ಶೃಂಗೇರಿಯಲ್ಲಿ ವಿಜೃಂಭಣೆಯ ದೀಪಾವಳಿ, ಲಕ್ಷ್ಮೀ ಪೂಜೆ

ಶೃಂಗೇರಿ: ಶೃಂಗೇರಿ ತಾಲ್ಲೂಕಿನಾದ್ಯಂತ ಸೋಮವಾರ ದೀಪಾವಳಿ ಸಂಭ್ರಮ ಕಂಡು ಬಂದಿತು. ಹಂಡೆಯನ್ನು ಶುದ್ಧೀಕರಿಸಿ ವಿಧವಿಧವಾದ ಬಣ್ಣದ ಗೊಂಡೆಹಾರ ಹಾಗೂ ಹಿಂಡ್ಲೆಕಾಯಿ ಬಳ್ಳಿಯನ್ನು ಕಟ್ಟಿ ಶೃಂಗರಿಸಿದ ಮಹಿಳೆಯರು ಬಳಿಕ ಬಾವಿನೀರು ಸೇದಿ ಹಂಡೆಗೆ ನೀರು ತುಂಬಿಟ್ಟರು. ಮಕ್ಕಳು ಈ ಸಂದರ್ಭದಲ್ಲಿ ಜಾಗಟೆ ಬಾರಿಸಿ ಸಂಭ್ರಮಿಸಿದರು.

. ಮಹಿಳೆಯರು ದೀಪಾವಳಿಗಾಗಿ ಹೊಸಬಟ್ಟೆ ಖರೀದಿಸುವುದರಲ್ಲಿ ನಿರತರಾಗಿದ್ದರೆ, ಮಕ್ಕಳು ಪಟಾಕಿ ಖರೀದಿಯ ಹುರುಪಿನಲ್ಲಿದ್ದರು. ಲಕ್ಷ್ಮೀಪೂಜೆಯ ಅಂಗವಾಗಿ ಹೂವಿನ ವ್ಯಾಪಾರ ಬಿರುಸಾಗಿ ನಡೆಯಿತು.

. ಬಲಿಪಾಡ್ಯಮಿಯಂದು ತಾಲ್ಲೂಕಿನ ಜನರು ಸಂಭ್ರಮದಿಂದ ಗೋಪೂಜೆ ನೆರವೇರಿಸಿದರು. ಅಭ್ಯಂಗ ಸ್ನಾನದ ಬಳಿಕ ಹೊಸ ಬಟ್ಟೆ ಧರಿಸಿ ಶಾರದಾ ಮಠಕ್ಕೆ ತೆರಳಿ ಶಾರದಾಂಬೆಯ ದರ್ಶನ ಪಡೆದರು. ಕೊಟ್ಟಿಗೆಗಳನ್ನು ಶುಭ್ರಗೊಳಿಸಿ, ಹಸುಗಳ ಮೈತೊಳೆದು ವಿವಿಧ ಹೂಗಳ ಹಾರವನ್ನು ಹಾಕಿ ಪೂಜೆ ಸಲ್ಲಿಸಿದರು.

. ಗೋವುಗಳಿಗಾಗಿ ಸಿಹಿಕಡಬು, ಅಕ್ಕಿ ತಿಂಡಿ ನೀಡಲಾಯಿತು. ಮನೆಯಲ್ಲಿರುವ ಕೃಷಿ ಪರಿಕರ, ವಾಹನ, ಯಂತ್ರೋಪಕರಣಗಳನ್ನು ಶುದ್ಧಗೊಳಿಸಿ ಪೂಜೆ ಸಲ್ಲಿಸಿದರು. ಬಲಿಪಾಡ್ಯವಾದ ಕಾರಣ ಗ್ರಾಮೀಣ ಪ್ರದೇಶಗಳಲ್ಲಿ ಬಲೀಂದ್ರನಿಗೆ ಪೂಜೆ ನೆರವೇರಿಸಲಾಯಿತು. ಗ್ರಾಮೀಣ ಭಾಗದಲ್ಲಿ ಜನರು ಗ್ರಾಮ ಮತ್ತು ಮನೆ ದೇವರಿಗೆ ಸಂಜೆ ಕೋಲು ದೀಪ ಹಚ್ಚಿ ಪ್ರಾರ್ಥಿಸಿದರು.

. ದೀಪಾವಳಿ ಹಬ್ಬವಾದ ಕಾರಣ ಮಹಿಳೆಯರು ಹೋಳಿಗೆ ತಯಾರಿಸಿದ್ದರು. ಸಂಜೆಯ ಹೊತ್ತು ಮನೆ ಮುಂದೆ ಸಾಲು ಹಣತೆ ಉರಿಸಿದರು.

. ಶಾರದಾ ಮಠದಲ್ಲಿ ಕಿರಿಯ ಗುರುಗಳಾದ ವಿಧುಶೇಖರಭಾರತೀ ಸ್ವಾಮೀಜಿ ಗೋಶಾಲೆಯ 600 ಗೋವುಗಳಿಗೆ ಪೂಜೆ ನೆರವೇರಿಸಿದರು.

. ಶಾರದಾಂಬಾ ದೇವಾಲಯ ಮತ್ತು ಮಠದ ದೇವಾಲಯಗಳಿಗೆ ಉಭಯ ಗುರುಗಳಾದ ಭಾರತೀತೀರ್ಥ ಸ್ವಾಮೀಜಿ ಹಾಗೂ ವಿಧುಶೇಖರಭಾರತೀ ಸ್ವಾಮೀಜಿಯವರು ತೆರಳಿ ವಿಶೇಷ ದರ್ಶನ ಪಡೆದರು. ಮಧ್ಯಾಹ್ನ ಚಂದ್ರಮೌಳೇಶ್ವರ ವಿಶೇಷ ಪೂಜೆ ಸಲ್ಲಿಸಿದರು. ಸಂಜೆ ಶಾರದೆಯ ಸನ್ನಿಧಿಯಲ್ಲಿ ಬಲೀಂದ್ರ ಪೂಜೆ, ಮಹಾಜನರ ಕಾಣಿಕೆ ಸಮರ್ಪಿಸಲಾಯಿತು.

. ಶೃಂಗೇರಿ ಭಾಗದ ಜನರು ಶಾರದಾ ಪೀಠದ ಸಂಪ್ರದಾಯದಂತೆ ದೀಪಾವಳಿ, ಗೋಪೂಜೆ, ಬಲಿಪಾಡ್ಯಮಿಯನ್ನು ಸೋಮವಾರ ಆಚರಿಸಿದರು. ಆದರೆ, ಕಿಗ್ಗಾ ಭಾಗದ ಜನರು ಮತ್ತು ಇತರ ಕಡೆ ದೀಪಾವಳಿಯನ್ನು ಮಂಗಳವಾರ ಆಚರಿಸುತ್ತಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶೃಂಗೇರಿಯಲ್ಲಿ ವಿಜೃಂಭಣೆಯ ದೀಪಾವಳಿ, ಲಕ್ಷ್ಮೀ ಪೂಜೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