದರೆ 15 ಸೆಂ.ಮೀ ಬಿದ್ದಿದೆ ಶೇ 64 ಮಳೆ ಕೊರತೆ ಆಗಿದೆ.</p><p>ಚೋರನೂರು ಹೋಬಳಿಯಲ್ಲಿ 33 ಸೆಂ.ಮೀ ವಾಡಿಕೆ ಇದ್ದರೆ 22 ಸೆಂ.ಮೀ ಮಳೆಯಾಗಿದೆ. ಇಲ್ಲಿಯೂ ಶೇ 31ರಷ್ಟು ಮಳೆ ಕೊರತೆ ಇದೆ. ತಾಲ್ಲೂಕಿನಲ್ಲಿ ಶೇ 62 ರಷ್ಟು ಮಳೆ ಕೊರತೆ ಆಗಿದೆ.</p><p>‘ಬೆಳೆ ಉತ್ತಮ ಹಂತದಲ್ಲಿ ಇರುವಾಗ ನಿರಂತರ 4 ವಾರ ಮಳೆ ಬಂದಿಲ್ಲ. ಹಾಗಾಗಿ ಇಡೀ ತಾಲ್ಲೂಕನ್ನು ಸಮೀಕ್ಷೆ ನಡೆಸಿ ಸರ್ಕಾರ ಹಾಗೂ ಜಿಲ್ಲಾಧಿಕಾರಿಗೆ ಸರದಿ ಸಲ್ಲಿಸಿದ್ದೇವೆ’ ಎನ್ನುತ್ತಾರೆ ಕೃಷಿ ಇಲಾಖೆ ಸಹಾಯಕ ನಿರ್ದೇಶಕ ಮಂಜುನಾಥ ರೆಡ್ಡಿ.</p><p>‘ಇದೀಗ ಬರ ಘೋಷಣೆ ಆಗಿದೆ. ಸ್ಥಳೀಯವಾಗಿ ಬೆಳೆ ಸಮೀಕ್ಷೆ ಆರಂಭಗೊಂಡಿದ್ದು ಅದರ ಪ್ರಕಾರ ತಮ್ಮ ಮಾಹಿತಿ ತಪ್ಪಾಗಿದ್ದರೆ ರೈತರು ಬೆಳೆ ದರ್ಶಕ ಆ್ಯಪ್ನಲ್ಲಿಯೇ ಆಕ್ಷೇಪಣೆ ಸಲ್ಲಿಸಬಹುದು’ ಎಂದು ಮಾಹಿತಿ ನೀಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
