ಎಲ್ಲ ಧರ್ಮಗಳ ಮೂಲ ಮಾನವ ಧರ್ಮ

ಕೊಪ್ಪ : ‘ನಮ್ಮ ಆಶ್ರಮದಲ್ಲಿ ಜಾತಿ, ಮತ, ಮಡಿ, ಮೈಲಿಗೆ ಎಂಬುದು ಇಲ್ಲ. ಎಲ್ಲಾ ಧರ್ಮದ ಮೂಲ ಒಂದೆ, ಅದು ಮಾನವ ಧರ್ಮ’ ಎಂದು ಗೌರಿಗದ್ದೆ ಸ್ವರ್ಣಪೀಠಿಕಾಪುರ ದತ್ತಾಶ್ರಮದ ವಿನಯ್ ಗುರೂಜಿ ಹೇಳಿದರು.

. ತಾಲ್ಲೂಕಿನ ಮೇಲುಬಿಳ್ರೆ ಗ್ರಾಮದ ಗೌರಿಗದ್ದೆಯಲ್ಲಿ ಸೋಮವಾರ ತಿರುಮಲ ಲಕ್ಷ್ಮೀವೆಂಕಟರಮಣ ಸ್ವಾಮಿಯ ಪುನರ್ ಪ್ರತಿಷ್ಠಾಪನೆ ಮತ್ತು ಬ್ರಹ್ಮ ಕುಂಭಾಭಿಷೇಕ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

. ‘ಭಕ್ತರಲ್ಲಿ ಭಗವಂತನನ್ನು ನೋಡುವುದು ಗಾಂಧಿ ಸಂಪ್ರದಾಯ. ಗುಂಡು ಹೊಡೆದವನಿಗೂ ರಾಮನಾಮ ಹೇಳಿ ಪ್ರಾಣಬಿಟ್ಟವರು ಗಾಂಧೀಜಿ ಮಾತ್ರ’ ಎಂದರು.

. ‘ಸೇವಾಶ್ರಮ ವತಿಯಿಂದ ಶ್ರದ್ಧಾಕೇಂದ್ರ ಸರಿಪಡಿಸುವುದು, ಗಾಂಧಿ ಕುಟೀರ ನಿರ್ಮಾಣ, ಕಲ್ಯಾಣೋತ್ಸವ, ಗಿಡಗಳನ್ನು ಬೆಳೆಸುವುದು, ಪರಿಸರ ಸ್ವಚ್ಛತೆಗೆ ಹೆಚ್ಚಿನ ಒತ್ತುಕೊಡಲಾಗಿದೆ. ಮುಂದೆ ಗೌರಿಗದ್ದೆಯಲ್ಲಿ ಉದ್ಯೋಗ ಮೇಳ ಹಮ್ಮಿಕೊಳ್ಳಲಾಗುವುದು. ಎಲೆಚುಕ್ಕಿ ರೋಗ ಪೀಡಿತ ಅಡಿಕೆ ತೋಟದ ಕೃಷಿಕ ಕುಟುಂಬದ ಸಂಕಷ್ಟಕ್ಕೆ ಸ್ಪಂದಿಸಲಾಗುವುದು’ ಎಂದರು.

. ಶಾಸಕ ಟಿ.ಡಿ.ರಾಜೇಗೌಡ ಮಾತನಾಡಿ, ‘ತಿರುಪತಿ ನೆಲದಿಂದ ಮೃತ್ತಿಕೆ ತಂದು ಇಲ್ಲಿ ವೆಂಕಟರಮಣ ದೇವಸ್ಥಾನ ನಿರ್ಮಿಸಿರುವುದರಿಂದ ಭಕ್ತರಿಗೆ ಅನುಕೂಲವಾಗಿದೆ’ ಎಂದು ಹೇಳಿದರು.

. ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಮುರಳೀಧರ ಮಾತನಾಡಿ, ‘ವಿಭಿನ್ನತೆಯಲ್ಲಿ ಏಕತೆ ಕಂಡ ರಾಷ್ಟ್ರ ಭಾರತ’ ಎಂದರು.

. ರಾಜ್ಯ ಜೆಡಿಎಸ್ ಘಟಕದ ಉಪಾಧ್ಯಕ್ಷ ಸುಧಾಕರ ಎಸ್.ಶೆಟ್ಟಿ ಮಾತನಾಡಿ, ‘ಅವಧೂತರಲ್ಲಿ ಜಾತಿ, ಮತ, ಪಂಥ ಬರುವುದಿಲ್ಲ. ಸಮಾಜವನ್ನು ಒಗ್ಗೂಡಿಸುವ ಕೆಲಸ ಮಾಡುತ್ತಿದ್ದಾರೆ’ ಎಂದರು.

