<p><strong>ಬೆಂಗಳೂರು: </strong>ನಿರ್ಭಯ ಯೋಜನೆಯಡಿ ಮಹಿಳೆಯರ ಸುರಕ್ಷತೆಗೆ ನೆರವಾಗಲು ಬಿಎಂಟಿಸಿ ಖರೀದಿಸಿದ ಪಿಂಕ್ ಸಾರಥಿ ವಾಹನಗಳು ಚಾಲಕ ಮತ್ತು ನಿರ್ವಾಹಕರ ವಿರುದ್ಧ ಮೊಕದ್ದಮೆ ದಾಖಲಿಸಲು ಬಳಕೆಯಾಗುತ್ತಿವೆಯೇ?... ಹೌದು ಎನ್ನುತ್ತಿದೆ ಬಿಎಂಟಿಸಿ ಅಧಿಕಾರಿಗಳೇ ನೀಡಿರುವ ಮಾಹಿತಿ.</p>.<p>ಕೇಂದ್ರದ ನಿರ್ಭಯ ಯೋಜನೆಯಡಿ ಬಿಎಂಟಿಸಿಗೆ ದೊರೆತಿದ್ದ ₹56 ಕೋಟಿ ಅನುದಾನದಲ್ಲಿ ₹4.30 ಕೋಟಿಯಲ್ಲಿ 25 ಪಿಂಕ್ ಸಾರಥಿ ವಾಹನಗಳನ್ನು ಬಿಎಂಟಿಸಿ ಖರೀದಿ ಮಾಡಿತ್ತು. 2019ರ ಜೂನ್ನಲ್ಲಿ ಈ ವಾಹನಗಳ ಕಾರ್ಯಾಚರಣೆ ಆರಂಭಿಸಿದ್ದವು.</p>.<p>ಆರ್ಟಿಐ ಕಾರ್ಯಕರ್ತ ಎನ್.ಶ್ರೀನಿವಾಸ್ ಅವರು ಮಾಹಿತಿ ಹಕ್ಕು ಕಾಯ್ದೆಯಡಿ ಸಲ್ಲಿಸಿದ್ದ ಅರ್ಜಿಗೆ ಬಿಎಂಟಿಸಿ ಸಾರ್ವಜನಿಕ ಮಾಹಿತಿ ಅಧಿಕಾರಿ ಉತ್ತರ ನೀಡಿದ್ದಾರೆ. ಅದರ ಪ್ರಕಾರ, 2021ರ ಜನವರಿ ತನಕ ಈ ಸಾರಥಿ ವಾಹನಗಳ ಮೂಲಕ 189 ಪ್ರಕರಣಗಳಲ್ಲಿ ಮಹಿಳೆಯ ಸುರಕ್ಷತೆಗೆ ನೆರವಾಗಿದ್ದು, ಚಾಲಕ ಮತ್ತು ನಿರ್ವಾಹಕರ ನ್ಯೂನತೆಗಳಿಗೆ ಸಂಬಂಧಿಸಿದ 71,356 ಪ್ರಕರಣ ದಾಖಲಿಸಲಾಗಿದೆ.</p>.<p>‘ನಿರ್ಭಯಾ ಯೋಜನೆಯಡಿ ಮಹಿಳೆಯರ ಸುರಕ್ಷತೆಗೆ ನೆರವಾಗಲು ಖರೀದಿಸಿದ ವಾಹನಗಳನ್ನು ಬಿಎಂಟಿಸಿ ಅಧಿಕಾರಿಗಳು ದುರ್ಬಳಕೆ ಮಾಡಿಕೊಳ್ಳುತ್ತಿದ್ದಾರೆ. ನಿರ್ಭಯ ಯೋಜನೆ ಅನುಷ್ಠಾನದಲ್ಲೂ ವಿಫಲರಾಗಿದ್ದಾರೆ. ಈ ವಾಹನಗಳನ್ನು ಬಳಸಿಕೊಂಡು ಚಾಲಕ ಮತ್ತು ನಿರ್ವಾಹಕರ ಮೇಲೆ ಶೋಷಣೆ ಮಾಡುತ್ತಿದ್ದಾರೆ’ ಎಂದು ಶ್ರೀನಿವಾಸ್ ಆರೋಪಿಸಿದರು.</p>.<p class="Briefhead"><strong>ಟಿಕೆಟ್ ರಹಿತ ಪ್ರಯಾಣ: ನಿರ್ವಾಹಕರ ವಿರುದ್ಧ ಇಲ್ಲ ಕ್ರಮ</strong></p>.