Mysuru Dasara: ದಸರಾದಲ್ಲಿ ಹತ್ತಕ್ಕೂ ಹೆಚ್ಚು ದೇಶದ ಪ್ರಜೆಗಳು ಭಾಗಿ

ಮೈಸೂರು: ನಿಶಾನೆ ಆನೆ ಧನಂಜಯ ಗಂಭೀರ ಹೆಜ್ಜೆ ಇಡುತ್ತಿದ್ದಂತೆ ವಿದೇಶಿಗರ ಕುತೂಹಲ ಕೆರಳಿತು. ‘ಓ ಮೈ ಗಾಡ್ ಎಲಿಫೆಂಟ್ ಈಸ್ ಸೋ ಬ್ಯೂಟಿಫುಲ್’ (ಆನೆ ತುಂಬಾ ಸುಂದರವಾಗಿದೆ) ಎಂದು ಉದ್ಗಾರ ತೆಗೆದ ಜರ್ಮನಿಯ ಕತ್ರಿನ್ ಫೋಟೊ ಕ್ಲಿಕ್ಕಿಸಿಕೊಂಡರು.

. ಅವರು ಕಳೆದ ಐದು ದಿನಗಳಿಂದ ನಗರವನ್ನು ಸುತ್ತಿದ್ದು, ಇಲ್ಲಿನ ಜನರ ಪ್ರೀತಿಗೆ ತಲೆಬಾಗಿದ್ದಾರೆ. ದಸರಾದ ಸೌಂದರ್ಯ ಬಣ್ಣಿಸುವುದರೊಂದಿಗೆ ಪಾರಂಪರಿಕ ನಗರಿಯ ಬಗೆಗಿನ ಕುತೂಹಲಕಾರಿ ವಿಷಯದ ಬಗ್ಗೆ ಮಾಹಿತಿ ಪಡೆಯುತ್ತಿದ್ದರು.

. ‘ಮೈಸೂರಿನ ರಾಜ ಪರಂಪರೆಯನ್ನು ಗೈಡ್ ಮೂಲಕ ತಿಳಿದಿದ್ದೆ. ರೋಮಾಂಚನಕಾರಿ ಹಿನ್ನೆಲೆಯುಳ್ಳ ಒಡೆಯರ್ ಅವರ ಇತಿಹಾಸಕ್ಕೆ ದಸರಾ ಶೋಭೆ ತುಂಬಿದೆ. ಮೊದಲ ಬಾರಿ ಜಂಬೂಸವಾರಿ ವೀಕ್ಷಿಸುತ್ತಿದ್ದು, ಹೊಸ ಲೋಕವನ್ನು ಕಂಡಂತಾಗುತ್ತಿದೆ’ ಎಂದು ಹೇಳಿದರು.

. ಅಮೆರಿಕ, ಜರ್ಮನ್, ಇಸ್ರೇಲ್, ಫ್ರೆಂಚ್ ಮುಂತಾದ ಕಡೆಯಿಂದ ಬಂದ ವಿದೇಶಿಗರು ಮೆರವಣಿಗೆ ಕಣ್ತುಂಬಿಕೊಂಡರು. ಸಾಂಸ್ಕೃತಿಕ ಲೋಕ ಟ್ರಸ್ಟ್ ಆಯುರ್ವೇದ ಆಸ್ಪತ್ರೆ ಬಳಿ ವಿದೇಶಿ ಪ್ರವಾಸಿಗರಿಗಾಗಿ ಮಾಡಿದ್ದ ಗ್ಯಾಲರಿಯಲ್ಲಿ 300 ಜನರಿದ್ದರು. ಅಲ್ಲಲ್ಲಿ, ಜನರ ನಡುವೆಯೂ ಅನೇಕರು ನಿಂತು ದಸರಾ ವೈಭವವನ್ನು ವೀಕ್ಷಿಸಿದರು.