. ಮುದ್ದೇನಹಳ್ಳಿ ಸತ್ಯ ಸಾಯಿ ಬಾಬಾ ಟ್ರಸ್ಟ್ ನ ಮುಖ್ಯಸ್ಥ ಗೋವಿಂದ ರೆಡ್ಡಿ, ತಮಿಳುನಾಡಿನ ಬಿಜೆಪಿ ಎಸ್ಸಿ ಮೋರ್ಚಾದ ಉಸ್ತುವಾರಿ ವೆಂಕಟೇಶ್ ಮೌರ್ಯ, ಜೆಡಿಎಸ್ ಮುಖಂಡ ಎಚ್.ಜಿ.ವೆಂಕಟೇಶ್, ಡಿಸಿಸಿ ಬ್ಯಾಂಕ್ ನಿರ್ದೇಶಕ ಎಸ್.ಎನ್.ರಾಮಸ್ವಾಮಿ ಮಾತನಾಡಿದರು.

. ದತ್ತಾಶ್ರಮ ವತಿಯಿಂದ ಗುತ್ಯಮ್ಮ ದೇವಸ್ಥಾನಕ್ಕೆ ಘಂಟೆ ವಿತರಿಸಲಾಯಿತು. ಅಪಘಾತ ಚಿಕಿತ್ಸೆಗಾಗಿ ಕಿಬ್ಳಿ ರಾಕೇಶ್ ಅವರಿಗೆ ₹25 ಸಾವಿರ, ಮನೆ ನಿರ್ಮಾಣಕ್ಕಾಗಿ ರಾಧಾ ಮತ್ತು ಮಹೇಶ್ ಎಂಬುವರಿಗೆ ಸಹಾಯಧನ ನೀಡಲಾಯಿತು. ಮೂರು ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ನೆರವು ನೀಡಲಾಯಿತು.

. ಲಕ್ಷ್ಮೀ ವೆಂಕಟರಮಣ ಸ್ವಾಮಿಯ ಪುನರ್ ಪ್ರತಿಷ್ಠಾಪನೆ, ಕುಂಭಾಭಿಷೇಕ ಬಳಿಕ ಪೂರ್ಣಾಹುತಿ ನೆರವೇರಿಸಲಾಯಿತು. ವಾಸುದೇವ ಜೋಯಿಸ್ ಹಾಗೂ ದೇವಸ್ಥಾನದ ಸೇವಾ ಸಮಿತಿ ಗೌರವಾಧ್ಯಕ್ಷರಾದ ಗೀತಾ ಶಿವಪ್ಪ ನಾಯಕ್ ದಂಪತಿಯನ್ನು ಗೌರವಿಸಲಾಯಿತು.

. ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷ ಕೆ.ಎಸ್.ಸುಧಾಕರ್, ಕೆ.ಎಸ್. ಸತೀಶ್ ಕಲ್ಮಕ್ಕಿ, ದತ್ತಾಶ್ರಮದ ಟ್ರಸ್ಟಿ ಕೋಣಂದೂರು ಪ್ರಕಾಶ್, ಮಿಥುನ್, ಮಾಲತೇಶ್, ಸೇವಾ ಸಮಿತಿ ಗೌರವಾಧ್ಯಕ್ಷರಾದ ಗೀತಾ ಶಿವಪ್ಪ ನಾಯಕ್ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎಲ್ಲ ಧರ್ಮಗಳ ಮೂಲ ಮಾನವ ಧರ್ಮ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಚಿನಕುರುಳಿ | ಬುಧವಾರ, ನವೆಂಬರ್ 20 2024

ಬಾಬಾ ಕೀ ಜೈ ಹೋ... ಮಾಂಜ್ರೇಕರ್‌ಗೆ ಮೊಹಮ್ಮದ್ ಶಮಿ ಮಾತಿನ ‘ತಿವಿತ’

IND vs AUS | ಮೊದಲ ಟೆಸ್ಟ್‌ಗೆ ಆಡುವ 11ರ ಬಳಗ ಅಂತಿಮಗೊಳಿಸಲಾಗಿದೆ: ಬೂಮ್ರಾ

ಕಲಬುರಗಿ | ಪುರುಷರ ಐಟಿಎಫ್‌ ಟೆನಿಸ್‌: ಸೋತರೂ ಪ್ರೇಕ್ಷಕರ ಮನಗೆದ್ದ ಪ್ರಣವ್‌

ಪ್ರೊ ಕಬಡ್ಡಿ: ಗುಜರಾತ್‌– ಡೆಲ್ಲಿ ಪಂದ್ಯ ರೋಚಕ ಟೈ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಚಿನಕುರುಳಿ | ಬುಧವಾರ, ನವೆಂಬರ್ 20 2024