ಮೈಸೂರು: ವೀಣಾವಾದಕ ವಿಶ್ವೇಶ್ವರನ್‌ಗೆ ‘ಅಕಾಡೆಮಿ ರತ್ನ’

ಮೈಸೂರಿನ ವೀಣಾವಾದಕಿ ಎಸ್‌.ವಿ.ಸಹನಾಗೆ ಕೇಂದ್ರ ಸಂಗೀತ ನಾಟಕ ಅಕಾಡೆಮಿಯ 2022ನೇ ಸಾಲಿನ ‘ಉಸ್ತಾದ್‌ ಬಿಸ್ಮಿಲ್ಲಾ ಖಾನ್ ಯುವ ಪುರಸ್ಕಾರ’ ದೊರೆತಿದೆ. ಲೇಖಕ ಟಿ.ಎಸ್‌.ವೇಣುಗೋಪಾಲ್‌ ಹಾಗೂ ಪ್ರೊ.ಶೈಲಜಾ ದಂಪತಿ ಪುತ್ರಿ ಸಹನಾ ಅವರ ಸಂಗೀತ ಪಯಣ 7ನೇ ವಯಸ್ಸಿನಲ್ಲೇ ಆರಂಭವಾಯಿತು. ಮೈಸೂರಿನ ಎಂ.ಜೆ.ಶ್ರೀನಿವಾಸ ಅಯ್ಯಂಗಾರ್‌ ಅವರಲ್ಲಿ ವೀಣಾ ಅಭ್ಯಾಸ ಆರಂಭಿಸಿ ನಂತರ ವಿದ್ವಾನ್ ಟಿ.ಎನ್.ಶೇಷಗೋಪಾಲನ್ ಟಿ.ವಿ.ಗೋಪಾಲಕೃಷ್ಣನ್‌ ಅವರಲ್ಲಿ ಕಲಿತಿದ್ದಾರೆ. ಆಕಾಶವಾಣಿ ‘ಎ’ ಶ್ರೇಣಿ ಕಲಾವಿದೆಯಾದ ಅವರು ದೇಶ–ವಿದೇಶದಲ್ಲಿ ಸಾವಿರಕ್ಕೂ ಹೆಚ್ಚು ಕಛೇರಿಗಳನ್ನು ನೀಡಿದ್ದಾರೆ.  ‘ಪ್ರಶಸ್ತಿ ದೊರೆತಿರುವುದು ಸಂತಸ ತಂದಿದೆ. ಗುರುಗಳ ಆಶೀರ್ವಾದ ಪೋಷಕರು ಹಾಗೂ ಪತಿ ಶ್ರೀನಿವಾಸ್ ಅವರ ಪ್ರೋತ್ಸಾಹ ಈ ಸಂದರ್ಭದಲ್ಲಿ ನೆನೆಯುವೆ’ ಎಂದು ಸಹನಾ ಹೇಳಿದರು.