‘ಗಾಬರಿಯಾಗುವ ಅವಶ್ಯಕತೆ ಇಲ್ಲ’
‘ಶಿವಗಂಗೆ ಕೌಚುಗಲ್‌ ಬೆಟ್ಟಗಳಿಗೆ ಹೊಂದಿಕೊಂಡಿರುವ ಅರಣ್ಯವು ಹುಲಿಯ ಆವಾಸಕ್ಕೆ ಹೇಳಿಮಾಡಿಸಿದಂತಿಲ್ಲ. ಇಲ್ಲಿ ಹುಲಿಗಳೂ ಇಲ್ಲ. ಹೀಗಿದ್ದೂ ಈ ಸುದ್ದಿ ಹಂಚಿಕೆಯಾದ ಬೆನ್ನಲ್ಲೇ ಅರಣ್ಯ ಕಾವಲುಗಾರರಿಂದ ಮಾಹಿತಿ ಪಡೆದುಕೊಳ್ಳಲಾಯಿತು. ಯಾವುದೇ ಹುಲಿಗಳು ಬಂದಿಲ್ಲ ಎಂಬುದು ಖಚಿತವಾಯಿತು. ಯಾರೋ ಕೆಲವರು ಸುಳ್ಳು ಸುದ್ದಿ ಹಬ್ಬಿಸಿದ್ದಾರೆ’ ಎಂದು ಮಾಗಡಿ ಅರಣ್ಯ ವಲಯ ಅಧಿಕಾರಿ ಚೈತ್ರಾ ಜಿ.ಕೆ. ಹೇಳಿದರು. ‘ಉಡುಕುಂಟೆ ಮೈಲನಹಳ್ಳಿ ಗೊಲ್ಲರಹಟ್ಟಿ ಬೈರಸಂದ್ರ ಗ್ರಾಮಗಳ ಎಲ್ಲರ ಮೊಬೈಲ್‌ಗಳಿಗೂ ವಿಡಿಯೊ ತುಣುಕುಗಳನ್ನು ಹಂಚಿಕೊಳ್ಳಲಾಗಿದೆ. ಆದರೆ ಇದು ಸುಳ್ಳಾಗಿರುವ ಕಾರಣ ಜನರು ಗಾಬರಿಯಾಗುವ ಅವಶ್ಯಕತೆ ಇಲ್ಲ’ ಎಂದರು.
