ಶಿಡ್ಲಘಟ್ಟ: ಕನ್ನಡ ಭಾಷೆಯ ಪ್ರಾಚೀನತೆ ಸಾರುವ ಐದನೇ ಶತಮಾನದ ತಾಮ್ರಶಾಸನ

ಇತಿಹಾಸಕಾರರು ಗಂಗ ವಂಶದ ಅಧ್ಯಯನಕ್ಕೆ ತಮಗೆ ಲಭ್ಯವಿರುವ ತಾಮ್ರಶಾಸನಗಳನ್ನೇ ಹೆಚ್ಚಾಗಿ ಬಳಸಿಕೊಂಡಿದ್ದಾರೆ. ಹಲವಾರು ತಾಮ್ರಪಟಗಳ ಸಾರಾಂಶವೇ ಈಗ ನಾವು ಓದುವ ಗಂಗರ ವಂಶವೃಕ್ಷ. ಇತಿಹಾಸಕಾರ ಕೆ.ವಿ.ರಮೇಶ್ ಅವರು ತಮ್ಮ ಅಧ್ಯಯನದಲ್ಲಿ ಮತ್ತೆ ಒಂದೆರಡು ಶಾಖೆಗಳನ್ನು ಗುರುತಿಸಿದ್ದಾರೆ. ಚುಕ್ಕಟೂರು, ಹೊಸಪೇಟೆ, ಗುಮ್ಮರೆಡ್ಡಿಪುರ, ಬೆಂಡಗಾನಹಳ್ಳಿ ತಾಮ್ರಶಾಸನಗಳ ಆಧಾರದಲ್ಲಿ ಅವರು ಕೈವಾರ ಮತ್ತು ಪರಿವಿ ಗಂಗರ ಶಾಖೆ ಒಂದನ್ನು ವಿಂಗಡಣೆ ಮಾಡಿದ್ದಾರೆ. ಕೃಷ್ಣವರ್ಮನ ನಂತರ ವಿಷ್ಣುಗೋಪನಿಂದ ಮುಖ್ಯ ಶಾಖೆ ಮುಂದುವರೆದರೆ ಸಿಂಹವರ್ಮನಿಂದ ಕೈವಾರ ಗಂಗರ ಶಾಖೆ ಬೆಳೆಯುತ್ತದೆ - ‌ಶಾಸನತಜ್ಞ ಡಿ.ಎನ್.ಸುದರ್ಶನರೆಡ್ಡಿ