<p>ಬಿಎಂಟಿಸಿ ಸಾಮಾನ್ಯ ಸಾರಿಗೆ ಬಸ್ಗಳಲ್ಲಿ ಆಸನ ಸಾಮರ್ಥ್ಯಕ್ಕಿಂತ ಹೆಚ್ಚಿನ ಜನ ಪ್ರಯಾಣಿಸುತ್ತಿದ್ದರೆ ಮಾತ್ರ ಅನ್ವಯ ಆಗುವಂತೆ ನಾನ್ ಇಷ್ಯೂಡ್ ನಾನ್ ಕಲೆಕ್ಟೆಡ್ (ಎನ್ಐಎನ್ಸಿ) ನಿಯಮ ಸಡಿಲಿಸಲಾಗಿದೆ. ಟಿಕೆಟ್ ರಹಿತ ಪ್ರಯಾಣಿಕರು ಕಂಡು ಬಂದರೆ ಅಥವಾ ಸೋರಿಕೆ ಮೊತ್ತ ₹15 ಕ್ಕಿಂತ ಕಡಿಮೆ ಇದ್ದರೆ ಅಪರಾಧ ಜ್ಞಾಪನಾ ಪತ್ರ ನೀಡದಿರಲು ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕಿ ಸಿ.ಶಿಖಾ ಆದೇಶಿಸಿದ್ದಾರೆ.</p>.<p>‘ಈ ರೀತಿ ಪ್ರಕರಣದಲ್ಲಿ ವರ್ಷದಲ್ಲಿ ಮೂರು ಬಾರಿ ಸಿಕ್ಕಿಬಿದ್ದರೆ ಮಾತ್ರ ಶಿಸ್ತುಕ್ರಮ ಜರುಗಿಸಬಾರದು. ಟಿಕೆಟ್ ರಹಿತ ಪ್ರಯಾಣಿಕರಿಗೆ ದಂಡ ವಿಧಿಸಬೇಕು’ ಎಂದು ತಿಳಿಸಿದ್ದಾರೆ. ಮುಷ್ಕರ ನಡೆಸಿದ್ದ ವೇಳೆ ಎನ್ಐಎನ್ಸಿ ನಿಯಮ ಸಡಿಲಿಕೆಯ ಬೇಡಿಕೆಯನ್ನೂ ನೌಕರರು ಇಟ್ಟಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು: </strong>ನಿರ್ಭಯ ಯೋಜನೆಯಡಿ ಮಹಿಳೆಯರ ಸುರಕ್ಷತೆಗೆ ನೆರವಾಗಲು ಬಿಎಂಟಿಸಿ ಖರೀದಿಸಿದ ಪಿಂಕ್ ಸಾರಥಿ ವಾಹನಗಳು ಚಾಲಕ ಮತ್ತು ನಿರ್ವಾಹಕರ ವಿರುದ್ಧ ಮೊಕದ್ದಮೆ ದಾಖಲಿಸಲು ಬಳಕೆಯಾಗುತ್ತಿವೆಯೇ?... ಹೌದು ಎನ್ನುತ್ತಿದೆ ಬಿಎಂಟಿಸಿ ಅಧಿಕಾರಿಗಳೇ ನೀಡಿರುವ ಮಾಹಿತಿ.</p>.<p>ಕೇಂದ್ರದ ನಿರ್ಭಯ ಯೋಜನೆಯಡಿ ಬಿಎಂಟಿಸಿಗೆ ದೊರೆತಿದ್ದ ₹56 ಕೋಟಿ ಅನುದಾನದಲ್ಲಿ ₹4.30 ಕೋಟಿಯಲ್ಲಿ 25 ಪಿಂಕ್ ಸಾರಥಿ ವಾಹನಗಳನ್ನು ಬಿಎಂಟಿಸಿ ಖರೀದಿ ಮಾಡಿತ್ತು. 2019ರ ಜೂನ್ನಲ್ಲಿ ಈ ವಾಹನಗಳ ಕಾರ್ಯಾಚರಣೆ ಆರಂಭಿಸಿದ್ದವು.</p>.<p>ಆರ್ಟಿಐ ಕಾರ್ಯಕರ್ತ ಎನ್.