<p><strong>ತುಮಕೂರು</strong>: ಇತ್ತೀಚೆಗೆ ಸೈಬರ್ ವಂಚಕರು ತಮ್ಮ ವಂಚನೆಯ ಮಾರ್ಗ ಬದಲಾಯಿಸಿದ್ದು, ಪೊಲೀಸರ ಸೋಗಿನಲ್ಲಿ ಕರೆ ಮಾಡಿ ಹಣ ಸುಲಿಗೆ ಮಾಡುತ್ತಿದ್ದಾರೆ.</p>.<p>‘ನೀವು ಕಳುಹಿಸಿದ ಕೊರಿಯರ್ನಲ್ಲಿ 350 ಗ್ರಾಂ ಎಂಡಿಎಂಎ ಮಾದಕ ವಸ್ತು ಇದ್ದು, ನಿಮ್ಮ ವಿರುದ್ಧ ಮುಂಬೈನಲ್ಲಿ ಎಫ್ಐಆರ್ ದಾಖಲಾಗಿದೆ’ ಎಂದು ಹೆದರಿಸಿ ನಗರದ ವಿದ್ಯಾನಗರದ ಎಂಜಿನಿಯರ್ ಜಿ.ವಿಜಯಾಧಿತ್ಯ ಪಾಟೀಲ್ ಎಂಬುವರಿಗೆ ₹33.99 ಲಕ್ಷ ವಂಚಿಸಲಾಗಿದೆ.</p>.<p>ನ. 13ರಂದು ಕರೆ ಮಾಡಿದ ವಂಚಕರು ಮುಂಬೈನ ‘ಫೆಡೆಕ್ಸ್ ಕೊರಿಯರ್ ಸರ್ವೀಸ್’ನವರು ಎಂದು ಪರಿಚಯಿಸಿಕೊಂಡಿದ್ದಾರೆ. ಸಂಜೆ ಮತ್ತೊಬ್ಬರು ಕರೆ ಮಾಡಿ ‘ಮುಂಬೈ ಸೈಬರ್ ಸೆಲ್’ನಿಂದ ಮಾತನಾಡುತ್ತಿರುವುದಾಗಿ ನಂಬಿಸಿದ್ದಾರೆ. ನೀವು ಮುಂಬೈನಿಂದ ಇರಾನ್ಗೆ ಕಳುಹಿಸುತ್ತಿದ್ದ ಪಾರ್ಸಲ್ ತಡೆಯಲಾಗಿದೆ. ಅದರಲ್ಲಿ 5 ಪಾಸ್ಪೋರ್ಟ್, ಎಂಡಿಎಂಎ ಪತ್ತೆಯಾಗಿದೆ. ಎಫ್ಐಆರ್ ಕೂಡ ದಾಖಲಾಗಿದೆ. ವಿಚಾರಣೆಗೆ ‘ಸ್ಕೈಪ್’ನಲ್ಲಿ ಕನೆಕ್ಸ್ ಆಗುವಂತೆ ಹೇಳಿದ್ದಾರೆ. ಪಾಟೀಲ್ ಸದರಿ ‘ಸ್ಕೈಪ್’ ಚಾಟ್ನಲ್ಲಿ ಎಟಿಎಂ, ಬ್ಯಾಂಕ್ ಖಾತೆ ಸೇರಿ ಅಗತ್ಯ ವಿವರ ಸಲ್ಲಿಸಿದ್ದಾರೆ.</p>.<p>ನ. 14ರಂದು ನಾವು ಒಂದು ಸುರಕ್ಷಿತ ಖಾತೆ ಕೊಡುತ್ತೇವೆ. ಅದಕ್ಕೆ ಹಣ ವರ್ಗಾಯಿಸಿ ತನಿಖೆ ಪೂರ್ಣಗೊಂಡ ನಂತರ ವಾಪಸ್ ಹಾಕುತ್ತೇವೆ ಎಂದು ಹೇಳಿದ್ದಾರೆ. ಇದನ್ನು ನಂಬಿದ ಪಾಟೀಲ್ ₹33.99 ಲಕ್ಷ ಹಣವನ್ನು ಸೈಬರ್ ವಂಚಕರು ನೀಡಿದ ಖಾತೆಗಳಿಗೆ ವರ್ಗಾಯಿಸಿದ್ದಾರೆ. ಇದಾದ ನಂತರ ಗೂಗಲ್ನಲ್ಲಿ ‘ಮುಂಬೈ ಸೈಬರ್ ಸೆಲ್’ ಬಗ್ಗೆ ಮಾಹಿತಿ ಪಡೆದು ವಿಚಾರಿಸಿದಾಗ ಮೋಸ ಹೋಗಿರುವುದು ಗೊತ್ತಾಗಿದೆ. ಈ ಕುರಿತು ಸೈಬರ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.