ಸುಳ್ಳು ಹೇಳುವುದರಲ್ಲಿ ಮೋದಿ ನಿಸ್ಸೀಮರು: ಮಲ್ಲಿಕಾರ್ಜುನ ಖರ್ಗೆ

ಹರಿಯಾಣ ರಾಜ್ಯದ ಜನರು ಬಿಜೆಪಿಯ ಅಭಿವೃದ್ಧಿ ಆಧಾರಿತ 10 ವರ್ಷ ಮತ್ತು  ಕಾಂಗ್ರೆಸ್‌ನ ಹಗರಣ ಭ್ರಷ್ಟಾಷಾರ ಆಧಾರಿತ 10 ವರ್ಷ– ಇವುಗಳಲ್ಲಿ ಯಾವುದು ಬೇಕು ಎಂದು ಆಯ್ಕೆ ಮಾಡಿಕೊಳ್ಳಬಹುದು ಎಂದು ಬಿಜೆಪಿಯ ಹಿರಿಯ ನಾಯಕ ರವಿಶಂಕರ್ ಪ್ರಸಾದ್‌ ಬುಧವಾರ ಹೇಳಿದರು. ರೋಹ್ಟಕ್‌ನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ಹಲವು ವಿಚಾರಗಳ ಬಗ್ಗೆ ಕಾಂಗ್ರೆಸ್‌ ವಿರುದ್ಧ ಕಿಡಿಕಾರಿದರು. ಹರಿಯಾಣ ಕಾಂಗ್ರೆಸ್‌ ಘಟಕವನ್ನು ಉಲ್ಲೇಖಿಸಿ ‘ಇಲ್ಲಿನ ಕಾಂಗ್ರೆಸ್‌ ಎಂದರೆ ಅದು ಹೂಡಾ ಅವರ ಕಾಂಗ್ರೆಸ್‌.  ರಾಹುಲ್‌ ಗಾಂಧಿ ಅವರೂ ಇಲ್ಲಿಗೆ ಅನುಮತಿ ಪಡೆದೇ ಬರಬೇಕು. ರಾಹುಲ್‌ ಗಾಂಧಿ ಅವರಿಗೆ ಇಲ್ಲಿ ಎಎಪಿ ಜೊತೆ ಮೈತ್ರಿ ಮಾಡಿಕೊಳ್ಳುವ ಇಂಗಿತ ಇತ್ತು. ಆದರೆ ಹೂಡಾ ಅದಕ್ಕೆ ಒಪ್ಪಲಿಲ್ಲ ಎಂದು ಹೇಳಿದರು.

ಈ ಚುನಾವಣೆಯಲ್ಲಿ ಬಿಜೆಪಿಯನ್ನು ಕಿತ್ತೊಗೆಯಿರಿ. ಇದು ದುಷ್ಟತನ, ಅನ್ಯಾಯ, ಅಸತ್ಯ ವಿರುದ್ಧದ ಹೋರಾಟ ಎಂದು ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ ಬುಧವಾರ ಕರೆ ನೀಡಿದರು. ಜುಲಾನಾದಲ್ಲಿ ಸಾರ್ವಜನಿಕ ರ‍್ಯಾಲಿ ಉದ್ದೇಶಿಸಿ ಮಾತನಾಡಿದ ಅವರು, ‘ಆಡಳಿತಾರೂಢ ಪಕ್ಷವು ಪ್ರತಿ ಹಂತದಲ್ಲಿಯೂ ಜನರಿಗೆ ದ್ರೋಹ ಬಗೆದಿದೆ’ ಎಂದು ಹೇಳಿದರು. ‘ನರೇಂದ್ರ ಮೋದಿ ಸರ್ಕಾರವು ಕೈಗಾರಿಕೋದ್ಯಮಿಗಳ ಪರವಾಗಿ ಕೆಲಸ ಮಾಡುತ್ತಿದೆ. ಯುವಜನರಿಗೆ ಉದ್ಯೋಗ ಒದಗಿಸುವಲ್ಲಿ ಕೇಂದ್ರದ ಬಿಜೆಪಿ ಸರ್ಕಾರವು ವಿಫಲವಾಗಿದೆ. ಅದು ಎಲ್ಲವನ್ನೂ ಅಂಬಾನಿ ಮತ್ತು ಅದಾನಿಗೆ ನೀಡುತ್ತಿದೆ’ ಎಂದು ಆರೋಪಿಸಿದರು. ‘ಅಗ್ನಿವೀರರಿಗೆ ಪಿಂಚಣಿ ಸೌಲಭ್ಯ ಇಲ್ಲ. 4 ವರ್ಷ ಸೇವೆ ನಂತರ ಮತ್ತೆ ಅವರು ಉದ್ಯೋಗಕ್ಕೆ ಹುಡುಕಾಟ ನಡೆಸಬೇಕು’ ಎಂದರು.