<p><strong>ನವದೆಹಲಿ:</strong> ಕ್ಷಯದಿಂದಾಗಿ ಭಾರತದಲ್ಲಿ ಪ್ರತಿ ವರ್ಷ ಸಂಭವಿಸುವ ಮರಣ ಪ್ರಮಾಣದಲ್ಲಿ ಶೇ 20–40ರಷ್ಟು ಇಳಿಕೆಯಾಗಲಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್ಒ ) ಅಂದಾಜಿಸಿದೆ. </p>.<p>ದೇಶದಲ್ಲಿ ಸಂಭವಿಸುತ್ತಿರುವ ಸಾವು ಹಾಗೂ ಅದಕ್ಕೆ ಕಾರಣಗಳಿಗೆ ಸಂಬಂಧಿಸಿ ಕೇಂದ್ರ ಸರ್ಕಾರ ತನ್ನೊಂದಿಗೆ ಹಂಚಿಕೊಂಡಿರುವ ಹೊಸ ವರದಿಗಳು ಈ ಅಂದಾಜಿಗೆ ಕಾರಣ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.</p>.<p>ಸಂಸ್ಥೆಯು ಬಿಡುಗಡೆ ಮಾಡಿರುವ ‘ಜಾಗತಿಕ ಕ್ಷಯ ವರದಿ, 2023’ರಲ್ಲಿರುವ ಹೊಸ ದತ್ತಾಂಶಗಳ ಪ್ರಕಾರ. ಭಾರತದಲ್ಲಿ ಕ್ಷಯದಿಂದಾಗಿ ಸಂಭವಿಸುವ ಸಾವಿನಲ್ಲಿ ಇಳಿಕೆಯಾಗಿರುವ ಕುರಿತ ಮಾಹಿತಿ ಇದೆ.</p>.<p>‘ಜಾಗತಿಕ ಕ್ಷಯ ವರದಿ’ಯ 2021 ಹಾಗೂ 2022ರ ಆವೃತ್ತಿಗಳಲ್ಲಿ, ಭಾರತದಲ್ಲಿ ಕ್ಷಯ ಸಂಬಂಧಿತ ವಾರ್ಷಿಕ ಸಾವಿನ ಸಂಖ್ಯೆ 5 ಲಕ್ಷ ದಾಟಬಹುದು ಎಂದು ಅಂದಾಜಿಸಲಾಗಿತ್ತು. ಆದರೆ, ಹೊಸ ದತ್ತಾಂಶಗಳನ್ನು ಆಧರಿಸಿದ ಸಿದ್ಧಪಡಿಸಿರುವ ಪ್ರಸಕ್ತ ವರ್ಷದ ವರದಿಯಲ್ಲಿ 2020 ಹಾಗೂ 2021ರಲ್ಲಿ ಸಾವಿನ ಪ್ರಮಾಣ 2.5 ಲಕ್ಷದಿಂದ 4 ಲಕ್ಷ ಇತ್ತು ಎಂದು ವಿವರಿಸಲಾಗಿದೆ.</p>.<p>‘2013ರ ವರೆಗೆ ಮಾದರಿ ನೋಂದಣಿ ವ್ಯವಸ್ಥೆ (ಎಸ್ಆರ್ಎಸ್)ಯಡಿ ಲಭ್ಯವಿದ್ದ ದತ್ತಾಂಶವನ್ನು ಭಾರತ ಒದಗಿಸಿತ್ತು. ಈ ದತ್ತಾಂಶವನ್ನು ಆಧರಿಸಿ ಈ ಹಿಂದಿನ ವರದಿಗಳನ್ನು ಪ್ರಕಟಿಸಲಾಗಿತ್ತು’ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಜಾಗತಿಕ ಕ್ಷಯ ನಿರ್ಮೂಲನಾ ಕಾರ್ಯಕ್ರಮದ ನಿರ್ದೇಶಕಿ ತೆರೆಜಾ ಕಸೇವಾ ಹೇಳಿದ್ದಾರೆ.</p>.<p>‘ಕ್ಷಯ ಪ್ರಕರಣಗಳು ಹಾಗೂ ಕಾಯಿಲೆಯಿಂದ ಸಂಭವಿಸುವ ಸಾವಿನ ಪ್ರಮಾಣ ನಿಯಂತ್ರಿಸುವ ನಿಟ್ಟಿನಲ್ಲಿ ಭಾರತ ಕೈಗೊಂಡ ಪ್ರಯತ್ನಗಳನ್ನು ವಿಶ್ವ ಆರೋಗ್ಯ ಸಂಸ್ಥೆ ಗುರುತಿಸಿದೆ’ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಪ್ರತಿಕ್ರಿಯಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಕ್ಷಯದಿಂದಾಗಿ ಭಾರತದಲ್ಲಿ ಪ್ರತಿ ವರ್ಷ ಸಂಭವಿಸುವ ಮರಣ ಪ್ರಮಾಣದಲ್ಲಿ ಶೇ 20–40ರಷ್ಟು ಇಳಿಕೆಯಾಗಲಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್ಒ ) ಅಂದಾಜಿಸಿದೆ. </p>.