</p>.<p><strong>₹17 ಲಕ್ಷ ಕಳೆದುಕೊಂಡ ಯುವ ವಕೀಲ</strong></p><p>ಆನ್ಲೈನ್ನಲ್ಲಿ ಕೆಲಸ ಮಾಡಿ ಹೆಚ್ಚಿನ ಲಾಭ ಗಳಿಸಬಹುದು ಎಂಬ ಆಮಿಷಕ್ಕೆ ಒಳಗಾಗಿ ವಕೀಲ ವೃತ್ತಿಯಲ್ಲಿ ತರಬೇತಿ ಪಡೆಯುತ್ತಿರುವ ಅಂತರಸನಹಳ್ಳಿ ಟಿ.ಡಿ.ಮಧು ಎಂಬುವರು ₹17.59 ಲಕ್ಷ ಕಳೆದುಕೊಂಡಿದ್ದಾರೆ. ಟ್ರಾವೆಲ್ ಸಿಟಿ ಎಂಬ ಕಂಪನಿಯು ‘ಟ್ರಾವೆಲ್ ರಿಮಾರ್ಕ್.ಕಮ್’ ಎಂಬ ವೆಬ್ಸೈಟ್ನಿಂದ ಕೆಲಸ ನೀಡುತ್ತಿದ್ದು ಇದಕ್ಕಾಗಿ ಹಣ ಜಮಾ ಮಾಡಬೇಕು ಎಂದು ತಿಳಿಸಿದ್ದರು.</p><p>ಅದರಂತೆ ವಿವಿಧ ಬ್ಯಾಂಕ್ ಖಾತೆಗಳಿಗೆ ಹಂತ ಹಂತವಾಗಿ ₹1814606 ಹಣ ವರ್ಗಾವಣೆ ಮಾಡಿದ್ದು ಇದರಲ್ಲಿ ಕೇವಲ ₹55 ಸಾವಿರ ವಾಪಸ್ ಹಾಕಿದ್ದಾರೆ. ನಂತರ ವಂಚಿಸಿರುವುದು ಗೊತ್ತಾಗಿದೆ.</p><p>ಕೆಲಸ ಕೊಡುವುದಾಗಿ ನಂಬಿಸಿ ವಂಚಿಸಿದವರ ವಿರುದ್ಧ ಕ್ರಮಕೈಗೊಳ್ಳುವಂತೆ ಸೈಬರ್ ಠಾಣೆಯಲ್ಲಿ ದೂರು ನೀಡಿದ್ದು ಪ್ರಕರಣ ದಾಖಲಾಗಿದೆ.</p><p>ನ. 7ರಂದು ಮೆಸೇಜ್ ಮಾಡಿದ ವಂಚಕರು ₹10 ಸಾವಿರ ವರ್ಗಾಯಿಸುವಂತೆ ಕೋರಿದ್ದರು. ಹಣ ಹಾಕಿದ ನಂತರ ಮಧು ಅವರ ಖಾತೆಗೆ ₹16 ಸಾವಿರ ವಾಪಸ್ ವರ್ಗಾಯಿಸಿದ್ದರು. 8ರಂದು ₹32 ಸಾವಿರ ಪಡೆದು ₹38 ಸಾವಿರ ಮರಳಿ ವರ್ಗಾವಣೆ ಮಾಡಿದ್ದರು. ಇದರಂತೆ ಹೆಚ್ಚು ಹಣ ಹೂಡಿದರೆ ದುಪ್ಪಟ್ಟು ಲಾಭ ಪಡೆಯಬಹುದು ಎಂದು ತಿಳಿಸಿದ್ದಾರೆ. ಇದನ್ನು ನಂಬಿದ ಮಧು ನ. 12ರ ವರೆಗೆ ಒಟ್ಟು ₹18 ಲಕ್ಷ ಹಣ ವರ್ಗಾಯಿಸಿ ಮೋಸ ಹೋಗಿದ್ದಾರೆ.</p>.