<p><strong>ಮಡಿಕೇರಿ</strong>: ಕೊಡಗು ಜಿಲ್ಲೆಯ ಸಾಕಾನೆ ಶಿಬಿರಗಳಲ್ಲಿ ಹೆಣ್ಣಾನೆಗಳ ಸಂಖ್ಯೆ ತೀರಾ ಕಡಿಮೆ ಇದೆ. ಇದು ಗಂಡಾನೆಗಳ ನಡುವಿನ ಕಲಹಕ್ಕೆ ಕಾರಣವಾಗಿದೆ ಎಂದು ಮಾವುತರು ಹೇಳುತ್ತಾರೆ.</p>.<p>ಜಿಲ್ಲೆಯ ದುಬಾರೆಯಲ್ಲಿ 26, ಹಾರಂಗಿಯಲ್ಲಿ 6, ಮತ್ತಿಗೋಡುವಿನಲ್ಲಿ 11 ಸಾಕಾನೆಗಳಿವೆ. ಇವುಗಳ ಪೈಕಿ ದುಬಾರೆಯಲ್ಲಿ 3, ಮತ್ತಿಗೋಡುವಿನಲ್ಲಿ 2 ಹೆಣ್ಣಾನೆಗಳು ಮಾತ್ರವೇ ಇವೆ. ದುಬಾರೆ ಯಲ್ಲಿರುವ 3 ಹೆಣ್ಣಾನೆಗಳ ಪೈಕಿ 2ಕ್ಕೆ ವಯಸ್ಸಾಗಿದ್ದರೆ, ಮತ್ತೊಂದು ಮರಿಯಾನೆ. ಹಾಗೆಯೇ, ಮತ್ತಿಗೋಡು ವಿನಲ್ಲಿರುವ ಎರಡೂ ಹೆಣ್ಣಾನೆಗಳು ಮರಿಯಾನೆಗಳೇ ಆಗಿವೆ. ಹಾರಂಗಿಯಲ್ಲಿ ಒಂದೇ ಒಂದು ಹೆಣ್ಣಾನೆಯೂ ಇಲ್ಲ.</p><p>‘ಇದರಿಂದ ಗಂಡಾನೆಗಳ ನಡುವೆ ಕಾದಾಟ, ಕಲಹಗಳು ದಿನಂಪ್ರತಿ ಹೆಚ್ಚುತ್ತಿವೆ. ಈ ಆನೆಗಳನ್ನು ನಿಯಂತ್ರಿಸು ವಲ್ಲಿ ಮಾವುತರು ಮತ್ತು ಕಾವಾಡಿಗಳು ಹೈರಾಣಾಗುತ್ತಿದ್ದಾರೆ. ತುರ್ತಾಗಿ ಸದೃಢ ಹೆಣ್ಣಾನೆಗಳ ಅಗತ್ಯ ಇದೆ’ ಎಂದು ಹೆಸರು ಬಹಿರಂಗಪಡಿಸಲು ಬಯಸದ ಮಾವುತರೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.</p><p>‘ಭಾನುವಾರವಷ್ಟೇ ಧನಂಜಯ ಮತ್ತು ಕಂಜನ್ ನಡುವೆ ಕಾದಾಟ ಏರ್ಪಟ್ಟಿತ್ತು. ಇದರಿಂದ ಪ್ರವಾಸಿಗರಲ್ಲಿ ಮಾತ್ರವಲ್ಲ ಅರಣ್ಯಾಧಿಕಾರಿಗಳಲ್ಲೂ ಆತಂಕ ಸೃಷ್ಟಿಯಾಗಿತ್ತು. ಒಂದು ವೇಳೆ ಇರುವ ಗಂಡಾನೆಗಳಿಗೆ ಸಾಕಾಗುವಷ್ಟು ಸದೃಢ ಹೆಣ್ಣಾನೆಗಳು ಇದ್ದರೆ ಇಂತಹ ಕಾದಾಟ, ಕಲಹಗಳು ಉಂಟಾಗುವು ದಿಲ್ಲ’ ಎಂದು ಅರಣ್ಯಾಧಿಕಾರಿಗಳೇ ಹೇಳುತ್ತಾರೆ.