ಅಮ್ಮನ ನೆನಪುಗಳು ಮೊಬೈಲ್‌ನಲ್ಲಿವೆ, ಕೊಡಿ ಪ್ಲೀಸ್‌: ಜಿಲ್ಲಾಧಿಕಾರಿಗೆ ಬಾಲಕಿ ಮನವಿ

ಮಡಿಕೇರಿ / ಕುಶಾಲನಗರ: ‘ತಾಯಿಯೊಂದಿಗೆ ನನ್ನ ಒಡನಾಟದ ಚಿತ್ರಗಳು, ಆಕೆಯೊಂದಿಗೆ ಆಟವಾಡಿದ್ದ ದೃಶ್ಯಗಳು, ಆಕೆಯ ಸವಿ ನೆನಪುಗಳು ಮೊಬೈಲ್ನಲ್ಲಿವೆ. ತಾಯಿಯ ನೆನಪಿಗಾಗಿ ಉಳಿದಿರುವುದು ಅದೊಂದೆ. ದಯವಿಟ್ಟು ಮೊಬೈಲ್ ಹುಡುಕಿಕೊಡಿ...’

. ಹೀಗೆಂದು ಕೊಡಗು ಜಿಲ್ಲಾಧಿಕಾರಿ ಚಾರುಲತಾ ಸೋಮಲ್ಗೆ ಕೋವಿಡ್ನಿಂದ ತಾಯಿ ಕಳೆದುಕೊಂಡಿರುವ ಬಾಲಕಿಯೊಬ್ಬಳು ಪತ್ರ ಬರೆದು ಅಂಗಲಾಚಿದ್ದಾಳೆ. ಇದು ಎಲ್ಲರ ಮನ ಕಲಕುವಂತೆ ಮಾಡಿದೆ. ಬಾಲಕಿಯ ನೋವು ಕೇಳಿದವರು ಕಣ್ಣೀರು ಹಾಕುವಂತಾಗಿದೆ.

. ಕುಶಾಲನಗರ ಬಳಿಯ ಗುಮ್ಮನಕೊಲ್ಲಿ ಗ್ರಾಮದ ಬಸಪ್ಪ ಬಡಾವಣೆಯ ಹೃತಿಕ್ಷಾ ಎಂಬ ಬಾಲಕಿ ಪತ್ರ ಬರೆದಿದ್ದು, ‘15 ದಿನಗಳ ಹಿಂದೆ ತಂದೆ, ತಾಯಿ ಹಾಗೂ ನನಗೆ ಕೊರೊನಾ ಪಾಸಿಟಿವ್ ಆಗಿತ್ತು. ತಾಯಿಗೆ ಕಾಯಿಲೆ ತೀವ್ರವಾದ್ದರಿಂದ ಮಡಿಕೇರಿಯಲ್ಲಿರುವ ಜಿಲ್ಲಾ ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ತಾಯಿಯನ್ನು ಕೊರೊನಾ ಬಲಿ ತೆಗೆದುಕೊಂಡಿತು. ಆದರೆ, ತಾಯಿಯ ಹತ್ತಿರವಿದ್ದ ಮೊಬೈಲ್ ಕಾಣೆಯಾಗಿದೆ. ಈ ಮೊಬೈಲ್ನಲ್ಲಿ ತಾಯಿಯೊಂದಿಗಿನ ಒಡನಾಟದ ಚಿತ್ರಗಳು ಹಾಗೂ ವಿಡಿಯೊಗಳಿವೆ. ತಾಯಿ ಮೃತಪಟ್ಟ ಮೇಲೆ ಆ ಮೊಬೈಲ್ ಸಿಕ್ಕಿಲ್ಲ. ಕಳೆದು ಹೋದ ಮೊಬೈಲ್ ಹುಡುಕಿಕೊಡಿ...’ ಎಂದು ಜಿಲ್ಲಾಧಿಕಾರಿ, ಆರೋಗ್ಯ ಇಲಾಖೆ ಹಾಗೂ ಪೊಲೀಸ್ ಇಲಾಖೆಗೆ ಬಾಲಕಿ ಮನವಿ ಮಾಡಿದ್ದಾಳೆ.

