ಕೊಪ್ಪಳ: ‘ಗರಡಿ’ಗಳಿಗೆ ಬೇಕಿದೆ ಪೈಲ್ವಾನರ ಗತ್ತು

’ ಕೊಪ್ಪಳ ಜಿಲ್ಲೆಯಲ್ಲಿ ಕುಸ್ತಿ ಮತ್ತೆ ಮುಂಚೂಣಿಗೆ ಬರಲು ಸರ್ಕಾರದ ನೆರವು ಅಗತ್ಯವಾಗಿದೆ. ದುರಸ್ತಿಗೆ ಕಾದಿರುವ ಅಖಾಡಗಳನ್ನು ಆದ್ಯತೆ ಮೇರೆಗೆ ಸರಿಪಡಿಸಿ ಸೌಲಭ್ಯಗಳನ್ನು ಒದಗಿಸಬೇಕು. ಆಗ ಮಾತ್ರ ದುಶ್ಚಟದ ದಾಸರಾಗಿರುವ ಯುವಜನತೆಯನ್ನು ಕುಸ್ತಿ ಮೂಲಕ ಸರಿದಾರಿಗೆ ತರಲು ಸಾಧ್ಯವಾಗುತ್ತದೆ. ಬೆಳಗಾವಿ ಹಾಗೂ ದಾವಣಗೆರೆ ಭಾಗದಲ್ಲಿ ನಿರಂತರವಾಗಿ ದೊಡ್ಡಮಟ್ಟದಲ್ಲಿ ನಡೆಯುವ ಕುಸ್ತಿ ಸ್ಪರ್ಧೆಗಳು ನಮ್ಮಲ್ಲಿಯೂ ಆಯೋಜಿಸಬೇಕಾಗಿದೆ. ಮುಂದಿನ ತಿಂಗಳು ನಡೆಯುವ ಗವಿಸಿದ್ಧೇಶ್ವರ ಜಾತ್ರೆಯಲ್ಲಿ ಕುಸ್ತಿ ಸ್ಪರ್ಧೆ ಹಮ್ಮಿಕೊಳ್ಳಲಾಗುವುದು ಎಂದು ಹಿರಿಯ ಪೈಲ್ವಾನ ಭೀಮಸಿ ಗಾಳಿ ಹೇಳುತ್ತಾರೆ.