</p><p>‘ಮೈಸೂರು ಜಿಲ್ಲೆಯ ಶಿಬಿರಗಳಲ್ಲೂ ವಿರಳ ಸಂಖ್ಯೆಯಲ್ಲೇ ಹೆಣ್ಣಾನೆಗಳಿವೆ. ಆದರೆ, ಬನ್ನೇರುಘಟ್ಟದಲ್ಲಿ ಸ್ವಲ್ಪ ಹೆಚ್ಚಿನ ಸಂಖ್ಯೆಯಲ್ಲಿ ಹೆಣ್ಣಾನೆಗಳಿದ್ದು, ಅಲ್ಲಿಂದ ಕೆಲವೊಂದನ್ನು ಕೊಡಗಿನ ಶಿಬಿರಗಳಿಗೆ ಕಳುಹಿಸಿಕೊಡುವಂತೆ ಈ ಹಿಂದೆಯೇ ಪ್ರಸ್ತಾವ ಸಲ್ಲಿಸಿದ್ದರೂ ಪ್ರಯೋಜನವಾಗಿಲ್ಲ’ ಎಂದು ಹೆಸರು ಬಹಿರಂಗಪಡಿಸಲು ಬಯಸದ ಅರಣ್ಯಾಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.</p><p>ಈ ಕುರಿತು ಪ್ರತಿಕ್ರಿಯಿಸಿದ ಪಶುವೈದ್ಯ ಬಿ.ಸಿ.ಚೆಟ್ಟಿಯಪ್ಪ, ‘ಹೆಣ್ಣಾನೆ ಗಳು ಇರಬೇಕು ನಿಜ. ಆದರೆ, ಅವು ಇದ್ದ ಮಾತ್ರಕ್ಕೆ ಎಲ್ಲ ಗಂಡಾನೆಗಳೂ ಸರಿಯಾಗಿರುತ್ತವೆ ಎಂದು ಹೇಳುವು ದಕ್ಕಾಗುವುದಿಲ್ಲ. ಮದವೇರಿದ ಆನೆ ಗಳನ್ನು ಜೋಪಾನವಾಗಿ, ಪ್ರತ್ಯೇಕವಾಗಿ ನೋಡಿಕೊಳ್ಳಲೇಬೇಕು’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಡಿಕೇರಿ</strong>: ಕೊಡಗು ಜಿಲ್ಲೆಯ ಸಾಕಾನೆ ಶಿಬಿರಗಳಲ್ಲಿ ಹೆಣ್ಣಾನೆಗಳ ಸಂಖ್ಯೆ ತೀರಾ ಕಡಿಮೆ ಇದೆ. ಇದು ಗಂಡಾನೆಗಳ ನಡುವಿನ ಕಲಹಕ್ಕೆ ಕಾರಣವಾಗಿದೆ ಎಂದು ಮಾವುತರು ಹೇಳುತ್ತಾರೆ.</p>.<p>ಜಿಲ್ಲೆಯ ದುಬಾರೆಯಲ್ಲಿ 26, ಹಾರಂಗಿಯಲ್ಲಿ 6, ಮತ್ತಿಗೋಡುವಿನಲ್ಲಿ 11 ಸಾಕಾನೆಗಳಿವೆ. ಇವುಗಳ ಪೈಕಿ ದುಬಾರೆಯಲ್ಲಿ 3, ಮತ್ತಿಗೋಡುವಿನಲ್ಲಿ 2 ಹೆಣ್ಣಾನೆಗಳು ಮಾತ್ರವೇ ಇವೆ. ದುಬಾರೆ ಯಲ್ಲಿರುವ 3 ಹೆಣ್ಣಾನೆಗಳ ಪೈಕಿ 2ಕ್ಕೆ ವಯಸ್ಸಾಗಿದ್ದರೆ, ಮತ್ತೊಂದು ಮರಿಯಾನೆ. ಹಾಗೆಯೇ, ಮತ್ತಿಗೋಡು ವಿನಲ್ಲಿರುವ ಎರಡೂ ಹೆಣ್ಣಾನೆಗಳು ಮರಿಯಾನೆಗಳೇ ಆಗಿವೆ. ಹಾರಂಗಿಯಲ್ಲಿ ಒಂದೇ ಒಂದು ಹೆಣ್ಣಾನೆಯೂ ಇಲ್ಲ.