ಶಿಲೀಂಧ್ರ ಬಣ್ಣದಿಂದ ಧೃತಿಗೆಡಬೇಡಿ: ಕಾರಣ, ಪರಿಣಾಮ ತಿಳಿಯಿರಿ –ಪರಿಣಿತರ ಕಿವಿಮಾತು

ನವದೆಹಲಿ: ‘ಸೋಂಕುಗಳ ಬಣ್ಣದಿಂದ ಧೃತಿಗೆಡಬೇಡಿ. ಅದಕ್ಕೆ ಕಾರಣ ಮತ್ತು ಅದರ ಪರಿಣಾಮಗಳನ್ನು ಮೊದಲು ಗುರುತಿಸಿ’ ಎಂದು ಕಪ್ಪು ಶಿಲೀಂಧ್ರ ಸೋಂಕು ಕುರಿತಂತೆ ವಿವಿಧ ಪರಿಣತರು ಸಲಹೆ ನೀಡಿದ್ದಾರೆ.

. ಕಪ್ಪು ಶಿಲೀಂಧ್ರ ಸೋಂಕು ಪ್ರಕರಣಗಳ ಹಿಂದೆಯೇ ವಿವಿಧೆಡೆ ಬಿಳಿ ಶಿಲೀಂಧ್ರ, ಹಳದಿ ಶಿಲೀಂಧ್ರ ಸೋಂಕು ಪ್ರಕರಣಗಳು ವರದಿಯಾಗಿದ್ದವು. ಈ ಹಿನ್ನೆಲೆಯಲ್ಲಿ ಸೋಂಕು ಕುರಿತಂತೆ ಪರಿಣತರು ಮೇಲಿನಂತೆ ಸಲಹೆ ನೀಡಿದ್ದಾರೆ.

. ಆರೋಗ್ಯ ಸಚಿವ ಹರ್ಷವರ್ಧನ್ ಅವರು ಈಚೆಗೆ, 18 ರಾಜ್ಯಗಳಲ್ಲಿ ಒಟ್ಟಾರೆ 5,424 ಮ್ಯೂಕೊರ್ಮೈಕೊಸಿಸ್ ಪ್ರಕರಣಗಳು ದಾಖಲಾಗಿವೆ. ಕೋವಿಡ್ ಪೀಡಿತರಲ್ಲಿ ಇವು ಜೀವಹಾನಿಗೆ ಕಾರಣವಾಗುತ್ತಿವೆ ಎಂದು ಹೇಳಿದ್ದರು.

. ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ (ಐಸಿಎಂಆರ್) ಸಾಂಕ್ರಾಮಿಕ ರೋಗಗಳ ವಿಭಾಗದ ಮುಖ್ಯಸ್ಥರಾದ ಡಾ.ಸಮಿರನ್ ಪಾಂಡಾ, ‘ಸೋಂಕಿಗೆ ಸಂಬಂಧಿಸಿದಂತೆ ಕಪ್ಪು, ಹಳದಿ, ಬಿಳಿ ಎಂದು ಬಣ್ಣಗಳಿಂದ ಗುರುತಿಸುವುದೇ ಸಾರ್ವಜನಿಕರಲ್ಲಿ ಮೊದಲಿಗೆ ಆತಂಕ ಹಾಗೂ ಭೀತಿಯನ್ನು ಹೆಚ್ಚಿಸುತ್ತಿದೆ‘ ಎಂದು ಅಭಿಪ್ರಾಯಪಟ್ಟರು.

. ‘ನನ್ನ ಪ್ರಕಾರ ಜನಸಾಮಾನ್ಯರು ಸೋಂಕಿನ ಬಣ್ಣದ ಬಗ್ಗೆ ವಿಚಲಿತರಾಗಬಾರದು. ಸೋಂಕು ಯಾವುದೇ ಬಣ್ಣದ್ದಿರಲಿ, ದೇಹದಲ್ಲಿ ನಿರೋಧಕ ಶಕ್ತಿ ಕಡಿಮೆ ಇದ್ದಾಗಲೇ ಅದು ಬಾಧಿಸುತ್ತದೆ. ನಾವು ಮುಖ್ಯವಾಗಿ ಗಮನಕೊಡಬೇಕಿರುವುದು ದೇಹದಲ್ಲಿ ನಿರೋಧಕ ಶಕ್ತಿ ಅಥವಾ ಸಾಮರ್ಥ್ಯವನ್ನು ಹೆಚ್ಚಿಸುವುದೇ ಆಗಬೇಕಿದೆ’ ಎಂದು ಹೇಳಿದರು.

. ಗಜಿಯಾಬಾದ್ನಲ್ಲಿ 54 ವರ್ಷದ ಒಬ್ಬರಿಗೇ ಮೂರೂ ಬಣ್ಣದ ಸೋಂಕುಗಳು (ಕಪ್ಪು, ಬಿಳಿ ಮತ್ತು ಹಳದಿ) ಬಾಧಿಸುತ್ತಿವೆ. ರೋಗಿಯು ಉತ್ತರ ಪ್ರದೇಶದ ಎನ್ಸಿಆರ್ ಸಿಟಿ ನಿವಾಸಿಯಾಗಿದ್ದಾರೆ ಎಂದು ಖಾಸಗಿ ಆಸ್ಪತ್ರೆಯೊಂದರಲ್ಲಿ ಆತನಿಗೆ ಚಿಕಿತ್ಸೆ ನೀಡುತ್ತಿರುವ ವೈದ್ಯರು ಮೇ 24ರಂದು ತಿಳಿಸಿದ್ದಾರೆ.

