ಸಂಬಳ ನೀಡಲು ನಕಾರ: ಬೆಂಗಳೂರಿನಿಂದ ಕಾಲ್ನಡಿಗೆಯಲ್ಲಿಯೇ ಒಡಿಶಾ ತಲುಪಿದ ಕಾರ್ಮಿಕರು

ಕೊರಾಪುಟ್, ಒಡಿಶಾ: ಬೆಂಗಳೂರಿಗೆ ಕೆಲಸಕ್ಕೆಂದು ಬಂದಿದ್ದ ಒಡಿಶಾ ಮೂಲದ ಮೂವರು ವಲಸೆ ಕಾರ್ಮಿಕರು 1,000 ಕಿ.ಮೀ.ಗೂ ಹೆಚ್ಚು ದೂರವನ್ನು ಕಾಲ್ನಡಿಗೆ ಮೂಲಕವೇ ಕ್ರಮಿಸಿ ಏಳು ದಿನಗಳಲ್ಲಿ ತಮ್ಮ ಊರಿಗೆ ತಲುಪಿದ್ದಾರೆ.

. ಕಾರ್ಮಿಕರು ತಮ್ಮ ಮನೆಯನ್ನು ಭಾನುವಾರ ತಲುಪಿದ್ದು, ಭೌತಿಕವಾಗಿ ಅವರ ಬಳಿಯಿದ್ದಿದ್ದು ಕೇವಲ ಖಾಲಿ ಜೇಬು ಹಾಗೂ ನೀರಿನ ಬಾಟಲ್ಗಳು; ಮಾನಸಿಕವಾಗಿ ಇದ್ದದ್ದು ಅವರು ಅವರು ಅನುಭವಿಸಿದ ಶೋಷಣೆ, ಪಟ್ಟ ಪರಿಶ್ರಮ ಹಾಗೂ ದಾರಿಯಲ್ಲಿ ಸಹಾಯ ಮಾಡಿದ ಅನಾಮಿಕ ಜನರ ನೆನಪು ಮಾತ್ರ.

. ಹೀಗೆ ಕಾಲ್ನಡಿಗೆ ಮೂಲಕ ಒಡಿಶಾದ ಕೊರಾಪುಟ್ವರೆಗೆ ತಲುಪಿದ್ದು ಕಾಳಹಂದಿ ಜಿಲ್ಲೆಯ ತಿಂಗಳ್ಕನ್ ಗ್ರಾಮದ ನಿವಾಸಿಗಳಾದ ಬುದು ಮಾಝಿ, ಕಟರ್ ಮಾಝಿ ಹಾಗೂ ಭಿಕಾರಿ ಮಾಝಿ.

. ಈ ಮೂವರು ಎರಡು ತಿಂಗಳಿನಿಂದ ಬೆಂಗಳೂರಿನಲ್ಲಿ ಕೆಲಸ ಮಾಡುತ್ತಿದ್ದರು. ಆದರೆ ಅವರ ಮಾಲೀಕ ಸಂಬಳ ನೀಡಲು ನಿರಾಕರಿಸಿದ್ದರಿಂದ ಈ ಮೂವರ ಬಳಿ ಹಣ ಇರಲೇ ಇಲ್ಲವಾದ್ದರಿಂದ ಇಂಥ ಪ್ರಯಾಸಕರ ಪ್ರಯಾಣ ಕೈಗೊಂಡಿದ್ದರು.

. ತಾವು ಉಳಿಸಿಟ್ಟಿದ್ದ ಅಲ್ಪ ಸ್ವಲ್ಪ ಹಣವನ್ನು ಮೂರು ಜನ ಖಾಲಿ ಮಾಡಿದ್ದರು. ಮಾಲೀಕ ಇವರಿಗೆ ಸಂಬಳವನ್ನೂ ನೀಡಿರಲಿಲ್ಲ. ಆದ್ದರಿಂದ ಈ ಕಾರ್ಮಿಕರ ಬಳಿ ಹಣ ಇರಲಿಲ್ಲ. ಮಾರ್ಚ್ 26ರಂದು ಅವರು ನಡೆದುಕೊಂಡೇ ಒಡಿಶಾದತ್ತ ಪ್ರಯಾಣ ಆರಂಭಿಸಿದ್ದರು.

. ಇವರ ಕಷ್ಟವನ್ನು ನೋಡಲಾರದೇ ಕೆಲವು ಅನಾಮಿಕ ದಾರಿಹೋಕರು ತಮ್ಮ ವಾಹನಗಳಲ್ಲಿ ತುಸು ದೂರದವರೆಗೆ ಇವರನ್ನು ಕರೆದೊಯ್ದಿದ್ದಾರೆ. ಹೋಟಲ್ನ ಮಾಲೀಕನೊಬ್ಬ ಇವರಿಗೆ ಉಚಿತವಾಗಿ ಆಹಾರ ನೀಡಿದ್ದಾನೆ. ಪೋತಂಗಿ ಬ್ಲಾಕ್ನ ಒಡಿಶಾ ಮೋಟರಿಸ್ಟ್ ಅಸೋಸಿಯೇಷನ್ನ ಅಧ್ಯಕ್ಷ ಭಗವಾನ್ ಪಾದಲ್ ಈ ಕಾರ್ಮಿಕರಿಗೆ ₹ 1,500 ಸಹಾಯ ಮಾಡಿದ್ದಲ್ಲದೇ, ಕಾಳಹಂದಿ ಬಳಿಯ ನಬರಂಗ್ಪುರದವರೆಗೆ ಹೋಗಲು ವಾಹನ ವ್ಯವಸ್ಥೆ ಮಾಡಿಕೊಟ್ಟಿದ್ದಾರೆ.

. ಬೆಂಗಳೂರಿಗೆ ಬಂದಿದ್ದ 12 ಕಾರ್ಮಿಕರ ಗುಂಪು: ಮಧ್ಯವರ್ತಿಯೊಬ್ಬನ ಸಹಾಯದಿಂದ ಬೆಂಗಳೂರಿನಲ್ಲಿ ಕೆಲಸ ಹುಡುಕಲು ಎರಡು ತಿಂಗಳ ಹಿಂದೆ ಒಡಿಶಾದಿಂದ ಬಂದ ವಲಸೆ ಕಾರ್ಮಿಕರ ಗುಂಪಿನಲ್ಲಿ ಈ ಮೂವರು ಇದ್ದರು. ಬೆಂಗಳೂರಿಗೆ ಬಂದ ತಕ್ಷಣ ಕೆಲಸವೂ ಸಿಕ್ಕಿತ್ತು. ಆದರೆ ಕಾರ್ಮಿಕರು ಎರಡು ತಿಂಗಳು ಕೆಲಸ ಮಾಡಿದರೂ ಇವರ ಮಾಲೀಕ ಸಂಬಳ ನೀಡಲು ನಿರಾಕರಿಸುತ್ತಿದ್ದ.

. ಸಂಬಳ ಕೇಳಿದ್ದಕ್ಕೆ ಹೊಡೆದರು: ತಮ್ಮ ಸಂಬಳ ಕೊಡುವಂತೆ ಮಾಲೀಕರನ್ನು ಕೇಳಿದಾಗ ಅವರು ನಮ್ಮನ್ನು ಹೊಡೆಯುತ್ತಿದ್ದರು. ಕಿರುಕುಳ ಸಹಿಸಲಾರದೇ ಬೆಂಗಳೂರನ್ನು ಬಿಟ್ಟು ಬಂದೆವು’ ಎಂದು ಭಿಕಾರಿ ಮಾಝಿ ಅವರು ಸುದ್ದಿಸಂಸ್ಥೆಗೆ ತಿಳಿಸಿದರು.

. ‘ಕಾಲ್ನಡಿಗೆಯಲ್ಲಿ ಕೊರಾಪುಟ್ ತಲುಪಿದಾಗ ಮೂವರು ವಲಸೆ ಕಾರ್ಮಿಕರ ಸ್ಥಿತಿ ಶೋಚನೀಯವಾಗಿತ್ತು. ನಾವು ಅವರಿಗೆ ಆಹಾರ ನೀಡಿದೆವು. ಸ್ವಲ್ಪ ಹಣವನ್ನು ಸಂಗ್ರಹಿಸಿ ಅವರಿಗೆ ನೀಡಿ, ಅವರನ್ನು ಅವರ ಗ್ರಾಮಕ್ಕೆ ಕಳುಹಿಸುವ ವ್ಯವಸ್ಥೆ ಮಾಡಿದೆವು’ ಎಂದು ಭಗವಾನ್ ಪಾದಲ್ ತಿಳಿಸಿದರು.

