<p><strong>ಗುವಾಹಟಿ</strong>: ಅಸ್ಸಾಂನ ಕಾಜಿರಂಗ ರಾಷ್ಟ್ರೀಯ ಉದ್ಯಾನದ ‘ಚಿನ್ನದ ಹುಲಿ’ (ಗೋಲ್ಡನ್ ಟೈಗರ್) ಚಿತ್ರವನ್ನು ಭಾರತೀಯ ಅರಣ್ಯ ಸೇವೆಯ ಅಧಿಕಾರಿ ಪ್ರವೀಣ್ ಕಸ್ವಾನ್ ಅವರು ಹಂಚಿಕೊಂಡ ಬಳಿಕ ಈ ಚಿತ್ರ ಸಾಮಾಜಿಕ ಮಾಧ್ಯಮಗಳಲ್ಲಿ ಶನಿವಾರದಿಂದ ವೈರಲ್ ಆಗಿದೆ.</p>.<p>‘ಒಂದಲ್ಲ, ಉದ್ಯಾನದ ಮೂರು ಹುಲಿಗಳು ಚಿನ್ನದ ಬಣ್ಣದಿಂದ ಕೂಡಿರುವುದು ಕಂಡುಬಂದಿದೆ. ಚಿನ್ನದ ಬಣ್ಣದ ಹುಲಿ ಕಾಣಿಸಿರುವುದು ಸಂಭ್ರಮದ ವಿಚಾರ ಅಲ್ಲ, ಇದು ಹುಲಿ ಸಂತತಿಯ ಭವಿಷ್ಯ ಮಸುಕಾಗಿದೆ ಎಂಬುದರ ಸಂಕೇತ’ ಎಂದು ಅಧಿಕಾರಿಗಳು ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.</p>.<p>‘ಕಾಡಿನ ಹುಲಿಗಳ ಅಸಾಮಾನ್ಯ ಬಣ್ಣ ವಿರೂಪಕ್ಕೆ ಚಿನ್ನದ ಹುಲಿ ಒಂದು ಉದಾಹರಣೆ. ನಿಕಟ ಸಂಬಂಧಿ ಹುಲಿಗಳ ಮಿಲನದಿಂದಾದ ಸಂತಾನೋತ್ಪತ್ತಿಯಿಂದ ಹೀಗಾಗಿರಬಹುದು. ಹುಲಿಗಳ ಆವಾಸಸ್ಥಾನ ನಾಶ ಅಥವಾ ಪರಸ್ಪರ ಸಂಪರ್ಕ ಕಡಿತ ಇದಕ್ಕೆ ಕೆಲವು ಕಾರಣಗಳು. ಇರುವ ಸಂಖ್ಯೆಯಲ್ಲೇ ಸಂತಾನೋತ್ಪತ್ತಿ ನಡೆಯುವುದರಿಂದ ವಂಶವಾಹಿನಿಯಲ್ಲಿ ಈ ರೀತಿಯ ಬದಲಾವಣೆಗಳು ಕಂಡುಬರುತ್ತವೆ’ ಎಂದು ಕಾಜಿರಂಗ ಹುಲಿ ರಕ್ಷಿತಾರಣ್ಯದ ಸಂಶೋಧಕ ಅಧಿಕಾರಿ ರಾಬಿನ್ ಶರ್ಮಾ ತಿಳಿಸಿದ್ದಾರೆ.</p>.<p>ನಿಕಟ ಸಂಬಂಧದಲ್ಲಿಯೇ ಹೆಚ್ಚಿನ ಸಂತಾನೋತ್ಪತ್ತಿ ನಡೆಯುತ್ತಿರುವುದು ಅರಣ್ಯದಲ್ಲಿ ಹುಲಿಯ ಸಂತಾನ ಕಡಿಮೆಯಾಗುತ್ತಿದೆ ಎಂಬುದಕ್ಕೆ ಸೂಚನೆ. ಹಾಗಾಗಿ ಇದು ಕಳವಳಕಾರಿ ಎಂದು ಅವರು ಹೇಳಿದ್ದಾರೆ.</p>.<p>ಹಳದಿ ಮಿಶ್ರಿತ ಚರ್ಮ, ಕಪ್ಪು ಪಟ್ಟೆಗಳು, ಹೊಟ್ಟೆಯ ಭಾಗದಲ್ಲಿ ಬಿಳಿ ಪಟ್ಟೆಗಳು ಕಂಡುಬಂದಿವೆ. 2014ರಲ್ಲಿ ಕ್ಯಾಮರಾದಲ್ಲಿ ಈ ರೀತಿಯ ಹುಲಿಗಳು ಮೊದಲಿಗೆ ಸೆರೆಯಾಗಿದ್ದವು. ಪ್ರತೀ ವರ್ಷ ಇವು ಕ್ಯಾಮರಾ ಕಣ್ಣಿಗೆ ಸಿಗುತ್ತಿವೆ. ಮುಂಬೈ ಮೂಲದ ಛಾಯಾಗ್ರಾಹಕ ಮಯೂರೇಶ್ ಹೆಂದ್ರೆ ಅವರು ಈ ಚಿತ್ರ ಸೆರೆ ಹಿಡಿದಿದ್ದಾರೆ.</p>.<p>ಹುಲಿಯ ಈ ಬಣ್ಣ ಮುಂದಿನ ಸಂತಾನಕ್ಕೆ ವರ್ಗಾವಣೆಯಾಗುತ್ತದೆಯೋ, ಇಲ್ಲವೋ ಎಂಬ ಬಗ್ಗೆ ಸಂಶೋಧನೆ ಆಗಬೇಕಿದೆ ಎಂದು ವನ್ಯಜೀವಿ ಜೀವಶಾಸ್ತ್ರಜ್ಞ ಕಮಲ್ ಆಜಾದ್ ಅಭಿಪ್ರಾಯಪಟ್ಟಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗುವಾಹಟಿ</strong>: ಅಸ್ಸಾಂನ ಕಾಜಿರಂಗ ರಾಷ್ಟ್ರೀಯ ಉದ್ಯಾನದ ‘ಚಿನ್ನದ ಹುಲಿ’ (ಗೋಲ್ಡನ್ ಟೈಗರ್) ಚಿತ್ರವನ್ನು ಭಾರತೀಯ ಅರಣ್ಯ ಸೇವೆಯ ಅಧಿಕಾರಿ ಪ್ರವೀಣ್ ಕಸ್ವಾನ್ ಅವರು ಹಂಚಿಕೊಂಡ ಬಳಿಕ ಈ ಚಿತ್ರ ಸಾಮಾಜಿಕ ಮಾಧ್ಯಮಗಳಲ್ಲಿ ಶನಿವಾರದಿಂದ ವೈರಲ್ ಆಗಿದೆ.</p>.<p>‘ಒಂದಲ್ಲ, ಉದ್ಯಾನದ ಮೂರು ಹುಲಿಗಳು ಚಿನ್ನದ ಬಣ್ಣದಿಂದ ಕೂಡಿರುವುದು ಕಂಡುಬಂದಿದೆ. ಚಿನ್ನದ ಬಣ್ಣದ ಹುಲಿ ಕಾಣಿಸಿರುವುದು ಸಂಭ್ರಮದ ವಿಚಾರ ಅಲ್ಲ, ಇದು ಹುಲಿ ಸಂತತಿಯ ಭವಿಷ್ಯ ಮಸುಕಾಗಿದೆ ಎಂಬುದರ ಸಂಕೇತ’ ಎಂದು ಅಧಿಕಾರಿಗಳು ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.</p>.