. ‘ಕಂಜನ್' ಹಾಗೂ ‘ಭೀಮ’ ಆನೆಯು ಸೊಂಡಿಲೆತ್ತಿದಾಗ ಚಪ್ಪಾಳೆ ತಟ್ಟಿ ಖುಷಿಪಟ್ಟರು. ನೆಲದ ಸಂಸ್ಕೃತಿ ಸಾರುವ ಸ್ತಬ್ಧಚಿತ್ರ, ಕಲಾ ತಂಡಗಳ ಕುಣಿತವನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿದರು. ಅನೇಕ ಯೂಟ್ಯೂಬ್ ವ್ಲಾಗರ್ಗಳೂ ಭಾಗವಹಿಸಿದ್ದು ಕಂಡುಬಂತು.

. ‘ದಸರೆಯಲ್ಲಿ ಪ್ರಥಮ ಬಾರಿಗೆ ಭಾಗವಹಿಸುತ್ತಿದ್ದೇನೆ. ನಗರವನ್ನು ದೀಪಗಳಿಂದ ಅಲಂಕರಿಸಿರುವುದನ್ನು ನೋಡುವುದೇ ಖುಷಿ ಕೊಡುತ್ತದೆ. ನಾನು ಇನ್ನೂ ಮೂರು ದಿನ ಉಳಿದುಕೊಂಡು ಇಲ್ಲಿನ ಆಹಾರಗಳನ್ನು ಆಸ್ವಾದಿಸಬೇಕು ಎಂದು ಯೋಜನೆ ಹಾಕಿಕೊಂಡಿದ್ದೇನೆ’ ಎಂದು ಫ್ರೆಂಚ್ನಿಂದ ಬಂದಿರುವ ಪೀಟರ್ ‘ಪ್ರಜಾವಾಣಿ’ಯೊಂದಿಗೆ ಖುಷಿ ಹಂಚಿಕೊಂಡರು.

. ಈ ನಗರ ಇತರೆಡೆಗಿಂತ ಭಿನ್ನವಾಗಿದೆ. ಸಾಂಸ್ಕೃತಿಕ ಶ್ರೀಮಂತಿಕೆ ಎಲ್ಲೆಡೆ ಕಾಣಸುತ್ತಿದ್ದು ಇನ್ನಷ್ಟು ದಿನ ಇಲ್ಲಿ ಉಳಿದುಕೊಂಡು ನಗರದ ಪರಂಪರೆ ತಿಳಿದುಕೊಳ್ಳುತ್ತೇನೆ ಕೋಬಿ ಇಸ್ರೇಲ್ . ಈ ರೀತಿಯ ಪಾರಂಪರಿಕ ನಗರ ಕೆಲವಷ್ಟೇ ಇದ್ದು ಪ್ರತಿಯೊಂದು ಕಟ್ಟಡದ ಬಗ್ಗೆಯೂ ಜನ ಒಂದೊಂದು ಕಥೆ ಹೇಳುತ್ತಾರೆ. ಇಲ್ಲಿನ ಜನರ ಪ್ರೀತಿ ಆತಿಥ್ಯವೂ ಅದ್ಭುತ ಅನುಭವ ನೀಡಿದೆ ಕತ್ರಿನ್ ಜರ್ಮನ್ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Mysuru Dasara: ದಸರಾದಲ್ಲಿ ಹತ್ತಕ್ಕೂ ಹೆಚ್ಚು ದೇಶದ ಪ್ರಜೆಗಳು ಭಾಗಿ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಚಿನಕುರುಳಿ | ಬುಧವಾರ, ನವೆಂಬರ್ 20 2024

Aus Vs IND Test: 24ರಂದು ಪರ್ತ್ ತಲುಪಲಿರುವ ರೋಹಿತ್ ಶರ್ಮಾ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್: ಲಕ್ಷ್ಯ ಸೇನ್‌ ಕ್ವಾರ್ಟರ್‌ಗೆ

ಬಾಬಾ ಕೀ ಜೈ ಹೋ... ಮಾಂಜ್ರೇಕರ್‌ಗೆ ಮೊಹಮ್ಮದ್ ಶಮಿ ಮಾತಿನ ‘ತಿವಿತ’

IND vs AUS | ಮೊದಲ ಟೆಸ್ಟ್‌ಗೆ ಆಡುವ 11ರ ಬಳಗ ಅಂತಿಮಗೊಳಿಸಲಾಗಿದೆ: ಬೂಮ್ರಾ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಚಿನಕುರುಳಿ | ಬುಧವಾರ, ನವೆಂಬರ್ 20 2024