</p><p>‘ಇದರಿಂದ ಗಂಡಾನೆಗಳ ನಡುವೆ ಕಾದಾಟ, ಕಲಹಗಳು ದಿನಂಪ್ರತಿ ಹೆಚ್ಚುತ್ತಿವೆ. ಈ ಆನೆಗಳನ್ನು ನಿಯಂತ್ರಿಸು ವಲ್ಲಿ ಮಾವುತರು ಮತ್ತು ಕಾವಾಡಿಗಳು ಹೈರಾಣಾಗುತ್ತಿದ್ದಾರೆ. ತುರ್ತಾಗಿ ಸದೃಢ ಹೆಣ್ಣಾನೆಗಳ ಅಗತ್ಯ ಇದೆ’ ಎಂದು ಹೆಸರು ಬಹಿರಂಗಪಡಿಸಲು ಬಯಸದ ಮಾವುತರೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.</p><p>‘ಭಾನುವಾರವಷ್ಟೇ ಧನಂಜಯ ಮತ್ತು ಕಂಜನ್ ನಡುವೆ ಕಾದಾಟ ಏರ್ಪಟ್ಟಿತ್ತು. ಇದರಿಂದ ಪ್ರವಾಸಿಗರಲ್ಲಿ ಮಾತ್ರವಲ್ಲ ಅರಣ್ಯಾಧಿಕಾರಿಗಳಲ್ಲೂ ಆತಂಕ ಸೃಷ್ಟಿಯಾಗಿತ್ತು. ಒಂದು ವೇಳೆ ಇರುವ ಗಂಡಾನೆಗಳಿಗೆ ಸಾಕಾಗುವಷ್ಟು ಸದೃಢ ಹೆಣ್ಣಾನೆಗಳು ಇದ್ದರೆ ಇಂತಹ ಕಾದಾಟ, ಕಲಹಗಳು ಉಂಟಾಗುವು ದಿಲ್ಲ’ ಎಂದು ಅರಣ್ಯಾಧಿಕಾರಿಗಳೇ ಹೇಳುತ್ತಾರೆ.</p><p>‘ಮೈಸೂರು ಜಿಲ್ಲೆಯ ಶಿಬಿರಗಳಲ್ಲೂ ವಿರಳ ಸಂಖ್ಯೆಯಲ್ಲೇ ಹೆಣ್ಣಾನೆಗಳಿವೆ. ಆದರೆ, ಬನ್ನೇರುಘಟ್ಟದಲ್ಲಿ ಸ್ವಲ್ಪ ಹೆಚ್ಚಿನ ಸಂಖ್ಯೆಯಲ್ಲಿ ಹೆಣ್ಣಾನೆಗಳಿದ್ದು, ಅಲ್ಲಿಂದ ಕೆಲವೊಂದನ್ನು ಕೊಡಗಿನ ಶಿಬಿರಗಳಿಗೆ ಕಳುಹಿಸಿಕೊಡುವಂತೆ ಈ ಹಿಂದೆಯೇ ಪ್ರಸ್ತಾವ ಸಲ್ಲಿಸಿದ್ದರೂ ಪ್ರಯೋಜನವಾಗಿಲ್ಲ’ ಎಂದು ಹೆಸರು ಬಹಿರಂಗಪಡಿಸಲು ಬಯಸದ ಅರಣ್ಯಾಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.</p><p>ಈ ಕುರಿತು ಪ್ರತಿಕ್ರಿಯಿಸಿದ ಪಶುವೈದ್ಯ ಬಿ.ಸಿ.ಚೆಟ್ಟಿಯಪ್ಪ, ‘ಹೆಣ್ಣಾನೆ ಗಳು ಇರಬೇಕು ನಿಜ. ಆದರೆ, ಅವು ಇದ್ದ ಮಾತ್ರಕ್ಕೆ ಎಲ್ಲ ಗಂಡಾನೆಗಳೂ ಸರಿಯಾಗಿರುತ್ತವೆ ಎಂದು ಹೇಳುವು ದಕ್ಕಾಗುವುದಿಲ್ಲ. ಮದವೇರಿದ ಆನೆ ಗಳನ್ನು ಜೋಪಾನವಾಗಿ, ಪ್ರತ್ಯೇಕವಾಗಿ ನೋಡಿಕೊಳ್ಳಲೇಬೇಕು’ ಎಂದು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