. ‘ನಾನು ಹಾಗೂ ಅಪ್ಪ ಹೋಂ ಕ್ವಾರಂಟೈನ್ನಲ್ಲಿ ಇದ್ದೇವೆ. ಹೊರಗೆ ಬರಲಾಗದ ಸ್ಥಿತಿಯಿದೆ. ತಂದೆ ದಿನಗೂಲಿ ನೌಕರರಾಗಿದ್ದು, ಅಕ್ಕಪಕ್ಕದವರ ಸಹಾಯದಿಂದ ಇಷ್ಟುದಿನ ಕಳೆದಿದ್ದೇವೆ. ನಮ್ಮ ತಾಯಿ ಮೃತಪಟ್ಟ ಬಳಿಕ ಅವರ ಬಳಿಯಿದ್ದ ಮೊಬೈಲ್ ಅನ್ನು ಯಾರೋ ತೆಗೆದುಕೊಂಡಿದ್ದಾರೆ. ನಾನು ತಾಯಿ ಕಳೆದುಕೊಂಡು ತಬ್ಬಲಿಯಾಗಿದ್ದೇನೆ. ಆಕೆಯ ನೆನಪುಗಳು ಆ ಮೊಬೈಲ್ನಲ್ಲಿವೆ. ಯಾರಾದರೂ ಮೊಬೈಲ್ ತೆಗೆದುಕೊಂಡಿದ್ದರೆ ಅಥವಾ ಸಿಕ್ಕಿದ್ದರೆ ಮೊಬೈಲ್ ತಂದು ಕೊಡಿ ಪ್ಲೀಸ್’ ಎಂದು ಆಕೆ ಮನವಿ ಮಾಡಿದ್ದಾಳೆ. ಈ ಪತ್ರವು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

. ಜಿಲ್ಲಾಡಳಿತದ ಸ್ಪಂದನೆ ಆಕೆ, ಭಾವನಾತ್ಮವಾಗಿ ಬರೆದಿರುವ ಪತ್ರವು ಅಧಿಕಾರಿಗಳ ಕಣ್ಣಲ್ಲೂ ನೀರು ತರಿಸಿದೆ. ಬಾಲಕಿಯ ಮನವಿಗೆ ಕೊಡಗು ಜಿಲ್ಲಾಡಳಿತವು ಸ್ಪಂದಿಸಿದ್ದು, ಮೊಬೈಲ್ ಹುಡುಕಿಕೊಡುವಂತೆ ನಗರ ಠಾಣೆ ಪೊಲೀಸರಿಗೆ ಸೂಚನೆ ನೀಡಿದೆ. ಪೊಲೀಸರು ಮೊಬೈಲ್ ಪತ್ತೆ ಕಾರ್ಯದಲ್ಲಿ ತೊಡಗಿದ್ದಾರೆ.

. ***

. ಆಸ್ಪತ್ರೆಯಲ್ಲಿ ಮೃತಪಟ್ಟವರಿಗೆ ಸಂಬಂಧಿಸಿದ ವಸ್ತುಗಳಿದ್ದರೆ ಪ್ಯಾಕ್ ಮಾಡಿ ಕೊಡುತ್ತೇವೆ. ಆದರೆ, ಕೆಲವರು ಇನ್ನೂ ವಸ್ತುಗಳನ್ನು ಪಡೆದುಕೊಂಡಿಲ್ಲ. ಸುಮಾರು 10 ಮೊಬೈಲ್ಗಳಿವೆ. ಅದರಲ್ಲಿ ಬಾಲಕಿಗೆ ಸಂಬಂಧಿಸಿದ ಮೊಬೈಲ್ ಇದ್ದರೆ ಪರಿಶೀಲಿಸಿ ನೀಡುತ್ತೇವೆ. -ಡಾ.ಕುಶ್ವಂತ್ ಕೋಳಿಬೈಲ್, ವೈದ್ಯ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಮ್ಮನ ನೆನಪುಗಳು ಮೊಬೈಲ್‌ನಲ್ಲಿವೆ, ಕೊಡಿ ಪ್ಲೀಸ್‌: ಜಿಲ್ಲಾಧಿಕಾರಿಗೆ ಬಾಲಕಿ ಮನವಿ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