ಹುಮನಾಬಾದ್‌ನಲ್ಲಿ ವಾರದಿಂದ 80 ಹಂದಿಗಳ ಸಾವು: ಸಾರ್ವಜನಿಕರಲ್ಲಿ ಆತಂಕ

ಪೌರಕಾರ್ಮಿಕರು ತಮ್ಮ ಸುರಕ್ಷಿತ ವಸ್ತ್ರಗಳನ್ನು ಧರಿಸದೆ ಸತ್ತ ಹಂದಿಗಳನ್ನು ಬೇರೆಡೆ ತೆಗೆದುಕೊಂಡು ಹೋಗುತ್ತಿದ್ದಾರೆ. ಹೀಗಾಗಿ ಅವರ ಆರೋಗ್ಯದ ಮೇಲೂ ಪರಿಣಾಮ ಬೀರಬಹುದು. ಸಂಬಂಧಪಟ್ಟವರು ಪೌರ ಕಾರ್ಮಿಕರಿಗೆ ಸುರಕ್ಷಿತ ವಸ್ತ್ರಗಳನ್ನು ನೀಡಬೇಕು.‌

ಪಟ್ಟಣದಲ್ಲಿ ಹಂದಿಗಳು ಸಾಯುತ್ತಿರುವ ಮಾಹಿತಿ ಬಂದಿದೆ. ಸಾವಿನ ಕಾರಣ ತಿಳಿಯಲು ಪರೀಕ್ಷೆ ನಡೆಸಿ ಬೀದರಿಗೆ ಕಳುಹಿಸಲಾಗುವುದು. ಹಂದಿಯ ಮಾಲೀಕರು ಸಹಕಾರ ಮಾಡಿದರೆ ಹಂದಿಗಳಿಗೆ ವ್ಯಾಕ್ಸಿನ್ ಚಿಕಿತ್ಸೆ ನೀಡಬಹುದು.

ಪಟ್ಟಣದಲ್ಲಿ ಹಂದಿಗಳ ಸಾವು ನಿರಂತರವಾಗಿ ಮುಂದುವರಿದಿದೆ. ಸತ್ತ ಹಂದಿಗಳನ್ನು ಎಲ್ಲೆಂದರಲ್ಲಿ ಬಿಸಾಕುತ್ತಿದ್ದಾರೆ. ಇದು ಆರೋಗ್ಯದ ಮೇಲೆ ಪರಿಣಾಮ ಬೀರಲಿದೆ. ಹೀಗಾಗಿ ಪ್ರತ್ಯೇಕ ಒಂದು ಸ್ಥಳ ಮಾಡಬೇಕು.

ಕಳೆದ ಒಂದು ವಾರದಿಂದ ಹಂದಿಗಳು ಸಾಯುತ್ತಿವೆ.‌ ಇಲ್ಲಿಯವರೆಗೆ ಸುಮಾರ 80 ಹಂದಿಗಳು ಸತ್ತಿವೆ. ಈ ಬಗ್ಗೆ ಈಗಾಗಲೇ ಪಶುಸಂಗೋಪನಾ ಇಲಾಖೆಯವರಿಗೆ ತಿಳಿಸಲಾಗಿದೆ.