<p><strong>ಮದುವೆ ಆಮಂತ್ರಣ ನೀಡಿ ಹಣ ಸುಲಿಗೆ</strong></p><p>ಅಪರಿಚಿತ ವ್ಯಕ್ತಿಗಳು ವಾಟ್ಸ್ ಆ್ಯಪ್ನಲ್ಲಿ ಮದುವೆ ಆಮಂತ್ರಣ ಪತ್ರದ ಜತೆಗೆ ‘ಎಪಿಕೆ’ ಫೈಲ್ ಲಿಂಕ್ ಕಳುಹಿಸಿ ಹಣ ಸುಲಿಗೆ ಮಾಡುತ್ತಿದ್ದು ಎಚ್ಚರಿಕೆಯಿಂದ ಇರುವಂತೆ ಪೊಲೀಸರು ತಿಳಿಸಿದ್ದಾರೆ. ಈ ಬಗ್ಗೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕೆ.ವಿ.ಅಶೋಕ್ ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.</p><p>‘ಅಪರಿಚಿತರ ಸಂಖ್ಯೆಗಳಿಂದ ಮೊಬೈಲ್ಗೆ ಬರುವ ಆಮಂತ್ರಣವು ಸೈಬರ್ ದಾಳಿಗೆ ಕಾರಣವಾಗುತ್ತಿದೆ. ಇದರಿಂದ ವೈಯಕ್ತಿಕ ಡೇಟಾ ಕದ್ದು ಹಣ ಸುಲಿಗೆ ಮಾಡುತ್ತಾರೆ. ಸಾರ್ವಜನಿಕರು ಎಚ್ಚರಿಕೆಯಿಂದ ಇರಬೇಕು’ ಎಂದು ಮನವಿ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ತುಮಕೂರು</strong>: ಇತ್ತೀಚೆಗೆ ಸೈಬರ್ ವಂಚಕರು ತಮ್ಮ ವಂಚನೆಯ ಮಾರ್ಗ ಬದಲಾಯಿಸಿದ್ದು, ಪೊಲೀಸರ ಸೋಗಿನಲ್ಲಿ ಕರೆ ಮಾಡಿ ಹಣ ಸುಲಿಗೆ ಮಾಡುತ್ತಿದ್ದಾರೆ.</p>.<p>‘ನೀವು ಕಳುಹಿಸಿದ ಕೊರಿಯರ್ನಲ್ಲಿ 350 ಗ್ರಾಂ ಎಂಡಿಎಂಎ ಮಾದಕ ವಸ್ತು ಇದ್ದು, ನಿಮ್ಮ ವಿರುದ್ಧ ಮುಂಬೈನಲ್ಲಿ ಎಫ್ಐಆರ್ ದಾಖಲಾಗಿದೆ’ ಎಂದು ಹೆದರಿಸಿ ನಗರದ ವಿದ್ಯಾನಗರದ ಎಂಜಿನಿಯರ್ ಜಿ.ವಿಜಯಾಧಿತ್ಯ ಪಾಟೀಲ್ ಎಂಬುವರಿಗೆ ₹33.99 ಲಕ್ಷ ವಂಚಿಸಲಾಗಿದೆ.</p>.<p>ನ. 13ರಂದು ಕರೆ ಮಾಡಿದ ವಂಚಕರು ಮುಂಬೈನ ‘ಫೆಡೆಕ್ಸ್ ಕೊರಿಯರ್ ಸರ್ವೀಸ್’ನವರು ಎಂದು ಪರಿಚಯಿಸಿಕೊಂಡಿದ್ದಾರೆ. ಸಂಜೆ ಮತ್ತೊಬ್ಬರು ಕರೆ ಮಾಡಿ ‘ಮುಂಬೈ ಸೈಬರ್ ಸೆಲ್’ನಿಂದ ಮಾತನಾಡುತ್ತಿರುವುದಾಗಿ ನಂಬಿಸಿದ್ದಾರೆ. ನೀವು ಮುಂಬೈನಿಂದ ಇರಾನ್ಗೆ ಕಳುಹಿಸುತ್ತಿದ್ದ ಪಾರ್ಸಲ್ ತಡೆಯಲಾಗಿದೆ. ಅದರಲ್ಲಿ 5 ಪಾಸ್ಪೋರ್ಟ್, ಎಂಡಿಎಂಎ ಪತ್ತೆಯಾಗಿದೆ. ಎಫ್ಐಆರ್ ಕೂಡ ದಾಖಲಾಗಿದೆ. ವಿಚಾರಣೆಗೆ ‘ಸ್ಕೈಪ್’ನಲ್ಲಿ ಕನೆಕ್ಸ್ ಆಗುವಂತೆ ಹೇಳಿದ್ದಾರೆ. ಪಾಟೀಲ್ ಸದರಿ ‘ಸ್ಕೈಪ್’ ಚಾಟ್ನಲ್ಲಿ ಎಟಿಎಂ, ಬ್ಯಾಂಕ್ ಖಾತೆ ಸೇರಿ ಅಗತ್ಯ ವಿವರ ಸಲ್ಲಿಸಿದ್ದಾರೆ.</p>.<p>ನ. 14ರಂದು ನಾವು ಒಂದು ಸುರಕ್ಷಿತ ಖಾತೆ ಕೊಡುತ್ತೇವೆ. ಅದಕ್ಕೆ ಹಣ ವರ್ಗಾಯಿಸಿ ತನಿಖೆ ಪೂರ್ಣಗೊಂಡ ನಂತರ ವಾಪಸ್ ಹಾಕುತ್ತೇವೆ ಎಂದು ಹೇಳಿದ್ದಾರೆ. ಇದನ್ನು ನಂಬಿದ ಪಾಟೀಲ್ ₹33.99 ಲಕ್ಷ ಹಣವನ್ನು ಸೈಬರ್ ವಂಚಕರು ನೀಡಿದ ಖಾತೆಗಳಿಗೆ ವರ್ಗಾಯಿಸಿದ್ದಾರೆ. ಇದಾದ ನಂತರ ಗೂಗಲ್ನಲ್ಲಿ ‘ಮುಂಬೈ ಸೈಬರ್ ಸೆಲ್’ ಬಗ್ಗೆ ಮಾಹಿತಿ ಪಡೆದು ವಿಚಾರಿಸಿದಾಗ ಮೋಸ ಹೋಗಿರುವುದು ಗೊತ್ತಾಗಿದೆ. ಈ ಕುರಿತು ಸೈಬರ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.</p>.<p><strong>₹17 ಲಕ್ಷ ಕಳೆದುಕೊಂಡ ಯುವ ವಕೀಲ</strong></p><p>ಆನ್ಲೈನ್ನಲ್ಲಿ ಕೆಲಸ ಮಾಡಿ ಹೆಚ್ಚಿನ ಲಾಭ ಗಳಿಸಬಹುದು ಎಂಬ ಆಮಿಷಕ್ಕೆ ಒಳಗಾಗಿ ವಕೀಲ ವೃತ್ತಿಯಲ್ಲಿ ತರಬೇತಿ ಪಡೆಯುತ್ತಿರುವ ಅಂತರಸನಹಳ್ಳಿ ಟಿ.ಡಿ.ಮಧು ಎಂಬುವರು ₹17.59 ಲಕ್ಷ ಕಳೆದುಕೊಂಡಿದ್ದಾರೆ. ಟ್ರಾವೆಲ್ ಸಿಟಿ ಎಂಬ ಕಂಪನಿಯು ‘ಟ್ರಾವೆಲ್ ರಿಮಾರ್ಕ್.ಕಮ್’ ಎಂಬ ವೆಬ್ಸೈಟ್ನಿಂದ ಕೆಲಸ ನೀಡುತ್ತಿದ್ದು ಇದಕ್ಕಾಗಿ ಹಣ ಜಮಾ ಮಾಡಬೇಕು ಎಂದು ತಿಳಿಸಿದ್ದರು.</p><p>ಅದರಂತೆ ವಿವಿಧ ಬ್ಯಾಂಕ್ ಖಾತೆಗಳಿಗೆ ಹಂತ ಹಂತವಾಗಿ ₹1814606 ಹಣ ವರ್ಗಾವಣೆ ಮಾಡಿದ್ದು ಇದರಲ್ಲಿ ಕೇವಲ ₹55 ಸಾವಿರ ವಾಪಸ್ ಹಾಕಿದ್ದಾರೆ. ನಂತರ ವಂಚಿಸಿರುವುದು ಗೊತ್ತಾಗಿದೆ.