<p>ದೇಶದಲ್ಲಿ ಸಂಭವಿಸುತ್ತಿರುವ ಸಾವು ಹಾಗೂ ಅದಕ್ಕೆ ಕಾರಣಗಳಿಗೆ ಸಂಬಂಧಿಸಿ ಕೇಂದ್ರ ಸರ್ಕಾರ ತನ್ನೊಂದಿಗೆ ಹಂಚಿಕೊಂಡಿರುವ ಹೊಸ ವರದಿಗಳು ಈ ಅಂದಾಜಿಗೆ ಕಾರಣ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ.</p>.<p>ಸಂಸ್ಥೆಯು ಬಿಡುಗಡೆ ಮಾಡಿರುವ ‘ಜಾಗತಿಕ ಕ್ಷಯ ವರದಿ, 2023’ರಲ್ಲಿರುವ ಹೊಸ ದತ್ತಾಂಶಗಳ ಪ್ರಕಾರ. ಭಾರತದಲ್ಲಿ ಕ್ಷಯದಿಂದಾಗಿ ಸಂಭವಿಸುವ ಸಾವಿನಲ್ಲಿ ಇಳಿಕೆಯಾಗಿರುವ ಕುರಿತ ಮಾಹಿತಿ ಇದೆ.</p>.<p>‘ಜಾಗತಿಕ ಕ್ಷಯ ವರದಿ’ಯ 2021 ಹಾಗೂ 2022ರ ಆವೃತ್ತಿಗಳಲ್ಲಿ, ಭಾರತದಲ್ಲಿ ಕ್ಷಯ ಸಂಬಂಧಿತ ವಾರ್ಷಿಕ ಸಾವಿನ ಸಂಖ್ಯೆ 5 ಲಕ್ಷ ದಾಟಬಹುದು ಎಂದು ಅಂದಾಜಿಸಲಾಗಿತ್ತು. ಆದರೆ, ಹೊಸ ದತ್ತಾಂಶಗಳನ್ನು ಆಧರಿಸಿದ ಸಿದ್ಧಪಡಿಸಿರುವ ಪ್ರಸಕ್ತ ವರ್ಷದ ವರದಿಯಲ್ಲಿ 2020 ಹಾಗೂ 2021ರಲ್ಲಿ ಸಾವಿನ ಪ್ರಮಾಣ 2.5 ಲಕ್ಷದಿಂದ 4 ಲಕ್ಷ ಇತ್ತು ಎಂದು ವಿವರಿಸಲಾಗಿದೆ.</p>.<p>‘2013ರ ವರೆಗೆ ಮಾದರಿ ನೋಂದಣಿ ವ್ಯವಸ್ಥೆ (ಎಸ್ಆರ್ಎಸ್)ಯಡಿ ಲಭ್ಯವಿದ್ದ ದತ್ತಾಂಶವನ್ನು ಭಾರತ ಒದಗಿಸಿತ್ತು. ಈ ದತ್ತಾಂಶವನ್ನು ಆಧರಿಸಿ ಈ ಹಿಂದಿನ ವರದಿಗಳನ್ನು ಪ್ರಕಟಿಸಲಾಗಿತ್ತು’ ಎಂದು ವಿಶ್ವ ಆರೋಗ್ಯ ಸಂಸ್ಥೆಯ ಜಾಗತಿಕ ಕ್ಷಯ ನಿರ್ಮೂಲನಾ ಕಾರ್ಯಕ್ರಮದ ನಿರ್ದೇಶಕಿ ತೆರೆಜಾ ಕಸೇವಾ ಹೇಳಿದ್ದಾರೆ.</p>.<p>‘ಕ್ಷಯ ಪ್ರಕರಣಗಳು ಹಾಗೂ ಕಾಯಿಲೆಯಿಂದ ಸಂಭವಿಸುವ ಸಾವಿನ ಪ್ರಮಾಣ ನಿಯಂತ್ರಿಸುವ ನಿಟ್ಟಿನಲ್ಲಿ ಭಾರತ ಕೈಗೊಂಡ ಪ್ರಯತ್ನಗಳನ್ನು ವಿಶ್ವ ಆರೋಗ್ಯ ಸಂಸ್ಥೆ ಗುರುತಿಸಿದೆ’ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಪ್ರತಿಕ್ರಿಯಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