<p>‘ಕಾಡಿನ ಹುಲಿಗಳ ಅಸಾಮಾನ್ಯ ಬಣ್ಣ ವಿರೂಪಕ್ಕೆ ಚಿನ್ನದ ಹುಲಿ ಒಂದು ಉದಾಹರಣೆ. ನಿಕಟ ಸಂಬಂಧಿ ಹುಲಿಗಳ ಮಿಲನದಿಂದಾದ ಸಂತಾನೋತ್ಪತ್ತಿಯಿಂದ ಹೀಗಾಗಿರಬಹುದು. ಹುಲಿಗಳ ಆವಾಸಸ್ಥಾನ ನಾಶ ಅಥವಾ ಪರಸ್ಪರ ಸಂಪರ್ಕ ಕಡಿತ ಇದಕ್ಕೆ ಕೆಲವು ಕಾರಣಗಳು. ಇರುವ ಸಂಖ್ಯೆಯಲ್ಲೇ ಸಂತಾನೋತ್ಪತ್ತಿ ನಡೆಯುವುದರಿಂದ ವಂಶವಾಹಿನಿಯಲ್ಲಿ ಈ ರೀತಿಯ ಬದಲಾವಣೆಗಳು ಕಂಡುಬರುತ್ತವೆ’ ಎಂದು ಕಾಜಿರಂಗ ಹುಲಿ ರಕ್ಷಿತಾರಣ್ಯದ ಸಂಶೋಧಕ ಅಧಿಕಾರಿ ರಾಬಿನ್ ಶರ್ಮಾ ತಿಳಿಸಿದ್ದಾರೆ.</p>.<p>ನಿಕಟ ಸಂಬಂಧದಲ್ಲಿಯೇ ಹೆಚ್ಚಿನ ಸಂತಾನೋತ್ಪತ್ತಿ ನಡೆಯುತ್ತಿರುವುದು ಅರಣ್ಯದಲ್ಲಿ ಹುಲಿಯ ಸಂತಾನ ಕಡಿಮೆಯಾಗುತ್ತಿದೆ ಎಂಬುದಕ್ಕೆ ಸೂಚನೆ. ಹಾಗಾಗಿ ಇದು ಕಳವಳಕಾರಿ ಎಂದು ಅವರು ಹೇಳಿದ್ದಾರೆ.</p>.<p>ಹಳದಿ ಮಿಶ್ರಿತ ಚರ್ಮ, ಕಪ್ಪು ಪಟ್ಟೆಗಳು, ಹೊಟ್ಟೆಯ ಭಾಗದಲ್ಲಿ ಬಿಳಿ ಪಟ್ಟೆಗಳು ಕಂಡುಬಂದಿವೆ. 2014ರಲ್ಲಿ ಕ್ಯಾಮರಾದಲ್ಲಿ ಈ ರೀತಿಯ ಹುಲಿಗಳು ಮೊದಲಿಗೆ ಸೆರೆಯಾಗಿದ್ದವು. ಪ್ರತೀ ವರ್ಷ ಇವು ಕ್ಯಾಮರಾ ಕಣ್ಣಿಗೆ ಸಿಗುತ್ತಿವೆ. ಮುಂಬೈ ಮೂಲದ ಛಾಯಾಗ್ರಾಹಕ ಮಯೂರೇಶ್ ಹೆಂದ್ರೆ ಅವರು ಈ ಚಿತ್ರ ಸೆರೆ ಹಿಡಿದಿದ್ದಾರೆ.</p>.<p>ಹುಲಿಯ ಈ ಬಣ್ಣ ಮುಂದಿನ ಸಂತಾನಕ್ಕೆ ವರ್ಗಾವಣೆಯಾಗುತ್ತದೆಯೋ, ಇಲ್ಲವೋ ಎಂಬ ಬಗ್ಗೆ ಸಂಶೋಧನೆ ಆಗಬೇಕಿದೆ ಎಂದು ವನ್ಯಜೀವಿ ಜೀವಶಾಸ್ತ್ರಜ್ಞ ಕಮಲ್ ಆಜಾದ್ ಅಭಿಪ್ರಾಯಪಟ್ಟಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
