ಅಪ್ಪ ಸರಿಯಾಗಿ ಕೆಲಸ ಮಾಡಿದ್ದರೆ ನಿಖಿಲ್ ಸೋಲುತ್ತಿದ್ದರಾ: ಡಿಕೆಶಿ ಪ್ರಶ್ನೆ

‘ನಿಖಿಲ್‌ ಅವರನ್ನು ಕಟ್ಟಿ ಹಾಕಲು ಚನ್ನಪಟ್ಟಣಕ್ಕೆ ಸರ್ಕಾರದ ಉಪ ಮುಖ್ಯಮಂತ್ರಿ ಸೇರಿದಂತೆ 15ಕ್ಕೂ ಹೆಚ್ಚು ಸಚಿವರು ಮತ್ತು 30ಕ್ಕೂ ಹೆಚ್ಚು ಶಾಸಕರ ದಂಡೇ ಬಂದಿದೆ. ಅವರು ಎಷ್ಟೇ ತಿಪ್ಪರಲಾಗ ಹಾಕಿದರೂ ನಿಖಿಲ್ ಅವರನ್ನು ಕಟ್ಟಿ ಹಾಕಲು ಸಾಧ್ಯವಿಲ್ಲ’ ತಾಲ್ಲೂಕಿನ ಕಲ್ಲಾಪುರದಲ್ಲಿ ಪುತ್ರ ನಿಖಿಲ್ ಪರ ನಡೆದ ಪ್ರಚಾರದಲ್ಲಿ ಕೇಂದ್ರ ಸಚಿವ ಎಚ್‌.ಡಿ.ಕುಮಾರಸ್ವಾಮಿ ಹೇಳಿದರು. ‘ಪಾಲು ಕೇಳಿದರೆ ಕೈಗಾರಿಕೆ ಬರುತ್ತಾ?’ ‘ಪಕ್ಕದ ಮಹಾರಾಷ್ಟ್ರಕ್ಕೆ ಟೊಯೊಟಾ ಕಂಪನಿ ಯಾಕೆ ಹೋಯ್ತು? ₹5ಸಾವಿರ ಕೋಟಿ ಯಾರಿಂದ ಹೋಯ್ತು? ರಾಜ್ಯಕ್ಕೆ ಕೈಗಾರಿಕೆಗಳು ಬಂದಾಗ ಸಚಿವರಾದರು ನಮ್ಮ ಷೇರು ಎಷ್ಟು ಕೊಡ್ತಿರಾ ಎಂದು ಕೇಳುತ್ತಾರಾ? ಷೇರಿಗಾಗಿ ಕುರ್ಚಿ ಹಾಕಿಕೊಂಡು ಕುಳಿತರೆ ಕಾರ್ಖಾನೆಗಳು ಬರುತ್ತವೆಯೇ? ನನಗೆಲ್ಲಾ ಮಾಹಿತಿ ಇದ್ದು ಇವರ ನಡವಳಿಕೆ ಬಗ್ಗೆ ಚರ್ಚಿಸೋಕೆ ಬಹಳ ಇದೆ’ ಎಂದು ಎಚ್‌ಡಿಕೆ ವಿರುದ್ಧ ಶಿವಕುಮಾರ್ ಪರೋಕ್ಷವಾಗಿ ಆರೋಪ ಮಾಡಿದರು. ‘ಕೇಳಿದ್ದು ಯಾರೆಂದು ಮುಂದೆ ಹೇಳುವೆ’ ಶಿವಕುಮಾರ್ ಆರೋಪಕ್ಕೆ ತಿರುಗೇಟು ನೀಡಿದ ಕುಮಾರಸ್ವಾಮಿ ‘ಯಾರು ಪಾಲು ಕೇಳಿದ್ದಾರೆಂದು ಮುಂದೆ ಚರ್ಚಿಸುವೆ. ಕಾಂಗ್ರೆಸ್ ರಾಜ್ಯವನ್ನು ಅಭಿವೃದ್ಧಿ ಮಾಡುತ್ತದೆ ಎನ್ನುವುದು ಬರೀ ಕನಸಷ್ಟೇ. ಕೈಗಾರಿಕೆಗಳ ಬಗ್ಗೆ ಸರ್ಕಾರದ ನಡವಳಿಕೆ ಸರಿ ಇಲ್ಲ. ಕೈಗಾರಿಕೆ ಸ್ಥಾಪಿಸಲು ಉದ್ಯಮಿಗಳು ಬಂದರೆ ನಮಗೂ ಪಾಲು ಕೊಡಿ ಎಂದು ಸರ್ಕಾರದವರೇ ಡಿಮ್ಯಾಂಡ್ ಮಾಡುತ್ತಿದ್ದಾರೆ. ಇದೇ ಕಾರಣಕ್ಕೆ ಟೊಯೊಟಾ ಕಂಪನಿ ಮಹಾರಾಷ್ಟ್ರಕ್ಕೆ ಹೋಯ್ತು’ ಎಂದರು.