ಉಡುಪಿ: ಮಣ್ಣಿನ ಸತ್ವ ಅರಿಯಲು ಕೃಷಿ ಭೂಮಿಗಿಳಿದ ವಿದ್ಯಾರ್ಥಿಗಳು

ರೈತರು ಎರಡರಿಂದ ಮೂರು ವರ್ಷಗಳಿಗೊಮ್ಮೆ ತಮ್ಮ ಕೃಷಿ ಜಮೀನಿನ ಮಣ್ಣು ಪರೀಕ್ಷೆ ನಡೆಸಬೇಕು. ಇದರಿಂದ ಮಣ್ಣಿನ ಆರೋಗ್ಯ ಕಾಪಾಡಬಹುದು. ಮತ್ತು ಬೆಳೆಗಳಿಂದ ಗುಣಮಟ್ಟದ ಮತ್ತುಉತ್ತಮ ಇಳುವರಿ ಪಡೆಯಬಹುದು.

ಏಕದಳ ಬೆಳೆ ಬೆಳೆದ ಬಳಿಕ ದ್ವಿದಳ ಬೆಳೆ ಬೆಳೆಯಬೇಕು. ಇದರಿಂದ ಮಣ್ಣಿನ ಫಲವತ್ತತೆ ನಷ್ಟವಾಗುವುದಿಲ್ಲ. ಜಿಲ್ಲೆಯಲ್ಲಿ ಭತ್ತದ ಬೆಳೆಯುತ್ತಿರುವುದರಿಂದ ಭತ್ತ ಬೆಳೆದ ಬಳಿಕ ಆ ಗದ್ದೆಗಳಲ್ಲಿ ತರಕಾರಿ ಕೃಷಿ ಮಾಡಬೇಕು.

ವಿದ್ಯಾರ್ಥಿಗಳು ಕೆಲವು ಕಡೆಗಳಿಂದ ಮಣ್ಣಿನ ಮಾದರಿ ಸಂಗ್ರಹಿಸಿದ್ದಾರೆ. ಹಲವು ಮಂದಿ ರೈತರ ಮಾಹಿತಿಯನ್ನೂ ಸಂಗ್ರಹಿಸಿದ್ದಾರೆ. ಮಳೆ ಕಡಿಮೆಯಾಗಿ ಮಣ್ಣಿನ ತೇವಾಂಶ ಕಡಿಮೆಯಾದಾಗ ಇನ್ನಷ್ಟು ಪ್ರದೇಶಗಳಿಂದ ಮಾದರಿ ಸಂಗ್ರಹಿಸಿ ಪರೀಕ್ಷೆಗೆ ಕಳುಹಿಸಲಾಗುವುದು.