. ಈ ಕುರಿತು ಕೋರಾಪುಟ್–ಬೊಲಾಂಗಿರ್–ಕಾಳಹಂಡಿ (ಕೆಬಿಕೆ) ನಿವಾಸಿ, ಕಾಂಗ್ರೆಸ್ ಶಾಸಕ ಸಂತೋಷ್ ಸಿಂಗ್ ಸಲುಜಾ ಪ್ರತಿಕ್ರಿಯಿಸಿದ್ದು, ‘ಈ ಘಟನೆ ವಲಸೆ ಕಾರ್ಮಿಕರ ಸ್ಥಿತಿಗೆ ಹಿಡಿದ ಕನ್ನಡಿಯಾಗಿದೆ. 23 ವರ್ಷದಿಂದ ಅಧಿಕಾರದಲ್ಲಿರುವ ನವೀನ್ ಪಟ್ನಾಯಕ್ ಅವರ ನೇತೃತ್ವದ ಸರ್ಕಾರ ವಿಫಲವಾಗಿದೆ’ ಎಂದಿದ್ದಾರೆ.

. ಒಡಿಶಾ ಪ್ರದೇಶ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷ ಸರತ್ ಪಟ್ನಾಯಕ್ ಅವರು, ‘ಜನರ ಬಗ್ಗೆ ಚಿಂತೆ ಮಾಡುವುನ್ನು ಬಿಟ್ಟು, ಹೂಡಿಕೆ ತರುವ ನೆಪದಲ್ಲಿ ಸರ್ಕಾರವು ಅಧಿಕಾರಿಗಳನ್ನು ಹಾಗೂ ರಾಜಕಾರಣಿಗಳನ್ನು ಜಪಾನ್ಗೆ ಕಳುಹಿಸಲು ಹಣ ವ್ಯಯಿಸುತ್ತಿದೆ’ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

. ಪ್ರಸ್ತುತ ಒಡಿಶಾ ಮುಖ್ಯಮಂತ್ರಿ ಅವರು ಜಪಾನ್ ಪ್ರವಾಸದಲ್ಲಿದ್ದಾರೆ. ಕಾರ್ಮಿಕರ ಘಟನೆ ಕುರಿತು ಮಾತನಾಡಲು ಒಡಿಶಾದ ಕಾರ್ಮಿಕ ಸಚಿವ ಶ್ರೀಕಾಂತ್ ಸಾಹು ಹಾಗೂ ಕಾರ್ಮಿಕ ಆಯುಕ್ತ ಎನ್. ತಿರುಮಲ ಅವರಿಗೆ ಸುದ್ದಿಸಂಸ್ಥೆಯಿಂದ ಕರೆ ಮಾಡಲಾಯಿತು ಹಾಗೂ ಸಂದೇಶ ಕಳುಹಿಸಲಾಯಿತು. ಆದರೆ ಈ ಕುರಿತು ಅವರು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಂಬಳ ನೀಡಲು ನಕಾರ: ಬೆಂಗಳೂರಿನಿಂದ ಕಾಲ್ನಡಿಗೆಯಲ್ಲಿಯೇ ಒಡಿಶಾ ತಲುಪಿದ ಕಾರ್ಮಿಕರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಚಿನಕುರುಳಿ | ಬುಧವಾರ, ನವೆಂಬರ್ 20 2024

Aus Vs IND Test: 24ರಂದು ಪರ್ತ್ ತಲುಪಲಿರುವ ರೋಹಿತ್ ಶರ್ಮಾ

ಚೀನಾ ಮಾಸ್ಟರ್ಸ್‌ ಬ್ಯಾಡ್ಮಿಂಟನ್: ಲಕ್ಷ್ಯ ಸೇನ್‌ ಕ್ವಾರ್ಟರ್‌ಗೆ

ಬಾಬಾ ಕೀ ಜೈ ಹೋ... ಮಾಂಜ್ರೇಕರ್‌ಗೆ ಮೊಹಮ್ಮದ್ ಶಮಿ ಮಾತಿನ ‘ತಿವಿತ’

IND vs AUS | ಮೊದಲ ಟೆಸ್ಟ್‌ಗೆ ಆಡುವ 11ರ ಬಳಗ ಅಂತಿಮಗೊಳಿಸಲಾಗಿದೆ: ಬೂಮ್ರಾ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

ದಿನ ಭವಿಷ್ಯ: ಈ ರಾಶಿಯವರು ಉಪಕಾರ ಮಾಡದಿದ್ದರೂ ಕೆಡುಕು ಬಯಸದಿರಿ

ಚಿನಕುರುಳಿ | ಬುಧವಾರ, ನವೆಂಬರ್ 20 2024