ಶ್ರೀನಿವಾಸ್ ಅವರು ಮಾಹಿತಿ ಹಕ್ಕು ಕಾಯ್ದೆಯಡಿ ಸಲ್ಲಿಸಿದ್ದ ಅರ್ಜಿಗೆ ಬಿಎಂಟಿಸಿ ಸಾರ್ವಜನಿಕ ಮಾಹಿತಿ ಅಧಿಕಾರಿ ಉತ್ತರ ನೀಡಿದ್ದಾರೆ. ಅದರ ಪ್ರಕಾರ, 2021ರ ಜನವರಿ ತನಕ ಈ ಸಾರಥಿ ವಾಹನಗಳ ಮೂಲಕ 189 ಪ್ರಕರಣಗಳಲ್ಲಿ ಮಹಿಳೆಯ ಸುರಕ್ಷತೆಗೆ ನೆರವಾಗಿದ್ದು, ಚಾಲಕ ಮತ್ತು ನಿರ್ವಾಹಕರ ನ್ಯೂನತೆಗಳಿಗೆ ಸಂಬಂಧಿಸಿದ 71,356 ಪ್ರಕರಣ ದಾಖಲಿಸಲಾಗಿದೆ.</p>.<p>‘ನಿರ್ಭಯಾ ಯೋಜನೆಯಡಿ ಮಹಿಳೆಯರ ಸುರಕ್ಷತೆಗೆ ನೆರವಾಗಲು ಖರೀದಿಸಿದ ವಾಹನಗಳನ್ನು ಬಿಎಂಟಿಸಿ ಅಧಿಕಾರಿಗಳು ದುರ್ಬಳಕೆ ಮಾಡಿಕೊಳ್ಳುತ್ತಿದ್ದಾರೆ. ನಿರ್ಭಯ ಯೋಜನೆ ಅನುಷ್ಠಾನದಲ್ಲೂ ವಿಫಲರಾಗಿದ್ದಾರೆ. ಈ ವಾಹನಗಳನ್ನು ಬಳಸಿಕೊಂಡು ಚಾಲಕ ಮತ್ತು ನಿರ್ವಾಹಕರ ಮೇಲೆ ಶೋಷಣೆ ಮಾಡುತ್ತಿದ್ದಾರೆ’ ಎಂದು ಶ್ರೀನಿವಾಸ್ ಆರೋಪಿಸಿದರು.</p>.<p class="Briefhead"><strong>ಟಿಕೆಟ್ ರಹಿತ ಪ್ರಯಾಣ: ನಿರ್ವಾಹಕರ ವಿರುದ್ಧ ಇಲ್ಲ ಕ್ರಮ</strong></p>.<p>ಬಿಎಂಟಿಸಿ ಸಾಮಾನ್ಯ ಸಾರಿಗೆ ಬಸ್ಗಳಲ್ಲಿ ಆಸನ ಸಾಮರ್ಥ್ಯಕ್ಕಿಂತ ಹೆಚ್ಚಿನ ಜನ ಪ್ರಯಾಣಿಸುತ್ತಿದ್ದರೆ ಮಾತ್ರ ಅನ್ವಯ ಆಗುವಂತೆ ನಾನ್ ಇಷ್ಯೂಡ್ ನಾನ್ ಕಲೆಕ್ಟೆಡ್ (ಎನ್ಐಎನ್ಸಿ) ನಿಯಮ ಸಡಿಲಿಸಲಾಗಿದೆ. ಟಿಕೆಟ್ ರಹಿತ ಪ್ರಯಾಣಿಕರು ಕಂಡು ಬಂದರೆ ಅಥವಾ ಸೋರಿಕೆ ಮೊತ್ತ ₹15 ಕ್ಕಿಂತ ಕಡಿಮೆ ಇದ್ದರೆ ಅಪರಾಧ ಜ್ಞಾಪನಾ ಪತ್ರ ನೀಡದಿರಲು ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕಿ ಸಿ.ಶಿಖಾ ಆದೇಶಿಸಿದ್ದಾರೆ.</p>.<p>‘ಈ ರೀತಿ ಪ್ರಕರಣದಲ್ಲಿ ವರ್ಷದಲ್ಲಿ ಮೂರು ಬಾರಿ ಸಿಕ್ಕಿಬಿದ್ದರೆ ಮಾತ್ರ ಶಿಸ್ತುಕ್ರಮ ಜರುಗಿಸಬಾರದು. ಟಿಕೆಟ್ ರಹಿತ ಪ್ರಯಾಣಿಕರಿಗೆ ದಂಡ ವಿಧಿಸಬೇಕು’ ಎಂದು ತಿಳಿಸಿದ್ದಾರೆ. ಮುಷ್ಕರ ನಡೆಸಿದ್ದ ವೇಳೆ ಎನ್ಐಎನ್ಸಿ ನಿಯಮ ಸಡಿಲಿಕೆಯ ಬೇಡಿಕೆಯನ್ನೂ ನೌಕರರು ಇಟ್ಟಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
