ಉಡುಪಿ | ಅನ್ನದಾತನಿಗೆ ಬರೆ ಎಳೆದ ನೆರೆ: ಕಂಗಾಲಾದ ರೈತ

ಎರಡು ದಿನಕ್ಕಿಂತ ಹೆಚ್ಚು ಸಮಯ ನೀರಿನಲ್ಲಿ ಮುಳುಗಡೆಯಾದರೆ ಭತ್ತದ ಸಸಿ ಕೊಳೆಯುತ್ತದೆ. ಈ ಬಾರಿ ವಾಡಿಕೆಗಿಂತ ಅಧಿಕ ಮಳೆಯಾಗಿರುವುದರಿಂದ ನೆರೆ ಬಂದು ಹಲವೆಡೆ ಕೃಷಿನಾಶ ಸಂಭವಿಸಿದೆ

ನೆರೆಗೆ ನಮ್ಮ ಭತ್ತದ ಗದ್ದೆಯು ಒಂದು ವಾರದವರೆಗೂ ನೀರಿನಲ್ಲಿ ಮುಳುಗಿ ನೇಜಿಯು ಕೊಳೆತುಹೋಗಿತ್ತು. ಮಳೆ ಕಡಿಮೆಯಾದ ಬಳಿಕ ಪುನಃ ಎರಡನೇ ಬಾರಿ ಬಿತ್ತನೆ ನಡೆಸಿದ್ದೇವೆ

ನಾನು ಮೂರು ಬಾರಿ ಬಿತ್ತನೆ ಮಾಡಿದರೂ ಭಾರಿ ಮಳೆಯ ಕಾರಣ ಪೈರು ಕೊಳೆತು ಹೋಯಿತು. ಒಟ್ಟು ಮೂರು ಎಕರೆ ಪ್ರದೇಶದ ಬೆಳೆ ನಷ್ಟವಾಗಿದೆ. ಪುನಃ ಬಿತ್ತನೆ ಮಾಡಿದ ಒಂದು ಎಕರೆ ಪೈರಿಗೆ ಹುಳುಗಳ ಕಾಟ ಇದೆ. ಎರಡು ಗದ್ದೆಗೆ ಮತ್ತೆ ಬಿತ್ತನೆ ಮಾಡಿದ್ದೇನೆ

ಪ್ರತೀ ವರ್ಷವೂ ನಮ್ಮ ಭಾಗದಲ್ಲಿ ಮಳೆಯಿಂದ ಬೆಳೆ ಹಾನಿಯಾಗಿ ರೈತರಿಗೆ ನಷ್ಟ ಉಂಟಾಗುತ್ತಿದೆ. ಈ ಸಲದ ಮಳೆಯಲ್ಲಿ ಅಪಾರ ಪ್ರಮಾಣದಲ್ಲಿ ಬೆಳೆ ಹಾನಿಯಾಗಿದೆ