ಹುಬ್ಬಳ್ಳಿ: 450 ವಿದ್ಯಾರ್ಥಿಗಳಿಗೆ ಸಮವಸ್ತ್ರ ಉಚಿತ ವಿತರಣೆ

ಹುಬ್ಬಳ್ಳಿ: ಇಲ್ಲಿಯ ಜೆ.ಕೆ ಇಂಗ್ಲಿಷ್‌ ಮಾಧ್ಯಮ ಶಾಲೆಯಲ್ಲಿ ಗುರುವಾರ ಮಕ್ಕಳ ದಿನಾಚರಣೆ ಕಾರ್ಯಕ್ರಮ ನಡೆಯಿತು. ಮಕ್ಕಳಿಗಾಗಿ ಶಾಲಾ ಶಿಕ್ಷಕರೇ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಏರ್ಪಡಿಸಿ ತಾವೇ ನೃತ್ಯ ಪ್ರದರ್ಶಿಸಿ ಹಾಗೂ ಹಾಡುಗಳನ್ನು ಹಾಡಿ ಮಕ್ಕಳನ್ನು ರಂಜಿಸಿದರು. ಕೆಲ ಶಿಕ್ಷಕರು ನಟನೆ ಮಾಡಿ ಗಮನಸೆಳೆದರು. ನಂತರ ಮಕ್ಕಳಿಗಾಗಿ ವಿವಿಧ ಆಟ ಹಾಗೂ ಸ್ಪರ್ಧೆಗಳನ್ನು ಆಯೋಜಿಸಲಾಗಿತ್ತು. ಜತೆಗೆ ವಿಶೇಷ ತಿಂಡಿ ನೀಡಲಾಯಿತು.  ಶಾಲೆಯ ಚೇರ್ಮನ್‌ ಜಗದೀಶ ಕಲ್ಯಾಣಶೆಟ್ಟರ್‌ ಮುಖ್ಯಶಿಕ್ಷಕಿ ಗಾಯತ್ರಿ ಗಿರಿಮಠ ಸುಷ್ಮಾ ಕುಲಕರ್ಣಿ  ಪ್ರಶಾಂತ ಕಲ್ಯಾಣಶೆಟ್ಟರ್‌ ಮಾರುತಿ ಪ್ರಬಾತ್‌ ಇದ್ದರು. ವಿಮಲಾ ಕುಲಕರ್ಣಿ ಮೆಮೋರಿಯಲ್ ಶಾಲೆ: ಹುಬ್ಬಳ್ಳಿಯ ಭವಾನಿನಗರದಲ್ಲಿರುವ ಭಾವದೀಪ ಶಿಕ್ಷಣ ಸಂಸ್ಥೆಯ ವಿಮಲಾ ಕುಲಕರ್ಣಿ ಸ್ಮಾರಕ ಶಾಲೆಯಲ್ಲಿ ಗುರುವಾರ ಮಕ್ಕಳ ದಿನಾಚರಣೆ ಕಾರ್ಯಕ್ರಮ ನಡೆಯಿತು. ಮುಖ್ಯಶಿಕ್ಷಕಿ ಅನಿತಾ ಬಾಗಲಕೋಟೆ ಕಾರ್ಯಕ್ರಮ ಉದ್ಘಾಟಿಸಿದರು. ಮಕ್ಕಳಿಗಾಗಿ ಶಾಲೆಯಲ್ಲಿ ವಿವಿಧ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಅಶೋಕ ತುಬಾಕದ ಮಕ್ಕಳ ದಿನಾಚರಣೆಯ ಬಗ್ಗೆ ಮಾತನಾಡಿದರು.  ಪ್ರಾಚಾರ್ಯ ಮರುಳಾರಾಧ್ಯ ಹಿರೇಮಠ ಗೀತಾ ಭಟ್ ವಿದ್ಯಾರ್ಥಿನಿ ಅನನ್ಯ ಎಸ್. ಜೋಶಿ ಪೂಜಾ ಮುದಗಲ್ ರವಿ ದೇವರಾಜ ಸಪ್ನಾ ಸಿ.ಕೆ ಮತ್ತು ಶ್ರೀಮತಿ ಗೌರಿ ಮಿರ್ಜಿ ಹಾಗೂ ಬೋಧಕ–ಬೋಧಕೇತರ ಸಿಬ್ಬಂದಿ ಇದ್ದರು.