. ‘ಹಳದಿ ಸೋಂಕು ಅನ್ನು ಸಾಮಾನ್ಯವಾಗಿ ಹಲ್ಲಿಯಂತಹ ಸಸ್ತನಿಗಳಲ್ಲಿ ಕಾಣಬಹುದು. ಮನುಷ್ಯರಲ್ಲಿ ಅಲ್ಲ’ ಎಂದು ನಗರದ ಹರ್ಷ್ ಆಸ್ಪತ್ರೆಯ ಇಎನ್ಟಿ ತಜ್ಞ ಡಾ.ಬಿ.ಪಿ.ತ್ಯಾಗಿ ಅವರು ಪ್ರತಿಪಾದಿಸಿದರು.

. ಭಾರತೀಯ ಸಾರ್ವಜನಿಕ ಆರೋಗ್ಯ ಸಂಸ್ಥೆಯ ಪ್ರೊಫೆಸರ್ ಡಾ.ಗಿರಿಧರ ಬಾಬು, ‘ಸೋಂಕು ಬಾಧಿಸಿದ ಸಂದರ್ಭದಲ್ಲಿ ಅದಕ್ಕೆ ಕಾರಣಗಳು ಮತ್ತು ಪರಿಣಾಮಗಳನ್ನು ಗುರುತಿಸುವುದೇ ಮುಖ್ಯ’ ಎಂದು ಹೇಳಿದರು.

. ಮ್ಯೂಕೊರ್ಮೈಕೊಸಿಸ್ ಅಥವಾ ಕಪ್ಪುಶಿಲೀಂದ್ರ ಸೋಂಕು ಹರಡುವಾಗ ನಾವು ಏನು ಪರಿಶೀಲನೆ ಮಾಡುತ್ತಿದ್ದೇವೆ. ಸೂಕ್ಷ್ಮಾಣುಜೀವಿ ತಜ್ಞನಾಗಿ ನನಗೆ ಅದರಕ್ಕೆ ಕಾರಣಗಳನ್ನು ಗುರುತಿಸುವುದರಲ್ಲಿ ಆಸಕ್ತಿ ಇದೆ. ಮೊದಲ ಅಲೆಯಲ್ಲಿ ಇಂಥ ಪ್ರಕರಣ ಇರಲಿಲ್ಲ. ಈಗ ಎರಡನೇ ಅಲೆಯ ಸಂದರ್ಭದಲ್ಲಿಯಷ್ಟೇ ಕಾಣಿಸಿಕೊಂಡಿದೆ ಎಂದರು.

. ದೇಶದಲ್ಲಿ ಮೊದಲ ಅಲೆಗಿಂತಲೂ ಎರಡನೇ ಅಲೆ ಭಿನ್ನವಾಗಿದೆ. ಈಗ ಕೈಗಾರಿಕಾ ಆಮ್ಲಜನಕ ಬಳಕೆ ಆಗುತ್ತಿದೆ. ರೂಪಾಂತರಿ ಸೋಂಕುಗಳು ಕಾಣಿಸಿಕೊಂಡಿವೆ. ಸಾಮಾನ್ಯವಾಗಿ ವಾತಾವರಣದಲ್ಲಿ ಸಾಂಕ್ರಾಮಿಕ ಸೋಂಕುಗಳು ಎಂದಿಗೂ ಇರುತ್ತವೆ. ಉತ್ತಮ ನಿರೋಧಕ ಶಕ್ತಿ ಇರುವವರಿಗೆ ಇವು ಬಾಧಿಸುವುದಿಲ್ಲ ಎಂದು ಹೇಳಿದರು.

. ಏಮ್ಸ್ ನಿರ್ದೇಶಕ ರಣದೀಪ್ ಗುಲ್ಹೇರಿಯಾ ಅವರು ಈ ಸೋಂಕುಗಳನ್ನು ವರ್ಣದ ಬದಲಿಗೆ ನಿರ್ದಿಷ್ಟ ಹೆಸರಿನಿಂದಲೇ ಗುರುತಿಸುವುದು ಸೂಕ್ತ ಎಂದು ಪ್ರತಿಪಾದಿಸಿದರು.

. ಇದನ್ನೂ ಓದಿ... ಆಮ್ಲಜನಕ ಪ್ರಮಾಣ ಅಳೆಯಲು ಆಕ್ಸಿಮೀಟರ್ ಸಿಗುತ್ತಿಲ್ಲವೇ? ಸ್ಮಾರ್ಟ್ ಫೋನ್ ಇದೆಯಲ್ಲ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಶಿಲೀಂಧ್ರ ಬಣ್ಣದಿಂದ ಧೃತಿಗೆಡಬೇಡಿ: ಕಾರಣ, ಪರಿಣಾಮ ತಿಳಿಯಿರಿ –ಪರಿಣಿತರ ಕಿವಿಮಾತು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

IND vs AUS Perth Test: ರಾಹುಲ್ ನಾಟೌಟ್..ಔಟ್!

ಸೈಯದ್ ಮುಷ್ತಾಕ್ ಅಲಿ ಟಿ20 ಕ್ರಿಕೆಟ್ ಟೂರ್ನಿ ಇಂದಿನಿಂದ: ತಾರಾ ಆಟಗಾರರ ರಂಗು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು