ಚಳಕಾಪುರ ಜಾತಿ ಸಂಘರ್ಷ | ಶಾಂತಿ, ಸೌಹಾರ್ದತೆಯಿಂದ ಎಲ್ಲರೂ ಕೂಡಿ ಬಾಳಿ: DC

ನಮ್ಮ ಸಮುದಾಯದ ಕೆಲ ಯುವಕರು ಹಾಗೂ ದಲಿತ ಸಮುದಾಯದ ಕೆಲ ಯುವಕರು ಸ್ವಪ್ರತಿಷ್ಠೆಗೆ ಮೆರವಣಿಗೆಯಲ್ಲಿ ಜಗಳವಾಡಿದ್ದಾರೆ. ಇದರಿಂದ ಇಡೀ ಸಮುದಾಯದವರೇ ತಲೆತಗ್ಗಿಸುವಂತಾಗಿದೆ. ಇದೀಗ ಎಲ್ಲರಿಗೂ ತಪ್ಪಿನ ಅರಿವಾಗಿದೆ. ಮುಂದಿನ ದಿನಗಳಲ್ಲಿ ಹೀಗಾಗದಂತೆ ಯುವಕರಿಗೆ ತಿಳಿ ಹೇಳುತ್ತೇವೆ.

ಜಾತ್ರೆಯ ಮೆರವಣಿಗೆಯಲ್ಲಿ ನಮ್ಮ ಸಮುದಾಯದ ಯುವಕರು ಡಿಜೆ ಹಾಡಿಗೆ ಕುಣಿಯದಂತೆ ತಡೆದಿದ್ದಾರೆ. ಇದರಿಂದ ಮಾತಿಗೆ ಮಾತು ಬೆಳೆದು ಜಗಳವಾಗಿದೆ. ನಂತರ ಲಿಂಗಾಯತರು ನಮ್ಮ ಸಮುದಾಯದ ಕೆಲವರ ಮನೆಗೆ ನುಗ್ಗಿ ಮಹಿಳೆಯರು, ಹಿರಿಯರು ಎನ್ನದೇ ಎಲ್ಲರನ್ನೂ ಹೊಡೆದಿದ್ದಾರೆ. ಆದಕಾರಣ ಅವರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.

ಎರಡು ಸಮುದಾಯದ ಯುವಕರು ಡಿಜೆ ಹಾಡಿಗಾಗಿ ಜಗಳವಾಡಿದ್ದಾರೆ. ಮುಂದಿನ ದಿನಗಳಲ್ಲಿ ಗ್ರಾಮದಲ್ಲಿ ಡಿಜೆಗೆ ಅವಕಾಶವೇ ನೀಡಬಾರದು.

ಲಿಂಗಾಯತ ಯುವಕರು ನಮ್ಮ ಮನೆಗೆ ನುಗ್ಗಿ ಕಟ್ಟಿಗೆ, ಕಬ್ಬಿಣದ ರಾಡ್‌ ಸೇರಿದಂತೆ ಇನ್ನಿತರ ವಸ್ತುಗಳನ್ನು ತೆಗೆದುಕೊಂಡು ನಮಗೆ ಮನಬಂದಂತೆ ಥಳಿಸಿದ್ದಾರೆ. ಇದರಿಂದ ನಮಗೆ ಜೀವ ಭಯ ಉಂಟಾಗಿದೆ.