</p><p>ಕೆಲಸ ಕೊಡುವುದಾಗಿ ನಂಬಿಸಿ ವಂಚಿಸಿದವರ ವಿರುದ್ಧ ಕ್ರಮಕೈಗೊಳ್ಳುವಂತೆ ಸೈಬರ್ ಠಾಣೆಯಲ್ಲಿ ದೂರು ನೀಡಿದ್ದು ಪ್ರಕರಣ ದಾಖಲಾಗಿದೆ.</p><p>ನ. 7ರಂದು ಮೆಸೇಜ್ ಮಾಡಿದ ವಂಚಕರು ₹10 ಸಾವಿರ ವರ್ಗಾಯಿಸುವಂತೆ ಕೋರಿದ್ದರು. ಹಣ ಹಾಕಿದ ನಂತರ ಮಧು ಅವರ ಖಾತೆಗೆ ₹16 ಸಾವಿರ ವಾಪಸ್ ವರ್ಗಾಯಿಸಿದ್ದರು. 8ರಂದು ₹32 ಸಾವಿರ ಪಡೆದು ₹38 ಸಾವಿರ ಮರಳಿ ವರ್ಗಾವಣೆ ಮಾಡಿದ್ದರು. ಇದರಂತೆ ಹೆಚ್ಚು ಹಣ ಹೂಡಿದರೆ ದುಪ್ಪಟ್ಟು ಲಾಭ ಪಡೆಯಬಹುದು ಎಂದು ತಿಳಿಸಿದ್ದಾರೆ. ಇದನ್ನು ನಂಬಿದ ಮಧು ನ. 12ರ ವರೆಗೆ ಒಟ್ಟು ₹18 ಲಕ್ಷ ಹಣ ವರ್ಗಾಯಿಸಿ ಮೋಸ ಹೋಗಿದ್ದಾರೆ.</p>.<p><strong>ಮದುವೆ ಆಮಂತ್ರಣ ನೀಡಿ ಹಣ ಸುಲಿಗೆ</strong></p><p>ಅಪರಿಚಿತ ವ್ಯಕ್ತಿಗಳು ವಾಟ್ಸ್ ಆ್ಯಪ್ನಲ್ಲಿ ಮದುವೆ ಆಮಂತ್ರಣ ಪತ್ರದ ಜತೆಗೆ ‘ಎಪಿಕೆ’ ಫೈಲ್ ಲಿಂಕ್ ಕಳುಹಿಸಿ ಹಣ ಸುಲಿಗೆ ಮಾಡುತ್ತಿದ್ದು ಎಚ್ಚರಿಕೆಯಿಂದ ಇರುವಂತೆ ಪೊಲೀಸರು ತಿಳಿಸಿದ್ದಾರೆ. ಈ ಬಗ್ಗೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕೆ.ವಿ.ಅಶೋಕ್ ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.</p><p>‘ಅಪರಿಚಿತರ ಸಂಖ್ಯೆಗಳಿಂದ ಮೊಬೈಲ್ಗೆ ಬರುವ ಆಮಂತ್ರಣವು ಸೈಬರ್ ದಾಳಿಗೆ ಕಾರಣವಾಗುತ್ತಿದೆ. ಇದರಿಂದ ವೈಯಕ್ತಿಕ ಡೇಟಾ ಕದ್ದು ಹಣ ಸುಲಿಗೆ ಮಾಡುತ್ತಾರೆ. ಸಾರ್ವಜನಿಕರು ಎಚ್ಚರಿಕೆಯಿಂದ ಇರಬೇಕು’ ಎಂದು ಮನವಿ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
